Posts

Showing posts from August, 2010

အနုပညာ၊ ရသပညာ၊ ကိုယ်ကျင့်တရားနှင့် တန်ဖိုး

အနုပညာသည် ယေဘုယျ သဘောကို ဆောင်၍ သုံးနှုန်း ထားသော အသုံးအနှုန်း တစ်ခုဖြစ်သည်။ ထိုမျှမကသေး။

အနုပညာသည် ကြီးမား ကျယ်ပြန့်သော မျိုးတူစုကြီးတစ်ခု ဖြစ်သည်။ ထိုမျိုးတူစုကြီး အောက်တွင် အနက် အများအပြား ဖော်ထုတ်ပြ၍ လည်းကောင်း၊ ရည်ညွှန်းပုံဖော် ပြသ၍ လည်းကောင်း အနုပညာ ဆိုသည်ကို ပြဆိုနိုင်ကြသည်။ ဥပမာ အနုပညာ ဟူသော အသုံးအနှုန်း၏ အောက်တွင် ပန်းချီ၊ ပန်းပု၊ အက၊ သဘင်... စသည်များကို ရည်ညွှန်း၍ လည်းကောင်း၊ မြန်မာတို့၏ အနုပညာ၊ တရုတ်တို့၏ အနုပညာ... စသည်ကို ရည်ညွှန်း၍ လည်းကောင်း သုံးစွဲလေ့ ရှိကြသည်။ ကျယ်ပြန့် ကြီးမားသော မျိုးတူစုကြီး ဖြစ်သော“အနုပညာ” ၏အောက်၌ ပိုမို ကျဉ်းမြောင်းသော (သီးခြား သဘောကို ဆောင်သော) အနေအထား တစ်ရပ်အဖြစ် ပန်းချီ အနုပညာ၊ ပန်းပု အနုပညာ၊ ... စသည်ဖြင့် ၀ိသေသပြုကာ ရည်ညွှန်း ခေါ်ဆို နိုင်ကြသေးသည်။

သို့ရာတွင် မဖွယ်မရာ အနက်မျိုးကား မဖော်သင့်။ မဖော်သင့်ဟု ဆိုရသော်လည်း မဖော်ရဟု မဆိုနိုင်။ စနစ်တကျ အသိပညာ အရာတွင် နွမ်းပါးခဲ့သော လူအန္ဓတို့တွင် စည်းမရှိ။ မိမိ၏ အကျိုးစီးပွား တစ်ခုကိုသာ ကြည့်ကာ ထင်ရာတွေးပြော၊ သောသောညံ ဖြစ်လာအောင် လုပ်တတ်လေ့ ရှိသည်။ ထိုသန္ဓေ ရှိသူမျိုးကို တားထား၍ မရနိုင်။ ထိုသူတို့၏ တစ်ခုတည်းသော …