February 29, 2012

မျှော်လင့်ခြင်း ဆောင်းရာသီ

အိပ်မက်သည်သူ
သူသည် အသက်ဖြစ်စေ
ဆောင်းနှောင်းလျှင် နွေဦး၏။
နွေဦး၌ နှင်းကြွင်းသည်။
နှင်းကြွင်းပြယ်သော်လည်း
သစ္စာကြွင်းစေ။
မြတ်နိုးခြင်း ကြွင်းစေ။

(သျှပ်မှူးကျော်)



တံစက်မြိတ်က ရေတပေါက်ပေါက်သံကြား၍ ပြတင်းပေါက် ထဖွင့်ကြည့်မှ မိုးရွာနေမှန်းသိသည်။ ဆောင်းရာသီက ရုတ်တရက် ကျွန်တော့်ရင်ထဲက ထွက်ခွာပြီလား။ မြောက်ပြန်လေ၏ နောက်ဆုံးလက်ကျန်မို့ထင်၊ ခြေဖျားလက်ဖျားတွေ အေးစက်လာသည်။ ရင်ထဲမှာ ငြိတွယ်ဆဲ ဆောင်းဥတု၏ အအေးဓာတ်ကို အနွေးထည် ခပ်ပါးပါးဖြင့် တွယ်ဖက်ထားသော ကျွန်တော့်အဖြစ်ဟာ ဘာကြောင့်ပါလဲ ဝေခွဲမရနိုင်သေးပါ။ လမ်းမဖက်ဆီမှ သွားလာလှုပ်ရှားနေကြသော လူများအကြောင်းကို ကျွန်တော် မတွေးတောနိုင်တော့ပါ။ လွန်ခဲ့သည့် ညဦးက ဖတ်ခဲ့ရသော စာတစ်စောင်က ကျွန်တော့်အလုံးစုံကို ဖျက်သိမ်းခဲ့လေသလား။ ဆောင်းရာသီနှင့်အတူ ဆုတ်ခွာစပြုပြီဖြစ်သော သူ၏ အေးစက်မှုများက ကျွန်တော့်ကို ပူလောင်စေခဲ့ပါသလား။
လွန်ခဲ့သော နေ့ရက်များကတည်းက တိုက်ခတ်လှုပ်ရှားပွေလီနေသော နွေဦး၏ လေရူးသည် ကျွန်တော့်အား စိတ်နောက်စေခဲ့ပြီ။ ဘာပဲဖြစ်ဖြစ် ဆောင်းရာသီက ကတိတည်ပါသည်။ ပူလောင်လှသော နွေရာသီ၏ နေ့ရက်များထဲ အတင်းအဓမ္မ(ရူးရူးမိုက်မိုက်) တိုးဝင်နေရာမယူခဲ့ပါ။  မည်သူသည် ပူပြင်းခြောက်သွေ့သော နွေရက်များအား တပ်မက်နိုင်ပါမည်လဲ။ သူ၏ တဒင်္ဂ ဆောင်းအိပ်မက်များ တရေးနိုးခဲ့ပါပြီလား။  
ဆောင်းရာသီဟာ မနက်ခင်းရွာချလိုက်တဲ့မိုးနဲ့အတူ၊ စာတစ်စောင်နဲ့အတူ ထွက်ပြေးသွားပြီ ထင်သည်.။ မြတ်နိုးတွယ်တာမိသူ တစ်ယောက်အား ကျီစယ်သလိုနှင့် အတည်ပေါက် ရွာချလိုက်တဲ့မိုးကြောင့် လွမ်းတမ်းတခြင်းများ ရွှဲရွှဲစိုပါပြီ။ ပြန်မှလာပါတော့မလား။ လွမ်းအောင် ဖန်ခဲ့လေပြီ.။ ကျွမ်းအောင် စေခဲ့လေပြီ။ ဆွေးမြေ့စေသော အရာအားလုံးဟာ အဝေးမှာ ကျန်ခဲ့သူ ကျွန်တော့်အဖို့သာ ဖြစ်ပါစေ။
          နွေဦးဟာ ကျွန်တော့်တစ်ယောက်တည်းအတွက် ရောက်ရှိလာသည် ထင်ပါသည်။ ကျွန်တော့်ပတ်ဝန်းကျင်မှ သစ်ပင်များအားလုံး အရွက်စိမ်းစိမ်း မရှိတော့။ ရိုးတံကျဲကျဲနှင့် သစ်ခြောက်ပင်များက လေရူးတိုက်တိုင်း ကျွန်တော့်အား လှောင်ပြောင်သရော်နေသည် ထင်မိသည်။
          နေရထိုင်ရ သိပ်ခက်၍ မနက်စောစော လမ်းလျှောက်ထွက်လာသော ကျွန်တော့်ခြေလှမ်းများ ဘယ်ဆီဘယ်ဝယ်။ ဒီမြို့မှာ အလွမ်းပြေသွားရောက်ကြည့်ရှုစရာ တစ်နေရာမှ ရှိမနေခဲ့ပါ။ လွမ်းဆွတ်ဆွေးမြေ့သော စိတ်ကသာ ရာသီဥတုနဲ့အတူ မှုန်မှိုင်းနေခဲ့ပါပြီ။
          အခြားသူများအတွက် ပျော်ရွှင်စရာ နွေဦးဖြစ်ကောင်းဖြစ်စေလိမ့်မည်ဖြစ်သော်လည်း  ကျွန်တော့်အတွက်တော့ မျှော်လင့်စရာများ မရှိတော့ပါ.။ ပူပင်ကြောင့်ကျမှုများ ရောပြွမ်းနေသော နွေရာသီ၏ တင်ကူးနှုတ်ဆက်ခြင်းအား  မည်သို့များ ပြန်လည်လက်ဆွဲနှုတ်ဆက်နိုင်ပါမည်လဲ.။ ကျွန်တော်မေ့လျော့ထားသော  ပျင်းရိခြောက်သွေ့ဖွယ်နွေရာသီဟာ  စာတစ်စောင်နဲ့အတူ တပ်လှန့်သတိပေးခံလိုက်ရပါသည်။ မိမိကိုယ်မိမိ အပြစ်တင်ဖို့သာ ကောင်းပါသည်။
          သူ၏ အနာဂတ်အိပ်မက်များထဲ ပူလောင်လှတဲ့ရာသီတစ်ခု ထည့်တွက်မထားတာ သေချာပြီထင်ပါသည်။ နောက်ဆုံးတော့ နွေရာသီဟာ ရောက်ရှိလာပါပြီ.။ လွမ်း၍ ကျန်နေရစ်ခဲ့ရသော ကျွန်တော့်အဖြစ်သာ ကျွန်တော့်ရပ်တည်ရာဖြစ်ပါသည်.။ အဝေးတနေရာမှာ အသားကျစပြုပြီဖြစ်သော သူသာလျှင် ................။

          မြတ်နိုးလှစွာသော ဆောင်းရာသီ အမြန် ပြန်လည်ရောက်ရှိလာပါစေဟု ရင်ထဲမှာ မျှော်လင့်နေမိသည် ဆိုလျှင် ကျွန်တော်ဟာ ရူးမိုက်ရာကျလေဦးမည်လား။

တေဇာအောင်
၁.၃.၂၀၁၂

Featured Post

ကဗျာအဖြစ် ရေးထားတဲ့ နိုင်ငံရေးနဲ့ နိုင်ငံရေးကဗျာ

လန်းပန်ဘက်ဆီကပြန်တော့ ဖတ်စရာတွေ တွေးစရာတွေ ပါလာတယ်။ အမှန်မှာတော့ အဲဒီမှာ တွေ့ခဲ့တဲ့ ဆရာကြီးရဲ့ကျေးဇူးပဲ။ သူနဲ့က အဲဒီကျမှ တွေ့ရသိရတာ။...