March 15, 2016

လွတ်လပ်ခြင်းကို ပြစ်ဒဏ်အဖြစ် ခံစားနေကြရသူများ



လုံခြုံရေးအိတ်တစ်လုံးကိုင်ရင်း အခန်းထဲကို ကလယ်ဝင်လာတယ်။ လုံခြုံရေးအိတ်ဆိုတာက သူ့နည်းသူ့ဟန်နဲ့ ဖွင့်ရတဲ့အိတ်။ ဓာတ်မှန်ရိုက်လို့မရတဲ့အိတ်။ နောက်ထပ်ဘာတွေလုပ်လို့မရမှန်းတော့မသိဘူး။  ဒီကိစ္စက ကလယ်ပဲ သိတယ်။ သူက အဖွဲ့ရဲ့အတွင်းရေးမှူး။ သူ့အလုပ်နဲ့ ကျွန်တော်တို့အလုပ်က တခြားစီ။ ကျွန်တော်တို့လုပ်ငန်းမှာတော့ သူမရှိရင် မဖြစ်ဘူး။  သူ ခွင့်သွားတဲ့အခါ သူ့လိုမျိုးအတွေ့အကြုံနဲ့ လူစားရဖို့အတော်ရှာရတယ်။ ဒီထက် ပိုဆိုးတာက သူ့လို နိုင်ငံတကာလုံခြုံရေးစနစ်ရဲ့ ထိပ်တန်းကင်းလွတ်ခွင့်တချို့ရထားတဲ့ လူမျိုးဖြစ်ဖို့လိုတာ။
          ကော်ဖီခွက်တွေ တင်ထားတဲ့ စားပွဲပေါ် လုံခြုံရေးအိတ်ချလိုက်တာကို ကျွန်တော်တို့အားလုံးကြည့်နေမိတယ်။ အဲဒီအိတ်နဲ့အတူ သီခြားပါလာတဲ့စာအိတ်ကိုဖွင့်ပြီး ကလယ်က ဖတ်နေတယ်။ ဒီစာအိတ်ဟာ လုံခြုံရေးအိတ်ကိုဖွင့်ဖို့ လမ်းညွှန်ပဲဖြစ်မယ်။ နည်းလမ်းတွေကတော့ အမျိုးမျိုးပဲ။ တစ်နိုင်ငံ ဒါမှမဟူတ် အဖွဲ့အစည်းတစ်ခုခုတိုင်းမှာ သူ့နည်းသူ့ဟန်နဲ့ချည်းပဲ။ အီလက်ထရွန်နစ်နည်းပညာတိုးတက်မှုမှာ အခြေခံတာချည်းပဲ။ ကျွန်တော်တို့ကတော့ မသိဘူး။ ကလယ်ကတော့ မသိလို့မဖြစ်ဘူး။ ဒါက သူ့အလုပ်။ နောက်တော့ ဟိုဟာနှိပ် ဒီဟာနှိပ်လုပ်ရင်း အိတ်ပွင့်သွားတယ်။ ကျွန်တော်တို့က ဝိုင်းပြီး လက်ခုပ်တီးလိုက်ကြတယ်။ အိတ်ထဲက ချိတ်ပိတ်ထားတဲ့ အိတ်ကလေးတွေ ထွက်လာပြန်တယ်။ ကျွန်တော်တို့ကို ကြည့်လိုက်ရင်း ဘာမှမပြောပဲ ခေါင်းခါလိုက်ယ်။ နောက်တော့ အိတ်ကလေးတွေပေါ်က နံပါတ်တွေကြည့်ပြီး ကျွန်တော်တို့ရှေ့ဆီ တွန်းပို့လိုက်တယ်။ မာရီယိုက အရင်ဆုံး ကောက်ယူလိုက်ပြီး အိတ်ကို ကြည့်လိုက်တယ်။။ ငါ့အိတ်သေချာရဲ့လား ကလယ်လို့ ကလယ့်ကို လှမ်းကြည့်ရင်း နေးလိုက်တယ်။ ကလယ်က ခေါင်းညိတ်ပြရင်း လုံခြုံရေးအိတ်ထဲမှာ ပါလာတဲ့ အနီရောင်နှုတ်ခမ်းသားနဲ့ စာအိတ်ကို ဖွင့်ဖတ်နေတယ်။ ငါ့အိတ်ဆိုတာ သေချာရဲ့လား။ အိတ်ပေါ်မှာ ငါ့နာမည်မပါဘူး။ နံပါတ်တွေပဲ ပါတယ်လို့ မာရီယိုက ထပ်ပြောတယ်။ ကလယ်ကတော့ ခေါင်းပဲ ညိတ်ပြရင်း စာအိတ်ထဲက စာကို ဖတ်နေတယ်။ နောက်တော့မှာ အဲဒါ နင့်နံပါတ်၊ ဒီကလုံခြုံရေးအတွက် ငါပေးထားတဲ့ နံပါတ်တွေလို့ ပြောတယ်။ တချက်ကလေးပဲ မော့ကြည့်ပြီး စာကို ဆက်ဖတ်နေတယ်။ ငါ့နံပါတ်က ငါတောင် မသိလိုက်ရပါလားလို့ မာရီယိုက ထပ်ပြောပြန်တယ်။ ကလယ်က ဖတ်နေတဲ့စာရွက်ကို အသာချပြီး မော့ကြည့်လိုက်ရင်း ဒီကိစ္စက နင် သိစရာမလိုဘူး။ ငါပဲ သိစရာလိုတယ်။ ငါ့အလုပ်လို့ပြောပြီး စာကို ဆက်ဖတ်မယ်လို့ လုပ်ရင်း အီတာလျံတွေက လျှာရှည်တယ်ဆိုတာ ဟုတ်တာပဲလို့ ပြောပြီး သူ့ဘာသာ ပြုံးတယ်။ နောက်တော့ စာကို ဆက်ဖတ်နေတယ်။ ကျွန်တော်တို့လည်း ပြုံးမိတယ်။ မာရီယိုကတော့ ရယ်လိုက်ရင်း အေး၊ ဟုတ်သားပဲလို့ ပြောတယ်။ တခြားတော့မဟုတ်ဘူး။ ကလယ် ကိုယ်တိုင်က အီတာလျံကပြား။ အဖေက အီတာလျံအစစ်။
          လျူးကတော့ သူ့အတွက် စာအိတ်ကို စားပွဲပေါ်ကို ပစ်ချလိုက်ပြီး ထိုင်ရာက ထတယ်။ ကျွန်တော်တို့က သူ့ကို ကြည့်လိုက်တော့ ပါးစပ်က ဘာမှမပြောဘဲ လက်က ဓားသွားယူဦးမယ်ဆိုတဲ့ သဘောနဲ့ ပြတယ်။ တစ်ယောက်ချင်းစီအတွက် အိတ်ကလေးတွေဖွင့်ဖို့ ဓားလိုတယ်။ ထောင့်ကို ဓားနဲ့လှီးဖြတ်လိုက်ပြီးမှ အထဲက ကြိုးစလေးကို ဆွဲထုတ်လိုက်ရင် အိတ်နှုတ်ခမ်းကို ကြိုးက ဖြတ်ထုတ်လိုက်တယ်။ ဒီလိုမှ အိတ်က ပွင့်သွားတယ်။ အဲဒီအိတ်မျိုးက ကျွန်တော်တို့ ကြုံဖူးတယ်။  ဆွစ်လုံခြုံရေးကုမ္ပဏီတစ်ခုက ထွင်ထားတာ။ ဒီအိတ်ကို သုံးတယ်ဆိုတာနဲ့ ဒီကလူတွေမှာ ဆွစ်လုံခြုံရေးနဲ့ အဆက်အသွယ်ရှိတယ်ဆိုတာ ပေါ်တာပဲ။ ဒါပေမယ့် အပြင်ကအိတ်ကြီးက တခြားက လုပ်တာ။ မာရီယိုကတော့ သူ့လက်နဲ့ အိတ်ကို ဆွဲဖြဲကြည့်နေသေးတယ်။ နောက်တော့ လက်လျှော့လိုက်ပုံရတယ်။ ကျွန်တော်တို့ကိုလှမ်းကြည့်ရင်း ပုခုံးတွန့်ပြတော့ အေဒရီယံက အရူးပဲလို့ လှမ်းပြောလိုက်တယ်။ မာရီယိုက လက်ခံတဲ့သဘောနဲ့ ခေါင်းညိတ်ပြတယ်။ သူက ကျွန်တော်တို့နဲ့ လာပြီး အလုပ်လုပ်တာ သိပ်မကြာလှသေးဘူး။ တစ်နှစ်သာသာပဲ ရှိဦးမယ်။ အခုလို လုံခြုံရေးအရ သိပ်ကျပ်တဲ့နေရာတွေကို မရောက်ဖူးသေးဘူး။ သူက လူရဲ့စရိုက်၊ အပြုအမူပြောပုံဆိုပုံ စတာတွေကို လေ့လာအကဲဖြတ်ရာမှာ သိပ်တော်တယ်။ သူ့အဖေကိုယ်တိုင်က ဒေါက်တာအက်(က)မင်ဆီမှာ တပည့်ခံလာတဲ့လူ။ သူကိုယ်တိုင်ကလည်း စိတ်ပညာနဲ့ ပီအိပ်ခ်ျဒီရထားတဲ့လူ။ သူ့အဖေဆီက နည်းပညာတွေ အများကြီးရထားတယ်။ မာရီယိုရဲ့ အဓိကပြဿနာတစ်ခုက စည်းကမ်းသိပ်မရှိဘူး။ အဲဒီအထဲမှာ အဝတ်အစားနဲ့ အစားအသောက်ဟာ အဓိကပဲ။ တချို့အစည်းအဝေးတွေမှာ သူလိုက်ဖို့လိုရင် ကလယ်ကပဲ အဝတ်အစားဆင်ရတယ်။ ဒါကြောင့် ကလယ်ကို နောက်ပြီး အမေလို့ခေါ်လေ့ရှိတယ်။ အစားအသောက်နဲ့ ပတ်သတ်လို့တော့ ဘယ်လောက်ကောင်းတဲ့ဟိုတယ်ကြီးမှာနေနေ မာရီယိုဘဝင်မကျဘူး။ ဘယ်အရပ်၊ ဘယ်ဒေသပဲ ရောက်ရောက် လမ်းဘေးဆိုင်၊ လမ်းကြားထဲက ဆိုင်လိုမျိုးမှာ သွားပြီး စားသောက်နေရမှ။ ကျွန်တော်တို့မှာ ရေးသားမထားပေတဲ့ လက်ခံထားတဲ့မူက အလုပ်ကိစ္စမပြီးမချင်း အရက်မသောက်ကြရဘူး။ အပြင်ထွက်မစားကြဘူး။ ဒီလိုအခါမျိုးမှာတော့ မာရီယိုက မူကို မဖောက်ဖျက်ပေတဲ့လည်း အတော့်ကို သည်းခံနေရပုံပဲ။ ဒီကောင်က ကလေးကြီးပဲလို့ ကလယ်က ပြောလေ့ရှိတယ်။
          ခုလည်း ကျွန်တော်တို့ ဘယ်မှမထွက်နိုင်သေးဘူး။ ဒီဝင်းထဲမှာတော့ လမ်းလျှောက်ပြီး သွားချင်ရာသွားလို့ရတယ်။ ခုနက ကလယ်ဖောက်လိုက်တဲ့အိတ်ထဲမှာ ပါလာတဲ့ အပြာရောင်ကြိုးတပ်ထားတဲ့ ကတ်ပြားကို လည်ပင်းမှာ ချိတ်ပြီး လျှောက်သွားနိုင်သတဲ့။ လျှောက်သွားဖို့ ဆိုတာကလည်း ကျွန်တော်တို့ရောက်နေတာ လေတပ်တစ်ခုရဲ့လေယာဉ်ကွင်း။ မနေ့ညက ဒီလေယာဉ်ကွင်းကို ရောက်ကြတယ်။ ရှစ်ယောက်၊ ဆယ်ယောက်စီကားနဲ့ လာကြိုကြတယ်။ ကားမှန်က အထဲကို မမြင်ရတဲ့မှန်မျိုး။ လာကြိုတဲ့ ဗိုလ်မှူးကြီးကတော့ ကျွန်တော်တို့နဲ့ သိပြီးသား။ ပရင်စတန်တက္ကသိုလ်ထွက်။ သူတို့လူမျိုးရဲ့ အသံထွက်မပါဘဲ အင်္ဂလိပ်လို ပြောနိုင်တဲ့လူ။ ကျွန်တော်တို့နဲ့ အတော့်ကို ပွင့်ပွင့်လင်းလင်းပြောနိုင်တဲ့လူ။  ပြောခွင့်ရှိတဲ့လူ။ သူနဲ့ကျွန်တော်နဲ့က ပုဂ္ဂိုလ်ရေးအရအတော်ခင်တယ်။ အဖေရှိကတည်းက သူ့မိသားနဲ့ ခင်ကြတာ။ သူက မြို့တော်ကြီးကနေလာတာ။ တွေ့တွေ့ချင်း ကျွန်တော်က မင်းဒီလာတာ အိမ်တော်ကြီးက သိသလားလို့မေးတော့ ငါ ဘာမှမသိဘူး။ မင်းတို့လာမယ်။ အဲဒီကို မင်းသွား၊ လိုအပ်တာ စီစဉ်ပေး။ မင်းလည်း အဲဒီမှာနေဆိုတဲ့အမိန့် မနက်ကမှ ရတာ။ ခုဟာက ဘာမှန်းကို မသိဘူး။ အိမ်တော်ကြီးကလည်း သိမယ်မထင်ဘူး။ အိမ်တော်ကြီးက လာတဲ့အမိန့်ဆိုရင် တစ်မျိုးလို့ သူက ပြန်ဖြေတယ်။ အိမ်တော်ကြီးဆိုတာ သူတို့ တိုင်းပြည်က မြေရှိသမျှကို ပိုင်တဲ့လူတွေ နေတဲ့နေရာ။ ဗိုလ်မှူးကြီးက အနားကပ်ပြီး အသံခပ်တိုးတိုးနဲ့ မေးတယ်။ မင်းတို့ရော ဘာကိစ္စနဲ့လာတာလဲ။ သိထားရင် ငါ့လည်း နည်းနည်းလောက် ပြောထားပါ။ တို့ဆီမှာ ရှုပ်နေတာတော့ အမှန်ပဲ။ တပ်နဲ့တော့ မဆိုင်ဘူး။ ဒါပေတဲ့ အစည်းအဝေးလုပ်မှာ ဆိုတော့လည်း ငါ မစဉ်းစားတတ်ဘူး။ ဟိုတစ်ခေါက်က ဒီမှာ အစည်းအဝေးလုပ်တာကတော့ တပ်က ပါနေလို့။ မင်းတို့လည်း ရှိနေတာပဲလို့ ပြောတယ်။ ငါတို့လည်း မျက်စိပိတ်နားပိတ်ပဲလို့ အေဒရီယံက ဝင်ပြောတယ်။ ဗိုလ်မှူးကြီးက သူ့ဘာသာခေါင်းခါနေတယ်။ စိတ်ချမ်းသာပုံမရဘူး။ သူကိုယ်တိုင်က အိမ်တော်ကြီးကို တိုက်ရိုက် ဝင်ထွက်သွားလာနိုင်တယ်။ သူ့အဖေကိုယ်တိုင်ကလည်း ဗိုလ်ချုပ်ကြီးဖြစ်ခဲ့ဖူးတယ်။ ခုတော့ အနားယူသွားပြီ။
          ဗိုလ်မှူးကြီးကတော့ တစ်ခုခုကို သတိရသွားပုံပဲ ပြုံးပြလိုက်ရင်း မင်းဖို့ မာလကာသီးတွေပါတယ်။ ဒီကိုမလာခင် အဖေ့ကို သွားကန်တော့တော့ အဖေက မင်းအတွက် သူ့ခြံထဲက မာလကာသီးတွေ ခူးပေးလိုက်တယ်လို့ပြောရင်း သူ့ဘာသာရယ်နေတယ်။ အဖေကပြောဖူးတယ်။ မာလကာသီးဆိုတာကို အနောက်တိုင်းသားတွေက လူဆင်းရဲတွေရဲ့ ပန်းသီး Apple of the poor လို့ခေါ်တာ။ ဒီကောင့်ကျခါမှ ပန်းသီးစားနိုင်လျက်ကနဲ့ မာလကာသီးကို ဘာလို့ကြိုက်တယ်ဆိုတာ ငါ စဉ်းစားလို့မရဘူးလို့ အဖေက ပြောလေ့ရှိတယ်လို့ ဗိုလ်မှူးကြီးက ထပ်ပြောတယ်။ အဖေကြီးနေကောင်းလားလို့ ကျွန်တော်က မေးလိုက်မိတယ်။ ကောင်းတယ်လို့ သူကဖြေရင်း အေဒရီယံကိုလှမ်းကြည့်လိုက်တယ်။ ကျွန်တော့်ကို မကြည့်ပဲ ကျွန်တော့်ကိုဘက်ကို သူ့လက်မနဲ့ညွှန်ပြီး ဟိုတစ်ခေါက်က အဖေနဲ့တွေ့တော့ အဖေက ခု သူတရားထိုင်တယ်လို့ ပြောတယ်။ ဒီတော့ သူက ဘာပြောတယ်ထင်သလဲ။ တရားထိုင်တာ အညောင်းမိနိုင်တယ်။ စိတ်ရဲ့အေးချမ်းမှု၊  ငြိမ်းအေးမှုရဖို့သက်သက်ပဲ။ ဂေါက်သီးပြန်ရိုက်ပါ ဗိုလ်ချုပ်ကြီးလို့ ပြောသတဲ့။ ဒါတင်မဟုတ်သေးဘူး။ ဂေါက်ရိုက်တာက စိတ်ပိုင်းဆိုင်ရာ၊ ရုပ်ပိုင်းဆိုင်ရာလွတ်လပ်မှုကိုရနိုင်တယ်။ ရုပ်ပိုင်းဆိုင်ရာ လွတ်လပ်မှုမပါတဲ့ စိတ်ပိုင်းဆိုင်ရာလွတ်လပ်မှုဟာ ကြက်ဥ၊ ဘဲဥကို အခွံမခွဲဘဲ ဒီအတိုင်းစားခိုင်းတာနဲ့ အတူတူပဲ ဗိုလ်ချုပ်ကြီးလို့ ထပ်ပြောသေးတာလို့ ပြောပြီး ဗိုလ်မှူးကြီးက ရယ်ရော။ အေဒရီယံကလည်း ရယ်လိုက်ရင်း မဟုတ်ဘူးလား ဗိုလ်မှူးကြီးလို့မေးတယ်။ ဗိုလ်မှူးကြီးက ခေါင်းညိတ်ရင်း ဟုတ်တော့ ဟုတ်ပါတယ်လို့ပြောပြီး ဘာမှဆက်မပြောဘူး။ နောက်တော့ သူ့တာဝန်နဲ့ပတ်သတ်တာတွေ၊ ကျွန်တော်တို့ သိသင့်သိထိုက်တာတွေ ပြောတယ်။ သိသင့်သိထိုက်တယ်ဆိုတာက ဒီလေတပ်စခန်းထဲမှာ ညဘက်အပြင်ဘက်ဆီထွက်ပြီး လမ်းလျှောက်ကြရင် သိထားသင့်တဲ့အကြောင်းတွေပဲ။
          တကယ်လို့ ညဆယ်နာရီခွဲနောက်ပိုင်းမှာ ခင်ဗျားတို့အနေနဲ့ အပြင်ဘက်ထွက်ပြီး ဒီဝင်းထဲမှာ ခြေဆန့်လက်ဆန့်လမ်းလျှောက်ချင်ရင် လွတ်လွတ်လပ်လပ် လျှောက်နိုင်ပါတယ်။ ကြိုးအပြာရောင်တပ်ထားတဲ့ ကတ်ပြားကလေးသာ လည်ပင်းမှာ ဆွဲထားဖို့မမေ့ပါနဲ့။ ခင်ဗျားတို့ရဲ့ လုံခြုံရေးအတွက် ကျွန်တော်တို့မှာ တာဝန်ရှိပါတယ်။ ခင်ဗျားတို့ကို ပေးထားတဲ့အပြာရောင်ကြိုးကလေးဟာ ညဘက်ပစ်ကွင်းကြည့် မှန်ပြောင်းထဲမှာ ပေါ်နိုင်တဲ့ အမှတ်အသားပါပါတယ်။ အဲဒီအမှတ်အသားကလေးတွေက ခင်ဗျားတို့ကို ဘယ်သူဘယ်ဝါဆိုတာ ဖော်ထုတ်ပြီးသားပါ။ ခု ခင်ဗျားတို့နေတဲ့ အဆောက်အဦးရဲ့အရှေ့ဘက်တံခါးက ထွက်ရင် မျှော်စင်က ကင်းအဖွဲ့က ခင်ဗျားတို့ ဝင်တာ၊ထွက်တာ မြင်နေရပါတယ်။ သူတို့က ၇၀ နဲ့ ၇၇ ဒီဂရီအမြင့်ကနေကြည့်နေမှာပါ။ အဲဒီလိုပဲ ဒီအဆောက်အဦးရဲ့ရှေ့က လမ်းကလေးကနေ ဘယ်ဘက်အတိုင်းလျှောက်မယ်ဆိုရင် အရေးပေါ်သုံးဖို့ထားတဲ့ ဟယ်လီကော်ပတာတွေထားတဲ့နေရာအထိ လျှောက်နိုင်ပါတယ်။ အဲဒီဂိတ်ကိုတော့ မဖြတ်နိုင်ပါဘူး။ ဂိတ်မရောက်ခင် ကိုက် ၂၀၀ရဲ့ ညာဘက်မှာ ကင်းပုန်းရှိပါတယ်။ လက်ဖြောင့်တပ်သားကျော် ခုနစ်ယောက်ရှိပါတယ်။ ပစ်ရမယ်ဆိုရင် ကိုက် ၁၀၀ အတွင်းမှာ လူတစ်ယောက်ရဲ့ မျက်ခုံးမွေးနှစ်ခုကြား တည့်တည့်ထိအောင် ပစ်နိုင်တဲ့သူတွေချည်းပါပဲ။ အဲဒီဘက်ကို လျှောက်ရင်ဖြင့် ခင်ဗျားတို့ဟာ ပစ်ကွင်းအညွှန်းအရ ၂ နာရီနဲ့ ၃ နာရီအကြေားမှာ ရှိနေမှာပါ။ ခင်ဗျားတိုိ့ကို သူတို့ရဲ့ ပစ်ကွင်းကြည့်မှန်ပြောင်းကနေ အမြဲကြည့်နေမှာပါ။ ဒီတော့ ခင်ဗျားတို့ဟာ အမြဲတမ်းအန္တရာယ်ကင်းပါတယ်။ ဗိုလ်မှူးကြီး ရှင်းပြနေတာ မဆုံးသေးဘူး၊ အားလုံးငြိမ်နားထောင်နေတုန်း မာရီယိုဆီက ဟာ ဆိုပြီး အသံထွက်လာတယ်။ အားလုံးကို သူ့ကို လှမ်းကြည့်လိုက်ကြတယ်။ ကလယ်ကတော့ ကိုယ့်လူ ကိုယ်ထိန်းတဲ့သဘောနဲ့ နင် ဘာသိချင်သလဲ မာရီယိုလို့ လှမ်းမေးတယ်။ မဟုတ်သေးပါဘူးဟာ။ ငါတို့ သွားလာလှုပ်ရှားနေတဲ့နောက်ကို လက်ဖြောင့်သေနတ်သမားတွေက သူတို့မှန်ပြောင်းထဲကနေကြည့်ပြီး ချိန်ထားမယ်ဆိုတာက ငါ့စိတ်ထဲတော့ တစ်မျိုးကြီးပဲ။ ငါတို့က ရန်သူမှမဟုတ်ဘဲလို့ မာရီယိုက ပြောတယ်။
          ကျွန်တော်တို့ကတော့ ဗိုလ်မှူးကြီးဆီက ဘာဖြေမယ်ဆိုတာ စောင့်နေမိတယ်။ ကလယ်ကတော့ ဘာမှမပြောတော့ဘူး။ ဗိုလ်မှူးကြီးက ဘာမှထပ်မပြောခင် သူ့ဘာသာ ခေါင်းညိတ်နေတယ်။ ခင်ဗျားကို ကျွန်တော်နားလည်ပါတယ်ဆိုတဲ့ မျက်နှာပေးမျိုးနဲ့။ နောက်တော့မှ ခင်ဗျားအနေနဲ့ ခုလိုအနေအထားမျိုးနဲ့ မကြုံဖူးသေးလို့ပါလို့ အစချီပြီး ရှင်းပြပြန်တယ်။ ခင်ဗျားတို့ရဲ့ လှုပ်ရှားမှုတိုင်း ကျွန်တော်တို့ သိနေပါမှ ခင်ဗျားတို့ရဲ့ လွတ်လပ်မှုကို ကျွန်တော်တို့က ကာကွယ်စောင့်ရှောက်ပေးနိုင်မှာ။ ခင်ဗျားတို့ကို အခုလိုစောင့်ရှောက်ကြည့်နေရတာက တကယ်လို့ ခင်ဗျားတို့ရဲ့ လွတ်လပ်မှု၊ အသက်အန္တရာယ် စတာတွေကို ကာကွယ်စောင့်ရှောက်ပေးနေတဲ့ ကိစ္စမှာ ဒုတိယအခွင့်အရေးဆိုတာ မရှိနိုင်ဘူး။ ဆိုလိုတာက ခုလို စက္ကန့်မလပ်စောင့်ရှောက်မကြည့်ဘဲလည်း ရပါတယ်လေ။ ဘာမှပြဿနာပေါ်စရာမရှိပါဘူးလို့ သဘောထားလိုက်မိတဲ့အတွက် လွှတ်ထားလိုက်တုန်း တစ်ခုခုဖြစ်ခဲ့ရင် ဖြစ်ခဲ့တဲ့ကိစ္စကို မပြင်နိုင်တော့ဘူး။ ပြန်ပြင်လို့မရောတ့ဘူး။ အထူးသဖြင့် အသက်နဲ့ယှဉ်ပြီး လုပ်ရတဲ့ကိစ္စတွေမှာ ဒုတိယအခွင့်အရေးဆိုတာ မရှိဘူး။ သေခြင်းရှင်ခြင်းဆိုတာ ပြန်ပြင်လို့မရဘူး။ ခင်ဗျား သဘောပေါက်ပါလိမ့်မယ်လို့ ဗိုလ်မှူးကြီးကပြောရင်း အားလုံးကို တလှည့်ချင်းကြည့်လိုက်တယ်။ ပြီးတော့မှပြုံးပြီး သူ့လက်နှစ်ဖက်ကို သူ့ဘာသာပွတ်နေတယ်။ ကျွန်တော်တို့လည်း ခေါင်းညိတ်မိလိုက်ကြတယ်။ မာရီယိုတောင် သူ့ဘာသာခေါင်းညိတ်နေတယ်။ သူ့အနေနဲ့တော့ သဘောတူချင်မှတူမယ်။ ဒါပေမယ့် ဒီနေရာမှာတော့ သူ့အနေနဲ့ ဘာမှရွေးချယ်စရာမရှိဘူး။ လူမှာလွတ်လပ်စွာရွေးချယ်ခွင့်ရှိတယ်ဆိုတာက အမှန်ပဲ။ ဒါပေတဲ့ လွတ်လပ်စွာရွေးချယ်ခွင့်ရှိတာဟာ လွတ်လပ်နေလို့တော့ မဟုတ်ဘူး။ လူဆိုတာ လွတ်လပ်တယ်ဆိုတဲ့အနေအထားထဲမှာ ရှိနေရလေတော့ လူနဲ့လွတ်လပ်ခြင်းဆိုတာကို ခွဲခွာပစ်လို့မရနိုင်တဲ့အခြေအနေဖြစ်နေလို့ပဲ။ တကယ်တော့ လွတ်လပ်ခြင်းဟာ ရုံးမင်းက သေဒဏ်ပေးထားလိုက်သလိုမျိုးပဲ။ လူဖြစ်နေရခြင်းအတွက် လူတိုင်းကျခံထားလိုက်ရတဲ့ ပြစ်ဒဏ်ပဲ။ လွတ်လပ်ခြင်းဟာ လူသားတိုင်းအတွက် သေခြင်းတရားလိုပဲ၊ ရှောင်ပြေးပုန်းလို့ မရနိုင်တာတစ်ခု။
          ပထမနေ့ အစည်းအဝေးလုပ်တဲ့နေရာက လေတပ်စခန်းထဲမှာပဲ။ ကျွန်တော်တို့နေနေတဲ့ အဆောက်အဦးကနေ ဆယ်မိနစ်လောက်ပဲ သွားရတယ်။ ကျွန်တော်တို့မိတ်ဆွေ ဗိုလ်မှူးကြီးကိုယ်တိုင် လိုက်ပို့တယ်။ အဲဒီအဆောက်အဦးဆီရောက်ပြီး အစည်းအဝေးလုပ်မယ့်အခန်းထဲကို သွားရင်း ဗိုလ်မှူးကြီးက ပြောတယ်။ ဒီအဆောက်အဦးထဲက အစည်းအဝေးခန်းဟာ တော်ရုံ ဗုံးဒဏ်ကို ခံနိုင်သတဲ့။ အစည်းအဝေးခန်းထဲဝင်ခါနီးတော့ အေဒရီယံက မာရီယိုကို အသာကပ်ပြီးနောက်တယ်။ မင်းဘာမှမပူနဲ့။ ဒီအခန်းကို ဗုံးနဲ့ကြဲလို့မရဘူး။ ဗုံးဒဏ်ခံနိုင်တယ်လို့ပြောပြီး နောက်တယ်။ ထုံးစံအတိုင်းပဲ၊ မာရီယိုက မျက်လုံးပြူးသွားပြီး ခပ်တိုးတိုး ပြန်ပြောတယ်။ သေချင်းဆိုး မင်းမှာ ဒီထက်ကောင်းတဲ့သတင်းမရှိဘူးလားတဲ့။ အဲဒီနေ့မနက်က ကျွန်တော်တို့လည်း နေ့လည်စာ စားချိန်လောက်အထိအစည်းအဝေးခန်းထဲမှာပဲ အချိန်ကုန်ကြတယ်။ အဓိကကတော့ သူတို့အနေနဲ့ ကျွန်တော်တို့သိသင့်တာတွေ အသေးစိတ်ထပ်ပြီးရှင်းပြတာပဲ။ နေ့လယ်စာ စားပြီးတော့ အစည်းအဝေးမဆက်တော့ဘူး။ သူတို့ဆီက အရေးပါတဲ့လူတွေထဲက တချို့က တစ်နေရာမှာထပ်ပြီး အစည်းအဝေးသွားရမယ်တဲ့။ သူတို့တစ်တွေ ဗျာများနေတာ သိသာတယ်။ ကျွန်တော်တို့အနေနဲ့ကတော့လည်း ကျွန်တော်တို့ သိထားပြီးသားတွေနဲ့ သူတို့ပြောတာတွေကို ပြန်ပြီး တိုက်ဆိုင်စစ်ဆေးကြည့်သေးတယ်။ အချိန်ယူရမယ်။ ကျွန်တော်တို့မိတ်ဆွေဗိုလ်မှူးကြီးကတော့ နေ့ခင်းစာစားမှ ပြန်တွေ့ရတယ်။ သူက အစည်းအဝေးခန်းထဲမဝင်ရဘူး။ ကျွန်တော်တို့ အတွင်းရေးမှူးလိုပဲ။ သူတို့က အစည်းအဝေးနဲ့ မဆိုင်ဘူး။ သီးခြားအလုပ်တွေနဲ့သာ ဆိုင်တာ။ စားသောက်ခန်းမှာတော့ သူတို့ပါ စားကြရတယ်။ ဝန်ကြီးချုပ်ရဲ့လက်ထောက်က အစားအသောက်တွေကို လိုက်ကြည့်ရင်း ကြိုက်မကြိုက် မေးတယ်။ ကျွန်တော်တို့ စားချင်တာမျိုးတွေတော့ မဟုတ်ဘူး။ သူတို့အစာတွေကို ခေတ်မီမီချက်ထားတာပဲ။ ဒီတော့လည်း အစာက အရသာရှိသင့်သလောက်မရှိဘူး။ အလှပြင်ထားတဲ့အစာနဲ့တူနေတယ်။ ဓနုဖြူဒေါ်စောရီဆိုင်က ဝက်သားဟင်းကို လူဖြူတွေ ကြိုက်မလားရယ်လို့ ပြင်ချက်လိုက်ရင် ဘိုလည်းမကြိုက်၊ မြန်မာလည်း မကြိုက်တဲ့ဟင်းမျိုးပဲဖြစ်သွားမှာပဲ။ ခုတော့ သူတို့တိုင်းရင်းသားအစားအစာတွေဟာ မကောင်းတတ်လို့ မျိုချလိုက်ရတဲ့အစာမျိုးပဲ ဖြစ်သွားတယ်။
          ကျွန်တော်တို့နေနေတဲ့ အဆောက်အဦးကို ပြန်ရောက်တော့ ကျွန်တော်တို့ဘာသာ အလုပ်အတွက်အစည်းအဝေးသဘောမျိုးလေး ထပ်လုပ်ရတယ်။ ကျွန်တော်တို့အတွက်ပေးထားတဲ့ သီးသန့်စားသောက်ခန်းထဲမှာ။ စားသောက်ခန်းကို မနေ့ကတည်းက ဟိုဆေးက စစ်ထားတယ်။ စစ်ထားတယ်ဆိုတာက အခန်းမှာ အသံဖမ်းစက်ကိရိယာတွေ၊ တခြားကနေ လှမ်းနားထောင်နိုင်တာတွေ ရှိ၊ မရှိစစ်တာပဲ။ ကျွန်တော်တို့ထဲမှာ ပါလာတဲ့ ဟိုဆေးက ဒီကိစ္စတွေမှာတော်တယ်။ ကွန်ပျူတာတို့ အင်တာနက်တို့ ကိစ္စတွေမှာ သူမရှိရင် ကျွန်တော်တို့ ဘာမှလုပ်တတ်မှာမဟုတ်ဘူး။ ဘယ်နေရာမှာ ဘယ်လိုပိတ်ဆို့ထားတာတွေရှိတဲ့အထဲက ကျွန်တော်တို့ သိချင်တာ တစ်ခုခုရှိရင် သူက ရှာပေးနိုင်တယ်။ အင်မတန်လုံခြုံပါတယ်ဆိုတဲ့ ဘဏ်တစ်ခုခုက လူတစ်ယောက်ရဲ့ ဘဏ်စာရင်းကိုကြည့်ချင်ရင် သူက ရှာပေးနိုင်တယ်။ မာရီယိုကတော့ ဟိုဆေးကို မင်းလည်း သူခိုးအကြီးစားပဲလို့ နောက်လေ့ရှိတယ်။ ဟိုဆေးက မင်းလိုပေါ့ မာရီယိုရယ်။ ဗက်တီကန်မှာ သာသနာပိုင်ဖြစ်မယ့်လူတွေမှ မဟုတ်ပဲလို့ တုံ့ပြန်တော့ပှ မာရီယိုက အမြင်မှန်ရသွားပုံပေါ်တယ်။ အေး၊ ဟုတ်သားရယ်လို့ ဝန်ခံတယ်။ ဟုတ်တော့လည်း ဟုတ်တယ်။ ကနေ့ကမ္ဘာကြီးမှာ လူရိုးဟာ သင်္ချိုင်းမှာပဲ ရှိတယ်ဆိုတဲ့ အနေအထားပြန်ရောက်သွားပြီး။ ရိုးလို့၊ အ လို့ ခံရရင်ခံရတဲ့လူတွေ မသနားကြတော့ဘူး။ သစ္စာတို့၊ မေတ္တာတို့အရင်းခံနဲ့ ပြောတယ်လုပ်တယ်ဆိုတာဟာ ဘေးလူကြားကောင်းရုံထက်မပိုတော့ဘူး။ ချမ်းသာနေလို့၊ အာဏာရှိနေလို့၊ သစ္စာတွေ၊ မေတ္တာတွေ အရင်းခံပြီး ပြောနေတာတွေ ကြားလာရတိုင်း ခင်ဗျားတို့ပြောနေတာတွေကို ယုံမယ့်လူတော်တော်များများရှိကောင်းရှိမယ်။ အဲဒီလူတွေစာရင်းထဲတော့ ကျွန်တော်မပါဘူးလို့ပဲ စိတ်ထဲက မှတ်လိုက်မိတယ်။ ခပ်ညံ့ညံ့လူတွေ အတော်များများရဲ့ရှိနေခြင်းဟာ လူနည်းစုကို လူချမ်းသာတွေဖြစ်လာအောင်၊ အာဏာရှိတဲ့လူတွေဖြစ်လာအောင် လုပ်ပေးနေတာပဲ။ အာဏာလိုချင်တဲ့လူတစ်ယောက် အာဏာရဖို့ အာဏာဆိုတာ ဘာမှန်းမသိတဲ့လူတွေက ဝိုင်းပြီး မဲပေးရတယ်ဆိုတာကိုက ဆာ(ရ)ထာပြောသလိုဖြင့် တခုခုလွဲနေတာပဲ။ ဒါကြောင့်လည်း မာရီယိုလို ပညာရှင်တွေဟာ သိပ်လိုအပ်တယ်။ ဘယ်လိုလူက ဘယ်နေရာမှာ ဘယ်လိုပြောတာဟာ ဘာကြောင့်ဆိုတာမျိုးကို အကဲဖြတ်နိုင်တယ်။ ကျွန်တော်တို့နဲ့အတူ သူပါလာတဲ့အတွက် စကားပြောတဲ့လူတွေကိုပဲ သူက ဂရုစိုက်ပြီး ကြည့်တတ်တယ်။ ပြောတဲ့လူက ပြောတဲ့အချက်အလက် မှန်တာမှားတာကို သူ ဂရုမစိုက်ဘူး။ ပြောတဲ့လူက ဘယ်လောက်မှန်မှန်ကန်ကန်ပြောနေတယ်ဆိုတာကို သူက ဂရုစိုက်ကြည့်နေတာ။ ကျွန်တော်တို့ ထည့်စဉ်းစားရတဲ့အချက်တွေထဲမှာ သူ့အကဲဖြတ်မှုကလည်း အတော့်ကို အရေးကြီးတယ်။
          သေချာတာကတော့ ဝန်ကြီးချုပ်က ငယ်ငယ်က ကျောင်းကောင်းကောင်းမှာ နေဖူးတယ်လို့ မာရီယိုဆီက ပထမဆုံးကောက်ချက်ထွက်လာတယ်။ အကုန်လုံးက မာရီယိုကို လှမ်းကြည့်နေကြတယ်။ သေချင်းဆိုး၊ မင်းကို ပိုက်ဆံပေးငှားထားတာက ဝန်ကြီးချုပ်ငယ်ငယ်က ကျောင်းကောင်းကောင်းနေဖူးတယ်ဆိုတာ သိချင်လို့မဟုတ်ဘူးလို့ အေဒရီယံက လှမ်းပြောရင်း သူ့လက်ထဲက လက်သုတ်နေတဲ့ စက္ကူနဲ့လှမ်းပေါက်လိုက်တယ်။ ကျွန်တော်တို့လည်း ရယ်လိုက်မိကြတယ်။ လက်သည်းဆိုးဆေးအရောင်ကိုရော မင်းကြိုက်ရဲ့လားလို့ လျူးက ရယ်စရာ ဝင်ပြောတယ်။ တရုတ်စပ်တယ်လို့ သူက ထပ်ပြောပြီး ဒီကောင်တော့ ခေါင်းဖြတ်ပစ်ဖို့ကောင်းပြီလို့ ဆက်ပြောတယ်။ မာရီယိုက လက်ကာပြပြီး မင်းတို့ ပျင်းနေကြမှာစိုးလို့ပါကွာလို့ ပြောပြီး သူ့စိစစ်အကဲဖြတ်ချက်တွေအကြောင်း ပြောတယ်။ ဒီတော့လည်း ကျွန်တော်တို့ နားထောင်ခဲ့ရတာတွေမှာ ခုနစ်ဆယ့်ငါးရာခိုင်နှုန်းအထက် မှန်တယ်လို့ ကျွန်တော်တို့ လက်ခံကြရဖို့ဖြစ်လာတယ်။ တစ်နာရီသာသာလောက် ကျွန်တော်တို့အချင်းချင်း ဆက်ပြီး ဆွေးနွေးကြရတယ်။ ကျွန်တော်တို့ဘက်က စိစစ်ရတာတွေနဲ့ ပြန်ပြီး တိုက်ဆိုင်စစ်ကြည့်တော့ ကျေနပ်လောက်တဲ့ ထုတ်ယူနိဂုံးတွေ ဆွဲလို့ရလာတယ်။ ကိုင်း ဒီလိုဖြင့် ရှမ်ပိန်တစ်လုံးလောက် ဖောက်စို့လို့ ကျွန်တော်က ပြောလိုက်မိတယ်။ အေဒရီယံက လျူးကို အသာမေးငေါ့ပြလိုက်တယ်။ တံခါးဖွင့်ခိုင်းလိုက်တာ။ အပြင်ကလူတွေကိုလည်း ခေါ်လိုက်ပါလို့ ထပ်ပြောတယ်။ အပြင်မှာက ဟိုဆေးနဲ့ကလယ်တို့ ရှိနေကြတယ်။ မာရီယိုကတော့ ကျွန်တော်တို့မှတ်စုစာရွက်တွေ လိုက်တောင်းပြီး သူ့လက်ထဲမှာ စုကိုင်ထားတယ်။ ဟိုဆေးဝင်လာရင် သူ့လက်ထဲမှာ ခရီးဆောင်ပြာချစက်ကလေး ပါလာမှာကိုး။ စက်ကလေးက ဘယ်လိုလုပ်ထားမှန်းတော့မသိဘူး။ ရိုးရိုးခရီးဆောင်သေတ္တာလေးလိုပဲ။ အဲဒီအထဲကို စာရွက်တွေထည့်လိုက်ရင် ပြာဖြစ်သွားရော။ ကလယ်နဲ့ ဟိုဆေးတို့ ဝင်လာကြတော့ ကလယ်က ရှမ်ပိန်နှစ်လုံးကိုင်လာတယ်။ ဟိုဆေးကတော့ ပြာချစက်ကလေးကိုင်လာပြီး စားပွဲပေါ်မှာ တင်လိုက်တယ်။ လျူးက ဖန်ခွက်တွေ ယူလာတယ်။ မာရီယိုက သူ့လက်ထဲက စာရွက်တွေကို ဟိုဆေးကို ပေးလိုက်တော့ ဟိုဆေးက အားလုံးကို လှမ်းကြည့်လိုက်ပြီး သူ့လက်ညှိုးနဲ့ သူ့ခေါင်းကို ထိုးပြတယ်။ သူဆိုလိုချင်တာက ခင်ဗျားတို့ဟာတွေ ခေါင်းထဲမှာ အကုန်ရောက်ပြီလားဆိုတာပဲ။ စက်ထဲထည့်ပြီးရင် ဘာမှ ပြန်လုပ်လို့မရတော့ဘူး။ စက်ကလေးက တစ်လမ်းသွားပဲ။ အားလုံးက ခေါင်းညိတ်ပြလိုက်တော့ ဟိုဆေးက စာရွက်တွေအားလုံးကို သေတ္တာကလေးထဲထည့်ပြီး အဖုံးပိတ်လိုက်တော့တယ်။ အားလုံးက လက်ခုပ်တီးနေကြတုန်း၊ လျူးက ရှမ်ပိန်ဖောက်လိုက်လို့ ဖောင်းခနဲ မြည်သွားတော့တယ်။
          မာရီယိုကတော့ ရှမ်ပိန်မသောက်ခင် မနက်ဖြန်အတွက် ငါ မလိုတော့ဘူး မဟုတ်လားလို့ မေးလို့ အေဒရီယံက ခေါင်းညိတ်ပြလိုက်တယ်။ အတော်ဝမ်းသာသွားပုံရတယ်။ ရှမ်ပိန်ကို တစ်ချီတည်းမော့ချလိုက်ပြီး ငါတော့ ဘီယာသောက်တော့မယ်လို့ပြောပြီး အခန်းအပြင်ဘက်ဆီ လျှောက်သွားရော။ သတိရလိုက်မိတာနဲ့ မာရီယို မင်းသောက်ချင်ရာ သောက်နိုင်တယ်။ စားချင်တာကို မှာ၊ မနက်ဖြန်နေ့ခင်းမှ ငါတို့ ဒီဝင်းထဲက ထွက်လို့ရမှာလို့ ကျွန်တော်က လှမ်းပြောလိုက်ရတယ်။ ဒီတော့မှ သူရောက်နေတဲ့ အနေအထားကို သူ့ဘာသာ သတိရသွားပုံရတယ်။ မာရီယိုက တံခါးနားမှာ မတ်တပ်ရပ်ရင်း သူ့နဖူးနဲ့ တံခါးဘောင်ကို အသာခွေ့ပြလိုက်လို့ အားလုံး ရယ်ကြရသေးတယ်။ နောက်တော့ သူက လှမ်းကြည့်လိုက်ရင်းမေးတယ်။  မနက်ဖြန် ဘယ်အချိန် တော်မို လာမလဲတဲ့။ တော်မိုဆိုတာက ကျွန်တော်တို့ကို ပြန်ပို့ပေးမယ့် လေယာဉ်ကလေးက လေယာဉ်မှူး။ အရင်ကတော့ လေတပ်က ဖိုက်တာမောင်းတဲ့ ပိုင်းလော့။ ခုတော့ အနားယူပြီး သူနဲ့ သူ့သူငယ်ချင်းတစ်ယောက်က ဆယ်ယောက်စီး၊ ရှစ်ယောက်စီးလေယာဉ်ပျံကလေးတွေနဲ့ ကိုယ်ပိုင်စီးပွားရေးလုပ်နေကြတယ်။ အဆက်အသွယ်တွေကလည်း ကောင်းတယ်။ လေယာဉ်ကွင်းတိုင်းလိုလိုမှာ သူတို့နဲ့ မကင်းရာမကင်းကြောင်း လူတွေရှိတယ်။ ဒိဒေသတကြောက အစိုးရပိုင်းက လူတွေ၊ အစိုးရနဲ့ပတ်သတ်တဲ့ စာရင်းမဝင်၊ အင်းမဝင် ခရီးသွားတဲ့လူတွေရဲ့မိတ်ဆွေပဲ။ ကျွန်တော်ကတော့ သူရဲ့ စက်စနာအမ်တူးဆိုတာကလေးကို သဘောကျတယ်။ ကစားစရာလေယာဉ်ပျံကလေးနဲ့ တူလို့။ နောက်နေ့တော့ တော်မို့ လေယာဉ်ပျံကလေး နေ့ခင်းဆယ့်နှစ်နာရီလောက်မှာ ရောက်နေပြီဆိုတာ ဗိုလ်မှူးကြီးက သတင်းပေးလို့ သိရတယ်။
          လေယာဉ်ပျံကလေး လေထဲမှာ အသားကျသွားတော့ တော်မိုက ဦးပိုင်းက သူ့အခန်းထဲကနေ ထွက်လာတယ်။ ထုံးစံအတိုင်းပဲ။ သူ့လေယာဉ်ပျံအတွက် လက်မှတ်ထိုးပေးစရာယူလာရင်း ဘယ်သွားကြမှာလဲလို့ မေးတယ်။ ခရီးစဉ်အတိအကျကို လေယာဉ်ပေါ်ရောက်မှ အသိပေးနေကျ။ လက်မှတ်ထိုးစရာစာရွက်တွေကို ကလယ်က လှမ်းယူနေတုန်း အေဒရီယံက မင်းခေါ်လာတဲ့နေရာ ပြန်ခေါ်သွားပေါ့ကွာလို့ ပြောတော့ တော်မိုက ခေါင်းညိတ်ရင်း လှည့်ပြုံးပြတယ်။ နောက်တော့ ကျွန်တော့်ကို ကြည့်လိုက်ရင်း အလာတုန်းက ခင်ဗျား ပြောတယ်။ ခင်ဗျားမိန်းမနဲ့ မြို့တော်ကြီးမှာ ဆုံမှာဆို…။ ကျွန်တော် လှည့်ပြီး ပို့ပေးရမလားလို့ မေးတယ်။ ကျွန်တော်က အသာပဲ ခေါင်းခါပြလိုက်တယ်။ ညနေကျမှ ဟိုက ခြောက်နာရီလောက်ထွက်တဲ့ လေယာဉ်ပျံနဲ့ ပြန်လိုက်သွားမယ်။ အေဒရီယံရော၊ မာရီယိုရော ပြန်ကြမှာ။ ကလယ်တို့ကတော့ လျှောက်ကြည့်ချင်သေးလို့ တစ်ရက်နှစ်ရက်ကြာမှ လိုက်လာမယ်၊ မင်းသိသားပဲ။ တို့က ဒီနိုင်ငံထဲမှာ တရားဝင် မရှိကြသေးဘဲ၊ ရောက်မှ မရောက်သေးဘဲ မယုံရင် ငါတို့နိုင်ငံကူးလက်မှတ်ကြည့်ပါလားလို့ ကျွန်တော်က ဖြေရင်း နောက်လိုက်တယ်။ တော်မိုက ပြုံးတယ်။ ဒီအသိုင်းအဝိုင်းထဲမှာ ကြာခဲ့ပြီဖြစ်လို့ ထပ်မမေးတော့ဘူး။ မာရီယိုကို လှည့်ကြည့်လိုက်တယ်။ မာရီယိုက ရှေ့ဆုံးမှာ တစ်ယောက်တည်း ထိုင်နေရင်း လေယာဉ်ပျံရဲ့အပြင်ဘက်ကို ငေးနေတယ်။ မင်းကြည့်ရတာ သိပ်စိတ်မရွှင်ဘူးထင်တယ်လို့ ပြောပြီး တော်မိုက သူ့ဘောင်းဘီအိတ်ထဲက သကြားလုံးကလေး တစ်လုံးထုတ်လိုက်ပြီး  မာရီယိုကို လှမ်းပေးရင်း မင်းကိုယ်ထဲမှာ သကြားဓာတ်နည်းနေလို့ဖြစ်မယ်လို့ နောက်တယ်။ သကြားလုံးကလေးက သကြားလုံး လုံးလုံးကလေးနေက်မှာ တုတ်တံကလေးတပ်ထားတဲ့ သကြားလုံးကလေးမျိုး။ တော်မိုက အဲဒီသကြားလုံးကလေးမျိုးကို စီးကရက်ခဲသလိုမျိုး ငုံတတ်တယ်။ မာရီယို လှမ်းယူလိုက်ရင်း ကျေးဇူးပဲ။ ငါ့ကိုယ်ထဲမှာ သကြားဓာတ်နည်းနေတာအမှန်ပဲလို့ ပြန်ပြောလိုက်ပြီးတော့မှ စိတ်မရွှင်တာတော့ မဟုတ်ဘူးကွာ၊ စဉ်းစားကြည့်လို့ နားကို မလည်နိုင်ဘူး ဖြစ်နေတယ်လို့ ပြန်ဖြေတယ်။ တော်မိုက လေယာဉ်ဦးပိုင်းဘက်ကို ခြေနှစ်လှမ်းလောက် နောက်ဆုတ်သွားပြီး လေယာဉ်ရဲ့နံရံကို မှီပြီးရပ်လိုက်ရင်း ပြောစမ်းပါဦး၊ မင်းပြဿနာ လို့ မေးတယ်။
          ကျွန်တော်တို့ကတော့ မာရီယို ဘာပြောမယ်ဆိုတာ သိပြီးသားပေမယ့် အားလုံးက နားစွင့်နေကြတယ်။ လူတစ်ယောက်ရဲ့ လွတ်လပ်ခွင့်ဆုံးရှူံးမသွားအောင် သေနတ်နဲ့ချိန်ပြီး စောင့်ရှောက်ရတယ်ဆိုတာ ငါ ဘယ်လိုမှ နားလည်ကြည့်လို့မရဘူး လို့ ပြောပြီး မာရီယိုက သကြားလုံးကလေးကို အခွံခွာနေတယ်။ တော်မိုက ဘာမှပြန်မပြောဘူး။ သကြားလုံးအခွံခွာနေတဲ့ မာရီယိုကို ကြည့်နေတယ်။ လေယာဉ်ပျံရဲ့ အပြင်ဘက်က လာတဲ့ စက်သံပဲ ကြားနေရတယ်။ နောက်တော့မှ တော်မိုက ပြောတယ်။ ငါဟာ အရင်တုန်းက ဟောက်နက်မောင်းနေတာ။ ငါ့အလုပ်က ငါတို့နိုင်ငံရဲ့ မြောက်ဘက်ကမ်းရိုးတန်းတကြောရဲ့ လုံခြုံရေးအတွက် တာဝန်ယူရတယ်။ လုံခြုံရေးဆိုပေတဲ့ တို့တိုင်းပြည်က အန္တရာယ်မရှိတဲ့တိုင်းပြည်။ တခြားတိုင်းပြည်တွေနဲ့လည်း ဝေးတယ်။ တခြားတိုင်းပြည်တွေလို ရန်မများဘူး။ တို့က သူများ သွားကူပေးရတာလောက်က လွဲရင် ဘယ်သူနဲ့မှလည်း စစ်မဖြစ်ဖူးဘူး။ ပြောမယ်ဆိုရင်တော့ ငါတို့ကို ဘယ်သူကမှလည်း လာတိုက်မှာမဟုတ်ဘူး။ ဒါပေမယ့် ငါ့အလုပ်က ဘယ်သူကမှ လာမတိုက်တဲ့စစ်ကို မျှော်လင့်နေရင်း လုံခြုံရေးတာဝန်ယူနေရတာပဲ။ နေရာအမျိုးမျိုးပြောင်းပြီး တာဝန်ထမ်းဆောင်ခဲ့ရပေတဲ့ ငါ့ရဲ့ အဓိကတာဝန်ဟာ ဘယ်သူကမှ လာမတိုက်မယ့်စစ်ကို သိသိချည်းနဲ့ မျှော်လင့်ချက်အပြည့်ထားရင်းနဲ့ တာဝန်ယူပြီး ကာကွယ်စောင့်ရှောက်နေခဲ့ရတာဟာ နောက်ဆုံးတော့ လေတပ်က ထွက်တဲ့အထိပဲ။ တကယ်တော့ လွတ်လပ်ခြင်းကို ဆုံးရှူံးသွားမှာစိုးလို့ ထိန်းသိမ်းစောင့်ရှောက်နေရတာဟာ လွတ်လပ်နေခြင်းက ပေးထားတဲ့ ပြစ်ဒဏ်ပဲမဟုတ်လား မာရီယိုလို့ တော်မိုက အရှည်ကြီးပြောတယ်။ နောက်တော့ ပြုံးလိုက်ရင်း သူ့အိတ်ထဲက သကြားလုံးကလေး တစ်လုံးထပ်ထုတ်ပြီး မာရီယိုကို ပေးပြန်တယ်။ အပိုတစ်လုံးဆောင်ထားလို့ပြောပြီး ကျွန်တော့်ဆီကို အသာမော့ကြည့်လိုက်ရင်း သူ့လက်ထဲက စာရွက်တွေနဲ့ လေယာဉ်ဦးခန်းဆီက လေယာဉ်မောင်းခန်းကို ညွှန်ပြတယ်။ ကျွန်တော်တို့ကတော့ အသာပဲ ခေါင်းညိတ်ပြလိုက်ကြတယ်။ နောက်ဘက်နားမှာ ထိုင်နေတဲ့ ကလယ်က အိုကေရဲ့လား မာရီယိုလို့ လှမ်းမေးလိုက်တယ်။ မာရီယိုက ထိုင်ရာက ထပြီး  နောက်ဘက်ကို လှမ်းကြည့်လိုက်ရင်း အိုကေလို့ ပြောပြီး တော်မိုက ငါ့ကို ဆုံးမသွားတယ်လို့ပြောရင်း ပြန်ထိုင်လိုက်တော့တယ်။
          လေယာဉ်အလယ်က လူသွားလမ်းကလေးရဲ့ တခြားတစ်ဘက်မှာထိုင်နေတဲ့ အေဒရီယံက ကျွန်တော့်ကို လှမ်းကြည့်လိုက်ရင်း ဟုတ်သား၊ ငါတုိ့ဟာ ဖြစ်မလာမယ့်စစ်ကို မျှော်လင့်နေရင်း ကာကွယ်နေကြရတာပဲ။ လွတ်လပ်ခြင်းရဲ့အပြစ်ဒဏ်ကို ခံနေရသူတွေ သက်သက်ပဲလို့ပြောပြီး ခေါင်းခါပြတယ်။ ကျွန်တော်ကတော့ အမှတ်မထင် ဖတ်ကြည့်နေမိတဲ့ လက်ထဲက စာရွက်ကလေးပေါ်က စာကြောင်းလေးကြောင်းကို မျဉ်းသားပြီး သူ့ဆီကို ကမ်းလိုက်တယ်။ မကြာခင်က ထုတ်တဲ့ လီယိုနာ့ဒ်ကိုဟင်း (Leonard Cohen) ရဲ့ သီချင်းထဲက စာကြောင်းလေးတွေ…။
          The Party’s over
          But I’ve landed on my feet
          I’ll be standing on this corner
          Where there used to be a street.
          အေဒရီယံက နှစ်ကြိမ်လောက် ပြန်ဖတ်ကြည့်နေတယ်။ ပြီးမှ အားရပါးရ ရယ်လိုက်ရင်း ကျွန်တော့်ကို ကြည့်ပြီး သူ့လက်ထဲက ဝီစကီခွက် မြှောက်ပြတယ်။ ကျွန်တော်လည်း ကျွန်တော့်လက်ထဲက ဝီစကီခွက်ကို အသာမြှောက်ပြလိုက်ရင်း သူ့လိုပဲ အားရပါးရ ရယ်ချလိုက်မိတော့တယ်။

မြင့်သန်း
ရွှေအမြုတေ (၂၀၁၆) (ဘယ်လထုတ်လည်း မမှတ်မိပါ)

March 08, 2016

ဘာကြောင့်တွေ ဘယ်လိုတွေ ပျောက်ဆုံးသွားစေချင်ခဲ့တုန်းက



မြင့်သန်း (ရွှေအမြူတေ၊ မတ်လ၊ ၂၀၁၆)

၀၁
ဘယ်လိုလုပ်ပြီး ဒီသတ္တဝါကို ခင်ဗျားက မိတ်ဆွေအဖြစ်ပေါင်းနေနိုင်တာလဲလို့ သူ့သူငယ်ချင်းက မေးတယ်။ ကျွန်တော် ပြန်ပြီးမဖြေသေးပဲ ပြုံးပြလိုက်တယ်။ ကျွန်တော့်သူငယ်ချင်းကတော့ ဝီစကီပုလင်းက ပုလင်းပတ်ကို ဖတ်နေတယ်။ သူ့ သူငယ်ချင်းမေးတဲ့အသံကို ကြားပေမယ့် မကြားတဲ့အတိုင်းပဲ။ သူ့အတွက် ဝီစကီမှာပါတဲ့ အယ်လ်ကိုဟောရဲ့ ပမာဏက အရေးကြီးတယ်။  ၄၇ ရာခိုင်နှုန်းရဲ့အောက်ဆို သောက်မကောင်းဘူးလို့ ပြောလေ့ရှိတယ်။ ခင်ဗျား သူ့ကိုလည်း ဒီမေးခွန်းပဲ မေးဖို့ကောင်းတယ်လို့ ကျွန်တော်က ပြန်ဖြေလိုက်မိတယ်။ ကျွန်တော့်သူငယ်ချင်းက တစ်ချက်လှည့်ကြည့်ပြီး သိပ်မဆိုးဘူးလို့ ပြောရင်း ဝီစကီပုလင်းပတ်က အောက်ဘက်ထောင့်နေရာကို ဝီစကီပုလင်းကိုင်ထားတဲ့ သူ့လက်ရဲ့ လက်မနဲ့ အသာထောက်ပြတယ်။ ကျွန်တော်ဖြေလိုက်တဲ့ အဖြေကို ဆိုလိုတာမဟုတ်ဘူး။ ကျွန်တော် လှမ်းကြည့်လိုက်မိတယ်။ ဒီဝီစကီမှာ အယ်လ်ကိုဟော ၄၇ ရာခိုင်နှုန်းပါတယ်။ သူ ကျေနပ်သွားပုံပဲ။ ဖန်ခွက်တွေထဲက လက်နှစ်လုံးလောက်စီ ထည့်တယ်။ ဒါကလည်း ဘယ်ကရလာမှန်းမသိတဲ့ သူ့ရဲ့ဥာဉ်ထဲကတစ်ခုပဲ။ ဝီစကီကို ဝီစကီဖန်ခွက်ထဲမှာ လက်နှစ်လုံးထက်နည်းအောင် ထည့်တာ သောက်မယ့်လူကို စော်ကားတာပဲတဲ့။ သူနဲ့ ဝီစကီသောက်တဲ့အခါမှာတော့ သူ့ရဲ့ ဝီစကီသောက်ခြင်းဆိုင်ရာ ယဉ်ကျေးမှုကို အတော်ကို လိုက်နာရတယ်။
၀၂
          ခင်ဗျားတွေ့တယ်မဟုတ်လား။ အင်မတန်ချေးများတဲ့လူလို့ သူ့သူငယ်ချင်းက ထောက်ပြတယ်။ ကျွန်တော့်သူငယ်ချင်းကတော့ သိပ်ပြီး ဂရုစိုက်ပုံမပေါ်ဘူး။ ဝီစကီဖန်ခွက်ကို ကောက်ကိုင်လိုက်ပြီး ချီးယားလို့ ပြောလိုက်တာနဲ့ ကျွန်တော်တို့လည်း ကျွန်တော်တို့ ခွက်တွေကို ကောက်ကိုင်ပြီး ချီးယားလုပ်လိုက်ကြရတယ်။ မော့လိုက်ကြတယ်။ ကျွန်တော်ကတော့ သူသင်ပေးထားသလို ပထမဦးဆုံး ဝီစကီဟာ လည်ချောင်းထဲကို အသာလိမ့်ဆင့်သွားစေရသတဲ့။ ခပ်များများကလေး သောက်ရသတဲ့ ဆိုတဲ့ မူအတိုင်း သောက်လိုက်တယ်။ ဟုတ်တော့လည်း အဟုတ်သား။ အခုတော့ ကျင့်သားရနေပြီ။
          ၀၃
          ဒီတော့လည်း ကျွန်တော့် ညီဝမ်းကွဲကို သတိရလိုက်မိတယ်။ ကျွန်တော့်ညီဝမ်းကွဲမှာလည်း အမြဲလို ဆင်ခြေတစ်ခုခု ရှိတယ်။ သူက ပန်းချီဆွဲတယ်။ အထိုက်အလျောက် နာမည်ရတယ်။ ဒီအကြောင်းကတော့ ကျွန်တော့် သူငယ်ချင်းနဲ့ ဘာမျှမဆိုင်ဘူး။ ဆိုင်တာတွေကတော့ ဒီလို…။
          ကျွန်တော့်ညီ
          က - လူမှန်ရင် အနုပညာအသိ ရှိရမယ်။
          ခ - လူမှန်ရင် ဆင်ခြင်တတ်ရမယ်။
          ဂ -  လှတာကို အနုပညာပဲလို့ပြောတာ ငတုံး။
          ဃ- ငတုံးမှန်သမျှဟာ ငတုံးဖြစ်ဖို့ မွေးလာတာ။
          င - ငတုံးတွေ ရှိနေတာ လောကရဲ့ လိုအပ်မှု။
          ကျွန်တော့် သူငယ်ချင်း
        က - လူမှန်ရင် အနုပညာအသိ ရှိရမယ်။
          ခ - လူမှန်ရင် ဆင်ခြင်တတ်ရမယ်။
          ဂ -  လှတာကို အနုပညာပဲလို့ပြောတာ ငတုံး။
          ဃ- ငတုံးမှန်သမျှဟာ ငတုံးဖြစ်ဖို့ မွေးလာတာ။
          င - ငတုံးတွေ ရှိနေတာ လောကရဲ့ လိုအပ်မှု။
        ဘာကြောင့် အဲဒီလိုမြင်ကြတယ်။ မဟုတ်ရင် အဲဒီလိုအမြင်ရှိကြတယ်ဆိုတာတော့ ကျွန်တော်မသိဘူး။ ကျွန်တော့်ညီရယ်၊ ကျွန်တော့်သူငယ်ချင်းရယ်၊ ကျွန်တော်ရယ် ဆုံတဲ့အခါ သူတို့နှစ်ယောက်အကြားမှာ ပျောက်ဆုံးနေတတ်တယ်။ မေးခွန်းပေါင်းများစွာဟာ လှုိုင်းလုံးကြီးတွေလို တစ်လုံးပြီး တစ်လုံး ကျွန်တော့် ကိုယ်ပေါ်က ကျော်သွားပြီး ကျွန်တော်ဟာ တဖြည်းဖြည်းချင်း နစ်မြုပ်သွားပါတယ်။
          ၀၄
          ခု ကျွန်တော့်သူငယ်ချင်းနဲ့ ကျွန်တော့် သူငယ်ချင်းရဲ့ သူငယ်ချင်းကတော့ အဲဒီလိုမျိုးမဟုတ်ဘူး။ တစ်ယောက်ပြောတာကို တစ်ယောက်က နားထောင်ချင်မှ နားထောင်တယ်။ ကျွန်တော်ကတော့ ကြားလူအနေနဲ့ နားထောင်ရတတ်တယ်။ သူတို့ မြင်ပုံကတော့ တစ်ယောက်နဲ့ တစ်ယောက် အဝေးကြီး။
          ကျွန်တော့် သူငယ်ချင်းရဲ့ သူငယ်ချင်း
          က - ပိုက်ဆံရှိတာကောင်းတယ်။
          ခ - အာဏာရှိတာကောင်းတယ်။
          ဂ - မျိုးချစ်စိတ်ရှိ်တာကောင်းတယ်။
          ဃ- သက်ဝင်ယုံကြည်မှုရှိတာ ကောင်းတယ်။
          ကျွန်တော့် သူငယ်ချင်း
          က- ပိုက်ဆံရှိတာ လူအထင်ကြီး ခံရရုံပဲ။
          ခ - အာဏာရှိတာ လူ့အဖွဲ့အစည်းကို စော်ကားချင်ရင် စော်ကားဖို့ အခွင့်အရေးတစ်ခုပဲ။
          ဂ - မျိုးချစ်စိတ်က အမြင်ကျဉ်း လက်တွေ့နည်းလမ်းမကျတဲ့တစ်ဖက်စောင်းနင်းအမြင်ကို တည်ဆောက်နေတာပဲ။
          ဃ - သက်ဝင်ယုံကြည်မှုဟာ ဆင်ခြင်တုံတရားကို အသုံးမချတတ်တဲ့ ခပ်ညံ့ညံ့ လူတွေအတွက် လိုတယ်။
          ၀၅
          ကျွန်တော်နဲ့ ကျွန်တော့် သူငယ်ချင်း၊ ကျွန်တော့် သူငယ်ချင်းရဲ့ သူငယ်ချင်း။ အဓိက ကွာခြားချက်တစ်ခုက ကျွန်တော်နဲ့ ကျွန်တော့်သူငယ်ချင်းရဲ့ သူငယ်ချင်းအကြားမှာ ကျွန်တော့် သူငယ်ချင်းဟာ ကျွန်တော့် သူငယ်ချင်းရဲ့သူငယ်ချင်းဖြစ်တယ်။ ဒါပေတဲ့ ကျွန်တော်နဲ့ ကျွန်တော့်သူငယ်ချင်းရဲ့ သူငယ်ချင်းတို့ တွေ့ကြသိကြတော့ ကျွန်တော့သူငယ်ချင်းကြောင့် ကျွန်တော်တို့ အချင်းချင်းက မိတ်ဆွေဖြစ်လာကြတယ်။ ကျွန်တော့်သူငယ်ချင်းက ကြားလူ။ ကျွန်တော်တို့ချင်း သိဖို့မှာ သူ မရှိခဲ့ရင် ဖြစ်မလာနိုင်ဘူး။ ဒီတော့လည်း တစုံတရာဖြစ်ပေါ်လာခြင်းဟာ ကြားခံတစ်စုံတစ်ရာလိုတယ်။ အပြောင်းအလဲလုပ်ပေးနိုင်တဲ့ အေဂျင်စီလိုတယ်။ သူ့အလိုလိုဖြစ်တာပဲ ဆိုတာတိုင်းမှာ သူ့အလိုလို ဆိုတာက လိုတယ်။ ဓာတုဗေဒပညာရှင်တွေပြောတဲ့ ဓာတ်ပြောင်းအကူအညီဆိုတာမျိုးလည်းဖြစ်လေမလားပဲ။ ကျွန်တော်နဲ့ ကျွန်တော့်သူငယ်ချင်တို့ တွေ့ဆုံရင်းနှီးနေကြတဲ့ ကာလအစမှာ ကျွန်တော့်သူငယ်ချင်းက ပျောက်ဆုံးနေတယ်။
          ၀၆
          တစ်နေ့ လူအန်ပရာဗန်းမှာ သူ့သူငယ်ချင်းကို ကျွန်တော့်သူငယ်ချင်းက ပြန်ပြီးတွေ့တာ အမှတ်မထင်ပဲ။ အဲဒီနေ့ကလည်း ခုလိုပဲ ဆောင်းဦးပေါက်။ ညဘက်ရောက်တော့ သူ့သူငယ်ချင်းရဲ့ ဝင်းထဲက ဧည့်သည်တွေတည်းဖို့ ဆောက်ထားတဲ့ တောင်ကုန်းပေါ်က အိမ်မှာ ကျွန်တော်တို့ အိပ်ကြတယ်။ အိပ်ရာဝင်တော့ မနက်နှစ်နာရီထိုးနေပြီ။ အဲဒီနေ့တုန်းကတော့ ကျွန်တော့်သူငယ်ချင်း အရှိုက်ထိုးခံရတယ်လို့ ထင်တယ်။ ကျွန်တော်တို့ ထိုင်ပြီး စားသောက်နေကြတုန်း သူ့သူငယ်ချင်က ဘာမှပြောမနေဘဲ ဖုန်းဆက်လိုက်တယ်။ ဟိုဘက်က ဖြေတော့ ကျွန်တော့်သူငယ်ချင်းဆီ ဖုန်းထိုးပေးလိုက်ပြီး ပြောလို့ပဲ ပြောတယ်။ အမိန့်ပေးလိုက်သလိုပဲ။ ကျွန်တော့်သူငယ်ချင်းကလည်း မငြင်းရဲဘူး။ အပြစ်မရှိပေမယ့်လည်း ရုံးမင်းရှေ့မှာမို့ ငါ့မှာများ အပြစ်ရှိနေသလားလို့ ကိုယ့်ဘာသာ သံသယဖြစ်နေတဲ့ မျက်နှာမျိုးနဲ့ စကားပြောနေတယ်။ သူ့သူငယ်ချင်းက ကျွန်တော့်ကို ပြောတယ်။ အလကားဗျား။ သူတို့နှစ်ယောက် ကိစ္စကို ကြားထဲက ကျွန်တော်တို့မှာ အပြစ်ရှိနေသလိုပဲတဲ့။ ဘာဖြစ်လို့လဲ မေးလိုက်တော့-
          ၀၇
          သူတို့နှစ်ယောက်က ငယ်ငယ်ကတည်းက ကြိုက်နေကြတာ။ မကြိုက်တောင် ကြိုက်နေကြတယ်လို့ ထင်ရတာပဲ လို့ သူ့သူငယ်ချင်းက စကားစ,လိုက်တယ်။ သူတို့ ကြီးလာကြတော့ ကျွန်တော်တို့ ဘိုးအေကြီးနဲ့ သူ့အဖေက သူတို့ကို ပေးစားချင်တယ်။ ဒါပေတဲ့ နှစ်ယောက်စလုံးက ပြောတယ်။ သူတို့ဟာ တစ်ယောက်ကို တစ်ယောက် တာဝန်မယူချင်ဘူးတဲ့။ နင်တို့ မချစ်ကြဘူးလားလို့ ဆိုတော့ ချစ်တာနဲ့ အတူတကွ ပေါင်းသင်းနေထိုင်တာဟာ တခြားစီပဲတဲ့။ ဘယ်လိုမှ ပြောလို့မရဘူး။
          သူ့သူငယ်ချင်း ပြောလို့ပြီးသွားတော့ ကျွန်တော်က ပြုံးလိုက်မိတယ်။ မသိမသာခေါင်းကို ယမ်းလိုက်ရင်း ဝီစကီကို နည်းနည်းမော့ချလိုက်မိတယ်။ သူ့သူငယ်ချင်းက ကျွန်တော့်ကို ကြည့်ပြီး ခင်ဗျားကရော သူ့အမြင်ကို လက်ခံသလားလို့ မေးတယ်။ သူ့မျက်နှာက နီနေတယ်။ ဝီစကီကို ဘာမှမရောဘဲ သောက်ထားလို့လည်း ဖြစ်မယ်။ အဲဒီတုန်းကတော့ ခုလောက် မရင်းနှီးသေးလို့ ရဲရဲ ပြန်မဖြေရဲဘူး။ လက်ခံတယ်လို့တော့လည်း မဟုတ်ပါဘူး။ ဒါပေမယ့် ချစ်တာနဲ့ အတူတကွပေါင်းသင်းနေထိုင်တာဟာ တခြားစီပဲလို့တော့ ကျွန်တော်မပြောချင်ဘူး။ ချစ်ခြင်းတိုင်းမှာ သီးခြားရပ်တည်ထားခွင့်ရှိရမယ်လို့တော့ ကျွန်တော်ထင်တယ်လို့ ကျွန်တော်က ဖြေလိုက်တယ်။ သူ့သူငယ်ချင်းက ကျွန်တော်ဖြေတာကို အသေအချာနားထောင်နေလိုက်ပြီး ကျွန်တော်တော့ အဲဒီလောက် မတွေးတတ်ဘူးလို့ ပြန်ပြောတယ်။ တစ်နည်းအားဖြင့်တော့ ကျွန်တော်သဘောမတူဘူးဆိုတာကို စကားလှအောင် ပြောတာပဲ ဖြစ်မယ်လို့ ကျွန်တော် တွေးကြည့်မိတယ်။
          အဲဒီတုန်းက သူ့သူငယ်ချင်းက ထပ်ပြီးပြောသေးတယ်။ ဒါဟာ သက်ဝင်ယုံကြည်မှုမရှိကြလို့လည်းဖြစ်မယ်။ သူတို့နှစ်ယောက်စလုံးမှာ သက်ဝင်ယုံကြည်မှုမရှိကြဘူးတဲ့။ ခင်ဗျားကောလို့ ကျွန်တော်က မေးတော့-
          ကျွန်တော့်မှာတော့ မိရိုးဖလာသက်ဝင်ယုံကြည်မှုရှိတယ်လို့ ဝန်ခံတယ်။ ဘာဖြစ်လို့ ခင်ဗျားအမြင်မှာ သက်ဝင်ယုံကြည်မှုမရှိတာနဲ့ ချစ်တာကို တွဲပြီးမြင်တာလဲလို့ ကျွန်တော်က မေးမိပြန်တယ်။ သက်ဝင်ယုံကြည်မှုမရှိတော့ သူတို့မှာ ကိုးကွယ်အားထားစရာဟာ သူတို့ဘာသာပဲ ရှိတော့တာမဟုတ်လားလို့ ကျွန်တော့်သူငယ်ချင်းရဲ့ သူငယ်ချင်းက ပြန်ဖြေတယ်။ နောက်တော့ သူက ပြန်မေးတယ်၊ ခင်ဗျားရောတဲ့။ ကျွန်တော်က ဘာမှမဖြေသေးခင် ပြုံးလိုက်ပြီးမှ  ကျွန်တော်တို့အနောက်တိုင်းမှာ ဆယ့်ခုနစ်ရာစုကတည်းက ဘုရားကျောင်းတော်ကြီးတွေကို အားကိုးတဲ့အလေ့ပျောက်ဆုံးသွားပြီး လူဆိုတာကို ဆင်ခြေနဲ့ တည်ဆောက်တဲ့ခေတ် ရောက်ခဲ့ပါတယ်။ သက်ဝင်ယုံကြည်မှုတိုင်းဟာ ဆင်ခြင်ခြင်းရဲ့ အပက ချည်းပဲ။ မဟုတ်တောင် ဆင်ခြေအခြေခံနဲ့ ထာဝရဘုရားကိုလက်ခံတယ်။ မိရိုးဖလာဆိုတာကတော့ သိပ်မခိုင်မာတဲ့ ဆင်ခြေတစ်ခုပဲ။ ဒါပေတဲ့ လူမှာ ရွေးချယ်ခွင့်ရှိနေပြန်တော့ သက်ဝင်ယုံကြည်မှုနဲ့ ပတ်သတ်လို့ လူတိုင်းမှာ ရွေးချယ်ခွင့်ရှိတယ်ဆိုတာ ကျွန်တော်တို့ လက်ခံရမှာပဲလို့ ပြန်ဖြေလိုက်တယ်။
          ကျွန်တော့်သူငယ်ချင်းရဲ့ သူငယ်ချင်းက ဘာမှထပ်မပြောဘဲ ကျွန်တော်ပြောတာကို စဉ်းစားကြည့်နေပုံရတယ်။ ကျွန်တော့်သူငယ်ချင်းလည်း တယ်လီဖုန်းပြောနေတာ ပြီးသွားလို့ တယ်လီဖုန်းကို သူ့သူငယ်ချင်းရှေ့က စားပွဲပေါ်မှာ တင်ထားလိုက်ရင်း မင်းညီမကတော့ အရင်အတိုင်းပဲ။ အင်မတန်မာတယ်လို့လည်း ပြောလိုက်တယ်။
          ၀၈
          အဲဒီညက တည်းတဲ့အိမ်ကလေးဆီရောက်တော့ ကျွန်တော့်သူငယ်ချင်းက သူ့သူငယ်ချင်းအကြောင်း ပြောတယ်။ ဝေဖန်တယ်လို့ ပြောရမယ်ထင်တယ်။ ဒီကောင်က ကံကိုယုံတယ်။ သူလုပ်တာတွေ အောင်မြင်တာ၊ မအောင်မြင်တာဟာ ကံကြမ္မာကြောင့်ပဲလို့ ထင်တယ်။ သူ ကြိုးစားတာ၊ မကြိုးစားတာ၊ တိုက်ဆိုင်မှုရှိတာ၊ မရှိတာတွေကို ထည့်မစဉ်းစားဘူး။ ကိုယ့်ကိုယ်ကို ဂုဏ်ယူရဲလောက်တဲ့ သတ္တိမျိုးမရှိဘူး။ ဘာမှ မဆင်ခြင်တတ်ဘူး။ လောကမှာ ငတုံးတွေရှိဖို့လိုတယ်ဆိုတာ ဟုတ်တာပဲတဲ့။
          ၀၉
          ခုတစ်ခေါက်တော့ အချိန်တွေ ပိုနေလို့ ကျွန်တော်တို့နှစ်ယောက်သား သူ့သူငယ်ချင်းဆီ သက်သက်လာခဲ့တာပဲ။ လူအန်ပရာဗန်းကနေ ကားနဲ့ နယ်စပ်ကို ပြန်မယ်။ နယ်စပ်ဂိတ်ရဲ့ ဟိုဘက်မှာ ကျွန်တော်တို့ကား လာစောင့်နေမယ်။ ခုအခေါက်မှာလည်း ကျွန်တော့်သူငယ်ချင်းနဲ့ သူ့သူငယ်ချင်းရဲ့ ညီမကိစ္စက ပါလာပြန်တယ်။ မင်းတို့ချင်း အဆင်ပြေသွားကြပြီမဟုတ်လားလို့ သူ့သူငယ်ချင်းက မေးတော့ ကျွန်တော့် သူငယ်ချင်းက ငါတို့က ဘာဖြစ်နေလို့ အဆင်မပြေကြရမှာလဲလို့ ပြန်မေးတယ်။ ဒီကိစ္စကတော့ လွယ်လွယ်နဲ့ ကိစ္စပြတ်မယ့်ကိစ္စတော့ မဟုတ်ဘူးလို့ ကျွန်တော် မြင်တာနဲ့ပဲ ကြားဝင်ပြီး စကားလမ်းကြောင်း ပြောင်းတဲ့အနေနဲ့ ခင်ဗျားညီမကို ကျွန်တော်တောင် တွေ့ဖူးလိုက်တယ်။ အတော်တော့ ချောတာပဲလို့ ဝင်ပြီးပြောလိုက်ရတယ်။ ကျွန်တော့်ကို ကြည့်လို့ သူ့သူငယ်ချင်းက ရယ်ရင်း ပြောတယ်။ ကျွန်တော်နဲ့ မတူဘူး။ ကျွန်တော်က မချောဘူး။ ကျွန်တော့်ညီမက ခင်ဗျားပြောသလို ချောတယ်။ ဒါပေတဲ့ စိတ်က သိပ်မာတယ်။ ဘိုးအေကြီးအိမ်မှာ အနေများလို့ ဖြစ်မယ်။ ဘိုးအေကြီးက နိုင်ငံခြားမှာ ပညာသင်လာတာ။ စော်ဘွားကြီးဆိုပေတဲ့ ဆိုရှယ်လစ်ဝါဒကို သိပ်ကြိုက်တာ။ ကွန်မြူနစ်ဖြစ်သွားမှာစိုးလို့ အတင်းပြန်ခေါ်ခဲ့ရတာ။ ဒီတော့ ပိုက်ဆံရှိတာမကောင်းဘူး။ အာဏာဟာ လူကို ဖျက်ဆီးပစ်တယ်ဆိုတာမျိုးတွေ ပြောလေ့ရှိတယ်။ ကျွန်တော့်ညီမကလည်း အဲဒီလိုပဲ။ ဒီအကောင်ကလည်း အဲဒီလိုပဲ ပြောတယ်လို့ ပြောနေရင်း ကျွန်တော့်သူငယ်ချင်းကို လက်ညှိုးထိုးလိုက်တယ်။
          ကျွန်တော့်သူငယ်ချင်းကတော့ တစ်ခုခုကို သတိရသွားသလားမသိဘူး။ ဖြည်းဖြည်းချင်းခေါင်းခါနေရင်း ဝီစကီကို နည်းနည်းငုံလိုက်တယ်။ ခေါင်းငုံ့ထားတယ်။ ဘာမှ ပြန်မပြောဘူး။ သူ့သူငယ်ချင်းက သူပြောထားတဲ့စကားအပေါ် ပြန်ပြိး ကောက်ချက်ချလိုက်တယ်။ သူတို့က ပိုက်ဆံရှိတာမကောင်းဘူး၊ အာဏာရှိတာမကောင်းဘူးလို့ ပြောနေကြပေတဲ့ အဲဒီအသိုင်းအဝိုင်းကြားထဲမှာ နေရင်းပြောနေကြတာ။ ပိုက်ဆံမရှိတဲ့ လူတွေက၊ အာဏာမရှိတဲ့လူတွေက ပိုက်ဆံရှိတာမကောင်းဘူး၊ အာဏာရှိတာမ ကောင်းဘူးဆိုရင် နားထောင်လို့ ကောင်းသေးတယ်။ ခုတော့… လို့ ပြောပြီး ဆက်မပြောတော့ဘူး။
          ဘာကြောင့်မှန်းတော့မသိဘူး။ ကျွန်တော့်သူငယ်ချင်းက ဘာမှ ပြန်မပြောဘူး။
          ကျွန်တော်ကတော့ သူတို့ဖန်ခွက်တွေထဲကို ဝီစကီတွေ ဖြည့်ပေးလိုက်ရင်း မီးခိုးနံ့သင်းထားတဲ့ ဒိန်းနစ်ရ်ှချိစ်တစ်ခု လှီးယူလိုက်တယ်။ အားလုံး ငြိမ်နေကြတယ်။ နာရီကို ကြည့်လိုက်တော့ ည တစ်နာရီကျော်နေပြီ။ အတော်ကြာမှ ကျွန်တော့်သူငယ်ချင်းက ဝီစကီကို အရသာခံသောက်လိုက်ပြီး စကားအဆက်အစပ်မရှိဘဲ မင်းညီမက ငါ့ကို ချစ်နေသေးပုံပဲလို့ သူ့သူငယ်ချင်းကို ပြောလိုက်တယ်။ နောက်တော့ ထိုင်ရာက ထလိုက်ပြီး မိုးလင်းတော့တယ်။ ခဏတော့ သွားအိပ်လိုက်ဦးမယ် လို့ ပြောတာနဲ့ ကျွန်တော်တို့ပါ ထိုင်ရာက ထလိုက်တယ်။ တံခါးဝရောက်တော့ သူ့သူငယ်ချင်းက ကျွန်တော့်သူငယ်ချင်းကို မေးတယ်။ မင်းကရောတဲ့။
          ၀၁၀
          ကျွန်တော့်သူငယ်ချင်းက သူ့သူငယ်ချင်းရဲ့ ပုခုံးပေါ်ကို သူ့လက်နှစ်ဖက် တင်လိုက်ရင်း အင်မတန်ကြင်နာတဲ့အကြည့်နဲ့ ကြည့်နေတယ်။ ပြီးမှ အသံခပ်ပျော့ပျော့နဲ့ ငါဟာ မင်းလို မဟာမျိုး မဟာနွယ်လည်းမဟုတ်ဘူး။ မိန်းမနှစ်ယောက်ယူပြီး တစ်အိမ်တည်းမှာ ထားတာမျိုးလည်း မလုပ်နိုင်ဘူး ဆိုတာ မင်းသိပါတယ်လို့ ပြောလိုက်တယ်။ ကျွန်တော့်သူငယ်ချင်းအကြောင်းကို ကျွန်တော်သိတယ်။ သူ့မှာ ကြင်နာတဲ့အကြည့်ပေါ်လာရင်၊ သူ့လေသံပျော့သွားရင် သူ့အတွင်းထဲမှာ ဒေါသထွက်နေလို့ပဲ။ အပြုံးတိုင်းဟာ နာကြည်းမှုကို တခြားနာမည်တစ်မျိုးနဲ့ ခေါ်တာဆိုတဲ့ စကားလိုပဲ။ သူ့သူငယ်ချင်းလည်း သိလိမ့်မယ်ထင်တယ်။ သူ့သူငယ်ချင်းက ဘာမှပြန်မပြောတော့ဘဲ ပြုံးပြတယ်။ ဒီအပြုံးကတော့ ရိုးသားမှုရှိတယ်လို့ ကျွန်တော်ထင်တယ်။ ပြီးတော့မှ သွားအိပ်ကြချေတော့၊ မနက်ကျမှတွေ့မယ် ဂွတ်နိုက်လို့ပဲ ပြန်ပြောတယ်။
          ၀၁၁
          တောင်ကုန်းပေါ်က အိမ်ကလေးဆီလျှောက်တက်လာကြတော့ ကျွန်တော့်သူငယ်ချင်းက ခပ်သွက်သွက်လျှောက်တယ်။ လှေကားထစ်တချို့ကို နှစ်ထစ်တစ်ကြိမ်တက်တယ်။  ကျွန်တော်ကတော့ ပုံမှန်အတိုင်းပဲ။ ဆေးရွှေရည်ကလေးသောက်ထားလို့။ မြန်မြန်လမ်းလျှောက်တာဟာ ဆေးရွှေရည်ကို စော်ကားနေသလိုပဲနေမယ်လို့ ထင်လို့။ ရှေးနားဆီက လျှောက်နေရင်း ကျွန်တော့်သူငယ်ချင်းက ကောင်းကင်က လတစ်ခြမ်းပဲ့ကို မော့-မော့ကြည့်တယ်။ နောက်တော့ ကောက်ကာငင်ကာ သီချင်းတစ်ပုဒ်ကို လေချွန်တယ်။
          ၀၁၂
          သီချင်းက အူအီနာမူတီအေ အာရူကို(အူ) ဆိုတဲ့ ဂျပန်သီချင်း။ အမေရိကန် စီးပွားရေးသမားတွေ လုပ်လို့ ဆူကီယာကီဆိုပြီး သီချင်းနာမည်ပြောင်းသွားတာ။ ဟော့ကိုင်းဒိုးမှာ အိုဘိဟိရိုးဆိုတဲ့ မြို့ကလေးအနားဆီက ကင်ဒိုဆရာကြီး တစ်ယောက်ဆီမှာ ကျွန်တော်တို့ သူငယ်ချင်းတစ်သိုက် တပည့်ခံကြတုန်း အဲဒီသီချင်းကို လူတိုင်း ရကြတယ်။ ပစိဖိတ်တစ်နေရာက အမေရိကန် အသံလွှင့်ဋ္ဌာနက လွှင့်လေ့ရှိတယ်။ ကင်ဒိုဆရာကြီးအနားမှာ အလုပ်အကျွေးပြုနေတဲ့ အဘိုးကြီးကတော့ အဲဒီသီချင်းကို ဆူကီယာကီလို့ အမေရိကန်တွေက ခေါ်ကြတာဟာ ဟီရိုးရှိမကို ဗုံးကြဲတာထက် ခံရခက်သေးတယ်လို့ ပြောလေ့ရှိတယ်။ အိုဂျိဆီက သီချင်းရဲ့ အဓိပ္ပါယ်ကို ကျွန်တော်တို့ သိရတာ။ သီချင်းနာမည်ရဲ့ အဓိပ္ပါယ်မူရင်းက ‘ ငါလမ်းလျှောက်နေတုန်း အပေါ်ကို မော့ကြည့်နေတယ်တဲ့။ ဘာကြောင့်လဲဆိုတော့ မျက်လုံးထဲက မျက်ရည်ထွက်ကျမသွားအောင်လို့’ တဲ့။ အဲဒီတုန်းက မှန်မမှန်မသိဘူး။ ကျွန်တော်တို့အားလုံး ဝိုင်းပြီး ဆိုလေ့ရှိတယ်။ ဝိုင်းပြီး လေချွန်တတ်ကြတယ်။ စာသားကို အရသာ သိပ်မခံတတ်သေးဘူး။
          တောင်ကုန်းထိပ်ဆီက အိမ်ကလေးရှေ့နားကို ကျွန်တော့်သူငယ်ချင်းက အရင်ရောက်သွားတယ်။ အိမ်ထဲကို မဝင်သေးဘဲ ဟိုအဝေးဆီ လှမ်းကြည့်ရင်း ဆက်ပြီး လေချွန်နေပြန်တယ်။ တောင်ကုန်းထိပ်ပေါ်ကနေ လှမ်းကြည့်ရင် နယ်ခြားဘက်ဆီသွားတဲ့ အဝေးပြေးကားလမ်းကို လှမ်းပြီး မြင်ရတယ်။ ခုနေတော့ မော်တော်ကားမီးကလေးတစ်ချို့ တွေ့ရတယ်။ တခြားတစ်ဖက်က ကြည့်ရင် မြစ်ကို မြင်ရနိုင်တယ်။ ခုနေတော့ မှောင်နေလို့ မမြင်ရဘူး။ ကျွန်တော့်သူငယ်ချင်းက ကောင်းကင်က လ ထက်ခြမ်းပဲ့ကို ကြည့်နေရင်း လေချွန်နေတာ ရပ်လိုက်ပြီး သီချင်းထဲက ပျော်ရွှင်စရာကောင်းတဲ့ နွေရက်တွေကို သတိရနေတယ် ဆိုတဲ့ စာသားကို ဂျပန်လို ခပ်တိုးတိုး ဆိုလိုက်တာ ကျွန်တော်ကြားလိုက်ရမိတယ်။ နောက်တော့ သူ့ရဲ့ လက်နှစ်ဖက်ကို ဆန့်ပြီး ထက်ခြမ်းပဲ့ လကို ဒီမှာ ကြည့်စမ်း လို့ ပြောသလိုမျိုး လုပ်လိုက်ရင်း သီချင်းရဲ့ နောက်စာကြောင်းကို  အသံကျယ်ကျယ်နဲ့ ဆိုက်လိုက်တယ်။
          ဟိတိုရိဘော့ ချိနိဟိုရု…။
          ၀၁၃
          အင်ဂျွိုင်းသည်နိုက်…၊ ဂွတ်နိုက်လို့ လှမ်းအော်လိုက်ရင်း ကျွန်တော်လည်း အိမ်ထဲဝင်လိုက်မိတယ်။ အခန်းတံခါးပိတ်ပြီး အိပ်ယာပေါ် လှဲလိုက်တုန်း ဟော့ကိုင်းဒိုးတုန်းက အိုဂျိပြောတဲ့ စကားတခွန်းခေါင်းထဲမှာ ပေါ်လာတယ်။ ဝမ်းနည်းစရာတွေကို လူသားရဲ့ တာဝန်တစ်ရပ်အနေနဲ့ ထိန်းသိမ်းထားရတဲ့အတွက် ဝမ်းနည်းစရာရှိနေရင် လူဟာ အသက်ပိုရှည်သတဲ့။ ကျွန်တော့်အနေနဲ့တော့ အိုဂျိရဲ့ စကားအပေါ် ဟုတ်မဟုတ် အာမခံရဲဘူး။ လောလောဆယ်မှာတော့ ဘာကြောင့်တွေ၊ ဘယ်လိုတွေ ကျွန်တော့်ခေါင်းထဲမှာ မရှိစေချင်ဘူး။ အနီးအနားမှာ ရစ်သီရစ်သီလုပ်မနေကြစေချင်ဘူး။ ကျွန်တော့်ညီနဲ့ ကျွန်တော့် သူငယ်ချင်းလက်ခံထားတဲ့ ငတုံးတွေရှိနေတာ လောကရဲ့ လိုအပ်မှု တစ်ခုဆိုတာကို ယာယီလက်ခံလိုက်ပြီး ငတုံးတစ်ယောက်အနေနဲ့ မနက်ဖြန်ရဲ့ ရှိနေခြင်းကို အသိအမှတ်မပြုဘဲ ငြိမ်းငြိမ်းချမ်းချမ်းနဲ့ အိပ်လိုက်ချင်တယ်။ ကျွန်တော်ဟာ မနက်ဖြန်အတွင်းမှာ ပြုတ်ကျနေနှင့်ပြီဖြစ်ပေမယ့်လည်း မနက်ဖြန်ရဲ့ ရှိနေခြင်းကို လက်ခံပြီး ငြင်းဆိုရတော့မှာပဲ။ ဒါပေတဲ့ ငြင်းဆိုမှုတိုင်းဟာ မနက်ဖြန်များစွာရဲ့ ရှိနေခြင်းကို တင်ကူးလက်ခံထားလို့ပဲ ဆိုတာကိုတော့ ငြင်းဖို့မလွယ်လှပြန်ဘူး။

မြင့်သန်း