November 28, 2010

အမြင်ကျဉ်း၊ စံအမှားတို့ဖြင့် ဖန်တီးမှုအနုပညာကို ချဉ်းကပ်ခြင်း(မြင့်သန်း)

ယခင်အပုဒ်မှ အဆက်...
အနုပညာ ဖန်တီးမှုနှင့် ရည်ရွယ်ချက် အပိုင်းသို့ ပြန်သွားပါရစေ။ အနုပညာ အသီးသီးတို့တွင် အသုံးပြုသော ကြား၊ အသုံးခံ ပစ္စည်းတို့နှင့် အတူ

အတတ်ပညာ အခြေခံ ကျွမ်းကျင်မှု များသည်လည်း မတူကြသည် ဖြစ်ရာ ဖန်တီးထားသော အနုပညာ လက်ရာ တစ်ခုက ဖော်ထုတ် ပြထားသော အကြောင်းတစ်စုံ တစ်ရာ(ရည်ရွယ်ရင်း၊ ဦးတည်ချက်)ကို သိရှိရန်မှာလည်း အခြေခံအားဖြင့် မတူညီနိုင်။ ပန်းချီတွင် အလျားအနံတည်း ဟူသော ကန့်သတ်မှု အတွင်းမှ အရောင် အခြေခံ ဖော်ထုတ်မှု ဖြစ်သည်။ ပန်းပုတွင် ထု-ဒြပ်ရှိခြင်းတွင် အခြေခံသော အတိမ်အနက်၊ အနိမ့်အမြင့်သည် အခြေခံ ဖြစ်သည်။ စာပေတွင်သော် သိမှု၏ အတိုင်းအတာတွင် ဘာသာ စကားကို အခြေခံကာ ပြန်လည် ဖော်ထုတ် တင်ပြနိုင်မှု ဖြစ်သည်။ စာပေနှင့် ပတ်သက်သော အကြောင်းများကို အလေးပေး ဆွေးနွေးပါရစေ။ စာပေဟု ကန့်သတ် ခေါ်ဆို ထားခြင်း၏ နယ်နိမိတ် အတွင်း ဘာသာ စကားကို အခြေခံကာ ရေးသား ဖော်ထုတ်ထားခြင်း အမျိုးမျိုး ပါဝင်လေသည်။

ထိုထိုသော အမျိုးမျိုး အတွင်းမှ ကဗျာနှင့် ၀တ္ထု(တို/ရှည်) အရေးအသားတို့မှာ ဖန်တီးမှု အခြေခံ အရေးအသားများ ဖြစ်သည်။ အခြားသော အရေးအသားများ(ဥပမာ ဆောင်းပါး၊ ခရီး သွားဆောင်းပါး၊ အင်တာဗျူး၊ ဖတ်ကောင်းရုံ ရေးသော သမိုင်း ဆန်ဆန်၊ ပညာရပ်ဆန်ဆန် အရေး အသားများ စသည်ဖြင့်)မှာ ရေးသူက ဖတ်သူထံ သိမှု၊ သိစရာ တစ်စုံတစ်ရာကို လက်ပြောင်းလက်လွှဲ လုပ်ထားသော အရေး အသားများသာ ဖြစ် သည်။ (ကောင်း၊ မကောင်း စသည်တို့ကို ဆွေးနွေးနေမည် မဟုတ်။ အမျိုးအစား မတူညီမှုကို ဖော်ပြခြင်းသာ ဖြစ်သည်) သိမှု၊ သိစရာ တစ်စုံတစ်ခုကို ရေးသူမှ ဖတ်သူထံ လက်ပြောင်း လက်လွှဲ လုပ်ရာတွင် ရေးသူ၏ ဦးတည်ချက်မှာ သူ သိစေချင် သည်များ ဖတ်သူထံ ရောက်ရန် အဓိက ဖြစ်သည်။ အတတ် ပညာအခြေခံ၊ ဖော်ထုတ် တင်ပြမှု ပုံစံ တူညီမှုများ ရှိနေပြီး အခြေခံ ဦးတည်ချက်မှာ “သိစေရန်”ဖြစ်သည်။

ဥပမာ-ဂျာနယ်လစ်ဇင် ဟူသော အချက်အလက် အခြေခံသိမှု လက်ပြောင်းလက်လွှဲ လုပ်ပုံကို ဂရုပြု ကြည့်စေချင်သည်။ ရေးသူက ဖတ်သူထံ လက်ပြောင်း ပေးလိုက်သော အသိ တစ်စုံတစ်ရာမှာ ဖတ်သူထံ ရောက်ရှိရန်မှာ အဓိက ဖြစ်သည်။ ထိုကြောင့်ပင် “သတင်း ရေးခြင်းမှာ ၀တ္ထုရေးခြင်း၏ ဆန့်ကျင်ဘက်”ဟူသော ဆိုစကား ရှိနေခဲ့ခြင်း ဖြစ်သည်။ (ဆိုလိုသည်မှာ ဂျာနယ်လစ် တို့က သူတို့၏ စာဖတ်သူများကို ခံစားခိုင်းခြင်း မဟုတ်။ သိ စေချင်သည့် သဘောသာ ဖြစ်သည်။ ဂျာနယ်လစ်ဇင် လောက၌ ပြောလေ့ရှိသည့် Good words, not kind words ဆိုသည့် သဘောပင်)။

ဖန်တီးမှု အရေးအသား များမှာမူ“သိရုံ”မျှ ရေးသားထားသော အရေးအသားမျိုး မဟုတ်။ ဖတ်သူ၏ သိမှတ် ခံစား နားလည်နိုင်ခြင်း အလုံးစုံ အပေါ်သို့ ရေးသူ၏ ဖန်တီးအား ထုတ်ထားမှု အလုံးစုံ ပျံ့နှံ့နိုင်ရန် အားထုတ်ထားခြင်း ဖြစ်သည်။ သို့ဖြစ်ရကား ဖန်တီးမှု အရေးအသားကို ရေးသား သူများသည် သူတို့၏ ရည်ရွယ်ရင်း(အကြောင်း၊ ခံစားချက်၊ အသိတရား စသည်များ)ကို ဖတ်သူထံ မည်သို့ ရောက်နိုင်မည် ဆိုသည်ကို ကြီးမားသော ဦးတည်ချက် အဖြစ် သတိထား ကြရလေသည်။

ကဗျာနှင့် ၀တ္ထု(တို/ရှည်) အရေးအသားတို့မှာ ဘာသာ စကားကို အခြေခံကာ ဖန်တီး တည်ဆောက်ထားခြင်း ဖြစ်လေရာ ဖတ်သူက ရေးသူ၏ ဦးတည် ရည်ညွှန်းချက်ကို ဘာသာ စကား အခြေခံထဲမှ ရနိုင်၊ မရနိုင် ဆိုသည်မှာ ဆက်လက်ဆွေး နွေးစရာ အကြောင်း ဖြစ်လာသည်။ ဘာသာ စကားတိုင်း(မည် သည့် ဘာသာစကား မဆို)သည် အများက ထင်မှတ်မှားထား ကြသည်ကဲ့သို့ လွယ်လှသည် မဟုတ်။ ဘာသာစကား အရ သာမန် ဖော်ထုတ်သည်များကိုပင် လွယ်လင့်တကူ အနက်မိရန် မလွယ်ဖြစ်တတ်သေးသည်။ ကဗျာ အဖြစ်ဖြင့်သော် ပို၍ ခက်နေ ပေသည်။ (တွေးခေါ်ရှင် ဟိုက်ဒဂါ Heidegger ၏စကားတစ် ခွန်းဖြစ်သော Language itself is potry in the essential sense ကို သတိပြု ကြည့်ကြစေချင်သည်။ အကျယ်ကို Martin Heidegger ၏ The Origin of the work of art’ (၁၉၇၃)တွင် ကြည့်ပါ။)

ပို၍ခက်သည်ဟု ဆိုရာတွင် ကဗျာ ရေးသူက ခက်ခက်ခဲခဲ ဖြစ်စေရန် ဦးတည်၍ အားထုတ် ထားသောကြောင့် မဟုတ်။ ဘာသာ စကားက အနေအထား ပြောင်းလဲသွားသော ကြောင့်သာ ဖြစ်သည်။ ကဗျာသည် ဘာသာ စကားကို အလွှဲ အပြောင်း အလုပ်နိုင်ဆုံးသော ရပ်ဝန်းဖြစ်သည်။ ထို့ပြင် စာလုံးများဖြင့် တည်ဆောက်ထားသော ကဗျာတိုင်း၏ ဆိုလိုရင်းမှာ ထိုစာလုံးများ၏ အနက်အတိုင်း ကွက်တိ သဘောဆောင်ချင်မှ ဆောင်ပေမည်။ အကြမ်းဖျင်း သဘောပေါက်ရန် မြန်မာတို့၏ အစဉ်အလာ ဘာသာစကား ဘောင်အတွင်းမှ ရေးစပ်ထားသော ကဗျာ တစ်ပုဒ်မှ အပိုင်းအစ တစ်ခုကို ဖတ်ကြည့်ပါ။
ထိုနှစ်များ၌ ပျားတို့သည် မချို မှိုတို့သည် မပေါက်၊ ယာတို့သည် ခြောက်ကုန်၏...

ဤကဗျာတွင် ကဗျာ ဆရာက ဆိုလိုသည်ကို သိရန် ခက်ခက်ခဲခဲ ကြိုးစား အားထုတ်စရာ လိုမည်မထင်။ မလိုရသည့် အကြောင်းမှာ နေ့စဉ်သုံး စာလုံး၊ နေ့စဉ်ပြောဆို နေကြသော အကြောင်းအရာများ သို့မဟုတ် မနီးရိုးစွဲ အကြောင်းများ။ ထို့ထက် ပို၍သော် ဖတ်ရှုရသည့် စာလုံးများမှာ ကဗျာ ရေးသူ၏ ရည်ရွယ်ရင်းများ (သိစေ မြင်စေချင်သော အကြောင်းများ)ဖြစ်နေသောကြောင့် ဖြစ်သည်။ ထိုရွေ့ ထိုမျှသာ ဖတ်ရှု ရခြင်းဖြင့် ကဗျာဆရာ၏ ဆိုလိုရင်းကို ထိုရွေ့ထိုမျှသော အတိုင်းအတာ အထိ ရပေမည်။ အစဉ်အလာဖြင့် ထိန်းကျောင်းထားသော (Convention Constrained သဘောဖြစ်သည်။)ဘာသာ စကား၏ ဖော်ထုတ်မှု ပုံစံအတိုင်း ဖြစ်သည်။ အခြား မြန်မာကဗျာ တစ်ပုဒ်မှ စာကြောင်း အချို့ကို ဖတ်ကြည့် စေချင်သေးသည်။

အဖြစ် ဆိုးလှချည်လား ရွှေကိန္နရီရယ်
ဒီလို ဖြစ်မယ်မှန်း ကြိုလှမ်းသိရင်
ဒီပွဲ မ၀င်ပါဘု၊ ဆင်နွှဲမယှဉ်ပါဘု
ခု ခုတော့ကွယ်
တောင်ချွန်းစွယ် မကျော်ခင်မှာမှ
မီးလောင် ပြာကျရတယ် ဆိုတော့
မီးလောင် ပြာကျရတယ် ဆိုတော့။ ။

ဤကဗျာတွင်သော် ကဗျာ ဆရာ၏ ဆိုလိုရင်းများကို သိရန်အတွက် အကြောင်းအရာကို သိရန်လိုသည်။ စာလုံးများက ပေးသော အသိ တစ်စုံ တစ်ရာသည် ကဗျာအရ ကဗျာ ဆရာက ဖော်ထုတ် ထားသည်များကို သိမှတ်ခံစား နားလည်ရန် မလွယ်။ ဤစာကြောင်းများနှင့် ဆက်စပ်နေသော အဆက် အစပ်( Context ကို ဆိုလိုသည်။) မှန်သမျှနှင့် ကဗျာ၏ အတွင်းသား( Content ကို ဆိုလိုသည်။)ကိုသိရန် လိုသည်။ ဥပမာ- “ရွှေကိန္နိရီ” ဆိုသည်ကို ဘာမှန်း မသိသေးသမျှ ကဗျာ ဖတ်ရှုခြင်းမှာ ခရီး မတွင်နိုင်သေး။ ကဗျာ ဆရာ၏ ဖော်ထုတ် တင်ပြ လိုသည် မှန်သမျှမှာ ဘာသာစကားချည်း သက်သက်ကို သိရုံဖြင့် မလုံလောက်။ ကဗျာ၏ နောက်ကွယ်က အကြောင်း အရာများကို သိရန်လည်း လိုအပ်လာသည်။ ထပ်မံ၍ မြန်မာ ကဗျာ တစ်ပုဒ်မှ စာကြောင်း အချို့ကို ဖတ်ကြည့် စေချင်ပြန်သည်။

ကီလီမန်ဂျားရိုးဟာ
ဆိုက်ဘေးရီးယားမှာ ရွာတတ်တဲ့ မိုးတစ်မျိုးလား။
ကီလီမန်ဂျားရိုးဟာ
ကိုမာဝင်ပြီး သွားလာနေထိုင်
ပြုမူ ပြောဆိုနေခြင်း တစ်မျိုး ဖြစ်တယ်။
ကီလီမန် ဂျားရိုးကို
ခင်ဗျားလမ်းမှာ တွေ့ရင်
သူ့ကို ဘယ်လို ဆက်ဆံမလဲ။

ဤကဗျာတွင်သော် ကဗျာ ဆရာက ရှေ့တွင် ဖော်ပြခဲ့သော ကဗျာများကဲ့သို့ သူ၏ ဆိုလိုရင်းမှာ အကြောင်းအရာ သက်သက် မဟုတ်တော့။ ကဗျာဆရာက ကဗျာ ဖတ်သူ၏ ပါဝင် ပတ်သက်မှုကို နေရာ ပေးထားသော ကဗျာဖြစ်သည်။ ကဗျာတို့၏ အစဉ်အလာ ပုံစံများတွင် တွေ့ရသောအဆိုချည်းသက် သက်။ အဆိုပြုမှု တစ်စုံတစ်ရာကို ထပ်ဆင့် ခိုင်မာအောင် အဆိုများ ထပ်မံ တည်ဆောက် ပြနေခြင်း မဟုတ်တော့။ စာလုံး၊ စကားလုံးများမှာ သာမန် လူတို့၏ နေ့စဉ်သုံး စာလုံး၊ စကားလုံးချည်း မဟုတ်။ ဥပမာ-ဆိုက်ဘေးရီးယား၊ ကိုမာ စသည့် စာလုံးများ။

သို့ရာတွင် ထိုစာလုံး၊ စကားလုံးများကို ရင်းရင်း မြစ်မြစ် သိရမည်ဟု မဆိုလို။ အဆက်အစပ်များကို အခြေခံ ၍ အနက်များကို ချဲ့ထွင်လိုသော် ချဲ့ထွင်ယူ၊ ကဗျာ ဆရာ၏ ဘက်မှ တားမြစ်ထားခြင်း မရှိ။ ကဗျာ၊ ကဗျာ ရေးသူနှင့် ကဗျာ ဖတ်သူတို့ အကြားတွင် (အရပ် စကားဖြင့် ဆိုရသော်) အလုပ်ဖြစ်ရန် ( Whatever-work သဘောဖြစ်သည်။)သာ အရေး ကြီးလေသည်။ “ဘာကို ပြောနေတာလဲ”နှင့် “ဘာကို ပြောချင်တာလဲ”ကိုသိဖို့ လိုသည်။ ပြောနေသည်မှာ ကီလီ မန်ဂျားရိုး အကြောင်း ဖြစ်နေခြင်းကို မငြင်းဆိုနိုင်။ သို့သော် ပြောချင်သည်မှာ ကီလီမန်ဂျားရိုး အကြောင်းပဲဟု မည်သူကမျှ အာမ၀န္တာ မခံနိုင်။(ဤနေရာတွင် ပထမဦးဆုံး ညွှန်းခဲ့သော ကဗျာမှ စာကြောင်း တချို့ကို ပြန်ဖတ်ကြည့် စေချင်သည်။ “ဘာကို ပြောနေတာလဲ”နှင့် “ဘာကို ပြောချင်တာလဲ”မှာ အတူတူဖြစ် နေကြောင်း တွေ့ရပေမည်။)

ဤသည်မှာပင် ယနေ့ ကာလ၏ ဘာသာစကား အခြေခံ ဖန်တီး တည်ဆောက်မှု နယ်ပယ်အတွင်း ပြောင်းလဲလာသော သဘောတစ်ခု ဖြစ်သည်။ ဘာသာစကား အခြေခံကာ ပြောင်းလဲ နေခြင်းကို မသိဘဲလျက် (သို့မဟုတ်၊ နားမလည်ဘဲလျက်) စံတစ်စုံတစ်ရာကို ကိုင်စွဲကာ စိစစ်အကဲ ဖြတ်ရန် မဖြစ်နိုင်။ အကြောင်းမှာ ဖန်တီးသူ(ကဗျာရေးသူ၊ ၀တ္ထုရေးသူ စသည်များ)တို့၏ ရည်ရွယ်ရင်း ဦးတည်ခြင်းများကို မသိနိုင်။ အထူးသဖြင့် ဖန်တီးစာ အရေးအသားများတွင် ဘာသာ စကားများ၏ အခန်း ကဏ္ဍကို လွှတ်ပေး ထားသောကြောင့် ဖြစ်သည်။ ယနေ့ ကာလတွင်သော် ဖန်တီးစာ ရေးသားမှုများကို အတိုင်းအတာတစ်ခု အထိ အသိအမှတ်ပြု တန်ဖိုးထား လက်ခံနိုင်ခြင်း မရှိဘဲ ဖြစ်စေ၊ ပညာရပ် အခြေခံ စည်းစနစ် တစ်စုံတစ်ရာ မပါဘဲဖြစ်စေ၊ မျက်နှာလွှဲ ခဲပစ် ဝေဖန် ပြောဆိုရန် မသင့်တော့။ ထိုအပြုအမူများမှာ သေးသိမ်၍ အောက်တန်း ကျသော အပြုအမူများသာ ဖြစ်ပါသည်။

ဖန်တီးမှု အရေးအသား ဖြစ်သော ၀တ္ထုအကြောင်းကို စဉ်းငယ်မျှ ထည့်သွင်း ဆွေးနွေးလိုပါသည်။ ၀တ္ထုဖတ်ခြင်းမှာ လူ့သမိုင်းနှင့် လူ့ယဉ်ကျေးမှုတို့၌ အခြေခံခဲ့သော အပြုအမူ တစ်ခုသာ ဖြစ်ပါသည်။ ၀တ္ထုမှာ အမှန်တရား အကြောင်း၊ သစ္စာတရား အကြောင်း ဆွေးနွေးနေသော ကျမ်းစာ မဟုတ်ပါ။ နိဗ္ဗာန် ရောက်ရာရောက်ကြောင်း မဟုတ်ပါ။ သက်ဝင် ယုံကြည်မှု၊ ဘာသာရေး အခြေခံတို့ဖြင့် တည်ဆောက် ပြထားသော အမှန်တရားများ မဟုတ်ပါ။ ဇာတ်၊ နိပါတ်များနှင့်မူ နီးစပ်ကောင်း နီးစပ်နိုင်သည်။ ၀တ္ထု အရေးအသားကို ဖတ်သူသည် စတင်၍ မဖတ်မီကတည်းက သူတို့ ဖတ်မည်မှာ ၀တ္ထု ဆိုသည်ကို သိနှင့် ထားကြသည်။ အကြောင်းမှာ သူတို့၏ ရွေးချယ် နိုင်ခွင့်သဘော အရ ရွေးချယ်ကာ ဖတ်ရှုကြသောကြောင့် ဖြစ်လေသည်။

ဤနေရာတွင် သာမန် စာဖတ်သူနှင့် ဝေဖန်ရေး ပညာရှင် (ဤတွင် စာပေ ဝေဖန်ရေး၏ စနစ်၊ စည်းကမ်း၊ နည်းလမ်းတို့ကို သိကျွမ်း တတ်မြောက်သော “ပညာရှင်”ကိုသာ ဆိုလိုသည်။ ခပ်တိုင်းငန်များ မဟုတ်။)၏ ဖတ်ပုံမှာ ကွာခြားပေမည်။ သာမန် စာဖတ်သူများသည် သာမန် စာဖတ်ပုံကိုသာ အခြေခံ၍ ဖတ်သည်ဖြစ်ရာ သူတို့ရရှိသော ကျေနပ်မှု တစ်ခုမှာ ပညာရှင် ဇွန်ရှိုင်း Lisa Zunshine စကားဖြင့် ဆိုရသော် “၀တ္ထု ဖတ်လို့ရတဲ့ ကျေနပ်မှု ဆိုတာဟာ ၀တ္ထုထဲက လူတွေအကြောင်း၊ သူတို့တွေးပုံ စတာတွေကို ကိုယ်ကပါ လိုက်ပါ တွေးကြည့်နိုင် လို့ပဲ”ဟု ဆိုရပေမည်။ (အကျယ်ကို သူ၏ Why do we read Fiction? ၊ (၂၀၀၆)တွင် ကြည့်ပါ။) ၀တ္ထုထဲက ဇာတ်ကောင်သည် ၀တ္ထုထဲက ဇာတ်ကောင်ပင် ဖြစ်သည်။

ဝတ္ထုထဲက အလက်ဇန္ဒြား မင်းကြီးသာ ဖြစ်သည်။ ပေစာ၊ ကျောက်စာ၊ သမိုင်း ဘုတ်အုပ်တို့ဖြင့် ညှိရန်မလို။ နေ့စဉ် ဘ၀ထဲက တကယ့်လူကို ကိုယ်စားပြု ကောင်းပြုထားသည့် ဇာတ်ကောင် ဖြစ်နေသည့်တိုင် ထိုဝတ္ထုထဲက ဇာတ်ကောင်သည် တကယ့် လူကဲ့သို့ အသက်မရှိ။ သူ့တွင် ရှိသော အသက်မှာ သူ့ကို ရေးသား ဖော်ထုတ်ထားသူက ပေးသနားထားသော “စက္ကူပေါ်က”လှုပ်ရှားနိုင်မှုသာ ဖြစ်သည်။ ၀တ္ထု တစ်ခုလုံးမှာ သူ၏ လောကကြီးသာ ဖြစ်သည်။ ရေးသား သူက ဖော်ထုတ်ထားသည့် အတိုင်းအတာထက် ပိုကာ မစွမ်းဆောင်၊ မလှုပ်ရှားနိုင်တော့။ ဥပမာ ဘေ(လ်)ကလင်တန် အမည်ရှိ ဇာတ်ကောင်မှာ ၀ါးဘလောက်သောက်မှ မိဘမဲ့ ကလေးဟု စာရေးဆရာက ဖန်တီး ထားခဲ့လေသော် ဝေဖန်ရေး ပညာရှင် အပါအ၀င် မည်သည့် စာဖတ်သူကမျှ ထိုအချက်ကို ပြန်လည် မပြင်ဆင်နိုင်။ စောဒက မတက်နိုင်။ စောဒကတက် လိုသော်၊ ဝေဖန် ဆန်းစစ်လိုသော် ထိုဝတ္ထုကို တည်ဆောက် ထားခြင်း အတွင်းမှသာ စောဒက တက်နိုင်၊ ဝေဖန် နိုင်ပေမည်။ (ဤတွင် ရှေး၌ဆိုခဲ့ပြီး ဖြစ်သည့်အတိုင်း အသိပညာ အရာတွင် နွမ်းပါးသိမ်ငယ် အောက်တန်းကျ သူတို့က ပြုမှုလေ့ ရှိတတ် သည်ကို မတားမြစ်နိုင်ပါ။)

ထိုဝတ္ထုကို စာဖတ်သူတို့က သဘောကျခြင်း၊ ကျေနပ်ခြင်းမှာ စာရေးသူ၏ အားထုတ်မှု အပေါ် သဘောကျခြင်း၊ ကျေနပ်ခြင်းသာ ဖြစ်သည်။ တစ်နည်း ဆိုရသော် စာရေးသူ၏ ဖန်တီး တည်ဆောက်နိုင်မှု အစွမ်း၊ အင်အားစသည်များကို တန်ဖိုး ထားကြခြင်းသာ ဖြစ်ပေသည်။ ၀တ္ထုဆိုသည်မှာ ဖန်တီးမှု တစ်ခုဟု ဆိုခဲ့ပြီး ဖြစ်သည်။ သို့ဖြစ်ရကား ဘာသာ စကားကို အခြေခံပြီး ဖန်တီးထားသော ၀တ္ထုတစ်ပုဒ်၊ တစ်အုပ်အား ဝေဖန် ဆန်းစစ်ရန်မှာ ဘာသာ စကားကို အခြေခံထားသော ပညာရပ်၊ စည်းကမ်း၊ စနစ်များ အတွင်းမှသာ ဖြစ်ရပေတော့မည်။ ဆိုလိုသည်မှာ ဥပမာ-၀တ္ထုထဲက ဇာတ်ကောင်၏ အမည်မှာ သိဒ္ဓတ္ထဟု ပေးထား သည်ဆိုပါစို့။ ဘာသာရေး အခြေခံဖြင့် ကြည့်ကာ ဤသို့အမည် မပေးအပ်ဟု ဆိုခြင်းမှာ ၀တ္ထုကို ဝေဖန်ခြင်း မဟုတ်။ ဘာသာရေး အမြင်ဖြင့် တစ်ဖက်စောင်းနင်း ကောက်ချက်ချမှုမျိုးသာ ဖြစ်သည်။ အိန္ဒိယ ပြည်တွင် ထိုအမည်မျိုးမှာ သာမန် အမည်သာ ဖြစ်သည်။ (အလားတူပင် ဂျီးဇက်၊ မိုဟာမက် စသည့် အမည်များမှာ ကမ္ဘာပေါ်တွင် သာမန် အမည်များသာ ဖြစ်သည်။ စင်စစ် Identity ကသာ အမည်ကို ထူးခြားစေခြင်း ဖြစ်သည်။

အမည်တိုင်းမှာ သာမန်သဘော ဆောင်သည်။ ဆိုလိုသည်မှာ မောင်ဘသည် သာမန်ဖြစ်ပြီး မောင်ဘ ဆိုသည်မှာ မည်သူ ဖြစ်ကြောင်းကို ဖော်ထုတ် နိုင်ခြင်းကသာ အခရာ ဖြစ်သည်။ ဥပမာ ဖဲသမား မောင်ဘ၊ ရှေ့နေမောင်ဘ၊ ဗိုလ်မှူးကြီး မောင်ဘ၊ အငြိမ်းစားမောင်ဘ စသည်ဖြင့်။ ဤသည်မှာ သီးခြား အကြောင်းရပ် ဖြစ်၍ အရှည်အကျယ် ဆက်လက် မဆွေးနွေးတော့ပါ။) ထို့ကြောင့်လည်း “၀တ္ထုထဲတွင် အရာရာမှာ ဖြစ်နိုင်သည်”ဟူသော စကားရှိနေခြင်း ဖြစ်သည်။ ၀တ္ထုကို ထိုသို့ မမြင်ဘဲ အလွန်တိမ်သော၊ ညံ့သော၊ အောက်တန်းကျသော အမြင်ကို အခြေခံကာ ရှုမြင်ခဲ့ကြ ခြင်းများလည်း ရှိသည်။ လွန်ခဲ့သော ဆယ်နှစ်၊ ဆယ့်ငါးနှစ်ခန့်က အညာသား ကဗျာရေးသမား တစ်ဦးက “၀တ္ထုဆိုတာ ယုတ်စွအဆုံး လူ့လောကကို အမှန်အတိုင်း သစ္စာရှိစွာ ထင်ဟပ် ပြရမယ်လို့ ယူဆတယ်။ ဓာတ်ပုံ ရိုက်သလို ပကတိ အတိုင်း ပြချင်လည်း ပြပေါ့”ဟု ရေးခဲ့ဖူးသည်။

ထိုကဗျာရေး သမားမှာ စာပေကို ပညာရပ် တစ်ခု အဖြစ် လေ့လာခဲ့ဖူးသူ မဟုတ်။ သူ၏ စိတ်ထဲတွင် ရှိသည်တို့ ကို ချရေးလျှင် စာပေ ဝေဖန်ရေး လုပ်သည်ဟု လက်ခံထားသူ ဖြစ်ရာ သူ၏ အမြင်မှာ မည်သည့် စာပေစနစ်၊ နည်းပညာ၊ အယူအဆများ အရ၊ မဟုတ်ချေ။ ထို့ကြောင့်လည်း ၀တ္ထု ဆိုသည်ကို သူထင်ရာ တွေးကာ ရေးပြီး အနက် ပေးလိုက်ခြင်း ဖြစ်တော့သည်။ သူ့အလိုအတိုင်း“၀တ္ထု”ကို လက်ခံမည် ဆိုသော် ၀တ္ထုကို ၀တ္ထု အရေးအသားမျိုးဖြင့် ရေးရန် မလိုတော့။ သတင်း တစ်ပုဒ်၊ စာတမ်းတစ်စောင် အဖြစ်သာ ရေးသား ရပေမည်။ ထို့ပြင် (စပ်လျဉ်းနေသဖြင့် တင်ပြရသော်) ဓာတ်ပုံ ဆိုသည်မှာ ပကတိမဟုတ်။ အမြင် အခြေခံ၌ တည်သော ပြန်လည် တင်ပြထားမှု တစ်ရပ်သာ ဖြစ်သည်။

စင်စစ် စာပေကို ပညာရပ် တစ်ခုအဖြစ် လေ့လာကာ ဝေဖန်ဆန်းစစ် အကဲဖြတ်မည် ဆိုသော် စနစ်၊ စည်း တစ်စုံတစ်ရာ အတွင်းမှသာ ဝေဖန် ဆန်းစစ်ခြင်း ပြုနိုင်ပေမည်။ မိမိအမြင် တစ်ခုတည်းကို အခြေခံကာ မပြုနိုင်၊ ပြုသော် စနစ်တကျ ပြုခြင်း မမည်တော့။ စနစ်တကျ မဟုတ်သော် တန်ဖိုး တစ်စုံတစ်ရာ မရှိ။ ဥပမာ၊ ကိုယ်ကျင့်တရား စံများအရ စာပေအရေး အသားထဲမှ ဇာတ်ကောင်၊ ဇာတ်လမ်းကို တိုင်းတာကြည့်မယ် ဆိုပါစို့။ မည်သို့ တိုင်းတာပါ့မည်လဲ။ အကြောင်းမှာ နေ့စဉ် (တကယ်) ဘ၀ အတွင်းမှာပင် ကိုယ်ကျင့် တရားစံများမှာ ထွေပြားကာ ရောထွေး နေတတ်သည်။ ကာလတရား မတူညီခြင်း၊ လူ့အဖွဲ့အစည်း မတူညီခြင်း စသည် စသည့် အချက်များစွာကို ထည့်သွင်း စဉ်းစားလေသော် ပိုမိုရှုပ်ထွေး သွားပေတော့မည်။

ထို့ပြင် ၀တ္ထုဟူသော ဖန်တီး ရေးသားမှုထဲတွင် ဦးဖြူ မှန်လျှင် အမြဲတစေ လူသူတော်ကောင်း ဖြစ်၍ ဦးနက် မှန်လျှင် အမြဲ တစေ လူဆိုးလူမိုက် ဖြစ်ရမည်ဟု ကန့်သတ်ထား၍ မရ။ ၀တ္ထုကို ဘာသာ စကားဖြင့် ဖန်တီးပြသော ရေးသားသူတွင် သူ့ဇာတ်လမ်း၊ ဇာတ်ကောင်ပေါ်တွင် လုပ်ပိုင်ခွင့်အပြည့် ရှိနေသည်။ လူကောင်းဟု အများက လက်ခံထားသော ဇာတ်ကောင်ကို လူဆိုး တစ်ဦးကဲ့သို့ မြင်လာအောင် ဖန်တီးတည် ဆောက်နိုင်ခြင်းသည်ပင် စာရေးဆရာ၏ ပြောင်မြောက်မှု တစ်ရပ်ဖြစ်သည်။ ဆိုလိုသည်မှာ ကိုယ်ကျင့်တရား ဆိုင်ရာ စံများအရ မသင့်လျော်ဟု ဆိုနိုင်သော အနုပညာ လက်ရာ ပစ္စည်း တစ်ခုသည် အနုပညာ အရာ၌ ပြောင်မြောက် နေနိုင်သော သဘောဖြစ်သည်။

(အကျယ်ကို Berys Gaut ၏ The Ethical Criticism of Art စာတမ်း(၁၉၉၈)တွင် ကြည့်ပါ။) ၀တ္ထုတစ် ပုဒ်၊ ကဗျာတစ်ပုဒ်၊ ပန်းချီကား တစ်ချပ် စသည်တို့ကို ၎င်းင်းတို့ နှင့် ဆီလျော် အပ်စပ်မှု ရှိသော ပညာရပ် အခြေခံနည်း၊ စနစ်၊ စည်း၊ မူ တို့ဖြင့် လေ့လာတိုင်းတာ စံကိုက်ကြည့်မည့် အစား မလိုအပ်သော အခြားခြားသော စံများနှင့် တိုက်ဆိုင်ကြည့်ခြင်း မှာ စနစ်ကျသော ဆင်ခြင်မှုမျိုး မဟုတ်။ တန်ဖိုး တစ်စုံတစ်ရာ ရှိလှသည် မဟုတ်။ ပညာအရာ မြောက်သည် မဟုတ်။ ဖန်တီးထားသော အနုပညာ လက်ရာတိုင်းတွင် ဖန်တီးနိုင်စွမ်းကို အဓိက ထား၍ ကြည့်မိကြရန် လိုသည်။ ပညာရှင် ကီရန်က “အရေး ကြီးတာက အနုပညာ ဖန်တီးသူက သူဖန်တီးထားတဲ့ လောကကြီးကို ဘယ်ရွေ့ဘယ်မျှ အထိ တို့တစ်တွေကို မြင်စေခဲ့တယ်။

ခံစား နိုင်စေခဲ့တယ် ဆိုတာပဲ”ဟု ဆိုခဲ့ဖူးသည်။ (အကျယ်ကို Matthew Kieran ၏ Forbidden Knowledge the Challenge of Immoralism (၂၀၀၃)တွင်ကြည့်ပါ။) မှန်၏။ ဖန်တီးမှု အနုပညာတွင် ဖန်တီးမှု အခန်း ကဏ္ဍကို တန်ဖိုး ထားရမှန်း မသိသေးဘဲ ထင်ရာမြင်ရာ ၀ါးလုံးရှည်ဖြင့် ၀င်ရမ်း နေကြရန် မသင့်တော့ပါ။ တတ်လျှင်(ဆိုလိုသည်မှာ ပညာရပ် အခြေခံ လေ့လာမှုတွင် တကယ်တမ်း စနစ်တကျ ပေါက်မြောက် တတ်သိခဲ့ကြပါလျှင်)အများလည်း အကျိုး ရှိလောက်သည့် စာမျိုး ရေးကြစေချင်သည်။ ဆိုခဲ့ပြီးသည့် အတိုင်း ပညာရပ် အခြေခံ လေ့လာမှုတွင် ဆီလျော် အပ်စပ်မှုနှင့် စည်း၊ စနစ်၊ နည်းပညာများ လိုအပ်ပါသည်။ ထို့ကြောင့်လည်း အင်္ဂလိပ် ဘာသာ စကားတွင် Discipline ဟူသော စာလုံးကို တွင်တွင် ကျယ်ကျယ် သုံးနေကြခြင်း ဖြစ်သည်။ အမြင်ကျဉ်း၊ စံအမှားတို့ဖြင့် ဖန်တီးမှု အနုပညာကို ချဉ်းကပ်ခြင်းမှာမူ ပြာသိပ် မိုးရွာရုံမို့၊ ပျိုးမချလောက်သေးပါ ဟူ၍သာ ဆိုရပေတော့မည်။



မြင့်သန်း
(ရွှေအမြုတေ မဂ္ဂဇင်း၊ဒီဇင်ဘာ ၂၀၁၀) ပါ ဆောင်းပါးအား စုစည်းထားခြင်း ဖြစ်သည်။

တေဇာအောင်
29,November,2010

November 16, 2010

အမြင်ကျဉ်း၊ စံအမှားတို့ဖြင့် ဖန်တီးမှု အနုပညာကို ချဉ်းကပ်ခြင်း

''Art and art works are what
they may become''
T.W.Adorno, Aesthetic Theory

ရှေးဦးစွာ ပိုမို ယေဘုယျ ကျသော အနုပညာ အကြောင်းကို ပြန်လည် လေ့လာ ကြည့်နေချင်သည်။ အနုပညာသည် လူ့အဖွဲ့အစည်း အတွင်း သီးခြား အဆောက်အအုံ တစ်ခုအဖြစ် ရပ်တည်နိုင်သည် ဆိုခြင်းမှာ မငြင်းဆိုနိုင်။ အရပ် စကားဖြင့် ဆိုသော်၊ အနုပညာသည် လူ့အဖွဲ့အစည်း အတွင်းမှ အခြား အခြားသော အဆောက်အအုံများနှင့် (အဆက်အသွယ် ပြုလိုသော် သို့မဟုတ် ဆက်စပ်မှု ရှိလိုသော် ရှိနိုင်သော်လည်း) ကင်းကင်း နေလိုသော် နေနိုင်သည့် အဆောက်အအုံ တစ်ခုဖြစ်သည်။ ရှေးက ပေါ်ခဲ့သော“အနုပညာသည် အနုပညာ အတွက်ဖြစ်သည်”ဟူသော အမြင်မှာ အနုပညာ၏ သီးခြား ရပ်တည် နေနိုင်မှုကို အားပေး အားမြှောက်ပြုခဲ့သော အဆိုဖြစ်သည်။

သို့ရာတွင် ထိုအမြင်ကို (မြန်မာနိုင်ငံတွင်သော်) ဆိုရှယ်လစ် ယောင်ယောင်၊ ကွန်မြူနစ် ယောင်ယောင်များက“ပြည်သူ”ဟူသော စကားလုံး၊ စာလုံးကို လိုအပ်သည်ထက် ပို၍ လှိုင်လှိုင်ကြီး သုံးကာ တိုက်ခိုက် ခဲ့ကြသေးသည်။ စင်စစ် အနုပညာသည် အနုပညာ အတွက်ဟု ဆိုကြသည်မှာ အနုပညာရှင်တို့ ဘက်မှ ရပ်တည်ပေးသော၊ အလေးပေးသော အမြင်သာ ဖြစ်၍ အနုပညာကို အကျိုးယုတ် စေသော တန်ဖိုး ချလိုက်သော အမြင် မဟုတ်ပါ။ အရင်းရှင် တို့၏ အနုပညာ အပေါ် လက်ဝါးကြီး အုပ်သော အပြုအမူ အပေါ် ဆန့်ကျင်ခြင်းသာ ဖြစ်သည်။ သို့ရာတွင် ယောင်ယောင်ဝါဒီ တို့က ဆိုရှယ်လစ်-ကွန်မြူနစ်တို့၏ အမြင်၊ အယူ အဆများကို လိုသလို ဆွဲယူသုံးကာ အနုပညာ အပေါ် တိုက်ခိုက်မှု ယိုးစွပ်မှုများ ပြုလာခဲ့ကြခြင်းဖြင့် အနုပညာမှာ အနက်ဖွင့် လွဲမှားမှုများ အောက်၌ ပြောက်သောက်အသွင် အဆင်တန်ခဲ့ရသည်။ အကယ်၍သာ အနုပညာကို အနုပညာ ဆိုင်ရာ အမြင်၊ အယူ အဆများ၊ ရသပညာရပ် ဆိုင်ရာအမြင်၊ အယူအဆများဖြင့် လေ့လာကာ အကဲဖြတ်ခြင်း၊ တန်ဖိုး ဖြတ်ခြင်းများ ပြုခဲ့လေသော် အနုပညာ အပေါ် အနက်ယူ လွဲမှားစရာ အကြောင်းမရှိ။

စော်ကားရန် အကြောင်းမရှိ။ သို့ဖြစ်ရကား အနုပညာ(တစ်ရပ်ရပ်)ကို အခြားသော စံများဖြင့် အကဲဖြတ်ခြင်းကို လေ့လာ ကြည့်ရန် လိုအပ်လာသည်။ တစ်ချိန်တည်းမှာပင် အနုပညာ ပရ၀ုဏ် အတွင်းမှ ရရှိသော သိမှု အခြေခံ သက်သက်ဖြင့် ထုတ်ဖော်ပြ ဆိုသော အမြင်၏ အကျိုး သက်ရောက်မှုကို လေ့လာ ကြည့်ရန်မှာ လိုအပ်နေသည်။ အနုပညာသည် လူအဖွဲ့အစည်း အတွင်း သီးခြား အဆောက်အအုံ တစ်ခုအဖြစ် ရပ်တည် နေနိုင် သည်မှာ မှန်သော်လည်း အနုပညာ လက်ရာ အသီးသီးတို့မှာ ကန့်သတ်မှု အတိုင်းအတာ တစ်ခုအတွင်း၌သာ တည်နေကြ သည်။“ကန့်သတ်မှု”ဟုဆိုသဖြင့် အနက်ယူ မလွဲကြစေချင်။

ဤတွင် ဆိုလိုသော ကန့်သတ်မှု သဘောမှာ“အနုပညာ လက်ရာ တစ်ခုဖြစ်ခြင်း”ဟူသော အတိုင်းအတာ အကန့်အသတ် ဖြစ်သည်။ ကဗျာတစ်ပုဒ်၊ ၀တ္ထု တစ်ပုဒ်သည် ဘာသာစကား တစ်ခုခုကို အခြေခံကာ ရေးသားထားခြင်း၊ ပုံနှိပ်ထားခြင်း ဖြစ်သည်။ အလားတူပင် ပန်းချီကား တစ်ချပ်သည် ကင်းဗတ်စ၊ ကတ်ဘုတ်ပြား၊ စာရွက်၊ စက္ကူစသည့် ဖန်တီးမှု အတွက် လိုအပ်သော အခြေခံ ပစ္စည်း တစ်ခုခု အပေါ်တွင် ခဲ၊ မင်၊ ဆေးရောင်စုံ စသည့် ကြားခံ အသုံးပြုသည့် ပစ္စည်း တစ်ခုခုဖြင့် ရေးသား၊ ဆွဲသားထားခြင်း ဖြစ်သည်။ ထိုအနုပညာ ပစ္စည်းများသည် လူများကဲ့သို့ မဟုတ်ပါ။ လူများကဲ့သို့ ၎င်းတို့၏ ကိုယ်ပိုင် အဆုံးအဖြတ်၊ ကိုယ်ပိုင်သိမှု တစ်စုံတစ်ရာဖြင့် ရပ်တည်နေကြသည် မဟုတ်။ ဤအချက်ကို သဘော ပေါက်စေရန် ဥပမာ တစ်ခု ပေးပါရစေ။

သူဌေးကြီး ဦးဘ၏ အကြောင်းကို အတ္ထုပ္ပတ္တိ အဖြစ်လည်းကောင်း၊ သူဌေးကြီး ဦးဘ၏ အကြောင်းတွင် အခြေခံ၍ ၀တ္ထုအဖြစ် လည်းကောင်း ရေးသားထားခြင်း သို့မဟုတ် သူဌေးကြီး ဦးဘကို ကြည့်ကာ ဆွဲသားထားသော ပုံတူပန်းချီကား တစ်ချပ်မှာ စင်စစ် သူဌေး ကြီးဦးဘ မဟုတ်။ စာလုံး၊ စကားလုံးများ၊ ဆေးအရောင်များသာ ဖြစ်သည်။ စာရေးသူက၊ ပန်းချီဆွဲသူက ပြန်လည်ဖန်တီး တည်ဆောက်ထားသော ဦးဘသာဖြစ်သည်။ သို့ဖြစ်ရကား ပန်းချီကားထဲက စာလုံးများ အကြားမှ သူဌေးကြီး ဦးဘသည် တကယ့်လူ မဟုတ်၊ ဖန်တီး အားထုတ်ကာ တင်ပြထားသော အနုပညာ လက်ရာတစ်ခု (သို့မဟုတ်၊ များ)သာ ဖြစ်သည်။ ဦးဘ၏ ပုံတူ ကားချပ်ကိုကြည့်ကာ “ဦးဘက မယားနှစ် ယောက်နဲ့”။ “ဦးဘ သူဌေးဖြစ်တာ အမြတ်ကြီးစားလို့” စသည့်အချက်များကိုအခြေခံကာ ပန်းချီကားကို တန်ဖိုး မဖြတ်နိုင်။ ဆိုလိုသည်မှာ ပန်းချီကား၏ လက်ရာမြောက်မှု၊ လက်ရာ မမြောက်မှုတို့မှာ တကယ့်လူ အဖြစ်ရှိနေသော (ခဲ့သော သို့ မဟုတ် ရှိကောင်းရှိခဲ့ ပုံရသော)ဦးဘ၏ အကြောင်းအချက်တို့ နှင့် မသက်ဆိုင်။

လူ့အဖွဲ့အစည်း အတွင်း၌ လက်ခံထားသော ကိုယ်ကျင့်တရား စံများဖြင့် တိုင်းတာ၍ မရ။ ကိုယ်ကျင့် တရားပညာအရ၊ လက်ခံ ထားရှိသော ကိုယ်ကျင့် တရားစံများ ကို နယ်ကျော်ကာ အနုပညာ ပရိဝုဏ် အတွင်း၌ လိုလျှင် လိုသလို ကျားတွေ့တုတ်ဆွဲ မလုပ်နိုင်။ အနုပညာလက်ရာ တစ်စုံတစ်ရာကို ၎င်းအနုပညာ လက်ရာနှင့် ဆီလျော် အပ်စပ်မှု ရှိသော စည်း၊ စနစ်၊ နည်းပညာ စသည်တို့ဖြင့်သာ ချဉ်းကပ်အကဲ ဖြတ်နိုင်ပေမည်။

အကယ်၍နှင့် အကယ်၍သာလျှင် ကြုံသလို အကဲဖြတ်၊ တန်ဖိုးဖြတ်ခဲ့သည် ရှိသော် အနုပညာ လက်ရာတစ်ခုကို အနု ပညာ၊ ရသပညာအရ အကဲဖြတ်ခြင်း၊ တန်ဖိုးဖြတ်ခြင်းဟု မခေါ်နိုင်ချေ။ အနုပညာလက်ရာ တစ်ခုကိုကြည့်ကာ အကဲဖြတ် ရန်အတွက်“အားလုံး ထည့်စဉ်းစားသော သဘော”(All Things Considered သဘော)သာ ဖြစ်သွားပေတော့မည်။ ထိုသို့ စဉ်းစားခြင်းမှာမူ အနုပညာ တစ်စုံတစ်ရာကို ၎င်းနှင့်တိုက်ရိုက် ပတ်သတ်ခြင်း မရှိသော နယ်ပယ် အတွင်းသို့ သယ်ဆောင်ကာ အကျဉ်းချ ထားလိုက်ခြင်းနှင့်သာ တူပေတော့မည်။

ရှေ့တွင် ဆိုခဲ့သော ဆိုရှယ်လစ်ယောင်ယောင်၊ ကွန်မြူနစ် ယောင်ယောင် များ၏ “ပြည်သူ”အခြေခံ ပေတံသည် ထိုသဘောနှင်နှင်သာ ဖြစ်သည်။ မြန်မာစာပေ လောကတွင် စာပေ ဝေဖန်ရေး(ဟု ကင်ပွန်း တပ်ထားခဲ့သော) အရေးအသားများတွင် ထိုသဘောနှင်နှင် များကို အများအပြား ဖတ်ခဲ့ရဖူးသည်။ ဥပမာ ချစ်ဦးညို၏ သမိုင်း နောက်ခံပြု ၀တ္ထု (Historical Fiction ကို ဆိုလိုသည်။) များအပေါ် သမိုင်းစာနှင့် ရောထွေး၍ ဝေဖန်ကြပုံများ (ဤကိစ္စ မှာ မြန်မာစာပေ လောကတွင်သာ ဖြစ်ပေမည်။ ကမ္ဘာပေါ်တွင် မည်သည့် အရပ်တွင်မှ သမိုင်းစာနှင့် သမိုင်း အခြေခံ ၀တ္ထုတို့ကို ရောထွေး နားလည်ကြသည်ကို မတွေ့ရ။

ရောထွေးနားလည် လက်ခံထားပုံကို ကြည့်ကာ မြန်မာစာပေ လောကထဲမှ ပညာရှိ ယောင်ယောင်တို့၏ အသိပညာ အရာ၌ နွမ်းပါးပုံမှာ ပေါ်လွင်လှသည်။) အရုပ် အဆိုးဆုံး ဖြစ်သည်။ စင်စစ် အနုပညာ အသီးသီးတို့သည် အလွန်ကျယ်ပြန့်သော မျိုးတူစုကြီး တစ်ခုဖြစ်သည့် “လူများစု၊ လူအများ”အပေါ်သို့ ခြွင်းချက် မရှိ ပျံ့နှံ့သွားနိုင်စွမ်း မရှိ။ အနုပညာ အသီးသီးသည် အတိုင်း အတာတစ်ခု အထိသာ ပျံ့နှံ့နိုင်သည်။ ထိုပျံ့နှံ့မှုသည်ပင် အကျိုးတရားနှင့် တွဲစပ်၍ လက်ခံ မထားနိုင်။ လူ့အဖွဲ့အစည်း ကြီးကို အကျိုးပြုသည်(ပြုရမည်)ဟု မဆိုနိုင်။ အကြောင်းမှာ လူ့အဖွဲ့အစည်းကို အကျိုး ပြုသည်များနှင့် ပြုသူတိုင်းသည် အနုပညာ လက်ရာများ၊ အနုပညာရှင်များ မဟုတ်ကြ။ ဥပမာ စာပို့သမားကို ကြည့်စေချင်သည်။ စာပို့သမားသည် လူအများ အတွက် စာပို့ခြင်း၊ စာဝေခြင်းပြုသည်။ သူ ပို့သောစာကို လက်ခံရ သူတို့မှာ အကျိုး(ကောင်းကျိုး၊ ဆိုးကျိုး)တစ်စုံတစ်ရာ ရကြသည်။

သို့ရာတွင် စာပို့ သမားသည် အနုပညာရှင် မဟုတ် သည်ကဲ့သို့ သူ ပို့ပေးသော စာများသည် အနုပညာ လက်ရာ တစ်ရပ်မဟုတ်။ ထို့ပြင် စာပို့ခြင်းသည် အားထုတ်မှု တစ်ခု၊ အပြုအမူ တစ်ခု ဖြစ်သည်ကား မှန်၏။ ဖန်တီး အားထုတ်မှု တစ်စုံ တစ်ခုတွင် အခြေခံကာ တည်ဆောက်ထားသော အပြုအမူ တစ်ခုမဟုတ်။ သို့ဖြစ်၍ လူ့အဖွဲ့အစည်းကို အကျိုးပြုတိုင်း အနုပညာ လက်ရာတစ်ခု ဖြစ်မလာ။ အလားတူပင် အနုပညာ လက်ရာ အသီးသီးတို့သည် လူ့အဖွဲ့အစည်းကြီး တစ်ခုလုံးကို အကျိုးပြုမည်/သည်ဟု ယတိပြတ် မဆိုနိုင်။ ဥပမာ ဟစ်ဟော့ပ် တစ်ပုဒ် သို့မဟုတ် မန်းတောင်လက်ျာ အစဉ်အလာ သီချင်း၊ သို့တည်းမဟုတ် ကိုရင်ကလေး နှစ်ပါး ဆွမ်းခံထွက်သော ပန်းချီကား စသည့် စသည်များသည် လူအများ၊ လူအားလုံးကို အကျိုး ပြုနေသည့် တစ်စုံတစ်ရာ မဟုတ်။ လူ့အဖွဲ့အစည်း ကြီးနှင့် ထိုထိုသော အနုပညာ လက်ရာတို့မှာ နင်နေ ငါသွား သဘောမျိုးဖြင့် အပြန်အလှန် ရပ်တည် နေကြခြင်းသာ ဖြစ်သည်။

အရေးအသား အခြေခံ ဖန်တီးမှု အနုပညာ(တစ်နည်း စာပေ)သည် ကိုယ်ကျင့် တရားစံများ(သို့မဟုတ် စိစစ်ပိုင်းခြား လေ့လာရန် အတွက် ဆီလျော် အပ်စပ်မှု မရှိသော အခြားသော စံများ)ဖြင့် မကြာခဏ စိစစ် ပိုင်းခြားခြင်း ခံရတတ်သည့် အနုပညာ တစ်ရပ်ဖြစ်သည်။ (ဤတွင် ဖွံ့ဖြိုး တိုးတက်မှု နှေးသော အရပ်များ၊ သိမှု အပိုင်းတွင် နှောင်းနေသေးသော အရပ်များတွင်ဟု ကန့်သတ် ပြောဆိုနိုင်သည်။) ထိုအပြုအမူမှာ ကျွမ်းကျင်သော ဝေဖန်ရေး ပညာရှင်တို့၏ အပြုအမူ မဟုတ်ချေ။ ဝေဖန်ရေး သဘောအရ မဟုတ်။ မျက်ရမ်းမှန်းဆ အမြင်မျိုးဖြင့် ပြုကြခြင်း ဖြစ်သည်။ လူ့အဖွဲ့အစည်း အရ လက်ခံထားသော စံ/ပေတံများကိုသာ လူ့အဖွဲ့အစည်းနှင့် သင့်၊ မသင့်ကို အကဲ ဖြတ်ကြည့်သည်ကဲ့သို့ အကဲ ဖြတ်ကြသည့် အမြင်မျိုးသာ ဖြစ် သည်။

အနုပညာ ဖန်တီးမှု တစ်ရပ်ရပ်နှင့် ကိုယ်ကျင့်တရား ဆိုင်ရာစံများ အကြား သင့်တင့် လျောက်ပတ်သော ဆက်ဆံမှု ရှိနိုင်သည်ကို ပညာရှင် တချို့က အထိုက်အလျောက် လက်ခံ ထားကြသည်။ သို့ရာတွင် ဣတိ ဤသို့ ဖြစ်ရမည်ဟု သင်းကွပ် ကြပ်မတ်ထားသော သဘောမျိုးဖြင့် လက်ခံထား၍ မဖြစ်နိုင်။ မဖြစ်နိုင်ရသည်မှာ အနုပညာ ဖန်တီးမှု၏ ပင်ကိုသဘောသည် ကပင်လျှင် “ဖန်တီးမှု”၌ အခြေ တည်ထား၍ ဖြစ်သည်။ ဤ နေရာတွင် ရှေ့၌ ညွှန်းခဲ့သော ချစ်ဦးညို၏ အရေးအသား အချို့ အပေါ် မျက်နှာ လွှဲရိုက်ခတ်ခဲ့သော ကြိမ်ရာများကို သတိရ ကြည့်စေချင်သည်။ ချစ်ဦးညို၏ လင်္ကာဒီပ ချစ်သူနဲ့ ရာဇ ကုမာရ သည် ဝေဖန်ရေးဆရာ ယောင်ယောင်တို့၏ ကျဉ်းမြောင်းသော အယူအဆ အခြေခံဖြင့် သဲပက်ခံ ခဲ့ရဖူးသည်။ အရေးအသားဖြင့် ဖန်တီးသော အနုပညာ၏ ဖန်တီးနိုင်မှုစွမ်း အားကို “စနစ်တကျ”လေ့လာပြီးကာမှ စိစစ် အကဲဖြတ်ရမည့် အစား၊ အမောင်တောင်မှန်း၊ မြောက်မှန်း မသိတို့က ၎င်းတို့၏ ဥာဏ်ရည်ဥာဏ်သွေး နိမ့်ကျမှုတွင် အခြေခံကာ မည်သည့် ပညာရပ်တွင်မျှ အခြေမခံသော(ကိုယ့်ဘာသာ တီထွင်ထား သောစနစ်ကို အခြေခံပြီး)လူတတ် လုပ်ပြရင်း လက်ပံသား ဓားဖြင့် ၀င်ချိုင် နေကြခြင်းသာ ဖြစ်တော့သည်။ အခြား သူတို့၏ ဘာသာ စာပေများ အတွင်းတွင်လည်း သမိုင်းဝင် အကြောင်း အရပ်များကို စာရေးသူများက သူတို့၏ ဖန်တီးမှု စွမ်းအားကို အခြေခံရင်း ပုံစံ အမျိုးမျိုးဖြင့် ဖော်ထုတ် ရေးသားခဲ့ကြသည်။

တကယ့် ဖြစ်ရပ်များနှင့် ဖန်တီး ထားမှုများကို ရော၍ မွှေထားကြသည်။ ဥပမာ ရွှေအမြုတေတွင် ဖော်ပြခဲ့သော နေ၀င်းမြင့် ဘာသာပြန်သည့် ရေကန်သာ ကြာတိုင်းအေး ကိုပင်ပြန်၍ လေ့လာ ကြည့်ကြစေချင်သည်။ ထိုအရေးအသားမှာ သမိုင်း ဆိုင်ရာ အချက်အလက်တို့ကို ခြေကုပ်ယူကာ ရေးသားထား သည်မှန်သော်လည်း သမိုင်းဆိုင်ရာ ပေတံဖြင့် လည်းကောင်း၊ သီးခြား လူမျိုး တစ်မျိုး၏ ကိုယ်ကျင့် တရားစံများဖြင့် လည်းကောင်း တိုင်းထွာ ကြည့်၍မရ။ (မရဟုသာ ဆိုလိုသည်။ မဖြစ်နိုင်ဟု မဆိုလို။ ထင်ရာစိတ်ကူး ငမူး အိပ်မက်မျိုးဖြင့် လုပ်သော် ရနိုင်ကောင်း၏။ မရဟု ဆိုရသည်မှာ ကနဦး ကတည်းက ၀တ္ထု အဖြစ် ရေးသားထား၍ ဖြစ်သည်။ မရေရာသော မျိုးတူစု အောက်မှာ အမျိုးအစား တစ်ခု မဟုတ်ပါ။ ထပ်၍ဆိုပါရစေ။ ၀တ္ထုဟု သတ်မှတ်ပြီးသား ဖြစ်သည်။)

အမီတာဗ့်က အင်္ဂလိပ် ဘာသာ စာဖြင့် သီကုံး ရေးသား ထားသည်ကို နေ၀င်းမြင့်က မြန်မာဘာသာ စာဖြင့် ပြန်လည် သီကုံးရေးသား ထားခြင်း ဖြစ်သည်။ (ထပ်မံဆိုပါရစေ)၀တ္ထုဖြစ်သည်။ ပညာရပ် အခြေခံဖြင့် စိစစ်လေ့လာ အကဲဖြတ်ရာတွင် အခြေခံအနေ အထားချင်း မတူ ညီသော တစ်စုံတစ်ရာများကို ရောထွေး၍ ၀ါးလုံးရှည်ဖြင့် ယမ်းမပစ်ကြ။

ထိုဝါးလုံးရှည်ဖြင့် ယမ်းသော အလေ့မှာ မြန်မာနိုင်ငံတွင် ပညာရှိ ယောင်ယောင်၊ ပညာတတ်ယောင်ယောင်တို့က ကျေနပ် သာယာစွာဖြင့် လုပ်တတ်ကြသည်။ ၀ါးလုံး ရှည်ကြီးများသည် ရှေးဦးစွာ “အနုပညာ”ဟူသော ကြီးမားလှသည့် မျိုးတူစုကြီး အပေါ် ယမ်းတတ်ကြသည်။ ထိုအခါ အနုပညာတည်း ဟူသော ကြီးမားသည့် မျိုးတူစုကြီး၏ အောက်မှာ သီးခြား ရပ်တည်နေသော အနုပညာအသီးသီးတို့မှာ စံတစ်စုံတစ်ရာ၏ အောက်သို့ ရောက်ရှိသွားကာ အလွဲလွဲ အမှားမှား ကန့်သတ် ပိုင်းခြားခြင်း ခံသွားရတော့သည်။ မြင်သာအောင် ရှင်းပြပါရစေ။ မြန်မာတို့၏ အနုပညာဟု သတ်မှတ် လက်ခံ ထားကြသော မျိုးတူစုကြီး အောက်မှာ လက်မှု အတတ်ပညာတွင် အခြေခံသည့် အနုပညာ ဖန်တီးမှုဖြစ်သော “ပန်းဆယ်မျိုး” ဆိုသည်ကို လူတိုင်း(ဤတွင် တစ်ခုသော အတိုင်းအတာ အထိ အသိဥာဏ် ရှိသော လူကို ဆိုလိုသည်။) သိကြပေမည်။

ထိုပန်းဆယ်မျိုးသည် အနုပညာ လက်ရာတစ်ခု အဖြစ် ဖော်ထုတ်ရန် အတွက် ကြား/အသုံးခံ ပစ္စည်းများ လိုသည်။ ထိုကြား/အသုံးခံ ပစ္စည်း များမှာ တစ်ခုနှင့် တစ်ခု မတူကြ။ သို့ဖြစ်ရကား ပန်းချီကို ပန်းပုကဲ့သို့ တစ်သဘောတည်း ထားပြီး လက်ခံ ရှုမြင်ကာ စိစစ် အကဲဖြတ်၍ မဖြစ်။ ပန်းထိမ်ကို ပန်းရန်နှင့် တစ်မျိုးတည်းဟု စံတစ်ခုတည်း အောက်၌ ထည့်သွင်းကာ မဆုံးဖြတ်နိုင်။ အလား တူပင် ဖန်တီးမှု အနုပညာများ ဖြစ်ကြသည့် ရုပ်ရှင်၊ ပြဇာတ်၊ ကဇာတ် စသည့် စသည့်များကို ပေတံ တစ်ချောင်းတည်းဖြင့် တိုင်းထွာ၍ မဖြစ်နိုင်။ ပိုက်ချ၍ ငါးဖမ်းသည်ကို နမူနာ ယူ၍ ကြည့်စေချင်သည်။ ပိုက်ထဲတွင် မိနေခဲ့သည်များကို ယေဘု ယျအားဖြင့် ငါးဟု လွယ်လွယ်ကူကူ ခေါ်နိုင်သော်လည်း အားလုံးမှာ တစ်မျိုးတည်း မဟုတ်။ အရွယ်၊ အရောင်၊ အရသာ စသည် စသည့်များကို လိုက်ကာ မတူညီကြ။ ထိုငါးများကို လက်တွေ့အသုံးချ သူများ(ဆိုလိုသည်မှာ ငါးကို ရောင်းချသူ၊ စားသုံးသူများ)တွင် သီးခြားစံ အသီးသီးဖြင့် ရှုမြင်လက်ခံကြ ရသည်။

သို့ရာတွင် ထိုသူများ အားလုံး လက်ခံ သုံးစွဲသော စံ/ပေတံများမှာ ငါးနှင့် ဆက်စပ်နေသော သို့မဟုတ် ဆီလျော် အပ်စပ်မှု ရှိနေသော စံ/ပေတံများ ဖြစ်သည်။ ဆိုလိုသည်မှာ ငါး၏ အမျိုးအစား၊ အရွယ်၊ အရသာ စသည်စသည့်များတွင် အခြေ ခံထားသော စံ/ပေတံများ ဖြစ်သည်။ ငါးမြင်းဝမ်းပျဉ်း သားကတော့ ဆိတ်ပေါင် ထိပ်သားလို အရသာ မရှိဘူးဟု ဆီလျော် အပ်စပ်မှု မရှိဘဲ အကဲဖြတ်၍ မဖြစ်နိုင်။ တတ်ယောင်ကား သမိုင်းအမြင်ကို အခြေခံ၍ ဒွတ္တဘောင် မင်းကြီး လက်ထက်တွင် ဤငါးမျိုးကို ငါးမြင်းဟု မခေါ်ဟု ဆိုရန် မဖြစ်။ အလားတူပင် မည်သို့မျှ ဆီလျော် အပ်စပ်မှု မရှိသော အချက်များကို အခြေခံပြီး အနုပညာ အပေါ် မရေရာသော အဆိုမျိုး ထုတ်ပြ ခြင်းများ ဥပမာ “လောက အလှတရားကို ဖြစ်ပေါ်စေပါက အလှတရား ဖန်တီးသော ပညာသည် အနုပညာ ဖြစ်၏”ဟု မဆိုနိုင်။ မဆို နိုင်ရသည်တွင် “လောက”နှင့် “အလှတရား”ဆိုသော စာလုံး၊ စကားလုံးတို့ကို ယတိပြတ် အနက် မဖော်နိုင်သောကြောင့် ဖြစ်သည်။

ဆိုလိုသည်မှာ လောကဟူသော စာလုံး၊ စကားလုံးသည်ပင် သီးခြား ၀ိသေသ ပြု၍ ပြောဆိုရန် လိုနေသောကြောင့် ဖြစ်သည်။ ဧကရာဇ် မင်းတရားကြီး၏ လောကနှင့် ချောင်းကြို မြောင်းကြား၌ ငါးရှာစား၊ ဖားရှာစား နေသူတို့၏ လောကတို့မှာ မတူ။ မြောက်ဝင်ရိုးစွန်းက လူ၏ အလှတရားနှင့် တာကလမကန်း သဲကန္တာရထဲက လူ၏ အလှတရားတို့မှာ မတူကြ။ လူနှင့် ပတ်သက်နေသော လောက မှန်သမျှသည် သီးခြား လောကများသာ ဖြစ်သည်။

အနုပညာ လက်ရာ တစ်စုံတစ်ရာကို ဖန်တီးမှု ပြုခြင်းတိုင်းတွင် လူ၏ ပုဂ္ဂလိက သိမှတ် ခံစားနိုင်မှု (သိခြင်း၊ နားလည်ခြင်း၊ ခံစား သိရှိနိုင်ခြင်း)များမှာ ပါရသည် ချည်းဖြစ်သည်။ ဤသည်ကို မသိကျိုးကျွန် ပြု၍ မဖြစ်နိုင်။ ဖန်တီးမှု အခြေခံ အနုပညာတိုင်းတွင် ဖန်တီးသူ၏ ရည်ရွယ်ရင်းမှာလည်း ပါရသည်ချည်း ဖြစ်၏။ မည်သည့် ဖန်တီးမှုပြု အနုပညာရှင်သည် ရည်ရွယ်ချက်၊ ဦးတည်ချက် မရှိဘဲလျက် မဖန်တီးကြ။ ဖန်တီးမှုဟု ဆိုသည်နှင့်ပင် ထိုဖန်တီးမှုမှာ ရည်ရွယ်ချက် ပါနှင့်ခဲ့ပြီ ဖြစ်တော့သည်။ စပ်လျဉ်း နေသဖြင့် အချက် တစ်ချက်ကို တင်ပြ လိုပါသည်။ လွန်ခဲ့သော ဆယ်နှစ်ကျော်က မြန်မာနိုင်ငံတွင် စာပေဆိုင်ရာ ပို့စ်မော်ဒန်နှင့် ပတ်သက်၍ (ဘရိတ်မပါ ထင်ရာ ကြိတ်နေကြသော ကာလ တစ်ခု၌)မိတ်အင် ဒီတင်ပြည်တွင်းဖြစ် ပို့စ်မော်ဒန် ဆရာကြီး တစ်ဦးက အနက်ယူမှု လွဲမှားခြင်း များစွာဖြင့် ပို့စ်မော်ဒန် စာပေ အကြောင်းများ ရေးသားခဲ့သည်။

ထိုအရေးအသား အများစုမှာ ဆရာကြီး၏ အနက်ယူ လွဲမှားမှုပေါင်း မြောက်မြားစွာတွင် အခြေခံခဲ့ သည်။ ထိုအချက်များထဲတွင် စာပေ အခြေခံ ဖန်တီး ရေးသားမှု တို့သည် ရေးချင်ရာ ရေး၍ ဖြစ်သည်ဟူသော အယူအဆဆီသို့ ဦးတည် သွားခဲ့သည်။ ထိုအယူအဆကို လက်ခံပုံ ရသော ကဗျာ ဆရာ (ကဗျာဆရာဟု ထင်ပါသည်။ သေသေချာချာတော့ မမှတ်မိတော့ပါ။)က သူ၏ကဗျာ၊ စာညွန့် အရေးအသား၏ ထိပ်တွင်၊ သူ၏ ကဗျာမှာ လက်တန်းချ ရေးလိုက်ခြင်း ဖြစ်သည်။ ရည်ရွယ်ချက်၊ အစီအစဉ် မပါဟု အဆိုပြု ထားသည်ကို ဖတ်ရသည်။ စင်စစ် ထိုအဆိုမှာ လုံးဝ ဥဿုံ မှားယွင်းသော အယူအဆတွင် အခြေခံသော အဆိုသာ ဖြစ်သည်။ အကြောင်းမှာ ဘာသာစကားကို အခြေခံ၍ ဖော်ထုတ် ဖန်တီးထားမှု တိုင်းတွင် ဘာသာစကား၏ စနစ်အောက်မှ ပြေးထွက်၍မရ။ ဘာသာစကား အခြေခံ၍ တည်ဆောက်မှုပြုလေတိုင်း အစီအစဉ် ရှိရသည်။ သိမှု၏ အခန်း ကဏ္ဍကို ဖယ်ချန်ထား၍ မရ။ စာတစ် ကြောင်းဖြစ်လာရန်၊ သိမှု အခြေခံ၍ စီစဉ်ရခြင်းသာ ဖြစ်သည်။ မှန်ကန်သော ပေါင်းစည်း ဖွဲ့စပ်မှု မရှိလျှင် ဘာသာစကား(စကား တစ်ခွန်း၊ စာတစ်ကြောင်းပင်ဖြစ်စေ) အဓိပ္ပာယ် မရှိ။

ဥပမာ “ငါ လာတယ်”ဟူသော စကားတစ်ခွန်း၊ စာတစ်ကြောင်း အတွင်းမှ စာလုံး၊ စကားလုံးများကို အမျိုးမျိုး တွဲစပ်ကြည့်၍ ရနိုင်သည်။ ဥပမာ- တယ်+လာ+ငါ။ လာ+ငါ+တယ် စသည်ဖြင့်။ ထိုသို့ တွဲစပ် နိုင်သော်လည်း အမှန်ကန်ဆုံးသော တွဲစပ်မှုမှာ “ငါလာတယ်”သာဖြစ်သည်။ ထို့ပြင် ကဗျာဆရာက ဘာရည်ရွယ်ချက်မျှ မပါဘဲလျက် ကဗျာ တစ်ပုဒ်ကို မရေး။ မဂ္ဂဇင်း တိုက်သို့ ပို့လိုက်သော ကဗျာတစ်ပုဒ်တွင် အနည်းဆုံး ပုံနှိပ် ဖော်ပြခံချင်သော ရည်ရွယ်ချက်မှာ ရှိနှင့် နေခဲ့ပြီ ဖြစ်သည်။ (အဆုံးစွန်သော စကားကို ဆိုရလျှင် လူတွင်ရည်ရွယ်ချက် မရှိ တော့ဘူးဟု ဆိုလျှင် သူ၏ အသက်ရှင် နေခြင်းမှာလည်း မည်သို့သော အဓိပ္ပာယ်မျှ ရှိတော့မည် မဟုတ်။)

ထိုစဉ်က ပို့စ်မော်ဒန် ဆရာကြီးက Conceptualism ကို စိတ်ကူး အဓိက ၀ါဒဟု နားလည် လက်ခံ ထားလိုက်ခြင်းမှာ သူ၏ အဓိက အကျဆုံးသော အမှား တစ်ခုဖြစ်သည်။ ဤနေရာတွင် Concept မှာ (အဘိဓာန်လာ အလွယ်ဆုံး အနက်ကိုပင် ပေးရသော်) A Generic Mental Image Abstracted From Percepts သာဖြစ်သည်။ Conceptualism ကို စိတ်ကူး အဓိက ၀ါဒဟု နားလည် လက်ခံလိုက်ခြင်း၏ နောက်ဆက်တွဲ အမှားများမှာ အနုပညာ ဖန်တီးမှု ဆိုသည်မှာ ထင်ရာ လုပ်၍ဖြစ်သည် ဟူသော ရမ်းကားမှု အမြင်သာ ဖြစ်တော့ သည်။ ကိုယ်ကျင့် တရားပညာ (Ethics ကို ဆိုလိုသည်။)တွင် ဆွေးနွေးလေ့ ရှိကြသော လွတ်လပ်ခြင်းမှ ရမ်းကားခြင်းသို့ ပြောင်းလဲ သွားသော အမြင်မျိုးသာ ဖြစ်သည်။
(ဆက်လက် ဖော်ပြပါမည်)





မြင့်သန်း
(ရွှေအမြုတေ မဂ္ဂဇင်း၊ နိုဝင်ဘာလ ၂၀၁၀)

September 22, 2010

တိတ်ဆိတ်ခြင်းကို ဖွင့်တဲ့ တံခါး

တိတ်ဆိတ်ခြင်းကို ဖွင့်တဲ့ တံခါး

I secret we met-
I silence I grieve,
That thy heart could forget,
Thy spirit deceive,
If I should meet thee
After long years,
How should I greet thee?
With silence and tears..

(WHEN We two parted) …By..George Gordon (Lord) Byron(1788-1824)

ကျွန်တော်နဲ့ တွေ့တွေ့ချင်း သူက တန်းငိုတော့တာပဲ.။ ဘာကို ဘယ်လို ဖြစ်သွားလဲ ဆိုတာ ကျွန်တော် စဉ်းစားကြည့်လို့ မရဘူး။ နောက်ပြီး မိန်းမတစ်ယောက်ရဲ့ ငိုရခြင်း ကိစ္စကို စေ့စေ့ငုငု နားလည်နိုင်လောက်တဲ့ အရည်အချင်းလည်း ကျွန်တော့်မှာ မရှိဘူး.။ သူနဲ့ ကျွန်တော် တွေ့ခဲ့ သိခဲ့ကြတာလည်း အခုမှ မဟုတ်ဘူး။ သူ့ကို ခုလို မျက်ရည်လွယ်လောက်တဲ့ အထိ ပျော့ညံ့မယ်ဆိုတာ မထင်မိဖူးဘူး။ သူနဲ့ ညီအစ်မတော်တဲ့ ဝင်းဝင်းမာကသာ အကြီးဖြစ်ပြီး စိတ်ပိုပျော့တာ။ သူကတော့ တခါတခါ ကျွန်တော့်ကိုတောင် ဆုံးမစကားတွေ ဘာတွေ ပြောတတ်သေးတာပဲ။ ပြီးတော့ ကျွန်တော်နဲ့ စကားပြောဖြစ်ပြီ ဆိုရင် သူက ကျွန်တော့်ထက် ငယ်ပေမယ့် အငြင်းသန်တဲ့ အထဲမှာ ပါတယ်။ ဝင်းဝင်းမာကတောင် ကျွန်တော့်တို့ နှစ်ယောက် ပြောကြပြီ ဆိုရင် ဘယ်သူ နိုင်မလဲ ဆိုတာ အချိန်အားရရင် စောင့်ကြည့်ချင်သေးတယ် ဆိုပြီး နောက်တတ်သေးတယ်။ နောက်ပြီး တခါတခါ သူ စိတ်လိုလက်ရ ရှိတဲ့ အခါ ကျွန်တော် အရက်သောက်နေတဲ့ စားပွဲမှာ လာထိုင်ပြီး အကြော်အလှော်လေးတွေ လာနှိုက်စားနေကြ။ သောက်နေရင်း ရေခဲ ကုန်သွားရင်တောင် ထယူပေးတတ်သေးတယ်။ အဲဒီ အချိန်တွေတုန်းမှာ သူ မျက်ရည် ကျလွယ်တဲ့ အရိပ်အရောင် မတွေ့မမြင်မိဘူး။ ခုတော့ သူက ကျွန်တော်နဲ့ တွေ့တွေ့ချင်း တန်းငိုချလိုက်တော့ ထူးဆန်းသလို အံ့လည်း အံ့သြမိတယ်။ သူ့ကို ကျွန်တော် ဘာပြောရမှန်းမသိ ဖြစ်သွားရော။

ဒီတုန်းက သူ ကျွန်တော့်ကို နင် ဘာဖြစ်လို့ အရက်သောက်သလဲ လို့ မေးဖူးတယ်။ သူနဲ့ ကျွန်တော့်ကြားမှာ အသက်ကွာခြားချက် အနည်းအကျဉ်း ရှိပေမယ့် နင် နဲ့ ငါ နဲ့ ပဲ ပြောကြရအောင်လို့ သူက အဆိုတင်ဖူးတယ်။ အကြောင်းပြချက်က သူ နဲ့ ကျွန်တော် စကားပြောကြတဲ့ အခါတိုင်း ငြင်းခုန်ကြတာသာ များတာမို့ အစ်ကိုနဲ့ ကျွန်မ ဆိုတဲ့ အသုံးအနှုန်းကြီးက နည်းနည်း ဟန့်တယ်လို့ ပြောတယ်။ ကျွန်တော့် အတွက်ကတော့ အခေါ်အဝေါ်တခု ပြောင်းသွားတာလေး အတွက် အလုံးလည်း လျော့မှာ မဟုတ်ဘူး၊ အရပ်လည်း လျော့မှာ မဟုတ်ဘူး.။ အခေါ်အဝေါ်တွေက အတားအဆီး ဖြစ်မနေစေချင်ဘူး။ တခါတလေ အခေါ်အဝေါ် ပြောင်းတိုင်း ပုံစံတွေ ပြောင်းချင်မှ ပြောင်းသွားတာမျိုးလည်း ရှိတတ်သေးတာပဲ မဟုတ်လား။ ဒီတော့ သူပြောသလိုပဲ နင်ကြိုက်သလို ခေါ်ပေါ့။ ငါ့ကိုတော့ တိုင်ပင် မနေနဲ့။ နင် စိတ်သဘောကျရင် နင်ကြိုက်သလိုသာ ခေါ် ပေါ့လို့ ပြောတော့ သူက သဘောကျပြီး ပြုံးပြတယ်။ ကျွန်တော်က သူမေးတဲ့ မေးခွန်းကို မဖြေသေးဘဲ အရက်ခွက်ကို ကောက်ကိုင်လိုက်ရင်း မသောက်သေးဘဲ နင်ရော ဘာလို့ နှုတ်ခမ်းနီ ဆိုးသလဲ လို့ သူ့ကို မကြည့်ပဲ ပြန်မေးလိုက်တယ်။ သူက အသက်ငယ်သူတို့ရဲ့ ထုံးစံအတိုင်း ငါ မေးတာ အရင်ဖြေပါလို့ ပြောတယ်။ ကျွန်တော်က သူ့ကို ပြုံးကြည့်လိုက်တော့ ကျွန်တော့် လက်မောင်းကို လှမ်းထုလိုက်ရင်း ဖြေပါဆို လို့ပဲ ထပ်ပြောတယ်။ အဲဒီ အထဲမှာ အဖြေပါသွားပြီလေလို့ ကျွန်တော်က ပြောတော့ သူ မျက်လုံးလေး ကလယ်လယ် လုပ်ရင်း အလေးအနက် စဉ်းစားနေသလိုနဲ့ ကျွန်တော့်ကို ပြန်စိုက်ကြည့်တယ်။ နင့်အတွက်ကတော့ ဘယ်လို အခြေအနေပဲ ရောက်နေ ရောက်နေ ဆင်ခြေပေးစရာ တစုံတရာတော့ အမြဲ ရှိနေတာပဲ လို့ ပြောရင်း နင် ဒါကြောင့် ဖေဖေနဲ့ မတည့်တာလို့ ဆက် ပြောတယ်။ ကျွန်တော်က လက်အသာ ကာပြလိုက်ရင်း နင့်အဖေနဲ့ ငါ လေကြောတည့်တော့ရော ငါ့အတွက် လေပိုကုန်တာပဲ အဖတ်တင်လိမ့်မယ်။နင့်အဖေက ရှေးရိုးစွဲ တယူသန်သမား၊ စီးပွားရေးတစ်ခုတည်းသာ ကြည့်တတ်တဲ့ သူမျိုး။ ငါက အရက်ကို တစိမ့်စိမ့်သောက်ရင်း ကျိုးကြောင်း နည်းလမ်းတကျ စဉ်းစားပြီး ဆင်ခြေကန်ဖို့ တွေးနေတတ်တဲ့ လူ။ ဒီတော့ နင့်အဖေနဲ့ ငါ စကားစပ်မိလို့ ဖြစ်ဖြစ်၊ မျက်နှာချင်း ဆိုင်မိလို့ ဖြစ်ဖြစ် စကား ပြောဖြစ်ခဲ့ရင်လည်း ဘယ်သူမှ အကျိုးရှိလိမ့်မယ် မထင်ဘူး။ အကျိုးဆိုတာကို ငါ့အတွက် ရည်ရွယ်ပြီးပြောတာ မဟုတ်ဘူး။ အကျိုးအမြတ်ဆိုတာမျိုးကို အမြဲတမ်း ထည့်တွက်တတ်တဲ့ နင့်အဖေ အတွက်ပဲ လို့ ဆက်ပြောမိတယ်။ သူက ကျွန်တော့် အကြောင်းကို သိပြီး ဖြစ်လေတော့ ကျွန်တော့်စကားကို မအံ့သြတော့ပဲ နင် ဆိုလိုချင်တာက စီးပွားရေး လုပ်တာ မကောင်းဘူးလို့ ပြောတာလား တဲ့။ ဒီခေတ်ကြီးထဲမှာ ပိုက်ဆံ မရှိရင် ဘာမှ လုပ်လို့ မရဘူး၊ ပိုက်ဆံ ရှိမှ ဆေးခန်း သွားလို့ ရတယ်။ မိသားစု အိမ်ထောင်ရေး ပိုအဆင်ပြေတယ်။ သူ တခုခု ဆက်ပြောမယ် လုပ်တုန်း ကျွန်တော်က ကြားဖြတ် ပြောလိုက်တယ်။ ပိုက်ဆံအကြောင်း ပြောချင်ရင် နင့်အဖေနဲ့ သွားပြော၊ ဆေးခန်းကို သွားမယ် ဆိုရင် ပိုက်ဆံ ရှိမှ ဖြစ်မယ် ဆိုတာ လက်ခံပေမယ့် အိမ်ထောင်ရေး ဆိုတာမျိုး က နင့်အဖေနဲ့ပဲ သက်ဆိုင်တယ်။ နင့်အဖေက အိမ်ထောင် တခုကို တည်ထောင်ထားတဲ့ လူ။ ပြောရရင် အိမ်ထောင်ဦးစီးပဲ.။ အိမ်ထောင်ဦးစီးဆိုတော့လည်း မိသားစု တာဝန်ကို ယူဖို့ တာဝန် ရှိတာပေါ့၊ ပိုက်ဆံ ရှာတာက သူ့အတွက် အမှန်တရား ဖြစ်ချင် ဖြစ်နေလိမ့်မယ်။ ငါ့အတွက်က အဲလို တာဝန်မရှိဘူး။ မတော်လို့ ငါ ဆေးရုံဆေးခန်း သွားဖြစ်ရင်လည်း ငါ့မိဘတွေရှာထားတဲ့ ပိုက်ဆံက လုံလောက် နိုင်ပါတယ် လို့ ပြောလိုက်တော့ သူက ငါ့ စကား မဆုံးသေးဘူး လို့ပဲ ပြောတယ်။

တခါတလေ ကျွန်တော်က တဖက်သားနဲ့ စကားပြောကြရင် ကြားဖြတ်ပြောတတ်တဲ့ အကျင့်ရှိတယ်။ နား နှစ်ဘက်နဲ့ ပါးစပ် တစ်ပေါက်သာ ပါတဲ့ အတွက် နည်းနည်း ပြောပြီး များများ နားထောင်ပါ ဆိုတဲ့ တက်ကျမ်းထဲက လေမျိုးတွေ ကျွန်တော့် ခေါင်းထဲမှာ မရှိဘူး။ ပြောနေကြရင်းနဲ့ သဘောမတူတဲ့ နေရာရောက်ရင် ချက်ချင်း ပြန်ပြောတတ်တယ်။ သူကလည်း စကားဖြတ်ပြောရင် မကြိုက်ဘူး။ မိန်းကလေး ပီပီ သူပြောလက်စ စကားကို အဆုံးထိ ဆက်တိုက် ပြောချင်တယ်။ ဒီတော့ ကျွန်တော်နဲ့ သူ လေပစ်ကြပြီ ဆိုရင် ဘယ်တော့မှ ဆုံးတယ် ဆိုတာ မရှိဘူး။

သူက ငါ ပြောမယ် ပြန်နားထောင်လို့ ပြောလို့ ကျွန်တော် အသာငြိမ်နေလိုက်တယ်။ ဖေဖေ စီးပွားရှာနေတာဟာ သူ့ အတွက် မဟုတ်ဘူး၊ သူ့သမီးနှစ်ယောက် အတွက်ပဲလို့ ပြောတော့ ဒါကတော့ သူ တာဝန်ကျေကြောင်း ပြချင်တာမျိူးလည်း ဖြစ်ချင် ဖြစ်မှာပေါ့လို့ ဖြတ်ပြော မိပြန်တယ်။ သူ စိတ်တိုသွားတဲ့ ပုံစံနဲ့ လက်သီးဆုပ်ပြရင်း ကျွန်တော့်ကို လှမ်းထိုးလိုက်တော့မယ် ဟန် နဲ့ နင် တိတ်တိတ်နေမလား မနေဘူးလား လို့ ပြောတယ်။ အင်းပါ လို့ ခေါင်းငြိမ့်ပြလိုက်ရင်း သူ့သမီးတွေ အတွက်ဆိုရင်တော့လည်း အဲလောက် အပင်ပန်းခံစရာ မလိုပါဘူး။ ပိုက်ဆံ ရှာတတ်တဲ့ သူဋ္ဌေးသား နှစ်ယောက် ရှာပေးလိုက်ရင် ပြီးတာပဲ မဟုတ်ဘူးလားလို့ သူ့ကို နောက်လိုက်တော့ သူက ဘာမှ ပြန်မပြောတော့ပဲ ထပြန်တော့မယ့်ပုံ လုပ်တယ်။ ကျွန်တော်က ဘာမှ မပြောသေးပဲ အသာ ကြည့်နေလိုက်ရင်း နင် သွားမယ် ဆိုရင်လည်း သွားပေါ့၊ သွားမယ် ဆိုတဲ့ သူကို ငါကလည်း မတားချင်ဘူး၊ ဒါပေမယ့် ငါ စာတစ်အုပ်ထဲမှာ ဖတ်ဖူးတာတော့ သွားတော့မယ် ဆိုတဲ့ သူဟာ တားစေချင်လို့ ဆိုတာမျိုးလည်း ဖြစ်တတ်တယ်။ တားစေချင်တဲ့ သူက မတားတဲ့ အခါ နောင်တ ရတတ်တဲ့ သူက သွားတော့မယ် လို့ ဟန်ပြင်မိတဲ့ သူပဲ တဲ့။ ငါ့အနေနဲ့ကတော့ နင့်ကို တားမှာ မဟုတ်ဘူး.။ နောက်ပြီး နင်နဲ့ ငါကလည်း ဒီလောက်ထိ အကြောင်းသိ ဖြစ်နေတော့ အဲဒီစာအုပ်ထဲကလို ငါ မတွေးပါဘူး။ နင့်ကို တခု ပြောချင်တာက ဘာမဟုတ်တာ မျိုးလေးကို သေချာ မစဉ်းစားပဲ စိတ်ဆိုး စိတ်ကောက် ဖြစ်နေတတ်ရင် နင် အပျိုကြီး ဖြစ်သွားရလိမ့်မယ် လို့ ကျွန်တော်က ရယ်ကျဲကျဲ ပြောတော့. သူက ရန်ပြန်တွေ့ပါလေရော။ နင်နော်….အနိုင်ယူသလိုပုံစံမျိုးနဲ့ ငါ့ကို လာပြီး ကောက်ချက်တွေ ဆွဲမပြနဲ့။ သေချင်လို့လား၊ လည်ပင်း ထညှစ်လိုက်မယ် လို့ ပြောတယ်။ ကျွန်တော် ရယ်နေလိုက်ရင်း ငါ ဆက်မပြောတော့ပါဘူး ဟာ…ငါ ဆက်ပြောရင် ဆုံးမှာ မဟုတ်တော့ဘူး လို့ ပြောလိုက်တယ်။ သူက ထိုင်ခုံမှာ ပြန်ထိုင်မလို လုပ်ရင်း ပြောစရာ ရှိတာ ပြောစမ်းပါ..၊ပြောစရာ ရှိတာကို မပြောရဲရင် ဘာလုပ်မလဲ တဲ့။ မိန်းကလေး ဆိုတာ လူမသတ်ရဲပါဘူး။ လူသတ်တဲ့ အမျိုးသမီးဆိုတာ ဟောလီးဝုဒ် ရုပ်ရှင်တွေထဲမှာပဲ ရှိတယ်။ အမျိုးသမီး တယောက်အနေနဲ့ လုပ်နိုင်တာ ဆိုလို့ ကိုယ့်ကိုယ်ကို သတ်သေတာရယ်..၊ သူတို့ကို စွဲလန်းတဲ့သူတွေကို သတ်သေသွားအောင် လှုံ့ဆော်နိုင်တာရယ် ..၊ သူတို့ကြောင့် စစ်ပွဲကြီးတွေ ဖြစ်စေတာမျိုးလောက် ရယ်ပဲ တတ်နိုင်တယ်။ အက်ဒွပ် ဘုရင်ကို ထီးနန်း စွန့်ခွာသွားအောင်တောင် တတ်နိုင်တဲ့ အမျိုးသမီး ရှိသေးတာပဲ။ ဒါက ဆိုင်တော့ မဆိုင်ဘူး၊ ငါ ဆိုလိုချင်တာက သာမန် အမျိုးသမီး တစ်ယောက်အနေနဲ့ လူ့အသက်ကို လွယ်လွယ်နဲ့ သတ်ဖို့ မဖြစ်နိုင်ဘူး။ မျိုးရိုးဗီဇဆိုင်ရာတွေ သိချင်ရင်တော့ ဆေးပညာကျွမ်းကျင်တဲ့ သူတွေဆီ သွားမေးလို့ ရနိုင်တယ်။ ငါတော့ သေချာ မသိဘူး။ ဘာပဲ ဖြစ်ဖြစ် နင်က သာမန် မိန်းကလေးပဲ။ ပိုဆိုးတာက နင့်လို မိန်းကလေးက ခြင်တကောင်တောင် ရိုက်ဖူး လို့လား လို့ ကျွန်တော် အရှည်ကြီး ပြောလိုက်တော့ သူ့မျက်နှာ နည်းနည်း မဲ့သွားသလား ထင်လိုက်မိတယ်။ သူ့ကို စနောက်ချင် စိတ်ကြောင့်သာ ပြောလိုက်မိတာ။ စကားတွေ လွန်ကုန်သလား ဆိုတာ သတိမထားလိုက်မိဘူး။

သူ ကျွန်တော့်ကို တခုခု ပြန်ပြောချင်တဲ့ ပုံ ပေါက်နေတယ်။ ဒါပေမယ့် သူက မပြောသေးဘူး။ ကျွန်တော့် အနေနဲ့ ကြီးကြီးကျယ်ကျယ်တွေ လျှောက် ပြောလိုက်မိတာကို သူ ပြန်စဉ်းစားနေရင်း ခံပြင်းနေပုံရတယ်။ နင် ငါ့ကို ပြောစရာများ ရှိနေသလား၊ ပြောစရာ ရှိရင် ပြောသာ ပြော ငါ စိတ်မဆိုးတတ်ဘူးလို့ ပြောတော့ ထင်တဲ့ အတိုင်း ပြောချပါလေရော။

နင်က ဖေဖေ့ကိုသာ တယူသန် ရှေးရိုးစွဲသမားလို့ ပြောတာ၊ နင်ရော ဘာထူးလို့လဲ။ ဖေဖေက သူ့လုပ်ငန်း သဘာဝ အရမို့ ငါ နားလည်ပေးနိုင်သေးတယ်။ ကျွန်တော် မျက်လုံးကို မှေးစင်းပြီး နားထောင်နေလိုက်တယ်။ ကြားဖြတ် ပြောဖို့ စဉ်းစားမိသေးပေမယ့် သူ ပြောတာကိုပဲ ဆက်နားထောင် နေလိုက်မိတယ်။ နင်က စာအုပ်တွေ ဖတ်ပြီး လွန်ခဲ့တဲ့ ရာစုနှစ်တွေက အယူအဆတွေ နင့်မှာ စွဲကပ်နေတော့ ငါတောင် နားမလည်နိုင်ဘူး။ နင့်ဘာသာ စာအုပ်တွေ ဖတ်သလောက် ဖတ်၊ နင့်စိတ်ကြိုက် အရက်သောက်တာ သောက် ငါ ဘာမှ မပြောတတ်ဘူး၊။ ဒါပေမယ့် တွေးတယ် ခေါ်တယ် ဆိုတာမျိုးမှာတော့ နင်က တချို့ အရာတွေကို တရားသေ စွဲကပ်ထားတာ မကောင်းဘူး ထင်တာပဲ။ သူ ပြောတာတွေက ကျွန်တော့်ကို ပြောနေတာ မှ ဟုတ်ရဲ့လား လို့ သံသယ ဖြစ်မိသေးတယ်။ ဒါပေမယ့် သူနဲ့ ကျွန်တော် နှစ်ယောက်တည်း ရှိနေတာမို့ ကျွန်တော့်ကို ပြောနေတာ ပါလား လို့ စဉ်းစားမိတယ်။ နင်ပြောတာတွေ ဘယ်အထိ ရောက်သွားတယ် ဆိုတာ သတိထားမိရဲ့လား။ နင့်လို လူမျိုးက ခုလို လက်လွတ်စပယ် ပြောတတ်လိမ့်မယ်လို့ မထင်မိဘူး။ အဲဒီ အတွေးအခေါ်တွေက တနေ့နေ့မှာ နင့်ကို ဒဏ်ပြန်ခတ်လိမ့်မယ်။ ငါတော့ ဒီထက် ပို ပြောစရာ မရှိတော့ဘူးတဲ့။ သူ တော်တော် စိတ်ကသိကအောက် ဖြစ်သွားတာ ကျွန်တော် ရိပ်မိလိုက်တယ်။ ဒီအခြေအနေမှာတောင် မရိပ်မိလောက်အောင် ကျွန်တော် မညံ့သေးဘူး.။ဒီတော့လည်း ပြေလည်ရာ ပြေလည်ကြောင်း ပြောဖို့ စဉ်းစားရတော့တာပဲ။ ငါ ပြောလိုက်တဲ့ စကားတွေက နင့်ကို စနောက်ရုံ သက်သက်ပါဟာ။ တခြား ဘာရည်ရွယ်ချက်မှ မရှိပါဘူး။ နင့်ကို နောက်တာကိုပဲ စိတ်ဆိုးတယ်ဆိုရင် ငါ ကိုယ့်ငါ အပြစ်တခုခု ပေးလိုက်ပါ့မယ်။ နင် တွေးမိတဲ့ အခြားအရာတွေအပေါ်ကိုလည်း ငါတောင်းပန်ပါတယ် လို့ အသာကလေး လေပြေထိုးလိုက်မှ သူ ကျေနပ်သွားပုံရတယ်။ ကျွန်တော်လည်း စကား ဆက်မဟရဲတော့ဘူး။ အဲဒီမှာ မိန်းမတွေနဲ့ ပတ်သတ်လို့ ပညာ တစ်ခု ရသွားတယ်။ ကျွန်တော်ကလည်း ကျွန်တော်ပဲ။ ယောင်္ကျားလေး သူငယ်ချင်း အချင်းချင်း စကားပြောကြတဲ့ အခါ ပြောချင်တာ ပြောလို့ မရပေမယ့် မိန်းကလေးတွေနဲ့ကျတော့ ဆင်ခြင်ရတယ်.။ အမျိုးမှ မတူပဲကိုး။ နားလည် လက်ခံပုံချင်း ကွာတယ်..။ နားလည် လက်ခံပုံချင်း ကွာတော့ အကြောင်းအရာ တစ်ခု အပေါ်မှာ နားလည်ချင်သလို နားလည် ပစ်လိုက်တော့ အဲဒီမှာ အဓိပ္ပါယ်တွေ လွဲကုန်တော့တာပဲ။ ကျွန်တော့်အနေနဲ့ သူ့ကို စတာ နောက်တာ မှန်ပေမယ့် ကိုယ့်လို တွေးတာ မဟုတ်တော့ ကျွန်တော် ပြောတာတွေ အပေါ် ဘယ်မှာ လက်သင့်ခံပါ့မလဲ။ ကျွန်တော်က လက်ခံဖို့ ပြောတာ မဟုတ်ပေမယ့် အခြေခံ လက်ခံပုံချင်းကိုက ကွဲပြားနေတော့ သူ ကသိကအောက်ဖြစ်ရတာ အပြစ်ပြောလို့ မရဘူး.။ ဘာပဲ ပြောပြော အဲဒီနေ့က အဲဒီလောက်နဲ့ ပြီးသွားတာကိုပဲ ဝမ်းသာရမလို ဖြစ်မိပါတယ်.။

ဒီနောက်ပိုင်းတော့ သူနဲ့ ကျွန်တော် တွေ့ဖြစ်ကြတာ နည်းနည်း ကျဲ သွားတယ်။ သူ့အစ်မ ဝင်းဝင်းမာနဲ့ က ကျွန်တော့်အလုပ်နဲ့ ပတ်သတ်မှု ရှိလို့ အဆက်အသွယ် ရှိပေမယ့် သူနဲ့က မတွေ့ဖြစ်သလောက်ပဲ။ တခါတခါ အကြောင်း တိုက်ဆိုင်လို့ သတိရမိတာမျိုးက လွဲလို့ အဆက်အသွယ် ပြတ်သွားတယ်။ စိတ်သဘောထား အတွေးအမြင် မတူလို့တော့ မဟုတ်ဘူး။ အခြေအနေ အကြောင်းတရား မတိုက်ဆိုင်လို့ သာ ဖြစ်လိမ့်မယ်။ အခြေအနေ အကြောင်းတရား ဆိုတာမျိုးက စိတ်သဘောထား၊ အတွေးအမြင်လို ကိုယ်ပြောင်းချင်သလို ပြောင်းနေလို့ ရတာမျိုး မဟုတ်ဘူး.။ ရေခံ မြေခံ ကွာတယ်။ တွေးမြင်ထားသလို မဖြစ်တာနဲ့ပဲ အခြေအနေ အကြောင်းတရားကို အပြစ်ပြောလို့တော့ မရနိုင်ဘူး ထင်တယ်။ ဒီကိစ္စက သူ့ဘာသာ တည်နေတဲ့ ကိစ္စ။ ကျွန်တော့် စိတ်သဘောထား၊ အတွေးအမြင်တိုင်းမှာ သူ့ကို သတိတရ ရှိနေသေးတဲ့ အတွက် ကျွန်တော်တို့ ကြားမှာ အခြေအနေဆိုတာမျိုးက အရေးပါတဲ့ နေရာမှာ ရှိမနေသေးဘူး.။ ဒီလိုနဲ့ပဲ သူနဲ့ ကျွန်တော် မတွေ့ဖြစ်ကြတာ တော်တော်ကို ကြာသွားတယ်။ သာကြောင်း မာကြောင်းကိုတော့ ဝင်းဝင်းမာနဲ့ တွေ့တဲ့ ပြောဖြစ်တာမျိုးလောက်ပဲ။

ခု ကျွန်တော်နဲ့ တွေ့တွေ့ချင်း သူ ငိုနေပုံကို ကြည့်ပြီး စိတ်ထဲမှာ ဘယ်လို လုပ်ရမလဲ စဉ်းစားနေမိတယ်။ နင် ဘယ်တုန်းကများ ငိုတတ်သွားတာလဲ လို့ မေးလိုက်မိတယ်။ သူက ကျွန်တော့်ကို မော့ကြည့်ရင်း နင့်ကို ငါ ပြောင်းလဲသင့်သလောက် ပြောင်းလဲ နေပြီ လို့ ထင်နေတာ အတွေးအခေါ်တွေက ဘာမှ မပြောင်းလဲ သေးဘူးပဲ တဲ့။ လူတစ်ယောက်ရဲ့ ခံစားချက် ဆိုတာမျိုးကိုတောင် ကန့်သတ်ထားချင်နေသေးတဲ့ သူမျိုးပဲ။ နင့်မှာ ခံစားချက် ဆိုတာမျိုးရော ရှိသေးရဲ့လား တဲ့။ ကျွန်တော်က သူ ပြန်ပြောနေတာကို ကြည့်ပြီး ဘယ်လို ပြောရမယ် ဆိုတာ စဉ်းစားနေမိတယ်။ နင်ပြောသလို ခံစားချက် ရှိတာ ကောင်းတယ် ဆိုရင် ခံစားကြည့်ချင်ပါသေးတယ်။ နင့် အပြောအရ နင် ခံစားချက် ရှိလို့ ခု ငိုနေရတယ်လေ။ ငိုတယ် ဆိုတာမျိုးက နင့်အမြင်မှာ ကောင်းတယ် ထင်ချင် ထင်လို့ ရပေမယ့် ငါ့အတွက်တော့ နင် ငိုနေတာကို ငါ သဘော မကျဘူး။ ပြီးတော့ မျက်ရည် ဆိုတာမျိုးက ခန္ဓာကိုယ်ထဲမှာ အလဟဿပိုနေတဲ့ ပစ္စည်းတမျိုးလို့ ငါ မကြားဖူးသေးဘူး.။ နင် ငိုနေတာက ငိုနေတာနဲ့ မတူဘူး။ နင့်ကို နင် ညှဉ်းဆဲနေတယ် နဲ့ တူတယ် လို့ ငါထင်တယ်။ နင် ငို တာဟာ မလှဘူး။ ဟိုအရင်လို နင် ငါ့ကို တခုခု ပြန်ပြောနေတတ်တာမျိုးကိုပဲ သဘောကျတယ်။ ခု နင် ငိုလိုက်တော့ ငါတို့ ကြားမှာ တိတ်ဆိတ်သွားတယ်။ တိတ်ဆိတ်ခြင်းကို ငါ မကြိုက်ဘူး.။ တခုခု ပြောနေကြတာမျိုးက နင်နဲ့ ငါရဲ့ ရှင်သန်ခြင်းမှာ ငြီးငွေ့ခြင်းကို မဖြစ်စေဘူး.။ ဒီတော့ တိတ်ဆိတ်ခြင်းဟာ နင်နဲ့ ငါ ကြားမှာ ရှိမနေသင့်ဘူးလို့ ထင်တယ်။ ဒါကြောင့် နင် မငို ပါနဲ့တော့လား.လိူ့ ကျွန်တော် အရှည်ကြီး ပြောလိုက်တော့ သူက ခပ်တည်တည် ကျွန်တော့်ကို ပြန်ကြည့်တယ်။

သူက လက်ဖမိုးနဲ့ မျက်လုံးတွေကို ပွတ်သပ်နေရင်း နင့်ပုံစံကိုများ ပြန်ကြည့်ကြည့်ပါဦးတဲ့။ ငါက ဘာဖြစ်နေလို့လဲ လို့ မေးမိတော့ နင့်ကို နင် ပစ်ထားတာ ဘယ်လောက် ကြာပြီလဲတဲ့။ မျက်နှာလည်း ချောင်ကျ သွားလိုက်တာ၊ အဝတ်အစားက ဖိုသီ ဖတ်သီနဲ့ ။ တီရှပ်နဲ့ ဂျင်းဘောင်းဘီကို ကိုလည်း ခုထိ စွဲစွဲမြဲမြဲ ဝတ်နေတုန်းပဲ၊ သပ်သပ်ရပ်ရပ်ကလေး နေစမ်းပါ လို့ အလိုမကျသလို နှုတ်ခမ်းလေး စူရင်း ပြောတယ်။ သူ ပြောတာတွေကို နားထောင်နေရင်း သူ ဆက်မပြောတော့မယ့် ဟန်ပြတော့ ကျွန်တော် မျက်နှာကို တည်လိုက်တယ်။ ခါးကို မတ်လိုက်တယ်။ နင့်ကို ငါ အတည် ပြောမယ်။ နင် ပြောတဲ့စကားတွေကို ကြားဖြတ် ပြောတာ မဟုတ်ဘူး။ ငါ တကယ် တန်ဖိုးထားပြီး မေးမှာ။ ငါ့ကို ကြည့်ပါလား။ လို့ ကျွန်တော် ပြောတော့ ကျွန်တော့်ကို သူ ကြည့်နေတယ်။ နင်လေ ငါနဲ့ ပတ်သတ်ပြီး အဝတ်အစားက အရေးကြီးသလား၊ လူက အရေးကြီးသလား လို့ သူ့ကို စိုက်ကြည့်နေရင်းပြောလိုက်တယ်။ သူက မသိမသာ ခေါင်းငုံ့သွားတယ်။ မသိဘူး လို့ ပြောလိုက်သလိုလို တိမ်ဝင်သွားတဲ့ အသံလေးကို အဖျားလေး ကြားလိုက်မိတယ်။ မသဲကွဲဘူး.။ ကျွန်တော် ဆက်ပြောလိုက်တယ်။ နားထောင်ချင်လို့ မေးတဲ့ သူကို ကြားစေချင်တဲ့စိတ်ကလေး ရှိရင် နည်းနည်း အသံချဲ့ပြီး ကျယ်ကျယ်ကလေး ပြောပါလား။ သူ ခေါင်း ပိုငုံ့သွားတယ်။ နင် နဲ့ ငါ ကြားမှာ အတားအဆီးတချို့ ရှိကောင်း ရှိနေနိုင်ပေမယ့် ခုလောက်ကြီး ခေါင်းငုံ့ထားဖို့ မသင့်ဘူး ထင်တယ် လို့ ကျွန်တော် ပြောနေတော့ သူက ကျွန်တော် ဘာဆက်ပြောမလဲ နားစွင့်နေရင်း ဖြည်းဖြည်းချင်း ခေါင်းမော့လာတယ်။ ကျွန်တော် ပြောဖို့ စကားတွေ အပြေးအလွှား စဉ်းစားနေမိတယ်။

နေပါဦး။ နင်က ငါ့ကို တွေ့တာနဲ့ ဘာလို့ ချက်ချင်းကြီး ငိုချလိုက်ရတာလဲ။ ငါများ နင့်ကို ငိုအောင် တခုခု လုပ်လိုက်မိသလား၊။ တကယ်တော့ ဘယ်လို အကြောင်းတရာတွေဖြစ်ဖြစ် နင့်ကို ငိုစေချင်တဲ့ဆန္ဒ ငါ့ မှာ မရှိပါဘူး.။ ဒီတခုကိုတော့ နင် သဘော ပေါက်စေချင်တယ် လို့ ကျွန်တော် ပြောလိုက်တော့ သူက ကျွန်တော့် ရင်ဘတ်ဆီကို သူ့လက်နုနုလေးနှစ်ဖက်နဲ့ တွန်းရင်းနဲ့ ခပ်ဖွဖွ ထုနေတယ်။ ခုထက်ထိ နင် လူတယောက်ကို နာအောင်တောင် မရိုက်တတ်သေးဘူးပဲ လို့ ကျွန်တော် ပြုံးရင်း ပြောလိုက်တော့ ကိုကိုနဲ့ ကျွန်မ ကြားမှာ အချိန်တွေ အကြာကြီး တိတ်ဆိတ်နေအောင် ကိုကိုပဲ လုပ်ခဲ့တာ မဟုတ်ဘူးလား၊ တိတ်ဆိတ်ခြင်းကို မနှစ်သက်တဲ့ သူက တိတ်ဆိတ်ခြင်းကို ဖွင့်ထုတ်ပစ်လိုက်ဖို့ တွေဝေနေတာမျိုးကို အမုန်းဆုံးပဲ လို့ သူက ပြောရင်း ကျွန်တော့် ပုခုံးဆီ ခေါင်းငုံ့ တင်လိုက်ရင်း အသာ ကိုက်ချ လိုက်တယ်။ ကျွန်တော့် အနေနဲ့ နာကျင် သွားတယ် ရယ်လို့ မဟုတ်ပေမယ့် ရင်ဘတ်ထဲက နှလုံးသားဆီကနေ ဖြေးဖြေးလေး အောင့်တက် သွားတယ်။ ခံစားချက်ဆိုတာ အဲဒါမျိုးလေးဆိုရင် ကျွန်တော် နှစ်သက်မိမှာ အမှန်ပဲ။


တေဇာအောင်
22.09.2010(04:40 am)

September 21, 2010

အရိပ်အယောင်

ဘဝ အဓိပ္ပါယ် ဆိုတာ သိသွားရင် ဘာလုပ်ရမလဲ ဟင်
ဘဝ အဓိပ္ပါယ်ကို သိပြီဆိုရင် စိတ်ကျန်းမာရေး ဆေးရုံကို သွားပေတော့


ဥာဏ်ကြီးရှင် ဖြေဆိုပွဲ

(မောင်ကောင်းထိုက်-နှီးပဒေါ)

ဘ၀ ဆိုတာ အဓိပ္ပါယ် ရှိသော နေရာ တစ်ခု ဟု ကျွန်တော် မထင်ပါ။ (ယခု အချိန်တွင် ကျွန်တော့်အနေဖြင့် ဘာသာစကားကို အသုံးပြုပြီး အဓိပ္ပါယ်များကို ခင်ကျင်းမည် ဖြစ်သောကြောင့်ဘာသာစကားကို တင်ကူးနားလည်ထားဖို့ လိုမည် ထင်ပါသည်။ ထို အဓိပ္ပါယ်သည် ဘဝနှင့် မဆိုင်ပါ) ခင်ဗျားကိုယ်တိုင် ပစ္စုပ္ပန်တွင် နေထိုင်ပြီး မရောက်လာသေးသော အနာဂတ်အား မျှော်လင့်နေခြင်းသည် အမှန်တကယ်တော့ မိုက်မဲရာသာ ကျပါလိမ့်မည်.။ ကျွန်တော်တို့သည် အတိတ်ကိုသာ ပြန်လည်တွေးတောပြီး ပျော်ရွှင်နေတတ်သော အတန်းအစားများသာ ဖြစ်ကြောင်း ကျွန်တော် သေချာ ပြောနိုင်လျှင် ကျွန်တော့် အသက် ၂၅ ပြည့်ပြီ ဖြစ်ကြောင်း သင် ယုံကြည်ပါလေ။

တကယ်တော့ ကျွန်တော် အသက် ၂၅ နှစ် ပြည့်မှ ယခုကဲ့သို့ တွေးမိခြင်း ဖြစ်ပါသည်။ ငယ်လွန်းသေးကြောင်း ကျွန်တော် ပြောလိုသော်လည်း ရွှေတောင် ဆရာလွန်း၏ အလွန်မငယ်တဲ့ ခုနစ်ဆယ် ဆိုသော စကားကို သင် မကြားဖူးသေးလျှင် ၂၅ ဆိုသော ကာလအပိုင်းအခြားကို မည်သို့ ဖြစ်လေမည်လဲ သင့်ဘာသာ တွေးတော ဆင်ခြင်ပါလေ။ ကျွန်တော် နားလည် နိုင်ပါသည်။ ကျွန်တော်တို့သည် တစ်သီးပုဂ္ဂလများသာဖြစ်သောကြောင့် အတွေးအယူများ ကွဲပြားနိုင်ပါသည်.။ လွတ်လပ်စွာ သဘောကွဲလွဲခွင့် ဆိုသော စကားလုံးကို ကျွန်တော် သဘောကျသော်လည်း ကျွန်တော်တို့၏ ရီပွန်စီဘယ်လတီ ကို ထိခိုက်သောကြောင့် မျက်နှာလွဲ ခဲပစ်သဘောဖြင့် ကျွန်တော်ထို စကားလုံးကို မသုံးတော့ပါ။ အနည်းဆုံး သင်သည် ဆင်ခြင်တုံတရား လက်ကိုင်ထားသူ ဖြစ်လျှင် ပိဿလေးနှင့် ဘေးပစ်သလို ဖြစ်စေသော အသုံး အနှုန်းများအား ရှောင်ရှားစေချင်ပါသည်.။ ချစ်ခြင်း ဖြင့်သာ ကျွန်တော်တို့ အတူတကွ ရှေ့ဆက် သွားကြပါမည်။ ကျွန်တော်တို့သည် ရန်သူများ မဟုတ်ကြပါ။ ချစ်သူများ မဟုတ်ကြပါ။ နှလုံးသား(အသိတရား)ဖြင့်သာ ရှေ့ဆက်ရမည် ဖြစ်သော ကိစ္စ ရပ်များအား ကျွန်တော် ဒီနေရာတွင် ထပ်၍ ပြောသော် စာ ရှည်သွားမည်သာ အဖတ်တင်ပါလိမ့်မည်.။ သင့် အနေဖြင့် ထမင်း စာကောင်းဖို့ ဆီပုလင်း ခါးချိတ် ထားသည် ရှိသော် ရှိပါစေ။

ကျွန်တော် ရှင်သန် နေထိုင်လာခဲ့သော နှစ်ကာလများ(စာအုပ်တိုက် အမည် မဟုတ်ပါ) အတွင်း ထင်မှတ်မထားသည်များ ကြုံဆုံလာခဲ့သော အခါ ကျွန်တော် အနေဖြင့် စိတ်မသက်မသာ ဖြစ်မိသော်လည်း ရင်ဆိုင် ကြုံတွေ့ခဲ့ရသည်များသာ ဖြစ်ပါသည်.။ လက်ရှိ အချိန်ထက် ကောင်းသော အချိန်သည် မရှိ ဟု ကျမ်းဂန်နှင့် တက်ကျမ်းများထဲတွင် (လုံ့လ ဥဿာဟထုတ် မဆုတ်မနစ် အားထုတ်ကြရန် စေတနာဖြင့်) ရေးသားကြသော်ငြားလည်း လက်တွေ့ဘဝတွင်ကား တခါတလေတွင် ပစ္စုပ္ပန် တဒင်္ဂသည် ဆိုးဝါးလွန်း မက ဆိုးဝါးလှပါသည်။ ဥပမာ ဆောင်သော် ဒီတောင်ကို မကျော်တော့ဘူး ဟု ထင်မိသည်များပင် ရှိခဲ့သည်ချည်း ဖြစ်သည်.။ လွန်မြောက် သွားသော အခါတွင်မှ ဘာမှ မဟုတ်ပါလား တွေးမိ၊ ပြုံးမိသည်များကို ကြုံဖူးကြပါလိမ့်မည်.။

ကျွန်တော်သည် အမြဲတမ်း ပလေတို၏ လိုဏ်ဂူထဲတွင် နေထိုင်ရခြင်းဖြင့် ဘဝကို ကျေနပ်ခဲ့သည်များ ရှိပါသည်။ မျက်နှာချင်းဆိုင်တွင် တွေ့မြင်ရနေသော အရိပ်အရောင်များကို အစစ်အမှန်များဟု လက်ခံပြီး ကျောဘက်မှ ပုံရိပ်ကို ဖြစ်ပေါ်စေသော အကြောင်းများအား လစ်လျူရှုဖြစ်ခဲ့ပါသည်။ မှားယွင်းခဲ့ပါသည်ဟု ပြောဆိုရန် ခက်ခဲသလို မည်သည့်အရာသည် အစစ်အမှန်၊ မည်သည့်အရာသည် ပုံရိပ်ယောင် ဟု မည်သူမျှ မပြောနိုင်ကြပါ။ အစဉ်အလာအားဖြင့် ချမ်းချမ်းသာသာ နေထိုင်ခဲ့သော လူတယောက်ကတော့ လူ့ဘဝအဓိပ္ပါယ်ဆို တယ်နိပ်ပါလားဟု တွေးကောင်း တွေးနိုင်ပါလိမ့်မည်။ ဤတွင် ချမ်းသာခြင်းနှင့် ဆင်းရဲခြင်းကြားက ကွာဟချက်ကို ပြဿနာ သို့မဟုတ် အရင်းရှင်၊ ပစ္စည်းမဲ့ဆိုပြီး အမြင်များလည်း ကျွန်တော့်တွင် မရှိပါ။ တခုတော့ ရှိပါသည် ။ လူတွေဟာ ဆင်းရဲတဲ့ ဒဏ်ကို ခံနိုင်တယ်။ ချမ်းသာတဲ့ ဒဏ်ကို မခံနိုင်ဘူး ဆိုတော့စကားအရ 25 နှစ်လောက် ဆင်းရဲသည့် ဒဏ်ခံ ခဲ့ပြီဖြစ်သော ကျွန်တော်သည် ချမ်းသာခြင်း ဒဏ်ကိုလည်း တပြန်တလှည့် ခံစားချင်နေမိခြင်း ဖြစ်ပါသည်။ဆိုလိုရင်းမှာ ဘဝတွင် အဓိပ္ပါယ် ရှိသည်ဟု ဆိုသော် လူ့လောကတွင် အများအခေါ် လောကဓံ ဆူကြုံ နိမ့်မြင့်ကို စုံလင်စွာ ခံစားကြည့်ဖို့ လိုပါလိမ့်မည်.။

ကျွန်တော် ကြုံတွေ့ဖူးခဲ့သည်များမှာ ဘဝ၏ အဓိပ္ပါယ်များ မဟုတ်တန်ရာ။ ရှင်ဘုရင် လုပ်လိုသူ ရှိသည်။ လူပုံအလယ်တွင် ဘွတ်ဖင်နီ တောင်ပံခတ်ရင်း မတ်တပ်ရပြလိုသူ ရှိသည်။ ဋ္ဌာနေကျေးက မုလေးငုံကို ရုပ်ပုံလေးနဲ့သာ လွမ်း သူ ရှိသည်.။ ဆီပုလင်း ခါးချိတ်သူ ရှိသည်။ ထမင်း တလုပ်အတွက် အတင်းအုပ်ရမှာ မကြောက်သူ ရှိသည်။ တဘက်သားကို ဆဲဖို့ တာဝန်ယူထားသူ ရှိသည်။

မောင်ခိုင်လတ်၏ ဝေဖန်ရေးဆရာ မဝင်ရ၊ ရသစာတမ်းထဲက အလှူ့အမ အမေအိုကြီးကို သဘောကျပါသည်။ သားဖြစ်သူ ဝေဖန်ရေးဆရာ၏ စာမူခကို အလှူထည့်ဝင်ဖို့ ပြောသောအခါ အမေအိုက သူများကို အမနာပ ပြောဆိုပြီး ရသော ငွေကြေးသည် သန့်ရှင်းမှာ မဟုတ်သောကြောင့် အလှူထဲတွင် တမင် မထည့်ဝင်ခဲ့စေချင်ခြင်း အကြောင်း ဖြစ်ပါသည်။

အဓိပ္ပါယ်များ အကြောင်းကို အဓိပ္ပါယ် မရှိသလို ရေးနေသော်လည်း ကျွန်တော့် အရေးအသား၏ အဆီအငေါ် မတည့်မှုများကြောင့် ကို့ယိုးကားရား နိုင် နိုင်ပါသည်။ သို့သော် ကျွန်တော်သည် ခါနာတလုပ်အတွက် ဝါစာကမာ တစ်ပုဒ် လုပ်တာ မဟုတ်ကြောင်းကိုတော့ သဘောပေါက် နားလည် စေချင်ပါသည်။ မွန်းကျပ်ခြင်းများ အတွင်းမှ ပွင့်အံလာသော စာဖြစ်သည့်အတွက် အရိုင်းဆန်ကောင်း ဆန်ပါလိမ့်မည်။

တေဇာအောင်
(21.09.2010)

မနေ့က အကြောင်းတွေ

ဘဝမှာ ဘာအလိုချင်ဆုံးလဲ လို့ တွေးကြည့်တဲ့ အခါတိုင်း အဲဒီ အလိုချင်ဆုံး အရာဟာ ခပ်ဝေးဝေးမှာ ရောက်နေတတ်တာမျိုး ကြုံဖူးသလား မသိဘူး။ တခါတလေ စိတ်ကူးနဲ့ တည်ဆောက်ထားတဲ့ ဘဝဆိုတာမျိုးက လေပြင်းပြင်းတိုက်ရင် ပါ သွားတော့တာပဲ။ အတတ်နိုင်ဆုံး ထိန်းညှိထားပေမယ့် မနက်ဖြန်ဆိုတာ ကျွန်တော် မပိုင်တဲ့ အတွက် အရာရာကို အသေအချာ ပြောဖို့ နောက်တွန့်နေမိတယ်.။

စာတပုဒ် မှတ်မိနေတယ်။
“ဘဝ အဓိပ္ပါယ်ဆိုတာ သိသွားရင် ဘာလုပ်ရမလဲ”
”စိတ်ကျန်းမာရေး ဆေးရုံကို သွားပေတော့” တဲ့။ မောင်ကောင်းထိုက်၊နှီးပဒေါ၊ ရဲ့ ဥာဏ်ကြီးရှင် ဖြေဆိုပွဲ ထဲကပါ။ ကျွန်တော်က ကျွန်တော့် စိတ်ကူးထဲမှာ တည်ဆောက်ထားတဲ့ ဘဝမျိုးကို လိုက်လံ ရှာဖွေရတာ ဝါသနာ ပါတယ် ထင်ပါရဲ့။ ဒါပေမယ့် တချို့ကိစ္စတွေဟာ နားလည်ရ ခက်တယ် ပြောရမယ် ထင်တယ်။ ကျွန်တော်က တခါတလေ စာအုပ်တွေထဲမှာပဲ နေတာ များတော့ လက်တွေ့ဘဝနဲ့ အဟ ကွာ ကွာ သွားတတ်တယ်။ အကြောင်းအရာ တော်တော်များများမှာ တည်မိနေပြီး ပြန်ရုန်းမထွက်နိုင်တဲ့ အခါကျတော့ ဘဝဟာ အလဲလဲ အပြိုပြို ဖြစ်သွားတော့တာပါပဲ။ ဒီစာကို ရေးမိလိုက်တာက ကျွန်တော့်ကို ကျွန်တော် နားမလည်တဲ့ ကိစ္စကို တခြားတယောက်ကိုလည်း နားလည်နိုင်လိမ့်မယ်၊ စာနာလာလိမ့်မယ်လို့ မျှော်လင့်မိလို့ မဟုတ်ဘူး ထင်တယ်။ ကျွန်တော် ယုံကြည်မိတဲ့ သူတယောက်ကို တစိတ်တပိုင်း သိစေချင်လို့ ရေးလိုက်တာပါ။ အားလုံးဟာ နေသားတကျ ဖြစ်နေပါလိမ့်မယ်။

ဘဝ ဆိုတာမျိုးကြီးနဲ့ ချီပြောရတာ နည်းနည်းတော့ ကြီးကျယ်သလို ဖြစ်နေလိမ့်မယ်။ (တကယ်တော့ ကျွန်တော်ဟာ အသက်ရှင်ခြင်းကို ဘဝလို့ မခံယူတော့တာ တော်တော် ကြာပါပြီ)။ လောကကြီးထဲမှာ နေထိုင်နေတဲ့ သူတယောက်အနေနဲ့ ဘယ်လို နေထိုင်ရမယ်လို့ ပြဋ္ဌာန်းမထားတာ အသက်ရှင်ခြင်းရဲ့ ဒဏ်ခတ်ချက် သက်သက်သာ ဖြစ်လိမ့်မယ်။ အစဉ်အလာ ရှိခဲ့ပြီးသာ နေထိုင်မှုတွေနဲ့ အသားမကျချင်တဲ့ သူဟာ ပိုဆိုးတယ် ထင်တယ်။ ဥပမာ-ကျွန်တော့်လို လယ်သမား သားသမီးက လယ်မလုပ်ချင်တာမျိုးပေါ့။ ဒီလို ပြောတော့ လယ်သမား သားသမီးဟာ လယ်သမားပဲ ဖြစ်ရမယ်ဆိုတဲ့ ခေတ်ဟာ နှစ်ဆယ် ရာစုမှာ ကျန်ခဲ့ပြီ လို့ ပြောချင် ပြောလို့ ရလိမ့်မယ်...။ ကျွန်တော်ကတော့ ဘာတွေ ဘယ်လိုပဲ ပြောင်းပြောင်း ပုတ်သင်ညိုလို လိုက်ပြီး မပြောင်းတတ်တာ နည်းနည်းတော့ ခက်နေမလားပဲ။

တကယ်တော့ ကျွန်တော်ဟာ တော်တော်လေး ပင်ပန်းနေပါပြီ။ တည်ဆောက်ထားတဲ့ ကမ္ဘာတွေ အကြိမ်ကြိမ် ပြိုလဲ ပြီးတဲ့ နောက်ပိုင်း ခံနိုင်ရည်အားတွေ ကျဆင်းကုန်ပါပြီ။ 25 နှစ်ဆိုတဲ့ ကာလအပိုင်းအခြားဟာ နည်းတဲ့ နှစ်တွေ ဟုတ်လို့လား။ ထောက်ကန်ထားတဲ့ ဒေါက်တိုင်တွေဟာ ကျွန်တော့်ကို ဆက်လက် မပံ့ပိုးနိုင်တော့ပါဘူး.။ မိသားစုအတွင်းက ရရှိထားတဲ့ မေတ္တာတရားကသာ ကျွန်တော့်ကို ဆက်လက် ရှင်သန်နေစေပါတယ်။ (ဒီကိစ္စအတွက် ကျေးဇူး အတင်ဆုံးကတော့ ကျွန်တော့် အဖေနဲ့ အမေပါပဲ။ ဘာပဲ ဖြစ်ဖြစ် ကျွန်တော့် တည်ရှိနေခြင်း သက်သက် အတွက်ကိုပဲ အဖေနဲ့ အမေဟာ အရေးအပါဆုံး လူနှစ်ယောက် ဖြစ်နေလို့ပါပဲ။ )

ဒီကြားထဲမှာ ထိတွေ့ခဲ့ရတဲ့ မိတ်ဆွေတွေ အများကြီးပါပဲ။ တချို့ငွေနံ့ကြေးနံ့ သင်းတယ်.၊ တချို့ မေတ္တာတရား ကင်းတယ်၊ တချို့ က အပေါ်ယံ ဆက်ဆံကြတယ်။ ဒါပေမယ့် လောကကြီးထဲက လူတွေဆီကနေ ကျွန်တော် မေတ္တာတရား တချို့တလေကို ရသင့်သလောက် ရခဲ့ပါတယ်။ ရောင့်ရဲလွယ်သူ မဖြစ်ခဲ့လို့ အနည်မထိုင်ခဲ့တာတော့ မိုက်မဲမှုလို့ ပြောရင် လူ့သဘာဝကို မျက်နှာလွှဲရာ ရောက်မယ် ထင်တယ်။ ကျွန်တော်က ဆန္ဒ္ဒ္ဒ များများနဲ့ နေထိုင်ခဲ့တဲ့ နှစ်တွေက နည်းမှ မနည်းခဲ့ပဲ ကိုး။

စာကို အတတ်နိုင်ဆုံး ထိန်းညှိပြီးသာ ရေးနေရတာ။ ဖတ်နေတဲ့ သူ စိတ်ကသိကအောက် ဖြစ်မှာလည်း စိုးမိပါတယ်။ ကျွန်တော့်အတွက်နဲ့ ကသိကအောက် ဖြစ်ရတယ် ဆိုရင် ကျွန်တော်ဟာ နှစ်ခါပြန် မိုက်မဲတဲ့သူ ဖြစ်သွားမှာပဲ။ ဒါပေမယ့် ဒီစာကို ဖတ်မယ့်သူဟာ ကျွန်တော့်ကို ကောင်းကောင်း သိပြီးသား လို့ ယူဆတဲ့ အတွက်လည်း ခုလို အကြောင်းအရာတွေ ရေးနေမိတာ ဖြစ်မှာပဲလို့ စာရေးရင် စဉ်းစားမိတယ်။ မဟုတ်ဘူးလား။း)

တကယ်တော့ ကျွန်တော် အိမ်ပြန်ချင်နေပါပြီ။ မေတ္တာတရားကို တန်ဖိုးထားတတ်တဲ့ အရွယ်ကစပြီး မေတ္တာတရားနဲ့ ခပ်ဝေးဝေးကို ရောက်သွားတာကတော့ ဘယ်သူ့ကိုမှ အပြစ်ပြောစရာ မရှိပါဘူး.။ လူ့ဘဝဆိုတာ ကံပစ်ချ ခံထားရတဲ့ သတ္တဝါ တစ်မျိုးလို့ အဆိုရှိတာပဲ မဟုတ်လား.။ ဘယ်သူ ပဲ ဖြစ်ဖြစ် ရှင်သန် နေထိုင်ခြင်းမှာ ရွေးချယ်ခွင့် မရကြဘူးလို့ ယူဆမိတယ်။ နောက်ပြီးတော့ ကျွန်တော် တွေ့သိဖူးတဲ့ သူတိုင်းဟာလည်း ရွေးချယ်ခွင့် မရှိခဲ့ကြတာ များတယ်။

မနုဿတ္တဘာဝေါ ဒုလ္လဘော ဆိုတာကြီးက ဘယ်လိုလူမျိုး ဆိုမိန့်သွားလဲ စဉ်းစားလို့ မရဘူး.။ လူ့ပြည်က အပ်တစ်စင်းနဲ့ ဗြဟ္မာ့ပြည်က အပ်တစ်စင်းထိတွေ့ဖို့ ခဲယဉ်းသလောက် လူဖြစ်ဖို့ ခဲယဉ်းတယ် လို့ ပြောကြပေမယ့် အဲသလောက် ခက်ခဲတာတောင် ကျွန်တော်က ဘာလို့ လူလာဖြစ်နေရသေးလဲ။ ရှင်တော် ဗုဒ္ဓဟောတဲ့ ခေမာသောင်ကမ်းဆိုတာ တကယ်ရှိရင် အဲဒီဘက်ကို ရောက်သွားပါတော့လား.။ ဒါပေမယ့် သိတယ် မဟုတ်လာ.။ အဲဒါမျိုးက ကျင့်ကြံအားထုတ်နိုင်မှ ဖြစ်တာလို့ လည်း ပါသေးတယ် မဟုတ်လား.။ ဒီတော့ ကျွန်တော့်လို လူမျိုးက (စိတ်ပျက်အားလျော့တာမျိုး မဟုတ်တောင် ) ဘယ်မှာလာ ဖြစ်နိုင်ပါ့မလဲ။ သေခြင်းအကြောင်းကို တွေးရအောင်လည်း ကျွန်တော်က သေခြင်းကို မထိတွေ့ဖူးတော့ ကြိုတင် ကြံစည်လို့ မရနိုင်ဘူး.။

စာဖတ်နေရင်းနဲ့ တော်တော်လေးတော့ မျက်ခုံးတွန့်နေပြီ ထင်တယ်။ ခါတိုင်း ကျွန်တော့်အပေါ် ရယ်သလို လှောင်ရယ် ရယ်လိုက်ပါ။ နည်းနည်းလေး ဖြေလျော့သွားမှာပဲ။ ဒါမှ စာ ဆက်ဖတ်လို့ ရမယ် မဟုတ်လား။ ပြီးတော့ ကျွန်တော့်တို့ဟာ လက်ဆုပ်လက်ကိုင် ပြလို့ရတဲ့ ကာလတခုစာ သိခဲ့ကြတာဆိုတော့ ကျွန်တော် တရိုတသေ ရေးလိုက်တဲ့ စာကို အဆုံးထိ ဖတ်လိမ့်မယ်လို့ မျှော်လင့် မိတာပဲ။

ပြောမယ့်သာ ပြောရတာ မျှော်လင့်ခြင်း ဆိုတာမျိုးကလည်း တော်တော်တော့ ပင်ပန်းသား။ မျှော်လင့်တယ် ဆိုကတည်းက တွယ်တာမိလို့သာ ဖြစ်ရတာမျိုးကိုး။ တွယ်တာမှု မှန်သမျှ မကောင်းဘူး ဆိုပေမယ့်လည်း ကျွန်တော်က ဆင်ခြင်တုံတရားကို လက်ကိုင်မထားနိုင်သေးတော့ ဘယ်မှာလာ အကြောင်းကောင်းပါ့မလဲ။ မျှော်လင့်တာပဲ ဖြစ်ဖြစ် တွယ်တာ တာပဲ ဖြစ်ဖြစ် သူ့ဘာသာ တည်နေတာမျိုးကျတော့ အပြစ်တင်ဖို့ ခက်ပြန်ရော။ တော်တော် မခက်ပေဘူးလား။

ဒီလိုပါပဲ။ ဒီလိုလေးနဲ့ပဲ လူတယောက် သေသွားရင် ဘာများ ဆက်ဖြစ်နိုင်သေးလို့လဲ.။ လင်းလင်းရေးတဲ့ လေးဖြူ သီချင်းလိုပဲ.။ အားလုံးဟာ ခဏလေးများပဲ ဖြစ်လိမ့်မယ်။ ကျွန်တော်တို့ဟာ အဲဒီလို ခဏလေးပေါင်း မြောက်များစွာကို ရင်းနှီးကျော်ဖြတ်ပြီး အသက်ရှင် ရပ်တည်နေကြတာပဲ မဟုတ်လား.။ အဲဒီ ခဏလေးပေါင်းမြောက်များစွားကို ကြီးကျယ်တယ်လို့ ထင်မိရင် တတိယမ္ပိ မိုက်မဲမှု ဖြစ်ဦးမှာပဲ။

ကာလတခု ကြာလာတဲ့ အခါ အတိတ်ဆိုတာမျိုးက ပြန်လည် တွေးတောလို့ ကောင်းတယ် ဆိုတာကိုတော့ သတိရမိတယ်။ အချိန်ကာလကို စီမံခန့်ခွဲရာမှာ ညံ့ဖျင်းတဲ့ အတွက် အနာဂတ်အကြောင်းကို ပြောရင် လူရယ်စရာ ဖြစ်လိမ့်မယ်။ ဒီတော့ ကျွန်တော် ခဏလေးတွေကို သည်းခံနေလိမ့်မယ်။ အဲသလို ပျော့ညံ့တဲ့ စိတ်ဓာတ်ရှိတဲ့ လူတယောက်ကို အခြားလူတယောက်က ကြည့်မရလို့ လာသတ်ရင်လည်း ကျေးဇူး တင်စွာနဲ့ လည်စင်း ပေးလိမ့်မယ်။ ဒါပေမယ့် ဘယ်လိုပဲ ဖြစ်ဖြစ် နောက်ဆုံးတော့ ဒီလမ်းပဲ သွားရမှာ မဟုတ်လား။ ကျွန်တော်က အကြိမ်ကြိမ် မိုက်မဲ ခဲ့တာ။ အတိတ်ကို ပြန်တွေးတိုင်း ဘာလို့ အဲဒီလို ဖြစ်ခဲ့ရသလဲ စဉ်းစားကြည့်မိတယ်။ အရင်က တယောက်ယောက် ပြောဖူးသလို လူဆိုတာ ကိုယ် မရွေးချယ်မိတဲ့ လမ်း အတွက် အမြဲတမ်း နောင်တ ရတတ်တယ် ဆိုသလိုမျိုးပဲ။ အဲသလို ပြောတိုင်း ပြန်ပြန် ပြောတတ်တဲ့ ကိုယ်ရွေးချယ်တဲ့ လမ်းကိုလည်း ဘယ်လိုပဲ ဖြစ်ဖြစ် ရင်စီးခံပြီး လျှောက်ရမယ် လို့ ပြောတာကိုလည်း သတိရပါတယ်။ သဘောလည်း ကျပါတယ်။ ဒါပေမယ့် ဒီရက်ပိုင်း ကျွန်တော် တည်ဆောက်ထားတဲ့ တန်ဖိုးတချို့ ပြိုကွဲ ကုန်ပြီ ထင်ပါရဲ့။ ဘယ်လို ပြန်အစရှာရမယ် မသိသေးဘူး.။ သတိတရ ရှိလွန်းမက ရှိလို့ ခုလို စာတို တစောင်ကို တောင်တောင် အီအီ ရေးလိုက်ပါတယ်။ ဒီစာကို ဖတ်ပြီး ကသိကအောက် ဖြစ်ရတယ် ဆိုရင် ကျွန်တော့် ညံ့ဖျင်းမှု ပိုပေါ်လွင်လာလိမ့်မယ် ထင်တယ်။း)


တေဇာအောင်
(21.09.2010)

September 19, 2010

ဆင်တူ အိပ်မက်

ကိုယ်က ဘဝကို
ဖြေးဖြေး မောင်းချင်တယ်
နှလုံးသားကို မောင်းလိုက်တိုင်း
အိပ်မက်တွေက အသံ မငြိမ်ဘူး.......
ဒီတော့ ကိုယ် ဘာဆက်လုပ်ရမလဲ ဝေ....

ကိုယ်က နှလုံးသားရဲ့
အလယ် တည့်တည့်မှာ
ဘဝကို ကျောက်ချ နေချင်တဲ့ သူ....
မင်း ယုံကြည်တဲ့ အိပ်မက်ကို မထုဆစ်နိုင်ဘူး.....

ကိုယ်တို့ ချစ်ခြင်းဟာ
အဖျင်းသက်သက် ဆိုရင်
ကိုယ် ဘာဆက်ပြောစရာ လိုသေးလို့လဲ ကွယ်....
အိပ်မက်ဟာ အိပ်မက် အတိုင်းပဲ ပေါ့....

မင်း ရင်ခုန်သံကို တစ်ချက် ကြားတိုင်း
ကိုယ့် အသက်ရှူသံ
ပြတ်ပြတ်ထင်ထင် ကြားတယ်....
ကိုယ် ညာလို့ ရတာတွေက
ကိုယ့် ဦးနှောက်ကို လှည့်စားရုံ သက်သက်ပဲ....

ဘဝကို ထုပ်ပိုး ထားသူရဲ့ အိပ်စက်ခြင်းမှာ...
စိတ်ကူးတွေ များသွားသလား.....
ချစ်ခြင်း သက်သက် အတွက်တော့
ညတာ မရှည်ပါရစေနဲ့...
နှလုံးသားဟာ တာရှည်ခံ မဟုတ်လုိ့ပါကွယ်....


ချစ်ခြင်းရဲ့ နှလုံးသား
ကိုယ်တို့ရဲ့ အပြုံးများဟာ တဒင်္ဂ မဟုတ်ဘူးကွဲ့...
ဘဝကို ရေးခြယ်ဖို့....
အချစ် ...... လာ...
ကိုယ်တို့ ခုန်ဆင်း လိုက်ကြစို့....
မေတ္တာတရားရဲ့ အနက်ရှိူင်းဆုံးဆီ..........။ ။


တေဇာအောင်
(20.8.2010)
02:15 am

ဆိုလိုရင်း

အစကနေ စဖို့ စဉ်းစားတုန်းပဲ....

ခုတော့ ကျွန်တော်က ငွေစိန်လိုပဲ
ငွေစိန်ကိုတော့ သိရဲ့ ဟုတ်စ....
ငွေစိန်လို နေနေရင်းနဲ့
စိန်ကြောင်လို မတွေးတတ်တော့ ခက်နေတာပါပဲ...

အရင်ကတော့
ဘုန်းကြီးကျောင်းသား ပါပဲ
ခုတော့ ကြီးတော် နွား အငှားကျောင်းတယ် ပေါ့ဗျာ

မျောက်ပြ ဆန်တောင်းနေတဲ့ သူတွေ ကြားမှာမှ
ကျွန်တော်က ဆွမ်းခံရင်း ငှက်သင့်ခဲ့ရတာ...
(အဲ...အပေါစား ဒရာမာဇာတ်ကားလို့ မထင်နဲ့ ဗျ၊
တကယ် ရှိတယ်၊ ဖစ်ရှင် ရီရယ်လစ်ဇင် ပေါ့ဗျာ)

ရွှေပြည်ကြီးမှာ
ဒါမျိုး လွှတ် ခေတ်စားနေတာပဲ မဟုတ်လား...
ဆွေကြီး မျိုးကြီးကိုတော့ တခါတခါ တောင့်တမိသား
အားကိုးလွန်းရင်တော့လည်း ဘယ်ကောင်းနိုင်ပါတော့မလဲ....

ချဉ်ပေါင်ရွက် စားနေတဲ့ သူက
ချဉ်ပေါင်ရွက်ကို ဘယ်လွမ်းပါ့မလဲ..

ရာဇဝင်ထဲက မောင်မင်းကြီးသား တွေကသာ...

ခွေးဆိုတာမျိုးက အသားစားနေကျ သွားရင်
အရိုးဆိုတာ ဘယ်စားပါတော့မလဲ.
ဒီတော့ စကားပုံတွေ ပျက်ပြီပေါ့...မဟုတ်ဘူးလား....

ကျွန်တော့် အတွက်တော့...
အေးအေးဆေးဆေးပါပဲ...
အားလုံးကောင်းပါသည် ခင်ဗျားပေါ့....။ ။


တေဇာအောင်
(20.8.2010)

နေရာလွတ်တွေ အများကြီး

ကျွန်တော်တို့က

ကဗျာကို သီချင်းတစ်ပုဒ်လို နားထောင်ချင်တယ်...


အစမှာပဲ

ကျွန်တော် အသုံးမကျကြောင်း ပါလာတော့တာပဲ

ခေတ်ကြီးကို အပြစ်တင်တော့

ခေတ်ကြီးက ကျွန်တောိ့ကို ပြန်ဆဲတယ်...


ခေါင်းကို ကုတ်လိုက်တိုင်း

နားမလည်ခြင်းက အထွေးလိုက် ပါလာတော့တာပဲ

အနုပညာ ကိုယ်ခံအား နည်းခြင်းက

ခေတ်ပြိုင်/ ခေတ်ပေါ်ကဗျာနဲ့ ကျွန်တော့်ကို အစိမ်းလိုက် ရှင်ခွဲ ခွဲနေတာ....


ကျွန်တော်မှ LP ကဗျာကို မသိတာ

ကျွန်တော် မသိတာကြီးနဲ့ Performance Art ကို လက်ခုပ်တီးရင်

ကျွန်တော် နားမလည်တာကြီးနဲ့ အတိုက်အခံကို မျက်စိမှိတ်ပြနေရင်

ကျွန်တော့်ကြောင့် သိက္ခာ ကျကုန်တော့မှာပေါ့

(အစကရော...သိက္ခာ ရှိကြရဲ့လား)


အစက စရင်

လိုရင်းကို ရောက်မှာ မဟုတ်တော့ဘူး


ဆင်ပေါ်က လူဆိုတာ

ခွေးရုးကိုက်မှာ မကြောက်ဘူး လို့ ပြောလို့ ကောင်း တာပေါ့....

(ထပ်သုံးရရင်)

ဆင်ပေါ်ဆိုရင်တော့ ကောင်းတာပေါ့...

နွားချေးပုံထဲ မဟုတ်ရင် ပြီးတာပါပဲ


တစ်ခု ရှိတာက

လောကကြီးထဲမှာ

ကိုယ်တစ်ယောက်တည်း မဟုတ်ဘူး ဆိုတာ သတိလေးရရုံလေး ပါပဲ...

ဖိုင်းမင်း စကားနဲ့ ပြောရရင်

အောက်မှာ နေရာလွတ်တွေ အများကြီး ရှိသေးတယ် ဆိုတာ မေ့မထားကြပါနဲ့...။ ။




တေဇာအောင်

(19.8.2010)

12:15 AM (20.8.2010)

September 12, 2010

ငြိမ်းသက်သက်စိုး ဖတ်ဖို့ အဝေးကွင်းက ဇာတ်ကောင်

ဘယ်လောက်အထိ စိုးမိုး သလဲဆိုရင် ကျွန်ုပ် ကိုယ်တိုင် ပီလွန်၏ စရိုက်ကိုယူပြီး ဇာတ်လိုက်၏ နေရာတွင် ကိုယ့်ကိုယ်ကို ထား၍ ၀တ္ထု တစ်ပုဒ်ပင် ရေးဖွဲ့မိခဲ့သေးကြောင်း ကျွန်ုပ် ၀န်ခံရန် အသင့်ရှိပေသည်။ ယင်းဝတ္ထု၏ ၀တ္ထု ခေါင်းစဉ်မှာ မိမိများစွာကို မိမိများစွာက ချောင်းကြည့်ခြင်း ဟူ၍ ဖြစ်ပါသည်။ ထိုဝတ္ထုကို ဝေဖန်သူ မိတ်ဆွေ တစ်ဦးက လက်ရှိ ၀တ္ထုခေါင်း စဉ်ထက် မိမိများစွာကို မိမိများစွာက ချောင်းရိုက်ခြင်း ဟု ပြောင်းသင့်ကြောင်း ဝေဖန်ဖူးသည်ကို ကျွန်ုပ် မှတ်မိနေသေး၏။ ဝေဖန်သူ က ထိုဝတ္ထုထဲမှဇာတ်ကောင် သည် ချောင်းကြည့်ရုံနှင့် မလုံလောက်၊ ချောင်းရိုက်ပစ် မှတော်ကာကျမည်ဟု ဆို သောအခါ ကျွန်ုပ်မှာ ဂျွန် စတိန်းဘက်၏ ဇာတ်ကောင် များကို ထိရကိုင်ရမှာပင် သွေးဖျားနေမိတော့သည်။ ကျွန်ုပ်ကိုယ်တိုင်ကလည်း ထိတ်လန့်သည်ဖြစ်၍ ကျွန်ုပ် ရေးသော ၀တ္ထုများတွင် ဂျွန်စတိန်းဘက်၏ဇာတ်ကောင် များကို ၀င်ပါပေးဖို့ မတောင်း ဆိုရဲတော့။ သို့သော် ဂျွန် စတိန်းဘက်၏ ဇာတ်ကောင် များသည် အုတ်ကြားမြက် များဖြစ်သည့် အားလျော်စွာ၊ သူတို့ကို ဖန်တီးသော စာရေး ဆရာကို အာခံချင်သူများပင် ဖြစ်သည်။ သူတို့က ကျွန်ုပ် ရေးသော ၀တ္ထုတွေမှာ ၀င်ပြီး လူတွင်ကျယ် လုပ်ချင်ကြသူ တွေဖြစ်သည်။ ထိုအချက်ကို ကျွန်ုပ်က ကောင်းစွာ ရိပ်စား မိပြီး ဖြစ်သည်။
ယခု ကျွန်ုပ်ဝတ္ထုထဲ တွင်ဝင်၍ လူတွင်ကျယ် လုပ်လိုသော ဇာတ်ကောင်များမှာ စာရေးသူ ဂျွန်စတိန်းဘက်က ဟစ်တလာ၏စစ်တပ်တွင် နေရာချရေးဖွဲ့ခြင်းခံရသော၊ ဇာတ်ကောင် ဂျာမန်စစ်သား များပင်ဖြစ်သည်။ ထိုဂျာမန် စစ်သားဇာတ်ကောင်များ အားလုံးကလည်း လက်စွမ်း ထက်လှသော ဂျွန်စတိန်း ဘက်၏ ကလောင်ဖျားတွင် ခုန်ပေါက်နေကြသူများဖြစ် သည်။ မြန်မာဝတ္ထုတို လောကအတွင်းသို့ နယ် ကျော်ကာ ၀င်ရောက်ခုန် ပေါက်လိုသူ ဂျာမန်စစ်သား ဇာတ်ကောင်များမှာ...
၁။ လက်ဖတင်နင်
ပရက်ကယ်
၂။ မေဂျာဟန်းတား
၃။ ကပ္ပတိန်ဘင်တစ်
၎။ လက်ဖတင်နင်
တွန်ကာ
၅။ ကပ္ပတိန်စောဘရန် ငြိမ်းတို့ ဖြစ်သည်။
ထို့ကြောင့် ဂျွန်စတိန်း ဘက်၏ “၀တ္ထုစစ်ဗိုလ်”နှင့် “၀တ္ထုစစ်သား” များသည် မြန်မာဝတ္ထုဆရာ ကျွန်ုပ်၏ “ကိုင်း...၀တ္ထုစပြီ”ဟူသော အချက်ပေး သေနတ်သံနှင့် အတူ...။


၂။
ကျွန်ုပ်၏ ဆေးတံ ကောက်ကလေးမှ ဗာဂျီးနီး ယားမိုးတိမ်များသည် “လက် ဖတင်နင်ပရက်ကယ်” ဖြစ် သည်။ ငြိမ်းသက်သက်စိုး။
လက်ဖတင်နင် ပရက်ကယ်
သူသည် သူ့ကောင်မလေး၏ ဆံခွေလေး တစ်ခွေ ကို ခရမ်းရောင် ဖဲစကလေး နှင့်ထုပ်ပြီး သူ၏ နာရီနောက်တွင် ထည့်၍ သိမ်းထား၏။ ထိုကောင်မလေး၏ ဆံခွေက နာရီချိန်သီးကို သွား၍ ကပ် ကပ်နေတတ်သည်။ ထိုအခါ နာရီကလည်း ရပ်တော့၏။ ဆံခွေလေးနှင့် နာရီချိန်သီး ပြန်၍ ခွာလိုက်သော အခါ နာရီ က ပြန်သွားသည်။ ထို့ကြောင့် သူ့နာရီက ဘယ်တော့မှ အချိန်မမှန်။ သို့သော် သူကအချိန်ရတိုင်း မေဂျာ ဟန်းတား၏ ခယ်မအကြောင်း အမြဲ စိတ်ကူးယဉ်လေ့ ရှိသည်။ သူ့တွင်ရှိသော ဆံခွေလေးမှာ လည်း ထိုကောင်မလေး၏ ဆံခွေပင်ဖြစ်သည်။ ဆံခွေပိုင် ရှင်မေဂျာဟန်းတား၏ ခယ်မ မှာ ဆူဆူဖြိုးဖြိုး လှပသူဖြစ်၍ ကောင်မလေးသည် မိမိခေါင်း ကိုသာလက်ဖြင့် ပွတ်သပ်နေ တတ်သူမျိုးကို လုံးလုံးသဘော မကျ။ သို့သော် လက်ဖတင် နင်ပရက်ကယ်၏ နာရီမှာလည်း ကောင်မလေး၏ ဆံခွေ နှင့် အမြဲလိုလိုကပ်လိုက်ခွာ လိုက်ရှိနေသည်။
နောက်ဆုံးတော့ လက်ဖတင်နင် ပရက်ကယ်သည် အချိန်အမှန်ကိုသိရန် အတွက် ခါးပိုက်ဆောင် နာရီတစ်လုံး အပိုဆောင်ထားလိုက်ရတော့၏။
ထို့ကြောင့် လက်ဖတင် နင်ပရက်ကယ်မှာ ပေါ့သေး သေးလူမဟုတ်တော့။ “နာရီ နှစ်လုံးနှင့်လူ...” ဖြစ်သွား တော့၏။

၃။
ကျွန်ုပ်၏ ဆေးတံ ကောက်ကလေးမှ ဗာဂျီးနီး ယား မိုးတိမ်များသည် “မေဂျာဟန်းတား” ဖြစ်သည်။ ငြိမ်းသက်သက်စိုး။
မေဂျာဟန်းတား
သူသည် အစဉ်အမြဲ ကိန်းဂဏန်းများကို တွက်ဆ တွေးတော နေကာ “ဂဏန်း တစ္ဆေ” အခြောက်ခံနေ ရသူ ဖြစ်သည်။ သူက လူကို လူ ဟု မမြင်ဘဲ၊ ကိန်းဂဏန်းများ အဖြစ် အစဉ်မြင်၍ အပေါင်း အနုတ် အမြှောက် အစားတို့ ဖြင့်သာ တွက်ချက်သည်။ သို့သော် မေဂျာဟန်းတား သည် အဆင်မြင့် သင်္ချာပညာရှင် အဆင့်မျိုးကား လုံးဝမဟုတ်။ သူသည် ဂဏန်းသမား အဆင့် မျှသာ။ ယင်းအပြင် အဆင့် မြင့်မားသော သချာင်္ပညာ၏ နက်နဲ ခက်ခဲမှုကို သူမသိ။ စိတ်လည်း မ၀င်စား။ ကဗျာ ကိုလည်း မခံစားတတ်။ လျှို့ဝှက်သော “ဟာသပုန်း” များကိုလည်း ရှာဖွေ၍ ရယ် နိုင်စွမ်း ရှိသူမျိုး မဟုတ်။ ဟာသပုန်းအတန်း မ၀င်သော ပြက်လုံးချော များကိုသာ ရယ်တတ်သူ ဖြစ်သည်။ အောက် ပိုင်းပြက်လုံးများကိုမူ ဣနြေ္ဒ ပျက်လောက်အောင် ရယ်မော တတ်သူဖြစ်သည်။
သူက လူတစ်ဦးနှင့် တစ်ဦး အလုံးအရပ် အသွေး အရောင်မတူဘဲ ခြားနားနေ သည့်အဖြစ်ကိုပင် (၆) ဂဏန်း နှင့် (၈) ဂဏန်းတို့ ခြားနား သလောက်သာ သဘောထား နိုင်သူဖြစ်သည်။
မေဂျာဟန်းတား ဂဏန်းတစ္ဆေ အခြောက်ခံနေ ရပုံမှာ အဲသလောက်ထိပင် ဖြစ်သည်။

၎။
ကျွန်ုပ်၏ ဆေးတံ ကောက်ကလေးမှ ဗာဂျီးနီးယား မိုးတိမ်များသည် “ကပ္ပ တိန်ဘင်တစ်” ဖြစ်သည်။ ငြိမ်းသက်သက်စိုး။
ကပ္ပတိန်ဘင်တစ်
ကပ္ပတိန် ဘင်တစ်မှာ ခွေးများကို အလွန်ချစ်တတ် သူဖြစ်သည်။ ခွေးများကဲ့သို့ပင် ကလေးများကိုလည်း ကပ္ပတိန်ဘင်တစ်က အလွန်ပင် ချစ်တတ်၏။ ထို့အပြင် ငြိမ်းသက်သက်စိုးတို့ ကဲ့သို့ ခရစ္စမတ် ပွဲတော်ကိုလည်း သူက ချစ်တတ်သေးသည်။ သို့ သော် ငြိမ်းသက်သက်စိုး၏ ချစ်သူကောင်ကြီးမျိုး ကိုတော့ ဘင်တစ်က မကြိုက်တတ်။ သူက ဗြိတိသျှနိုင်ငံမှ လူကြီး လူကောင်းဆိုသူများကိုအလွန် သဘောကျသည်။ ထို့ကြောင့် သရီးကွာတားဘောင်းဘီမျိုး မ၀တ်ဘဲ၊ လူကြီးလူကောင်း ဆန်သော အ၀တ်အစားမျိုးကို သာ သူဝတ်၏။ “သဘာပတိ ကြီး ကြွလာပါပြီ” ဆိုသည့် အသံအပြီးမှာ မတ်တတ်ရပ် ပြရသော အခမ်းအနားမျိုးကို သူက အလွန်တက်ချင်သည်။ ယင်းအပြင် ကပ္ပတိန်ဘင်တစ် သည် မြို့တော် လန်ဒန်မှ ပေး ပို့လိုက်သော ဆေးနှင့် အင်္ဂလိပ် ဆေးတံကိုသာ သောက်လေ့ရှိသည်။ သူ့တွင် အိုးပိုင် အိမ်ပိုင် မရှိသေးသော်လည်း ဥယျာဉ် အလှစိုက်ပျိုးနည်းနှင့် ပတ်သက် သော အင်္ဂလန်နိုင်ငံက မဂ္ဂဇင်း မျိုးစုံကို လပေးမှာ၍ သူဖတ်ရှုသည်။ မိတ်ဆွေ အပေါင်း အသင်းများနှင့် ဆိုလျှင် ကမ္ဘာပေါ်ရှိ တောလိုက်ခွေး ဟူသမျှ၊ အင်္ဂလိပ်တောလိုက် ခွေးများ ၏ အရည်အသွေးကို မမီကြောင်း ငြင်းခုံ ဆွေးနွေးရန် သူကအမြဲ အသင့်အနေအထားမှာ ရှိနေ တတ်သည်။ ဘက်ကင်ဟန် နန်းတော်၏ နေရာမှာ ကမ္ဘာ့ ယဉ်ကျေးမှု၏ ဗဟိုချက်နေရာ ဖြစ်ကြောင်း သူက အမြဲကြော်ငြာ ၀င်လေ့ရှိသည်။ ဟန်ဂေရီ နိုင်ငံ ဘူတာပတ်မြို့တော်နှင့် ပြင်သစ်နိုင်ငံ ပါရီမြို့တော် စသော တိုင်းတစ်ပါး မြို့ကြီး များသို့ ရောက်စဉ်သူ့ကို “အင်္ဂလိပ် လူမျိုးတစ်ယောက်” ဟု မှားယွင်း ထင်မှတ်ကြ သောအခါ၌ သူအလွန်ပီတိ ဖြစ်နေတတ်သည်။
ခက်သည်မှာ...
သူ့ကို အင်္ဂလိပ်နှင့် မမှား လျှင်...
သူက မကျေနပ်...။


၅။
ကျွန်ုပ်၏ ဆေးတံ ကောက်ကလေးမှ ဗာဂျီးနီး ယားမိုးတိမ်များသည် “ကပ္ပ တိန်လော့”ဖြစ်သည်... ငြိမ်း သက်သက်စိုး...။
ကပ္ပတိန်လော့
သူကား နှယ်နှယ်ရရ မဟုတ်။ စိတ်ကူးရသမျှ သော ကပ္ပတိန်တို့၏ အရည် အချင်းနှင့် လုံးဝ(လုံးဝ) ပြည့် စုံအောင် နေထိုင်သူဖြစ်သည်။ ဘယ်လောက်တိကျတာ ကြိုက်သလဲဆိုရင် ဖိနပ်ခွာသံ စည်းချက်တစ်ချက်မှားလျှင်ပင် မိမိခြေထောက်ကိုပင် မိမိခွင့် မလွှတ်ဘဲ ချက်ချင်း နောက် တစ်လှမ်းပြန်ဆုတ်ပြီးမှ ရှေ့ ကိုဆက်၍ ချီတက်လေ့ရှိသူ ဖြစ်သည်။ ကပ္ပတိန်လော့ သည် မိမိ၏စစ်သားဘ၀ကို အလွန်ပင်တန်ဖိုးထားသူဖြစ် သည်။ ထာဝရဘုရားသခင် ကိုပင် လေးစားဦးညွှတ်ထိုက် သော အငြိမ်းစားယူထား သည့် စစ်ဗိုလ်ချုပ်ကြီးအဖြစ် မှတ်ထင် ယူဆထားသူဖြစ် သည်။ ထို့အပြင် အငြိမ်းစား စစ်ဗိုလ်ချုပ် ဘုရားသခင်သည် မော်ကွန်းထိုးရသည့် မဟာ စစ်ပွဲကြီးများ အတွင်း ကျဆုံးသော သူရဲကောင်းတို့၏ ဂူသင်္ချိုင်းများသို့ တစ်နှစ်လျှင် လေးငါးခြောက်ကြိမ်သွား၍ ပန်းခွေများချလေ့ရှိသည်ဟု သူက အမြဲတွေးထင်ကြည့်နေ တတ်သည်။

၆။
ကျွန်ုပ်၏ ဆေးတံ ကောက်ကလေးမှ ဗာဂျီးနီးယား မိုးတိမ်များသည် “လူကြိုက် နည်းသော ကပ္ပတိန် စောဘ ရန်ငြိမ်း” ဖြစ်သည်။ မိငြိမ်း သက်သက်စိုး...။
ကပ္ပတိန် စောဘရန် ငြိမ်း

သူကား လူကြိုက်နည်း သော်လည်း ရှားပါးလှစွာ သော “စစ်သား ကဗျာဆရာ” တစ်ဦးပင်ဖြစ်သည်။
သူသည် မဟူရာသွေး များသည့် မိန်းမပျိုကလေး အကြောင်းကို စိတ်ကူးယဉ်ကာ၊ ကာရန်မဲ့ ကဗျာများကို ညဥ့်နက်သန်းခေါင်မှာ တစ်ကိုယ်တည်း ရွတ်ဆိုနေတတ်သူ ဖြစ်သည်။ သူစိတ်ကူးယဉ်စွာ တမ်းတပုံ ကဖြင့် အတော် ထူးခြားသည်ဟု ဆိုရမည်ထင်သည်။ သူသည် မိမိအပါး၌ ချစ်သူ ကောင်မလေး အယောက် ငါးဆယ်လောက်က ငိုကြွေးနေ ကြပြီး၊ ခေါင်းဆောင် အဒေါ့ဖ် ဟစ်တလာက ရဲရင့်သော်လည်း၊ ကြေကွဲသော မျက်နှာ နှင့် ယူကျုံးမရ နှမြောတသစွာ ကြည့်နေခိုက် စစ်တလင်းတွင် မိမိ ကွယ်လွန်ကျဆုံး ရမည့် အဖြစ်ကို ထူးဆန်းစွာ အမြဲ တမ်းတနေတတ်သူ ဖြစ်၏။ ခေါင်းဆောင်ကြီး စုတ်တသပ်သပ်နှင့် ရင်ထုမနာ ဖြစ်နေပုံကိုလည်း သူက အမြဲပင် မြင်ယောင်ကြည့်နေမိ တတ်သည်။ သူက စစ်သား ကဗျာဆရာဖြစ်၍ ဒါလောက်နဲ့တင် အားမရ သေးဘဲ မိမိ၏ စစ်မြေပြင် ဈာပန၌ စစ်လက်နက် အကျိုးအပျက် များပေါ်သို့ ၀င်လုဆဲ နေရောင် ကျရောက်ကာ အလွမ်းရောင် စဉ်နှင့် ကြေကွဲဖွယ်ရောင်စဉ် များ တလက်လက်တောက်ပ နေစဉ် မိမိ၏ရဲဘော်များအားလုံး ဦးခေါင်းများ ငိုက်စိုက်ကျလျက် မျက်ရည်များ တဒီးဒီးအော်မြည် စီးကျနေပုံကိုလည်း သူက အမြဲပင် မြင်ကြည့်နေတတ် သည်။ ယင်းအပြင် စစ်သား ကဗျာဆရာဖြစ်၍ ဂီတနှင့်လည်း လွန်မင်းစွာ နီးကပ်သောကြောင့်၊ မိမိ စစ်မြေပြင်၌ ကွယ်လွန် ကျဆုံးချိန်၊ ဂျာမန် လူမျိုး ကမ္ဘာကျော် ဂီတပညာ ရှင်ကြီး “ရစ်ချက်ဝက်ဂနာ” ကိုယ်တိုင် သူ၏ မရဏ တေးဂီတ ဖြင့် လွမ်းကျန်သူ ရဲဘော် အားလုံး၏ နှလုံးသားကိုဂီတ လက်အေးကြီးက ဆုပ်နယ်ခြေ မွနေမည်ဟု သူက ယုံကြည် ထားသည်။

စစ်သား ကဗျာဆရာမှာ သေသွားတာ ကိုပင် သူ့ကိစ္စကို အဆုံးမသတ်ချင်သေးပေ။ ယင်းသို့ အင်မတန် ကြေကွဲ ဖွယ်ကောင်းလှသော စစ်မြေပြင် ဈာပနအပြီးတွင် ဂျာမန်ဒဏ္ဍာရီ ပုံပြင်လာ “အိုဒင်နတ်ဘုရား ကြီး”၏ ရင်သား ဖွံ့ထွားလှသော သမီးတော် “၀ါလုရီနတ်မယ် လေးများ”က စစ်မြေတလင်း ၌ နိုင်ငံတော် အတွက် ကျဆုံးသော သူရဲကောင်း၏ ၀ိညာဉ် ကို အမြင့်ဆုံး နတ်ဘုံသို့ ၀ိုင်း ၀န်းပွေ့ ချီဆောင်ကြဉ်းသွား သကဲ့သို့ သူ့ကိုလည်း ဆောင်ကြဉ်း သွားကြလိမ့်မည်ဟု သေလွန် ပြီးနောက်အထိပင် သူက စိတ်ကူးယဉ်ထားပြီးသား ဖြစ်သည်။
ထို့အပြင် အခုလော လောဆယ်မှာတော့ သူသည် စစ်မြေတလင်း၌ မိမိကွယ်လွန် ခါနီးအချိန်တွင် ပြောကြား သွားမည့် “မှာတမ်း” စကား ကိုလည်း ခပ်မိုက်မိုက်စကား လုံးတွေနဲ့ချည်း ဖြစ်အောင် စကားလုံး အကောင်းစားများ ကို ယခု စဉ်းစားနေပြီ ဖြစ်သည်။
သို့သော် သူနေကောင်း၊ ကျန်းမာနေဆဲဖြစ်သည်။


၇။
ကောင်းမွန်စွာ နေထိုင် ခြင်းကို ဂျာမန်တို့က “ထာဝရ ဘုရားသဖွယ်”ဟုသုံး၍ရုရှား တို့ကမူ “ထောပတ်ထဲက ဒိန်ခဲ” ဟု သုံးနှုန်းကြသည်။

ပန်းပွင့်များ နေထိုင်ပွင့် ဖူးရာ တောင်ပေါ်မြို့ တူရကီ ကန်ကြီးဆီမှ လေပြည် အချို့ အ၀က် အောင်ပင်လယ်ကန် ဟောင်းကြီးအတွင်းက နေကြာ ပန်းခင်းများ ပေါ်သို့ လျှံ၍ လျှော့ ကျလာသော အခါ ကျွန်ုပ်၏ ဆေးတံကောက် ကလေးမှ ဗာ ဂျီးနီးယား မိုးတိမ်များသည် ငြိမ်းသက်သက်စိုးပင် ဖြစ်သွား တော့၏။

အဲဒါပါပဲ ငြိမ်းသက်သက်စိုးရေ...
နင်ဖတ်နေတဲ့ ငါ့ဘ၀ ကလည်း ဂျွန်စတိန်းဘက်ရဲ့ ဇာတ်ကောင်တွေနဲ့ ပူးတုံခွာတုံ ဖြစ်နေတာကိုလည်း နင် ဖတ်ရမှာပါ။ အစက ဂျွန်စ တိန်းဘက်ထဲကို ထဲထဲဝင်ဝင် ကြီး သိပ်မရှိခင် တုန်းလောက် ကတော့ ငါ့ကိုယ်ငါ “ပီလွန် တစ်ပိုင်း ငါတစ်ပိုင်း” လို့ တောင် ငါထင်ခဲ့တာလေ။ ဘယ်ဟုတ်မလဲကွာ။ ဂျွန်စ တိန်းဘက်ရဲ့ ရဲတိုက်ကြီးထဲ ၀င်သွားမိမှ အထဲမှာ ငါ့လို ကောင်တွေအများကြီး မွေးမြူရေး လုပ်ထားတာကို ငါ တွေ့လိုက်ရတာပါ။

ကဲ... ငါ့လိုကောင်တွေ ထဲက တစ်ယောက်ဖြစ်တဲ့ လက်ဖတင်နင်ပရက်ကယ် ကို အရင်ဆွဲထုတ်ကြည့်ရ အောင် ငြိမ်းသက်သက်စိုး။

သူက သူ့ကောင်မလေး ရဲ့ ဆံခွေလေးကို ခရမ်းရောင် ဖဲစလေးနဲ့ထုပ်ပြီး၊ သူ့နာရီ အိုးထဲမှာ ထည့်သိမ်းထားတာ တဲ့။ ငါကတော့ ငါ့နာရီထဲ မှာ နင်ကိုယ်တိုင် နှုတ်ခမ်းနီနဲ့ နှုတ်ခမ်းကို ကပ်ခွာလုပ် ပုံဖော် ထားတဲ့ နင့်နှုတ်ခမ်း ပုံလေးကို ထည့်ထားတာ။ နာရီထဲထည့် ကြတဲ့ပစ္စည်းက အမျိုးအစား ချင်းကွာပေတ၊ဲ့ နာရီအချိန် မမှန်တာကျတော့ ငါနဲ့ပရက် ကယ်အတူတူပဲ။ ဒါပေမယ့် အချိန်ကို တိတိကျကျသိချင် တဲ့ ဂျာမန်စစ်သားကြီးကတော့ နောက်ထပ်နာရီတစ်လုံး အပို ဆောင်ပြီး နာရီနှစ်လုံးကိုင်ပေ မယ့် ငါက ကဗျာဆရာဆိုတော့ အချိန်မှန်ဖို့ မမှန်ဖို့ဆိုတာ မလို အပ်ဘူးလေ။ ငါကနာရီလည်း တစ်လုံးတည်း၊ ချစ်သူလည်း တစ်ယောက်တည်း၊ ပြီးတော့ လက်ဖတင်နင်ပရက်ကယ်လို မေဂျာဟန်းတားရဲ့ခယ်မကို လည်း ငါစိတ်မ၀င်စားပါဘူး ဟာ...။

အဲ... မေဂျာဟန်းတား ဆိုလို့၊ ဟန်းတားနဲ့ငါက တစ္ဆေအခြောက်ခံရပုံ ချင်းတော့ ခပ်ဆင်ဆင်ရယ်။ တစ္ဆေအမျိုး အစားတော့ ကွဲတာပေါ့နော်။ ဟန်းတားကိုခြောက်တာဂဏန်း တစ္ဆေ။ ငါ့ကို ခြောက်နေတာ က အနုပညာတစ္ဆေ။ သူနဲ့ငါ တူတဲ့အချက်ဆိုလို့ သချာင်္ညံ့ တာချင်းတူတဲ့ အချက်ပဲရှိတာ။

ကပ္ပတိန်ဘင်တစ်နဲ့ကျ တော့ ငါက ပူးတုံခွာတုံတွေ အတော်များသား။ သူက ခွေး နဲ့ကလေးတွေချစ်တယ်။ ငါ က ခွေးမချစ်၊ ကလေးပဲချစ် တတ်တာ။ အဲ ခရစ္စမတ်ပွဲ တော်ကျတော့ သူနဲ့ငါအကြိုက် ချင်း ပြန်ညီသွားပြန်ရော။ဒါပေမယ့် အ၀တ်အစားကျတော့ သေလုအောင်ကို ကွဲကြတာ။ သူက အင်္ဂလိပ်လူမျိုးတွေရဲ့ ဂျင်းတဲလ်မင်းစတိုင်လ်အားကျ ပြီး၊ ငါကတော့ နေရာတကာ မှာ အ၀တ်အစားမချွတ်ဘဲ လှဲ အိပ်လို့ရတဲ့ ဘိုဟီးမီးယန်း စတိုင်လ်ပဲကြိုက်တယ်။ သူက အင်္ဂလိပ်တောလိုက်ခွေးတွေ အရည်အသွေးကောင်းကြောင်း ငြင်းခုန်ဖို့ အချက်အလက်တွေ လိုက်စုဆောင်းနေပေမယ့် ငါ ကတော့ ကမ္ဘာပေါ်က ဘယ် တောလိုက်ခွေးမှ စိတ်မ၀င်စား ဘူး။ ကမ္ဘာ့ယဉ်ကျေးမှုရဲ့ဗဟို ချက်ကို ငါက ပါရီကရိုတွန်း ကဖီးမှာ ထားချင်ပေမယ့် သူ က အဲဒါကို ဘက်ကင်ဟန် နန်းတော်ကို ရွှေ့ချင်နေတာ။ ပြီးတော့ ကပ္ပတိန်ဘင်တစ် က သူ့ကို အင်္ဂလိပ်နဲ့မမှားရင် မကျေနပ်ဘူး။

ငါကတော့ ငါ့ကို ခွေး နဲ့မှားရင် မကျေနပ်ဘူး။

ပြောရဦးမယ်။ နာဇီစစ် တပ်မှာ ကပ္ပတိန်လော့က နှယ်နှယ်ရရမဟုတ်ဘူး။ စိတ် ကူးလို့ရသမျှသော ကပ္ပတိန် တို့ရဲ့ အရည်အချင်းနဲ့ လုံးဝ (လုံးဝ)ပြည့်စုံအောင် နေထိုင် သူဖြစ်တယ်။ ငါကလည်း နှယ်နှယ်ရရမဟုတ်ဘူး။ စိတ် ကူးလို့ ရသမျှသော ကဗျာ ဆရာတို့ရဲ့ အရည်အချင်းနဲ့ လုံးဝ (လုံးဝ) ပြည့်စုံခိုင်ခံ့ အောင် နေထိုင်သူဖြစ်တယ်။ သူက ထာဝရဘုရားသခင်ကို တောင် လေးစားဦးညွှတ် ထိုက်ပြီး အငြိမ်းစားယူထား တဲ့ စစ်ဗိုလ်ချုပ်ကြီးအဖြစ် ထင်မှတ်နေသလို ငါက လည်း ထာဝရဘုရားသခင် ကို လေးစားကိုးကွယ်ထိုက် တဲ့ ဘယ်တော့မှ အငြိမ်းစား မယူတဲ့ ကဗျာဆရာဘုရား သခင်အဖြစ် ထင်မှတ်နေသူ။ ဒါပေမယ့်ပေါ့နော် <ကားတာ တော့မဟုတ်ဘူး။ ငါတို့ နှစ် ယောက်လုံး နှယ်နှယ်ရရတွေ မဟုတ်တာတော့ သေချာ တယ်လို့ ငါထင်တာပဲ။

ကိုင်း ငြိမ်းသက်သက် စိုးရေ ၀တ္ထုထဲက နောက်ဆုံး ဇာတ်ကောင်ကြီးဖြစ်တဲ့ ဂျာမန်ကပ္ပတိန်ကြီး စောဘရန်ငြိမ်းကို အနီးကြည့် ကြည့်ကြည့်ရအောင်။

ဒီငနဲကြီးကို အနီးကြည့် ကြည့်ကြည့်ရင် သူဟာ သက်သက်မဲ့ ငါ့ကိုလိုက် အတုခိုးနေတဲ့ ငနဲကြီးမှန်း သိသာတယ်ဟ။ လောဘက လည်း အလွန်အမင်း ကြီးတယ်။ အပြင်မှာ ငါရချင်တဲ့ လောဘတွေဟာ ၀တ္ထုထဲမှာ သူရချင်တဲ့ လောဘဖြစ်ကုန်တယ်။ ဘ၀များ ကံမကောင်း ချင်တော့ လောဘတောင် အခိုးခံရတယ်နော်။ ခက်တယ်ကွာ၊ ငါ့ရဲ့လောဘကို ဂျွန်စတိန်းဘက် ဘယ်လိုလုပ် သိသွားသလဲ မသိဘူး။ နှုတ် ပိတ်ပြီး “ငါတွေးနေတဲ့ အသံ” ကို ဂျွန်စတိန်းဘက် တစ်ယောက် ဘယ်လို အနုပညာ “နား”နဲ့ ခိုးထောင်လိုက်ပါ သလဲ။ ငါမသိ။
ဒီကောင် ကပ္ပတိန်စော ဘရန်ငြိမ်းကြီးက သူစစ်မြေ ပြင်မှာ တိုက်ပွဲကျရင် သူ့ကို ၀ိုင်းချစ်ကြတဲ့ မော်ဒယ်လ်ဂဲလ် ချောချောလေးအယောက် ငါး ဆယ်လောက်ကလည်း ၀ိုင်းပြီး ငိုပေးစေချင်။ ခေါင်းဆောင် ကြီး ဟစ်တလာ ကိုယ်တိုင် လည်း ရှေ့တန်းလိုက်လာပြီး သူ့ရုပ်ကလာပ်ကြည့်ကာ၊ ကြေကြေကွဲကွဲ စုတ်တသပ် သပ်နဲ့ မျက်ရည်စမ်းစမ်း စမ်း စမ်းကလေးတွေ လာပြီးလုပ် ပေးစေချင်။ ကျန်ခဲ့တဲ့ရဲဘော် အားလုံးကလည်း သူ့ဘေးမှာ ထန်းပင်လည်ပြတ် အကုန်လုံး ဇက်ကျိုးကျနေစေချင်။ သူ့ ဈာပန ကိုလည်း ရာစုနှစ် တစ်ခုရဲ့ ဈာပနအဖြစ်၊ ဂျာမန် ဂီတပညာရှင်ကြီး ရစ်ချက် ၀ဂ္ဂနာကြီးကိုယ်တိုင်မကျန်းမာ တဲ့ကြားက စစ်မြေပြင်လိုက် လာပြီး မရဏတေးတစ်ပုဒ် ကိုလည်း ကြေကြေကွဲကွဲဖြစ် အောင် လာပြီးတီးပေးစေချင်။ ဒီအကောင် ကပ္ပတိန်စောဘ ရန်ငြိမ်းကြီး လောဘမသတ် နိုင်ပုံက ဂျာမန် ဒဏ္ဍာရီတွေ လည်း မနေရ။ သူမို့ချောင်ထဲ က ဆွဲထုတ်၊ မဖင့်မနွှဲ ဖုန် သုတ်သုံးတတ်တယ်။ အိုဒင် နတ်ဘုရားကြီးရဲ့ ရင်သားဖွံ့ ထွားတဲ့ သမီးတော် ၀ါလုရီ နတ်မယ်လေးတွေပဲ သူ့ရုပ် ကလာပ်ကို ပွေ့ပွေ့ပိုက်ပိုက် နဲ့ အမြင့်ဆုံးနတ်ဘုံကို ပို့ပေး စေချင်တာ။ သူက ဒဏ္ဍာရီ တောင် အညွန့်ခူးစားချင်တဲ့ အကောင်ကြီး။
ဒီလိုကောင်မျိုး သက် ဆိုးရှည်ရင်...
ဒဏ္ဍာရီတွေ အညွှန့်တုံး ဖို့ပဲရှိတယ်။

ကိုင်း...မငြိမ်းသက် သက်စိုးရေ...
ဒါတွေဟာ အောင်ပင် လယ်ကန်ဟောင်းကြီးထဲမှာ ဆေးတံကောက်ကလေး အဖော်ပြု၊ နေကြာပန်းတွေကို ငေးရင်း နင့်ကိုပြောပြခဲ့တဲ့ နိုင်ငံတကာ စာပေအမြည်း ပေါ့။
ဂျွန်စတိန်းဘက်ရဲ့ ဇာတ်ကောင်တွေချည့် ရွေး ပြောရတာက သူ့ဇာတ်ကောင် တော်တော်များများဟာ ငါ့ စရိုက်နဲ့ တူနေတာများတယ် လို့ ငါထင်လို့ပါ။ ငါ့ကိုယ်ငါ လည်း ဂျွန်စတိန်းဘက်ရဲ့ ဇာတ်ကောင်ခပ်များများကို ကိုယ်စားပြုနေသလို ဖြစ်နေမှန်း ငါသိတယ်။ ပြီးတော့ နင်နဲ့ငါက ချစ်သူဘ၀မှာပဲရှိ သေးတာလေ။ ဒီတော့ ငါနဲ့ ပတ်သက်ပြီး နင်မကြိုက်တာ တွေ ငါ့ဆီမှာရှိနေနိုင်တာပဲ။

ငါအခု ပြောခဲ့တဲ့ ဇာတ် ကောင်တွေအကြောင်း သေသေချာချာလေ့လာပြီး အဲဒီ ဇာတ်ကောင်တွေထဲက နင် မကြိုက်တဲ့ကာရိုက်တာမျိုးပါ ရင် အဲဒါဖယ်ထုတ်ပစ်လိုက်။ အဲသလို ဖယ်ထုတ်ခွင့်ကိစ္စကို အခုငါပြောတဲ့ ဇာတ်ကောင် တိုင်းအပေါ် နင်လုပ်ခွင့်ရှိပါ တယ်။ ဘယ်သူ့မှ အရေးစိုက် စရာမလိုဘူး။ နင်မကြိုက် တာမှန်သမျှ အကုန်သာ ဖယ် ထုတ်ပစ်လိုက်။ ကြိုက်တာ တွေချည်း ရွေးချန်ထား။ ပြီး တော့ ဘယ်အချက်အလက် ကိုဖြင့် ဖယ်တယ်။ ဘယ်ဟာ ကိုဖြင့် သုံးမယ်ဆိုတာ ငါ့ဆီ ပြတ်ပြတ်သားသားသာ အကြောင်းကြားလိုက်တော့။ ငါကလည်း နင်ဖယ်ဆိုတာ တွေ အကုန်လုံးဖယ်မယ်။ နင် ပယ်ဆိုတာတွေလည်း တစ်ခု မှမချန်ဘူး အကုန်လုံးပယ် မယ်။ အဲသလို ရှင်းပစ်ပြီးတဲ့ အခါ ငါကနင့်ရဲ့ “စင်းလုံး ချော ချစ်သူ” ဖြစ်သွားပြီ လေ။ အဲဒီလို ငါက စင်းလုံး ချောချစ်သူဖြစ်သွားတဲ့အချိန် နင်နဲ့ငါ အိမ်ထောင်တစ်ခု ထူ ထောင်ကြတာပေါ့။

ငြိမ်းသက်သက်စိုး ရေ...
နင်ဖယ်ရမယ့်စာရင်း ကို ငါအကြံပေးခွင့်ရှိရင် ဒီ လိုတော့အကြံပေးချင်တယ်။
ကောင်မလေးရဲ့ ဆံနွယ်လေး ထည့်ထားလို့ အချိန်မ မှန်တဲ့ နာရီဖယ်။ အောက်ပိုင်း ပြက်လုံးမျိုးသာ ရယ်တတ် တဲ့ ဂဏန်းတစ္ဆေကောင်ဖယ်။ အင်္ဂလိပ် တောလိုက်ခွေး အထင်ကြီးပြီး အင်္ဂလိပ်နဲ့ မမှားရင် မကျေနပ်သူဖယ်။ သူရဲကောင်းတို့သင်္ချိုင်း ဘုရား သခင်ပန်းခွေလာ ချတာဖယ်။ ဒဏ္ဍာရီထဲက ဟာမတွေ အပြင်တကယ်ထွက်လာနိုင် တာ မဟုတ်လို့ “၀ါလုရီ နတ်မယ်လေးတွေ”ဖယ်။ ကောင်းမွန်စွာ နေထိုင်ခြင်းဆိုတဲ့ “ထောပတ်ထဲက ဒိန်ခဲ” ကိုတော့ (ငါမှာ သွေးတိုးရှိ တဲ့အတွက်) ဖယ်။

ငြိမ်းသက်သက်စိုးရေ နင့်ကိုပြောရတာ နည်းနည်း တော့ “ခွ”ကျမယ် ထင်တယ်။ မေဂျာဟန်းတားရဲ့ ခယ်မ လေးကိုတော့ မဖယ်လိုက်ပါ နဲ့ဟာ၊ နော်...။
မိန်းကလေးဆိုတော့ အားနာစရာကြီး။



ကိုငြိမ်း(မန္တလေး)
ရွှေအမြူတေ မဂ္ဂဇင်း ဧပြီလ၊ ၂၀၁၀ ပါ စာစုအား ပြန်လည် စုစည်း ထားခြင်း ဖြစ်။

တေဇာအောင်
(13.09.2010)

September 08, 2010

အစိတ်အပိုင်းလေး တစ်ခု



ညဟာ...
ကျွန်တော့်ဆီ တိုးဝင်လာခဲ့သည့်တိုင်
အမှောင်ထုဟာ လျှပ်ပေါ်လော်လီ
ကပိုကရိုနဲ့ လူကို သက်သက် လှည့်စားရက်တယ်...

ကျွန်တော် ထိုင်နေတာက
ကောင်းကင်ကြီးရဲ့ အောက်ဘက်
မိုင်ပေါင်းများစွာ မြင်ကွင်းတဆုံးမှာ
အပြုံးက နူးညံ့မှုကင်းစွာ
မမြင်ရတဲ့ အပိုင်းက ထင်ထင်ရှားရှား
ကိုယ့်အာရုံ ကိုယ်သိသလိုပါပဲ....

ဟီရိသြတပ္ပတရားက
ဒီအရပ်မှာ ဆိတ်သုဉ်းနေတာ ကြာခဲ့ပြီ ထင်ပါရဲ့...

အခန်းကျဉ်းလေးထဲမှာ
အားလုံးဟာ ကျွန်တော်နဲ့ အတူတူ ၀တ်လစ်စလစ်
မေးထူးခေါ်ပြောလောက်တောင် မရနိုင်တော့အောင်  ပြန့်ကျဲလို့
ကမ်းကုန်အောင် မိုက်မဲ နေကြတာ.......။       ။


တေဇာအောင်
(3.9.2010)

August 04, 2010

အနုပညာ၊ ရသပညာ၊ ကိုယ်ကျင့်တရားနှင့် တန်ဖိုး

အနုပညာသည် ယေဘုယျ သဘောကို ဆောင်၍ သုံးနှုန်း ထားသော အသုံးအနှုန်း တစ်ခုဖြစ်သည်။ ထိုမျှမကသေး။

အနုပညာသည် ကြီးမား ကျယ်ပြန့်သော မျိုးတူစုကြီးတစ်ခု ဖြစ်သည်။ ထိုမျိုးတူစုကြီး အောက်တွင် အနက် အများအပြား ဖော်ထုတ်ပြ၍ လည်းကောင်း၊ ရည်ညွှန်းပုံဖော် ပြသ၍ လည်းကောင်း အနုပညာ ဆိုသည်ကို ပြဆိုနိုင်ကြသည်။ ဥပမာ အနုပညာ ဟူသော အသုံးအနှုန်း၏ အောက်တွင် ပန်းချီ၊ ပန်းပု၊ အက၊ သဘင်... စသည်များကို ရည်ညွှန်း၍ လည်းကောင်း၊ မြန်မာတို့၏ အနုပညာ၊ တရုတ်တို့၏ အနုပညာ... စသည်ကို ရည်ညွှန်း၍ လည်းကောင်း သုံးစွဲလေ့ ရှိကြသည်။ ကျယ်ပြန့် ကြီးမားသော မျိုးတူစုကြီး ဖြစ်သော“အနုပညာ” ၏အောက်၌ ပိုမို ကျဉ်းမြောင်းသော (သီးခြား သဘောကို ဆောင်သော) အနေအထား တစ်ရပ်အဖြစ် ပန်းချီ အနုပညာ၊ ပန်းပု အနုပညာ၊ ... စသည်ဖြင့် ၀ိသေသပြုကာ ရည်ညွှန်း ခေါ်ဆို နိုင်ကြသေးသည်။

သို့ရာတွင် မဖွယ်မရာ အနက်မျိုးကား မဖော်သင့်။ မဖော်သင့်ဟု ဆိုရသော်လည်း မဖော်ရဟု မဆိုနိုင်။ စနစ်တကျ အသိပညာ အရာတွင် နွမ်းပါးခဲ့သော လူအန္ဓတို့တွင် စည်းမရှိ။ မိမိ၏ အကျိုးစီးပွား တစ်ခုကိုသာ ကြည့်ကာ ထင်ရာတွေးပြော၊ သောသောညံ ဖြစ်လာအောင် လုပ်တတ်လေ့ ရှိသည်။ ထိုသန္ဓေ ရှိသူမျိုးကို တားထား၍ မရနိုင်။ ထိုသူတို့၏ တစ်ခုတည်းသော ဦးတည်ချက်မှာ နေရာယူ၊ ဖျာခင်း၍ အတင်းလူရာ ၀င်အောင် လုပ်ပြလိုခြင်းသာ ဖြစ်တော့သည်။ ထိုထိုသော လူစားတို့၏ အဓိပ္ပာယတ္ထ မကွဲ၍ ဆန်ကွဲကို သဲလုပ် လိုက်သော အနက်တစ်ခုကို ကြည့်ကြစေချင်သည်။

“အနုပညာ ဟူသည် အခြား မည်သည့်နည်းဖြင့် ဖြစ်စေ၊ တစ်နည်းနည်းဖြင့် လောက အလှတရားကို ဖြစ်စေပါက အလှ တရား ဖန်တီးသော အနုပညာသည် အနုပညာ ဖြစ်၏”

ဤတွင်ရွေ့ စဉ်းစားကြည့်ရန် အကြောင်းများ ပေါ်လာသည်။ တစ်အချက်- လောက အလှတရား ဆိုသည်မှာ အဘယ်နည်း။ မည်သို့သော အရာကို လောက အလှတရားဟု ခေါ်ဆိုပါသနည်း။ နှစ်အချက်- ထို အလှတရား ဆိုသည်ကို မည်သို့ ဖန်တီးပါသနည်း။ လောက၏ အလှတရား ဆိုသည်မှာ အနုပညာဟု သတ်မှတ်ခေါ်ဆို နေကြခြင်းများထက် ပိုမို ကျယ်ဝန်းသော အနေအထား တစ်ခု ဖြစ်နေသည်။ လောက ဆိုသည်ကို ဖြစ်စေ၊ အလှတရား ဆိုသည်ကို ဖြစ်စေ ယတိပြတ် ကန့်သတ်၍ အနက်ပေးရန် မလွယ်။ လောကတည်း ဟူသော သတ်မှတ် ခေါ်ဆိုထားခြင်း တစ်ခုတည်းကိုပင် ဤသည် ဤသို့ ဖြစ်သည်ဟု အနက်ပေးရန် မလွယ်။ အလားတူပင် အလှတရား ဆိုသည်မှာ မည်သူ့အတွက်၊ အဘယ်ကြောင့် အလှတရားဟု သတ်မှတ် ခေါ်ဆိုနိုင်သည် ဆိုခြင်းကိုပင် ဆင်ခြင် နည်းလမ်းတကျ ရှင်းလင်းပြရန် မလွယ်လှ။

ရှင်းပြလိုသော် လောကဟု လက်ခံ ထားခြင်းကို ရှိမှု ဗေဒနှင့် သိမှု ဗေဒတို့ကို အခြေခံကာ ရှင်းပြရ ပေမည်။ လွယ်လွယ် ဆိုရသော် လောကဟု လက်ခံထားသဖြင့် ရှိနေသော ထိုလောက ရှိနေခြင်းကို မည်သို့ လက်ခံ ထားသနည်း ဆိုသည်ကို ရှင်းရပေမည်။ အကြောင်းမှာ လောကကို လက်ခံ ထားပုံချင်း မတူကြ။ ဥပမာ ဆိုရသော် ဘာသာရေး အခြေခံကာ ရှုမြင် လက်ခံထားသော လောကနှင့် နေ့စဉ်ဘ၀ အခြေခံ လူမှု ဘ၀ သက်သက်ပေါ်တွင် အခြေတည်ကာ လက်ခံ ရှုမြင်ထားသော လောကတို့မှာ မတူကြ။

ထို့ပြင် ဘာသာရေး အခြေခံ အမြင်၌ဖြစ်စေ၊ နေ့စဉ်ဘ၀ အခြေခံလူမှု ဘ၀ သက်သက်ပေါ် တွင် အခြေတည်ကာ လက်ခံ ရှုမြင်ထားသော အမြင်၌ဖြစ်စေ တစ်သားတည်း မကျနိုင်သော အမြင်များ ရှိနေပြန်သည်။ ဘာသာရေး တစ်ခုတည်းကိုပင် ကြည့်လေသော် ဘာသာရေး အခြေခံ မတူညီမှု အများအပြားကို တွေ့ရပေမည်။ သို့ဖြစ်ရကား“လောက”တည်းဟူသော အသုံးအနှုန်းမှာ အလွန့်အလွန် ကျယ်ပြန့်စွာ သုံးနှုန်း နိုင်သည်ကဲ့သို့၊ ယတိပြတ် အနက်ဖွင့်ရန် မလွယ်။ တစ်ချိန်တည်းမှာပင်“အလှတရား”ဆိုသည်မှာလည်း မည်သည်၊ မည်သို့ဟု ရည်ညွှန်း ပြဆိုရန် မလွယ်လှ။ စင်စစ် ရှေ့တွင်ပြခဲ့သော အနက် ဖွင့်ဆိုထားမှုမှာ ဟုတ်ယောင် ဆိုထား၍ အပိုကြွားထားသော စကားများသာ ဖြစ်သည်။ စကားလုံး ဖောင်းပွ၍ စေ့စေ့ မတွေးနိုင်သူများ အတွက် ယုံတမ်း စကားမျိုးသာ ဖြစ်သည်။ ဆက်၍ လေ့လာကြည့်ကြစေချင်သေးသည်။

... ယဉ်ကျေးလာသော လူ့အဖွဲ့အစည်းသည် ယဉ်ကျေး လာသည်နှင့် အတ္တချည်း သက်သက်လုပ်၍ မရ။ အများအကျိုး ကိုလည်း ဆောင်ရွက် ရမည်ကို သိလာရင်း အတ္တ ပရ ဆောင်ရွက်မှုများ ပေါ်လာ၏။ လူ့ဘ၀တွင် အတ္တနှင့် ပရ မျှတစွာ နေပါက ထိုလူ့အဖွဲ့အစည်းကို အနုပညာ ထွန်းကားသော အဖွဲ့ အစည်းဟု ခေါ်၏။ ညီညွတ် မျှတမှုကြောင့် ဖြစ်ပေါ်လာသော အလှသည် အနုပညာ ဖြစ်၏။ အရောင်အသွေး ညီညွတ်မှု၊ အချိုး အဆစ် ညီညွတ်မှု၊ အနိမ့်အမြင့် ညီညွတ်မှု၊ အတိုးအကျယ် ညီညွတ်မှု၊ အနီးအဝေး ညီညွတ်မှု၊ အကျိုးအကြောင်း ညီညွတ်မျှတ မှုတို့သည် အနုပညာပင် ဖြစ်သည်။

ဤသည်မှာ အဖွင့်၌ ပြဆိုခဲ့သော အနုပညာကို အနက် ဖွင့်ထားခြင်း၏ နောက်ဆက်တွဲ ဖြစ်သည်။ တစ်နည်း ဆိုရသော် ရှင်းလင်းချက် တစ်မျိုးဖြစ်ရန် ရည်ရွယ် ရေးသားထားပုံ ရသည်။ သို့ရာတွင် အနုပညာ တစ်ရပ် ပေါ်ပေါက်လာခြင်း၊ သို့မဟုတ် ဖန်တီး လာနိုင်ခြင်းနှင့် စိုးစဉ်းမျှ မသက်ဆိုင်။ ထင်ရာတွေး၍ လိုရာကို ဆွဲရေးသား ထားသော အရေးအသား တစ်မျိုးသာဖြစ် သည်။ အကြောင်းမှာ“ယဉ်ကျေးလာခြင်း” သည် အတ္တစိတ်ရှိ ခြင်းနှင့် မဆိုင်။ ယဉ်ကျေးသည်ဖြစ်စေ၊ မယဉ်ကျေးသည် ဖြစ်စေ လူ၏ အခြေခံရှိနေမှု အနေအထားမှာ အတ္တ အခြေခံ ရှိနေမှုနှင့် သိနေမှု သာဖြစ်သည်။ အတ္တနှင့် ပရတို့မှာ လူ၏/လူ၌ အပြိုင်ရှိ နေသော သိမှုသာ ဖြစ်သည်။ အတ္တကင်းသောလူ၊ ပရ မသိသော လူ(ကျပ်မပြည့်သူများ၊ စိတ်နေစိတ်ထား မမှန်သူများမှ လွဲ၍) မရှိပေ။ သိမှု ရှိသော်လည်း လက်တွေ့ပြုမူ ကျင့်ကြံ ဆောင်ရွက်ခြင်းသည် လူတို့၏ သီးခြား အပြုအမူ များသာဖြစ်သည်။

သို့ဖြစ်ရကား မည်သို့သော အကြောင်းကို အခြေခံ၍ ဖြစ်စေ၊ မည်သို့သော ယုတ္တိ စနစ်ကို အခြေခံ၍ ဖြစ်စေ၊ သို့မဟုတ် မည်သို့သော လက်ခံ အတည်ပြု သုံးစွဲနေသော ပညာရပ်ဆိုင်ရာ သီဝရီ/ အဆို တစ်စုံတစ်ရာကို အခြေခံ၍ဖြစ်စေ၊ “အတ္တနှင့် ပရ မျှတစွာ နေပါက ထိုလူ့အဖွဲ့အစည်းကို အနုပည ထွန်းကားသော အဖွဲ့အစည်းဟု ခေါ်၏”ဟူသော နိဂုံးတစ်ရပ် ရယူနိုင်ပါသနည်း။ မယူနိုင်ပါ။ အတ္တနှင့် ပရ မျှတစွာ နေထိုင်ကြသော လူ့အဖွဲ့အစည်းသည်“အတ္တနှင့် ပရ မျှတစွာ နေထိုင်သော လူ့အဖွဲ့အစည်း“သာ” ဖြစ်သည်။” ထိုလူ့အဖွဲ့အစည်း၏ လူနေမှု ပုံစံ၊ လူနေမှု စနစ်၊ လူမှုဆက်ဆံရေး ပုံစံ စသည်များ အကြောင်းကို ကြောင်းကျိုးပြ၍ နိဂုံးများ ဆွဲယူနိုင်ကြမည်။

ဥပမာ အတ္တနှင့်ပရ မျှတစွာ နေထိုင်ကြသော လူ့အဖွဲ့အစည်းသည် အကျိုးတူ လူမှု ဆက်ဆံရေး ပုံစံရှိသည်ဟူသော နိဂုံးမျိုး ဆွဲယူကာ အဆိုတစ်ရပ် ထူထောင်ပြနိုင်သည်။ သို့ရာတွင် အတ္တနှင့် ပရ မျှတစွာ နေထိုင်ကြသော လူ့အဖွဲ့အစည်းသည် အနုပညာ ထွန်းကားသော လူ့အဖွဲ့အစည်းဟု ယတိပြတ် မဆိုနိုင်။ မဆိုနိုင် ရသည်မှာ အတ္တနှင့်ပရ မျှတစွာ နေထိုင်ခြင်းသည် အနုပညာ ဖန်တီး ဖော်ထုတ်ခြင်းနှင့် မဆိုင်။ အလားတူပင် လူနေမှု စနစ်တို့၏ တူညီမှု၊ မတူညီမှုသည် အနုပညာ တစ်စုံတစ်ရာ ဖန်တီး ဖော်ထုတ်နိုင်ခြင်းနှင့် မဆိုင်။ အနုပညာဖန် တီးဖော် ထုတ်သူနှင့် အနုပညာကို လုပ်ငန်းတစ်ရပ် အဖြစ် လုပ်ကိုင်ကာ အသက်မွေး ၀မ်းကျောင်း ပြုကြရသူ အားလုံးတို့သည် မိမိ၏ စားဝတ်နေရေးကို ကြည့်ရသူချည်း ဖြစ်သည်။

ဥပမာ ဇာတ်ထဲက နှဲသမား၊ ဇာတ်ခေါင်း၊ ဇာတ်ကန်ထရိုက်တာ... စသည့်သူများသည် အနုပညာနှင့် ပတ်သက်၍ အသက်မွေး ၀မ်းကျောင်းမှု ပြုနေရသူချည်း ဖြစ်သည်။ သို့ရာတွင် ပါဝင် ပတ်သက်နေပုံချင်း မတူကြ။ သူတို့၌တည်သော အတ္တနှင့် ပရတို့မှာလည်း မတူညီကြ။ သို့ဖြစ်ပါ၍ အတ္တနှင့် ပရ မျှတစွာ နေထိုင်ကြမှသာ အနုပညာ တစ်စုံတစ်ရာကို ဖန်တီးနိုင်မည့်/သည့် လူ့အဖွဲ့အစည်း ဖြစ်မည်ဟု မဆိုနိုင်။ ထိုအမြင်မျိုးမှာ သောင်မတိုက် ကမ်းမဆိုက်သည့် ခေတ်ကာလတိုင်း၏ လက်ကျန် ခတ်တိုင်းငန်တို့၏ အယူအဆ မျိုးသာဖြစ်သည်။“ညီညွတ် မျှတမှုကြောင့် ဖြစ်ပေါ်လာသော အလှသည် အနုပညာဖြစ်၏” ဟူသော အဆိုမှာမူ ဆက်လက် စဉ်းစားရန်ပင် မလိုတော့။ ညီညွတ် မျှတမှုသည် ဖြစ်နေခြင်း တစ်ရပ်သာဖြစ်သည်။ ထိုဖြစ်နေခြင်းသည်/ကြောင့် သက် ရောက်မှု အကျိုးတစ်စုံတစ်ရာ ပေါ်ရမည်ဟု မရှိ။

ညီညွတ်မှုသည်“အလှ” ဟုခေါ်ရမည့် ဂုဏ်ရည် တစ်ရပ်ကို ဖော်ထုတ်ပေးရန် အတွက် သို့မဟုတ် ပေးနိုင်သော ကုန်ကြမ်း တစ်ခုမဟုတ်။ ညီညွတ်မှုသည် အရာရာတို့၏ အနေ အထားတိုင်းတွင် ရှိနိုင်သည်မဟုတ်။ ဥပမာ အရောင်၊ အသံ၊ အတိုင်းအတာ စသည်များ။ အရောင်တိုင်းတွင် သီးခြား ဂုဏ်ရည်ရှိ နှင့်ထားကြသည် ဖြစ်ရာ ၄င်းတို့၏ ရှိနှင့်ထားသော ဂုဏ်ရည်များက တစ်ခုနှင့်တစ်ခု ညီညွတ်၍(ကြည့်ပျော်ရှုပျော်ဟု အရပ်စကားဖြင့် ဆိုရသော) အနေအထား တစ်ခု ဖြစ်ပေါ်လာစေ နိုင်သည်။ ထို ဖြစ်ပေါ်လာသော အနေအထားတိုင်းသည် လှပခြင်းကို ဖော်ထုတ် ပေးနိုင်ကြသည် မဟုတ်။ အကယ်၍နှင့် အကယ်၍ သာလျှင် အရောင်တို့က လှပခြင်း တစ်စုံတစ်ရာကို ဖြစ်ပေါ် လာစေခဲ့သော် ထိုလှပခြင်းတိုင်းသည် အနုပညာ လက်ရာ ပစ္စည်း တစ်စုံတစ်ရာ ဖြစ်မလာနိုင်။ ဆိုလိုသည်မှာ လှပသော ဂုဏ်ရည်ရှိသည့် တစ်စုံ တစ်ရာတိုင်းသည် အနုပညာ ပစ္စည်း တစ်ခု ဖြစ်မလာနိုင်။ သို့မဟုတ် ကန့်သတ် ခေါ်ဆိုခြင်း မပြုနိုင်။ အနုပညာ မြောက်ခြင်းမှာ အခြားသော သီးခြား ဂုဏ်ရည်သာ ဖြစ်သည်။ ဥပမာ ရုပ်ရှင်မင်းသမီး ခင်သန်းနုကို လှပခြင်း တစ်ခုအဖြစ် လက်ခံထားနိုင်သည်။ သူ၏ အနုပညာ ပြောင်မြောက်မှုမှာမူ သူ၏ သရုပ်ဆောင်နိုင်မှု(အားထုတ်မှု အပြုအမူ) က ဖော်ထုတ်ပေးခြင်း ဖြစ်သည်။

သရုပ်ဆောင်နိုင်မှု အရ“သာ” အကဲဖြတ်နိုင်သည်။ အလားတူပင် အသံတွင် အတိုးနှင့် အကျယ်ရှိသည်။ တိုးခြင်းနှင့် ကျယ်ခြင်းသည် အသံ၏ အရင်းခံ ဂုဏ်ရည်တစ်ခု ဖြစ်သည်။ မည်သို့သော အသံမျိုးကို အတိုး အကျယ် ညီညွတ်မျှတသည်ဟု ခေါ်ပါမည်နည်း။ အသံသည် တစ်နေရာရာ၌သာ တည်သည်။ မတိုးမကျယ်သည် ခပ်တိုး တိုးနှင့် ခပ်ကျယ်ကျယ် အကြားက အသံသာ ဖြစ်သည်။ နှဲ၏ အသံအမြင့်ဆုံးနှင့် ဗုံ၏ အသံအမြင့်ဆုံးတို့မှာ တစ်မျိုးတည်း မဟုတ်။ ထိုအသံ နှစ်ခု၏ ပေါင်းစည်း ပေးနိုင်မှုမှာ အသံကို လိုအပ်သလို ထိန်းချုပ် ဖော်ထုတ်ပေးနိုင်သော ပညာရှင်တို့၏ အားထုတ်မှုသာ ဖြစ်သည်။
ပန်းချီကားများတွင် အဝေးကို အဝေးနှင့်တူအောင်၊ အနီးကို အနီးမှန်း သိသာအောင် ဆွဲသားကြလေ့ ရှိသည်။ မြန်မာပန်းချီ လောကတွင် ပါစပက်တစ် Perspective ဟု ခပ်လွယ်လွယ် ခေါ်ကြသည်။ အနီးကို အနီးမှန်း သိသာအောင် မဆွဲဘဲ အဝေးနှင့် ညီညွတ်အောင် မည်သို့ဆွဲပါမည်နည်း။

အကွာအဝေး နှစ်ခုတို့ကို ညီညွတ်အောင် မည်သို့ပြုပါမည်နည်း။ သရုပ်မှန်နည်းဟု ခေါ်သော ရီရယ်လစ်ဇင်တွင် အနီးသည် အနီးဖြစ်ပြီး အဝေးသည် အဝေးသာဖြစ်သည်။ ညီညွတ်မှု ရအောင် စပ်ကြား တစ်နေရာသို့သာ ဦးတည်ထားသောဆွဲ ပုံမျိုးဖြင့် မဆွဲနိုင်။ တစ်ချိန်တည်းမှာပင် ထည့်သွင်း စဉ်းစားရန် လိုအပ်နေသည်မှာ အမြင် အခြေခံ အားဖြင့် ကြည့်ရှု သိမြင်ရသော ပန်းချီကားနှင့် တကယ့်အနေ အထားများ(ဥပမာ သဘာဝ ရှုခင်းတစ်ခုခု)အကားတွင် သဘာဝ အခြေခံ တကယ့် အနေအထားများတွင် အနီးအဝေး သည် ရှိနေသည့်အနေအထားအတိုင်း မြင်ရ၊ တွေ့ရပြီး သိရ နိုင်သော်လည်း ပန်းချီကား တစ်ချပ်မှာမူ ပန်းချီ ကားဆွဲသား သူ၏ရှုမြင်မှုကို အခြေခံကာ ဖန်တီး အားထုတ်ခြင်းသာ ဖြစ်သည်။

ဤသည်ကို တစ်မျိုးတည်းဟု သတ်မှတ်ကာ လက်ခံ၍ မဖြစ်နိုင်။ ပန်းချီပညာ အခြေခံဖြင့် ဖန်တီး ဖော်ထုတ်မှုများတွင် စဉ်းစားရန် အခြား တစ်ချက်မှာ ပန်းချီကားတိုင်းတွင် အနီး အဝေး၏ အကွာအလှမ်း လိုအပ်မှု ရှိ၊ မရှိဖြစ်သည်။ ရှေးက အနီးအဝေး၊ အကွာအလှမ်းမရှိဘဲ/မပါဘဲ ဆွဲသားခဲ့သော ပန်းချီကားများ ရှိသည်။ အလားတူပင် ခေတ်သစ်ကာလ၌ အနီး အဝေး၊ အကွာအလှမ်း မပါဘဲ ဆွဲသားထားသော ပန်းချီကားများ ရှိသည်။ ၄င်းတို့မှာ တန်းဝင်သော/စံဝင်သော ပန်းချီကားများ ဖြစ်သည်။ သို့ရာတွင် အဆိုပါ ပန်းချီကားတို့တွင် အနီးအဝေး၊ အကွာအလှမ်းသည် အရေးမပါ။ ထည့်သွင်း စဉ်းစားရန် မလို။ သို့ဖြစ်လျှင် အဆိုပါ ပန်းချီ ကားချပ်တို့ကို အနီးအဝေး၊ အကွာ အလှမ်းမရှိ၍/မပါ၍ ပန်းချီ ပညာအရာ မမြောက်ဟု ဆိုရမည် လော။ မဆိုနိုင်ချေ။ ပန်းချီကား တစ်ချပ်၏ အနုပညာမြောက်မှု သည် အနီးအဝေး၊ အကွာအလှမ်းကို စံတစ်ခုအဖြစ်ခံယူကာ မဆုံးဖြတ်နိုင်။ အနီးအဝေး ညီညွတ်မှုရှိပါမှ အနုပညာဟု မပြောနိုင်။

အခြား တစ်ချက်ကို ဆက်လက် ဆွေးနွေးပါရစေ။ ထိုအချက်မှာ...လူအများ စည်းလုံး ညီညွတ်စွာ နေထိုင်ကြ သည်ထက် ပိုမို ကြီးမားသော အလှတရားသည် မရှိ။ အလှတိုင်းတွင် အနုပညာ ကိန်းအောင်းနေသည်။ ဤအဆိုမှာ မည်သည့် အသိပညာ စနစ်ကို အခြေခံ၍ မည်သို့ ကောက်ယူ ရထားသော အဆိုမှန်း မသိနိုင်။ လူအများ စည်းလုံး ညီညွတ်မှုကို အနုပညာနှင့် လည်းကောင်း၊ အခြားသော ပညာရပ်နှင့် လည်းကောင်း လိုသလို ဆက်စပ်ကာ အမြင် တစ်ရပ်ကို တည်ဆောက်လေ့ ရှိသည်မှာ ကွန်မြူနစ် ၀ါဒ၊ ဆိုရှယ်လစ် ၀ါဒ ထွန်းကားသည့် အရပ်များတွင် ပြုကျင့်ခဲ့ဖူးလေသည်။

စင် စစ် လူအများ စည်းလုံး ညီညွတ်မှု ရှိခြင်းနှင့် အနုပညာ ဖန်တီးခြင်းသည် သီးခြား လုပ်ငန်းများ ဖြစ်သည်။ ချမ်းသာသော နိုင်ငံ၊ ဆင်းရဲသော နိုင်ငံ၊ ပြည်တွင်းစစ် ဖြစ်နေသောနိုင်ငံ၊ ငြိမ်းချမ်းနေသော နိုင်ငံ၊ မည်သို့အရပ်၊ မည်သို့သော တိုင်းနိုင်ငံများတွင် မဆို အနုပညာ လက်ရာ ထုတ်လုပ်နိုင်မှုများ ရှိကြသည်ချည်း ဖြစ်သည်။ ညီညွတ်မှ၊ မညီညွတ်မှဟု လူနေမှုဘ၀ အခြေခံ အသွင်များကို စံတစ်စုံတစ်ရာ အဖြစ် လက်ခံကာ အနုပညာဖန် တီးမှုအပေါ် ပေကြိုးဖြင့် တိုင်းတာ၍ မရ။

ထို့ပြင် ဤအဆိုတွင် သုံးစွဲထားသော“အလှတရား” ဆိုသည်ကို စိစစ်ကြည့်ရန် လိုအပ်နေပြန်သည်။ အဆိုပြုသူက မည်သည့် အနက်ကိုမျှ ပေး မထား။ သို့ဖြစ်၍ မည်သို့သော အလှတရား ဖြစ်သည်ဟု မဆို နိုင်။ ဘေးဘီမှ အထင်ကြီးအောင် အသံ ကျယ်ကျယ်ဖြင့် အော်ပြရုံမျိုး ဖြစ်ဖွယ်ရှိသည်။“အလှ”၊“လှပခြင်း”၊... စသည် တို့မှာ လက်လွတ်စပယ် မဆိုနိုင်။ အကြောင်းမှာ ဖော်ထုတ် ထားပုံချင်း မတူကြ၍ ဖြစ်သည်။ နှင်းဆီပန်း တစ်ပွင့် လှပုံမှာ ခင်သန်းနု လှပုံမျိုးနှင့် မတူသည်ကဲ့သို့၊ ခင်သန်းနု လှပုံမှာ ကဗျာ တစ်ပုဒ်ထဲတွင် ဖော်ထုတ်ထားသော အလှနှင့် မတူနိုင်။ ကဗျာ တစ်ပုဒ်ထဲက အလှသည် နေ၀င်ချိန်ကို တိုက်ရိုက်ကြည့်ရှု ခံစားရာမှ ရရှိသော အလှ တစ်မျိုးနှင့် မတူပြန်။ ထိုအလှသည်ပင် သမာဓိ၌ တည်ကြည်ရာမှ ရရှိသော ပီတိစိတ်ခံစားရသူ ရရှိသော အလှနှင့် မတူနိုင်။ သို့ဖြစ်ရကား တစ်စုံတစ်ရာကို အနက်ပေး နိုင်ခြင်း မရှိဘဲလျက် “အလှတရား”ဟု ပေါ့ပေါ့တန်တန် ရေးသား ထားခြင်းမှာမူ စာလုံး ဖောင်းပွ၍ ဘာသာစကားဘောင် အတွင်း မလိုအပ်သော ညစ်ညမ်းစေမှု တစ်ခုသာ ဖြစ်တော့သည်။

အလှတိုင်းတွင်အနုပညာကိန်းအောင်းလျက်ရှိပါ သလား။ မရှိပါ။ မရှိနိုင်ပါ။ သဘာဝအရ ဖြစ်ရှိနေခြင်းများ၊ လူဖန်တီး ထားသောအရာများတွင် လှပခြင်းဟူသောဂုဏ်ရည်ရှိနိုင်ပါ သည်။ အနုပညာလက်ရာပစ္စည်းများမှာ လူဖန်တီးထားသော /လုပ်ထားသော တစ်စုံတစ်ရာဖြစ်သည်။ ထိုအနုပညာလက် ရာပစ္စည်း ဖန်တီးထားမှုတစ်စုံတစ်ရာအတွင်း လှပခြင်းတည်း ဟူသော ဂုဏ်ရည်တစ်ရပ် ရှိနိုင်သည်။ ရှိချင်မှလည်းရှိမည်။ သို့ရာတွင် လှပခြင်းတိုင်းတွင် အနုပညာ မရှိနိုင်။ အကြောင်းမှာ လှပခြင်းသည် လူ၏ သိမှုအခြေခံ၍ ဘာသာစကားအားဖြင့် ဖော်ထုတ်ပြောဆို ရေးသားနေကြသော ကန့်သတ်ထားသည့် ဂုဏ်ရည် တစ်ရပ်သာ ဖြစ်သည်။“ကန့်သတ်ထားသည်” ဟူ သောစာလုံး/စကားလုံးအပေါ် အနက်ယူ မလွဲစေချင်ပါ။ ဒါလှ တယ်၊ ဟိုဟာ မလှဘူး ဟု ပြောဆိုနိုင်ခြင်းသည် ကန့်သတ်မှု ရှိနေသည့် သဘောပင်ဖြစ်သည်။ ထို့ပြင် လှပခြင်းသည် ကျေနပ် နှစ်သိမ့်မှု(သဘောကျမှု၊ ဘ၀င်ကျမှု) သဘောများနှင့် ဆက်နေသည်ဟု ဆိုနိုင်သည်။ လှပခြင်း၊ လှပမှု၊ အလှတိုင်းမှာ သီးခြားသဘော ဆောင်နေသည်ချည်းဖြစ်သည်။ ဆိုလိုသည်မှာ အရာရာကို တစ်မျိုးတစ်စားတည်း လှခိုင်း၍ မရနိုင်။ ရှေ့တွင် ဆိုခဲ့ပြီးသည့်အတိုင်း ပန်း၏အလှ၊ ခင်သန်းနု၏အလှ၊ ကဗျာ ထဲကအလှ... စသည်ဖြင့် သီးခြားတည်နေသော တစ်စုံ တစ်ရာကို မှီတွဲကာသာ သတ်မှတ်ဖော် ထုတ်နိုင်သည်။ ခင်သန်းနု၏ဓာတ်ပုံကို ရုပ်ရှင်ကားကိုကြည့်ကာ“ခင်သန်းနု လှတယ်” ဟု ပြောနိုင်သည်။ ထိုသို့ပြောရာတွင် ကြည့်သူက သူ၏ကျေနပ်မှု၊ ဘ၀င်ကျမှုကို အခြေခံကာ ပြောခြင်းဖြစ်သည်။

သို့ဖြစ်၍ လှပခြင်းကို အကဲဖြတ်ရာတွင် ကျေနပ်မှု၊ ဘ၀င်ကျ မှုလည်း လိုသည်။ သို့ရာတွင် ထိုသို့ လှတယ်ဟု အကဲဖြတ် ခြင်းက အနုပညာ မြောက်ခြင်းကို အဆုံးအဖြတ် မပေးနိုင်။ အနုပညာ မြောက်ခြင်းမှာ ခင်သန်းနုက အားထုတ်ပြသော သရုပ် ဆောင်မှုတွင်သာ တည်သည်။ ဤအနေအထားကို အခြားတစ် ဖက်မှ ပြန်၍ ကြည့်စေချင်သေးသည်။ မျက်မမြင် တစ်ယောက်သည် ခင်သန်းနု၏ လှပခြင်းကို မည်သို့မျှ အကဲမဖြတ်နိုင်။ မျက်မမြင်၌ တည်ကောင်း တည်နေနိုင်သော လှပခြင်းသည် သူ၏သီးခြား လက်ခံ ထားမှု၌ ရှိနေနိုင်သည်။ အမြင်တွင် အခြေ ခံ၍ အသွင်/ရုပ်အပေါ်တွင် ဆုံးဖြတ်သော လှပခြင်း/အလှ ဆိုင်ရာ သိမှုမှာ မရှိ။

သို့မဟုတ် လစ်ဟာနေသည်။ သို့ရာတွင် ခင်သန်းနု ပါဝင် သရုပ်ဆောင်ထားသော ရုပ်ရှင်ကား တစ်ကားကို အသံအရ/သက်သက်ဖြင့် ကြားနာခံစား ရယူနိုင်သေး သည်။ ရုပ်ကို မမြင်ရသော်လည်း အသံဖြင့် သိမှတ် ခံစားကာ ငိုရမည့် နေရာတွင် ငို၊ ရယ်ရမည့် နေရာတွင် ရယ်နိုင်ခဲ့သည် ဆိုလျှင် ထိုမျက်မမြင်က ခင်သန်းနု၏ အားထုတ်မှုမှာ အနုပညာ မြောက်သည်ဟု လက်ခံ ပေလိမ့်မည်။ ထိုသဘောကို ကြည့်သော် အနုပညာ မြောက်ခြင်း အတွင်း လှပခြင်း၏ အခန်း ကဏ္ဍမှာ အမြဲတစေ လိုအပ်မှု တစ်ခုအဖြစ် ပါဝင် ပတ်သက်နေခြင်း မရှိကြောင်း တွေ့ရပေမည်။ အလားတူပင် အလှတရား တိုင်းတွင် အနုပညာ ကိန်းအောင်း မနေနိုင်။ နှင်းဆီပန်း တစ်ပွင့်၏ လှပခြင်း၊ စိတ်နှလုံးလှခြင်း၊ သစ္စာတရား၏ အလှစသည် များသည် ၄င်းတို့ဘာသာ တည်နေကြသော အလှတရားများသာ ဖြစ်ပြီး အနုပညာ တစ်ရပ်ဟု ၀ိဂြိုဟ်ပြု ခေါ်ဆိုသတ်မှတ် ပြရနိုင်သော ဖန်တီး အားထုတ်ထားမှုများ မဟုတ်ကြချေ။

လူတို့တွင် မေတ္တာတရား ထားကြခြင်း၊ သစ္စာ တရားကို လက်ကိုင် ထားကြခြင်း၊ ... စသည်များမှာ အနုပညာဖန်တီးမှု နှင့် မဆိုင်။ ကိုယ်ကျင့်တရားသည် လူ့အဖွဲ့အစည်းတွင် လိုအပ် ချက်ဖြစ်လာခဲ့သည် ဆိုခြင်းမှာ အထိုက်အလျောက် လက်ခံနိုင် ဖွယ်ဖြစ်သော်လည်း“ကိုယ်ကျင့်တရားသည် အနုပညာ၏ သော့ချက်လည်း ဖြစ်သည်” ဟူ၍ကား ယတိပြတ် မဆိုနိုင်။ မဆိုနိုင်ရသည်မှာ အနုပညာ ဖန်တီး ဖော်ထုတ်ခြင်းနှင့် ကိုယ်ကျင့်တရား ကောင်းမွန်ခြင်း၊ သို့မဟုတ် အနုပညာ ဖန်တီး ဖော်ထုတ်ခြင်းနှင့် ကိုယ်ကျင့်တရား၏ အခန်း ကဏ္ဍကို အမြဲတစေ တိုက်ရိုက် ဆက်သွယ်၍ မရနိုင်။ ကိုယ်ကျင့်တရား ကောင်းမွန် သဖြင့် သူတော်စင်ဟု အခေါ်ခံ ရနိုင်ဖွယ်ရှိသော်လည်း အနုပညာရှင် ဖြစ်လာရန် အကြောင်းမရှိ။

အနုပညာတစ်ရပ် ဖန်တီး ဖော်ထုတ်ပြနိုင်ရန် အတွက် အားထုတ်မှုသည်သာ အခရာဖြစ်သည်။ အနုပညာလက်ရာ တစ်ရပ် ဖြစ်လာသောအခါ ကိုယ်ကျင့်တရား ပညာ(ဤတွင် ကိုယ်ကျင့်တရား Moral ကို ဆိုလိုသည် မဟုတ်။ ကိုယ်ကျင့်တရား ပညာ Ethics ကို ဆိုလိုသည်။)၏ ရှုထောင့်မှ အနုပညာ လက်ရာကို လေ့လာဆန်းစစ် တိုင်းထွာ ကြည့်နိုင် သည်။ ထို့ပြင် ကိုယ်ကျင့်တရား ပညာနှင့် ရသ ပညာတို့ကို တွဲယှဉ် ဆက်စပ်ပြီး အနုပညာ လက်ရာ အပေါ် စည်းကမ်းနည်း လမ်းတကျ အကဲဖြတ်နိုင်သည်။ သို့သော် အနုပညာ ဖန်တီးသူ လူသားအပေါ် ကိုယ်ကျင့်တရား အရ မည်သို့မျှ အဆုံး အဖြတ် မပေးနိုင်။ ငါးပါးသီလလုံမှ အနုပညာသည် ဖြစ်ရမည်၊ ကဗျာဆရာ ဖြစ်ရမည်ဟု ထိန်းကွပ်ကြပ်ညှပ် သတ်မှတ်၍ မရ။

ညနေတိုင်း ဘုရားပေါ် တက်၍ စိပ်ပုတီး အပတ်တစ်ထောင် စိပ်ပါမှ ပန်းချီဆွဲရမည်၊ သီချင်း ရေးရမည်ဟု ဆို၍ မဖြစ်နိုင်။ အကယ်၍နှင့် အကယ်၍သာလျှင် ကိုယ်ကျင့်တရားကို လူ့အဖွဲ့ အစည်း၏ လိုအပ်ချက်တစ်ရပ်ဟု လက်ခံထားသည်ဆိုသော် စံတစ်စုံတစ်ရာ ရှိရန် လိုအပ်နေသည်။ ထိုသို့ စံတစ်စုံတစ်ရာရှိနေ သည့်တိုင် ထိုစံ တစ်စုံတစ်ရာဖြင့် အနုပညာ ဖန်တီးမှုကို မထိန်း ချုပ်နိုင်ပြန်။ အကြောင်းမှာ အနုပညာကို ဖော်ထုတ်သော အနု ပညာရှင်သည် လူမှု အဖွဲ့အစည်း အတွင်းမှ သီးခြား အဆောက်အအုံ အောက်၌ တည်နေသောကြောင့် ဖြစ်သည်။

ထပ်မံ ဆိုရပြန်သော် ကိုယ်ကျင့်တရားသည် လူ့အဖွဲ့ အစည်းအတွက် လိုအပ်မှု တစ်ခုဟု ယာယီလက်ခံ ထားနိုင်သော်လည်း ထိုလိုအပ်မှုမှာ လူ့အဖွဲ့အစည်း အတွင်း လက်တွေ့နည်း လမ်းတကျ အသုံးဝင်၊ အသုံးကျ ဖြစ်ကောင်းမှ ဖြစ်ပေမည်။ ဥပမာ ကိုယ်ကျိုး ကြည့်ခြင်းသည် မကောင်းဟု လက်ခံထား သော လူ့အဖွဲ့အစည်း အတွင်း၌ပင် မိမိ၏ ကျော်ကြားမှု၊ လူသူ လေးပါး၏ အရေးထား ခံလိုမှု၊ လူကြီး သူမတို့၏ မြှောက်စားခံ ရလိုမှု... စသည့်အကြောင်းများကို ကြည့်ကာ တောရေး တောင်ရေး ရေးနေကြခြင်းများ၊ ပညာရပ် ဘာသာရပ် အသီးသီးကို တန်ဖိုးထားရ ကောင်းမှန်း မသိဘဲ မျက်နှာလွှဲ ခဲပစ် ရေးသား နေကြခြင်းများကို ပြုနေကြသူများ ရှိနေသည်ကို တွေ့ နေရသေးသည်။

ထိုသူများတွင် သူတို့၏ အတ္တစိတ်ကို ဧရာတည် လူ့အဖွဲ့အစည်း အတွင်း ရှင်သန် လှုပ်ရှားနေကြသည် ဖြစ်ရာ ၄င်းတို့ကို ကြည့်ရင်းဖြင့် ၄င်းတို့ ကြွေးကြော်နေသော အတ္တ ပရ မျှတရေး အခြေခံ ကိုယ်ကျင့်တရားသည် ထိုလူ့အဖွဲ့အစည်း တွင် လက်တွေ့နည်းလမ်း တကျ အသုံးမ၀င်ကြောင်း ပေါ်လွင် နေပေတော့သည်။ စင်စစ် ကိုယ်ကျင့်တရားသည် လူ၌ တည်နေသော သီးခြားသိမှု တစ်ခုပင်ဖြစ်သည်။ သိမှုကို အခြေခံ၍ ထိန်းကျောင်း တည်ဆောက်စိတ် ဖြစ်သည်။ အသုံးပြု လိုသော်၊ သုံးပြုနိုင် သည်ကဲ့သို့ မသိကြိုးကျွန် ပြုလိုသော် ပြုထားနိုင်သော သဘောကို ဆောင်သည်။

တစ်ချိန်တည်းမှာပင် ကိုယ်ကျင့် တရားအရ ထိန်းကျောင်းမှုကို ဘာသာရေး အရ ထိန်းကျောင်း မှုနှင့် ခွဲခြား သိရန်လည်း လိုအပ်နေပေသေးသည်။“အခြားသူ တို့၏အသက်ကို သတ်ခြင်းသည် မကောင်း” ဟု လူ့အဖွဲ့အစည်း တိုင်းတွင် လက်ခံထားကြသော အဆိုတစ်ရပ်ကို ကြည့်ကြစေ ချင်သည်။ လူ့အဖွဲ့အစည်းတွင် ဥပဒေက ကိုယ်ကျင့်တရား ဆိုင်ရာ ထိန်းကျောင်းမှု တစ်ခုအဖြစ် ရှိနေသည်ကဲ့သို့ ဘာသာ ရေးအရလည်း ရှိနေသည်ကို တွေ့ကြရနိုင်သည်။ လူ့အဖွဲ့ အစည်းက လက်ခံထားသော ဥပဒေအရ ထိန်းကျောင်းမှုတွင် အသက်ရှိသော“လူ” ကို ဦးတည် ရည်ညွှန်း၍ ဆိုသည်။ ငါးကို သော်လည်းကောင်း၊ နွားကိုသော် လည်းကောင်း မဆိုလို။ ဘာသာရေးတွင်သော် အသက်ရှိ သတ္တ၀ါတို့ကို ဦးတည် ရည်ညွှန်းသည်။

သို့ရာတွင် အချို့သော ဘာသာရေး အခြေခံ ထိန်းချုပ်မှု တွင် ဦးတည်ချက်တွင်တည်၍ တိရစ္ဆာန်များကို သတ်ဖြတ်ခြင်းကို ခွင့်လွှတ်ထားပြန်သည်။ သို့ဖြစ်ရကား ကိုယ့်ကျင့် တရားဟု သုံးစွဲ ခေါ်ဝေါ်နေကြပင် နေကြစေကာမူ လူ့အဖွဲ့ အစည်းအတွင်း၌ အသားကျ ခေါက်ရိုး ကျိုးနေသည့် အချို့သော ထိန်းကျောင်း ပြဋ္ဌာန်း ထားမှုတို့မှာ ဘာသာရေး အခြေခံများ၌ တည်ထားသော နားလည်မှု တစ်ရပ်အရ ဖြစ်သည်။ တိကျသော အနက် တစ်စုံတစ်ရာကို မပြဆိုနိုင်ဘဲလျက် ကိုယ်ကျင့်တရား ဟူသော အသုံးအနှုန်းကို လက်လွတ်စပယ် မသုံးသင့်။ တစ်ချိန် တည်းမှာပင် ပန်းချီကားပေါ်က ငါးစိမ်းသည်မကလေးကို ထို ထိုသော ကိုယ်ကျင့်တရား စံများဖြင့် အကဲမဖြတ်နိုင်။

ထို့ကြောင့်ပင်“စိတ်ကောင်း ရှိခြင်းသည် လူသားလူ့ လောကအတွက် အပြောင်မြောက်ဆုံးသော အနုပညာရပ်”...။“ရိုးသားမှုသည် အနုပညာဖြစ်ဖို့ အတွက် အရင်းခံတရား ဖြစ်သည်”... ဟူသော အဆိုများမှာ လုံးဝဥဿုံမှားယွင်းသော အယူအဆများသာ ဖြစ်သည်။“စိတ်ရင်းကောင်းခြင်း၊ မကောင်းခြင်း” သည် အနုပညာ ဖန်တီးမှုနှင့် မဆိုင်။ အနုပညာ ကိုဖန်တီးသူ၏ နေ့စဉ် ဘ၀နှင့် တိုက်ရိုက် စပ်ဆိုင်နေသော လူ့ အဖွဲ့အစည်းနှင့် သူ၏ ဆက်ဆံရေး အကြားတွင်သာ လိုအပ်သော(လိုအပ်မည်ဟု လက်ခံ ထားရသော) အပြုအမူ၊ အမူ အကျင့်သာ ဖြစ်သည်။

အနုပညာ ဖန်တီးသူ၏ ဖန်တီး အားထုတ်မှုတွင် သူ၏ အားထုတ်မှု(ဈာန်ဝင်စားမှု)နှင့် ဖန်တီးနိုင်မှု အစွမ်း အစသည်သာ အခရာ ဖြစ်၏။ အနုပညာ တစ်စုံတစ်ရာကို ဖန်တီးသူတွင်၊ ဖန်တီးစဉ် ကာလတွင် အကောင်းစိတ်၊ မကောင်း စိတ်အတွက် နေရာ ပေးနိုင်ကြသည် မဟုတ်။ သို့ဖြစ်ရာ စိတ်ရင်း ကောင်းခြင်း၊ ရိုးသားခြင်း စသည်များသည် အနုပညာ တစ်စုံတစ်ရာ ဖန်တီးသူ အပေါ် တိုင်းတာရမည့် ပေတံ(စံ) မဟုတ်။ ထို့ထက် ပို၍သော် အနုပညာ သို့မဟုတ် အနုပညာ တစ်ရပ်ရပ် အခြေခံဖြင့် ဖန်တီးထားသော လက်ရာကိုသာ စံတစ်စုံ တစ်ရာဖြင့် တိုင်းထွာနိုင်သည်။ လူမှုရေးစံ၊ ဘာသာရေးစံ၊ လူ့အဖွဲ့အစည်းက လက်ခံထားသော ကိုယ်ကျင့်တရားစံ... စသည်တို့ဖြင့် တိုင်းထွာလိုက တိုင်းထွာနိုင်သည်။

သို့ရာတွင် အနုပညာရပ် ဆိုင်ရာ သိမှု အခြေခံဖြင့်သော် ရသပညာ အရ စိစစ် လေ့လာ ကြည့်နိုင်လေသည်။ အော်စကာဝိုးလ်(ဒ)Oscar Wilde ပြောဖူးသည်ကဲ့သို့“ကိုယ်ကျင့်တရား နည်းလမ်းတကျ၊ သို့ မဟုတ် ကိုယ်ကျင့်တရား နည်းလမ်းမကျ ရေးသားထားသော စာအုပ် မရှိ။ အရေးသားကောင်းသော စာအုပ်နှင့် အရေးအသား မကောင်းသောစာအုပ်သာ ရှိသည်” ဆိုသကဲ့သို့ဖြစ်သည်။ အောက်တွင် သီလရှင် မယ်ကင်းဟု တွင်သော ဆရာကလေး ဒေါ်ခေမာ၏ စာချိုးကလေး တစ်ခုကို ဖတ်ကြည့်စေချင်သည်။ ထိုစာချိုးကလေးမှာ ဗန်းမော် ဆရာတော်အား ရည်ညွှန်းကာရေး သော အရေးအသား တစ်ခုဖြစ်သည်။

အဖျားရယ်ပေ။
အနားခွေ မခိုင် ပြတ်ကာမှ
မြိုင်ရပ်ကိုမှီး။
စိပ်ပုတီးရယ်နဲ့၊ ယပ်ကြီး ထမ်းကိုင်
မဂ်လမ်းကို ဘယ်လိုဆိုင်ပါ့မယ်
ဝတ်သင်းပိုင် မုန်ရည်ကွက်ကယ်နဲ့
တောထွက်ခင်ကြီး။

ဤအရေးအသား၏ ကျောထောက် နောက်ခံ အကြောင်းနှင့် ဆိုလိုရင်း အတွင်းသား၏ သဘောများကို သိလေသော် သီလရှင် မယ်ကင်း၏ စာအဖွဲ့အစပ်တွင် ပြောင်မြောက်မှုကို တန်ဖိုး မထားဘဲ နေ၍ မရနိုင်တော့။ သို့ရာတွင် ကိုယ်ကျင့် တရားစံ၊ လူမှုရေးစံ၊ ဘာသာရေးစံ... စသည်ဖြင့်တို့နှင့် မတိုင်းထွာနိုင်။ ရှေ့တွင် ဆိုခဲ့သော အော်စကာဝိုးလ်(ဒ)၏ အမြင်မှာ ထိုသဘော နှင်နှင်သာဖြစ်သည်။

စင်စစ် ကိုယ်ကျင့်တရား ပညာ၌ တွေ့ရသော စံများမှာ အနုပညာ လက်ရာများကို လိုက်လံ တိုင်းထွာရန် စံများသက်သက် မဟုတ်ကြ။ တိုင်းထွာလိုက တိုင်းထွာ နိုင်သော်လည်း ရသ မြောက်ခြင်းကိုမူ ရသပညာ၏ စံများဖြင့် စိစစ် လေ့လာ ကြည့်တတ်ရန် လိုသည်။ ဥပမာ ဗိန်းဗောင်းသံသည် စိတ်ဓာတ် တက်ကြွကာ သတ်ချင် ဖြတ်ချင်စိတ် ပေါ်လာနိုင်သဖြင့် ကိုယ်ကျင့်တရား အရ၊ ဘာသာရေး အရ လိုလားအပ်သော အားထုတ်မှု၊ အပြုအမူ တစ်ရပ် ဖြစ်ကောင်းမှ ဖြစ်မည်။ လက်မခံသင့် သည့်အပိုင်းမျိုးဖြစ်သည်။ သို့ရာတွင် ရသပညာ အရသော် ထိုထိုသော စိတ်တက်ကြွမှုကို ဖြစ်ပေါ်လာစေရန် တီးမှုတ်နိုင် ခြင်းသည်ပင်“အသံ” ကို အခြေပြု၍ အောင်မြင်သောအားထုတ် မှုတစ်ရပ်သာဖြစ်သည်။

အလားတူပင် ငါးစိမ်းသည်မကလေး ငါးခုတ်နေသော ပန်းချီးကားမှာ မည်မျှပင် သဘာဝကျသည် ဖြစ်စေ ရက်စက် ယုတ်ညံ့သော အပြုအမူဟု လူ့အဖွဲ့အစည်းက လက်ခံထားသော ကိုယ်ကျင့်တရား အရ မြင်နိုင်သည်။ ရသပညာ အရသော် ထိုသို့ လက်မခံ။ အဆို တစ်စုံတစ်ရာကို မှီ၍ ပန်းချီဆရာ၏ အားထုတ် စွမ်းဆောင်မှုကို စိစစ် လေ့လာအကဲ ဖြတ်သည်။ အရောင်အသွေး၊ အဖွဲ့အစပ် ဆီလျော်အပ်စပ်မှု... စသည်များကို အခြေခံ၍သာ စိစစ်ကြသည်။ တစ်နည်းဆိုသော် ကိုယ်ကျင့်တရားစံ အရဖြစ်စေ၊ ဘာသာရေးစံ အရဖြစ်စေ မသင့်လျော်ခြင်း၊ မလျောက်ပတ်ခြင်း... စသည့် အဆုံးအဖြတ်တို့မှာ ထိုစံများ တည်ရာ ရပ်ဝန်း၌သာ ဖြစ်သည်။

တစ်ခါက ဘုရားတန်ဆောင်း တစ်ခုထဲတွင် ဗုဒ္ဓ၀င် ဇာတ်ဝင်ခန်း တချို့ကို ရေးဆွဲနေသော ပန်းချီဆရာကြီး ရေးဆွဲနေသည်ကို ကျွန်တော် ကြည့်ခဲ့ဖူး သည်။ ပန်းချီဆရာကြီး နားရန်အတွက် ငြမ်းပေါ်က ဆင်းလာသော အခါ ကျွန်တော်က ယခုကဲ့သို့ ဆွဲသားရာတွင် မည်သည်က အရေးကြီး ပါသလဲ ဟုမေးရာ ဆရာကြီးက ငြမ်းပေါ်က ပြုတ်မကျဖို့ အရေးကြီးသဗျ ဟု ဖြေသည်။ သူဖြေသည်မှာ အမှန်ပင်။ သူ၏ အနုပညာ ဈာန်ဝင်စား နိုင်မှုသည် အတိုင်းအတာ တစ်ခု အထိသာ ဆိုသည့် သဘောပင် ဖြစ်သည်။

စင်စစ်သော် အနုပညာ မြောက်ခြင်း၏ တန်ဖိုးနှင့် ကိုယ်ကျင့်တရား ဆိုင်ရာ တန်ဖိုးတို့မှာ တစ်သားတည်း မနေနိုင်။ အနုပညာလက်ရာ တစ်ခု၏ လက်ရာ မမြောက်မှု(အခြားတစ်နည်း၊ အနုပညာ မမြောက်မှု)မှာ အနုပညာ ဖန်တီးမှု၌ မှားယွင်း နေခဲ့မှု တစ်ခုသာ ဖြစ်သည်။ ဆိုလိုသည်မှာ ဖန်တီး ဖော်ထုတ် ထားသော အနုပညာ လက်ရာ၏ ထုတ်လုပ်ပုံ(ဤတွင်နည်း ပညာအရကို ဖြစ်စေ၊ အနုပညာသည်၏ စိတ်ပိုင်းဆိုင်ရာတွင်း အခြေခံ၍ ဖော်ထုတ်ခြင်း တစ်မျိုးမျိုးကိုဖြစ်စေ ဆိုလိုသည်။) မမှန်ကန်ခြင်း ဖြစ်သည်။

သို့ဖြစ်ရာ အနုပညာမြောက်၊ မမြောက် ကို တန်ဖိုးဖြတ်ရန်မှာ အနုပညာ လက်ရာ၌သာ တည်ပေသည်။ လွယ်လွယ်ဆိုသော် လောက်လေးခွမှာ လောက်လေးခွနှင့် တူမှ၊ အသုံးတည့်မှ လောက်လေးခွ၏ တန်ဖိုးရှိသည့် သဘောပင်။ လောက်လေးခွသည် ပေါက်တူးနှင့်မတူ။ ပေါက်တူးကဲ့သို့ မြေကြီး တူးမရဟု လွဲမှားစွာ တန်ဖိုးဖြတ်၍ မရနိုင်။ ထပ်မံ၍ ဥပမာ ဆိုရသော် ပန်းချီကား တစ်ကား၏ အနုပညာလက်ရာ မြောက်မှု၊ မမြောက်မှုကို တန်ဖိုး ဖြတ်ကြည့်ရာတွင် ထိုပန်းချီ ကားကို ပန်းချီ ဆရာကြီးက အရက် မူးနေစဉ် ဆွဲသည်လော၊ မယားငယ် အိမ်မှ အပြန်တွင် ဆွဲသည်လော၊ ... စသည့် စိစစ် ချက်တို့ဖြင့် တန်ဖိုး မဖြတ်နိုင်။

ထိုပန်းချီကားကို သူ၏ ရှိရင်းစွဲ အနေအထား(ဂုဏ်ရည်)အားဖြင့်“သာ” တန်ဖိုး ဖြတ်ရမည်ဖြစ် သည်။ ဤတွင် ရှေ့၌ဆိုခဲ့သော လောက်လေးခွကို ပြန်၍ကြည့် စေချင်သေးသည်။ လောက်လေးခွမှာ အနုပညာ လက်ရာ တစ်ခု မဟုတ်။ လောက်လေးခွလုပ်သူ(တစ်ဦးဦး)က လုပ်ထားသော လုပ်ဆောင်ထားမှု တစ်ခုသာ ဖြစ်သည်။ ထိုလောက်လေးခွမှာ လောက်လေးခွတွင် ရှိရမည့် ဂုဏ်ရည် ရှိရန်သာ လိုသည်။ လောက်လေးခွ ဖြစ်လာသော အခါ လောက်လေးခွ လုပ်သူ၏ အားထုတ်မှုမှာ ပြီးဆုံး သွားခဲ့သည်။ လောက်လေးခွမှာလည်း လောက်လေးခွ အဖြစ်သို့ ရောက်ရှိ သွားပြီးနောက် သူ၏ ဂုဏ်ရည်/တန်ဖိုး သတ်မှတ် မထားနိုင်။ ပန်းချီဆရာက ဆွဲသား၍ ပြီးပင် ပြီးငြားခဲ့သော်လည်း ပန်းချီကား၏ ဂုဏ်ရည်/တန်ဖိုးမှာ ရပ်တန့် မသွားနိုင်(ဤတွင် အရောင်း ဆိုင်ခန်းတင်ပြီး ဈေးနှုန်း သတ်မှတ်ခြင်းကို မဆိုလို။) ကဗျာရေးသမား တစ်ဦးက ရေးလိုက်သော ကဗျာ တစ်ပုဒ်မှာ မဂ္ဂဇင်းထဲတွင် ပုံနှိပ် ဖော်ပြထားရုံ မျှနှင့် မပြီး။ ဖတ်သူ၏ တစ်ဦးချင်းစီ၏ လက်ထဲတွင် သီးခြား ဂုဏ်ရည်/တန်ဖိုး ပေါ်လာနေသေးသည်။

စိတ်ကူးစိတ်သန်း အခြေခံ ဖန်တီး ဖော်ထုတ်မှု ဖြစ်သော အနုပညာ တစ်စုံတစ်ရာနှင့် ကိုယ်ကျင့်တရား ပိုင်းဆိုင်ရာ နား လည်လက်ခံ ထားရှိမှုများ အကြားတွင် ဆက်စပ်မှု“လုံးဝ” မရှိဟူ၍ကား မဆိုနိုင်။ အနုပညာလက်ရာတစ်စုံတစ်ရာက ထိုလက်ရာနှင့် တိုက်ရိုက် ဆက်စပ်နေသော လူ့အဖွဲ့အစည်း အတွက် ကောင်းမွန်သော အကျိုးဆက် တစ်စုံတစ်ရာကို ဖြစ်ပေါ် နိုင်စေသည့် နည်းတူ မကောင်းမွန်သော အကျိုးဆက်များလည်း ပေါ်လာနိုင်စေသေးသည်။ ဥပမာ ပန်းချီကား တစ်ချပ်(ပိုစတာ ဟုခေါ်လိုသော် ခေါ်ပါ။)က အမျိုးသား စည်းရုံးရေးကို အားပေးနိုင်သည် ကဲ့သို့ အမျိုးသား သွေးခွဲမှုကိုလည်း ပေါ်ပေါက်စေ နိုင်သည်။

အနုပညာ၏ သီးခြား တည်ရှိမှုကို လက်ခံသော သူများ(Autonomist ကို ဆိုလိုသည်။)ကလွဲ၍ ပညာရှင် အများစုက အနုပညာ တစ်စုံတစ်ရာနှင့် ကိုယ်ကျင့် တရားပိုင်း ဆိုင်ရာ နားလည် လက်ခံ ထားရှိမှုများ အကြားတွင် ဆက်စပ်မှု ရှိနေကြောင်းကို အတိုင်းအတာ တစ်ခုအထိ လက်ခံကြသည်။ သို့ရာ တွင် အနုပညာ တစ်စုံတစ်ရာကို ဖန်တီးသူ လူက စိတ်ကောင်း ရှိမှ အနုပညာလက်ရာ တစ်စုံတစ်ရာသည် ကောင်းမည်။ သို့မဟုတ် အနုပညာ ပြောင်မြောက်မည်ဟု မဆိုကြ။ အလားတူပင်“အနုပညာဖြစ်ဖို့ ရိုးသားမှုသည် အရင်းခံ” ဟု မည်သူကမျှ တခုတ်တရ မဆွေးနွေးကြ။ အကြောင်းမှာ ဆွေးနွေးစရာ အကြောင်း မဟုတ်သဖြင့် ဖြစ်သည်။ ကိုယ်ကျင့်တရားနှင့် အနုပညာ၏ အကြားမှ ဆက်သွယ်နေမှု ဆိုသည်မှာ ထိုသို့သော (မရောင်ရာ ဆီလူး)ဆက်သွယ်မှုမျိုး မဟုတ်။

ဤနေရာတွင် အဓိကထားတင်ပြလိုသည်မှာ ပေါင်ချိန်နှင့် ပိဿာချိန်၊ ပေနှင့် မီတာ ကွဲရန်သဘောမျိုးဖြစ်သည်။ အရာ ရာကို စံတစ်ခုတည်းဖြင့် တိုင်းထွာကြရန်မဟုတ်။ ထို့ပြင် ပြောင်းလဲလာခဲ့ပြီဖြစ်သော ကာလတရားနှင့် ထိုကာလတရား နှင့်အတူ လိုက်ပါ ပြောင်းလဲလာခဲ့ပြီး ဖြစ်သော အသိပညာနှင့် သိမှုအပိုင်း ဖြစ်သည်။ အစဉ်အလာ၏ ဘောင်ထဲတွင် ဂျာအေးကို သူ့အမေရိုက်လို့ မှောင်မိုက်မှာငို ဟု ချာလည်လည်ဖြစ်၍ နှောင်းနေသော အဟောင်းတို့၏ သံသရာတွင် ချာချာလည် နေ၍လည်း မဖြစ်နိုင်တော့။ အနည်းဆုံး ပြောင်းလဲလာခဲ့ပြီ ဖြစ်သော သိမှု၊ အသိပညာတို့ကို အသိအမှတ် ပြုရန် လိုအပ် လာပေပြီ။ အရေးအသား ဘောင်တစ်ခုတည်း အတွင်း၌ပင် ကဗျာ၊ ၀တ္ထု... စသည်များမှာ နယ်ပယ် ချဲ့ထွင် လာခဲ့ကြသည် သာမက နားလည် လက်ခံပုံ အပိုင်းတွင် နယ်ပယ်ကို ပိုင်းခြား လာကြပြန်သည်။ အကြောင်းသင့် နေ၍ တင်ပြလိုသော အချက် တစ်ခုရှိသည်။ ပညာရပ်ဆိုင်ရာ စာတမ်းသည် ပညာရပ်ဆိုင်ရာ စာတမ်းဖြစ်ပြီး ၀တ္ထုသည် ၀တ္ထုသာဖြစ်သည်။ ဥပမာ သိပ္ပံ ၀တ္ထု၊ ရာဇ၀င် ၀တ္ထုတို့သည် သိပ္ပံဝတ္ထု၊ ရာဇ၀င်ဝတ္ထုသာ ဖြစ်သည်။

မည်သူကမျှ(ဤတွင် အသိဥာဏ်နုန့် နဲ့၍ အမြင် သိမ်နုပ် လှသော တွင်းထဲ ဖားအိုကြီးများကို ခြွင်းချန်ကာ) သိပ္ပံစာ၊ သမိုင်းစာဟု လက်ခံမည်မဟုတ်။ ၀တ္ထုကို ၀တ္ထုအနေနဲ့ မဖတ်နိုင်လျှင် မဖတ်ဘဲ နေတာက ကောင်းမည်ဟုဆိုသော စကားကဲ့ သို့ပင်။ ရာဇ၀င်ဝတ္ထု တစ်ပုဒ်ကို ကျမ်းအဆူဆူနှင့် ညှိပြရန် မလို။ ကမ္ဘာပေါ်တွင် ခွေးပစ်သော တုတ်အမြင့်လောက် ဥာဏ်ရည် ဥာဏ်သွေး ရှိသူတိုင်း Science fiction, Historical fiction ဆိုသည်မှာ ဘာလဲ ဆိုသည်ကို သိကြသည်။ မလိုအပ်သော စံများဖြင့် ကိုယ်ရည်သွေးကာ ကိုယ့်ဘာသာကိုယ် ပညာရှိ လုပ်ပြရင်း ကြားဖူးနားဝ ကလေးများကို အခြေခံ၍ ဣသာ မစ္ဆရိယဖြင့် တောရေးတောင်ရေး မရေးကြ။ စင်စစ် မြန်မာစာပေ လောကတွင် အနုပညာ၊ ရသပညာ၊ ကိုယ်ကျင့်တရား၊ ကိုယ်ကျင့် တရားပညာတို့၏ အခြေခံများကိုမျှ ကွဲကွဲပြားပြား မသိသေး သည့် မောင်မစ္စကများ ထင်ရာ ရေးနေကြသည်မှာ များလွန်းလှသည်။ ထိုအရေးအသားမျိုး များသည် လူမျိုး(နှင့်၊ လူမျိုးစုများ ကို အခြေခံပြုသော နိုင်ငံတော်)၏ သိက္ခာကို ထိပါး၍ သိမ်ငယ် စေတတ်သည်။ ထိုထိုသော အရေးအသားမျိုးများကို သက်ဆိုင်ရာတို့က ဂရုဓမ္မ စိုက်ကာ ဖတ်ရှုစိစစ်ရင်း ထိန်းကွပ်ကြပ်ညှပ် ပေးသင့်လှပေသည်။



မြင့်သန်း

သြဂုတ် 2010 ထုတ် ရွှေအမြူတေ မဂ္ဂဇင်းပါ ဆောင်းပါးအား ပြန်လည် စုစည်းထားခြင်း ဖြစ်သည်။

Featured Post

ကဗျာအဖြစ် ရေးထားတဲ့ နိုင်ငံရေးနဲ့ နိုင်ငံရေးကဗျာ

လန်းပန်ဘက်ဆီကပြန်တော့ ဖတ်စရာတွေ တွေးစရာတွေ ပါလာတယ်။ အမှန်မှာတော့ အဲဒီမှာ တွေ့ခဲ့တဲ့ ဆရာကြီးရဲ့ကျေးဇူးပဲ။ သူနဲ့က အဲဒီကျမှ တွေ့ရသိရတာ။...