March 19, 2012

လူတစ်ယောက်၏ ကန့်သတ်မဲ့ဇုံ


ည သန်းခေါင်ယံရဲ့ တိတ်ဆိတ်ခြင်းထဲ ဆိတ်ငြိမ်စွာ အထီးတည်း ထိုင်နေမိတယ်။ အဝေးဆီက ဘာသံမှန်း မမှန်းဆနိုင်တဲ့ သိုးသဲ့သဲ့အသံတချို့နဲ့ လမ်းမကြီးဖက်ဆီက ရံဖန်ရံခါ ဖြတ်သွားဖြတ်လာအသံတချို့ဟာ ညရဲ့ တိတ်ဆိတ်ငြိမ်သက်နေခြင်းကို ထွေထွေထူးထူး အနှောင့်အယှက်မဖြစ်စေနိုင်ဘူး။ ပြတင်းပေါက်က ခန်းဆီးကိုတောင် လေပြေလေညှင်းတိုးတိုက်နေတဲ့ အရိပ်အယောင်မမြင်တွေ့မိ။ လေညှင်းကလေးတွေလည်း အိပ်စက်နေကြသလားလို့တောင် တွေးမိသေးတယ်။ အလုံးစုံ ငြိမ်သက်ခြင်းထဲမှာ  ကျွန်တော့်စိတ်ဟာ ကျွန်တော့်အတိတ်နဲ့ ပစ္စုပ္ပန်ကာလအပိုင်းအခြားရဲ့ ဖြစ်တည်နေရခြင်းအတွင်း လူးလာခေါက်တုံ့နဲ့ ဝဲလှည့်နေမိတယ်။ ကာလတရားရဲ့ ဘောင်ခတ်ထားခြင်းကို ခံထားရတဲ့ ကျွန်တော့်စိတ်တွေက (မလှုပ်မရှား) တိတ်ဆိတ်ငြိမ်သက်နေတဲ့ ညသန်းခေါင်ယံထဲ အဖြစ်အပျက်၊ အကြောင်းအရာတော်တော်များများဆီ တို့ထိ ရုန်းကန်နေမိသလိုမျိုး။  အခုအချိန်မှာ ကျွန်တော်နဲ့ ပတ်သတ်ဆက်စပ်နေတဲ့ အရာအားလုံးဟာ ကျွန်တော့်ကို ငြိတွယ်ရစ်ပတ်နေကြတယ်။ ဒီတော့ တိတ်ဆိတ်စွာ အထီးတည်းရှိနေတဲ့ ကျွန်တော့်မှာ တိတ်ဆိတ်ငြိမ်သက်နေတဲ့ ညဟာ အကောင်းဆုံးအဖော်ပဲ မဟုတ်လား။ ညရဲ့ သဘာဝနဲ့ ကျွန်တော့်ရဲ့ ကြားက အပြန်အလှန်တည်ရှိနေကြခြင်းဟာ ဆိတ်ငြိမ်ခြင်းအတွင်းမှာ အမှန်တရားတစ်ခုအဖြစ် ခုချိန်မှာ လက်သင့်ခံထားစရာပဲ။
          ဒီတော့ ခုချိန်မှာ ကျွန်တော့်အတွက် ညရဲ့ တိတ်ဆိတ်ခြင်းဟာ နှစ်လိုစရာပဲ။ အရင်က အိပ်စက်နေခြင်းနဲ့ ကုန်လွန်စေခဲ့တဲ့  ပြန်မရနိုင်တော့တဲ့ အခြားသော ညတွေအတွက် ကျွန်တော်ဟာ ပူဆွေးဝမ်းနည်းဖို့တော့လည်း မသင့်ဘူး။ ဒီအတွက် စိတ်ထိခိုက်စရာလည်း မရှိဘူး။ ပြီးဆုံးခဲ့တဲ့ ညတွေထဲ တချို့ညတွေမှာ စာကို စိတ်ဝင်တစား ထိုင်ဖတ်နေမိခဲ့ရင်း ညရဲ့ လှပနှစ်လိုစရာကောင်းတဲ့ တိတ်ဆိတ်ခြင်းကို သတိမမူမိခဲ့တာတွေ၊ သူငယ်ချင်းမိတ်ဆွေတွေနဲ့ စကားထိုင်ပြောနေရင်း ကျော်လွန်ခဲ့တာတွေ၊ အများအားဖြင့် အိပ်စက်နေလိုက်မိခဲ့ခြင်းတွေအတွက် ကျွန်တော့်မှာ ဘာခံစားချက်မှ မဖြစ်စေဘူး။ တကယ်တော့ ညဟာ ညပဲ။ မှောင်မိုက်တိတ်ဆိတ်နေတဲ့ ည၊ ရောင်စုံမီးလုံးတွေနဲ့ ပွဲတော်တွေ ခင်းကျင်းထားတဲ့ ည ဒါပဲ ကွာမှာ။ သဘာဝ ညရဲ့ အမှန်တရားဟာ ဘယ်အရာကိုမှ အပိုအလိုမရှိစေနိုင်ဘူး။ လူတွေကို ဖြားယောင်းဖို့အတွက် သဘာဝမှာ အခွင့်မရှိဘူး။ ကိန်းကြီးခမ်းကြီးနိုင်တဲ့ လူတွေရဲ့ စိတ်ကူးကသာ သဘာဝကို အရောင်ပြောင်းစေမှာ။ ခုချိန် ကျွန်တော့်မှာ ဝေဒနာတစုံတရာ ရှိမနေဘူး။ အရိပ်ကို အရောင်ထင်စေခဲ့တဲ့ ကျွန်တော့်သိစိတ်ရဲ့ စေတသိတ်အားလုံးမှာ ဝေဒနာကင်းမဲ့ရာ လေဟာနယ်ဗလာတွေ ဖြစ်နေတယ်လို့ ထင်မိတယ်။ ဒါပေမယ့် ကျွန်တော်ဟာ တိတ်ဆိတ်ငြိမ်သက်နေခြင်းအတွင်းကို ထွေးရောယှက်တင်နဲ့ သဟဇာတဖြစ်ဖို့ ကျွန်တော့်ကိုယ် ကျွန်တော် လှုံ့ဆော်နေမိတယ်။ ဒီလိုပဲ၊ ကျွန်တော် နှစ်လိုမိတဲ့ ညထဲကို  စိတ်အလိုလိုက်ပြီး နေထိုင်နေမိတဲ့ ကျွန်တော်ဟာ  အတိတ်နဲ့ ပစ္စုပ္ပန်က အတွေ့အကြုံ၊ အဖြစ်အပျက်များကနေ ရုန်းထွက်လွတ်မြောက်ဖို့ မလွယ်ကူနိုင်တော့ဘူး။ ကျွန်တော်စိတ်အတွင်းက ဖြန့်ထွက်နေတဲ့ စိတ်အတွေးတွေက ဝေဒနာတစုံတရာကို နှိုးဆွပေးစေရုံလား၊ ပြီးတော့ ဒါဟာ ဦးတည်ချက်မဲ့စွာနဲ့ လှုပ်ရှားနေစေရုံလားဆိုတာ ကျွန်တော့်အတွက် စဉ်းစားနေဖို့ မလိုဘူးထင်တယ်။ ဘာပဲဖြစ်ဖြစ် ခုတော့ ကျွန်တော်ဟာ ညသန်းခေါင်းယံရဲ့ တိတ်ဆိတ်ငြိမ်သက်ခြင်းထဲမှာ  ဆိတ်ငြိမ်စွာ အထီးတည်း ထိုင်နေမိတယ်။
          တကယ်တမ်းဆို ဒီလိုအချိန်မျိူးမှာ ကျွန်တော်ဟာ (စိတ်ပါပါ၊ မပါပါ) စာအုပ်တစ်အုပ်ကို တာဝန်တစ်ခုလို ထိုင်ဖတ်နေတာမျိုးဖြစ်ဖြစ်၊ အိပ်စက်နေလိုက်တာမျိုးနဲ့ ဖြစ်ဖြစ် ကုန်ဆုံးစေလိုက်လည်း ရမှာပဲ။ ဒါပေမယ့် ဒီလိုညမျိုး ရှိခဲ့ဖူးတယ်ဆိုတာတော့ ခုလို လက်တွေ့ကြုံမှ သိနိုင်မှာ။ မကြုံဖူးခဲ့တဲ့ ဒီလိုညမျိုးအကြောင်းကို အရင်က မစဉ်းစားနိုင်ဘူး။ ကြားဖူးနားဝ ပြီးတော့ ဖတ်ခဲ့ဖူးတဲ့ စာအုပ်တွေထဲက ညရဲ့ နှစ်လိုစရာကောင်းတာမျိုးဟာ အရင်တုန်းကဆို ဝေဒနာတစ်ခုခု၊ အရသာတစ်ခုခုကို မဖြစ်စေခဲ့သလိုပဲ။ ဒီအတွက်  ကျွန်တော့်မှာ အတွေ့အကြုံသစ်တစ်ခုတိုးလာတယ်လို့ စဉ်းစားမိတယ်။ ပြီးတော့ ညထဲက တိတ်ဆိတ်နေခြင်းကို တွယ်တာလာမိတယ်။ ညထဲမှာ ညရှိတယ်။ ကျွန်တော့်အတွင်းမှာ ကျွန်တော်ဟာ ပီပီသသရှိလာတယ်။ နေ့တဓူဝ ကိစ္စပေါင်းစုံနဲ့ မေ့မေ့လျော့လျော့(သာမန်ကာ လျှံကာ) ပြေးလွှားနေခဲ့ရတဲ့ ကျွန်တော်ဟာ  အခြားသောအချိန်တွေမှာ လူတွေကြားထဲ ပျောက်ဆုံးနေခဲ့ရပြီး ခုမှ ကျွန်တော့်ကိုယ် ကျွန်တော် တွေ့ရှိလာရသလိုပဲ လို့ ထင်မြင်လာမိတယ်။  ညထဲမှာ အပြည့်အဝရှိနေတဲ့ တိတ်ဆိတ်နေခြင်းဟာ ကျွန်တော်တစ်ယောက်တည်းအတွက်ပဲ။ တခြားဘယ်သူ့ကိုမှ ခွဲပေးစရာမလိုဘူး။
         
 ကျွန်တော် ဆယ်တန်း၊ ဘော်ဒါမှာ နေတုန်းက ညဘက်မအိပ်အောင်ဆိုပြီး  အဆောင်ဘေးက လ္ဘက်ရည်ဆိုင်မှာ ညဘက်ဆိုင်သိမ်းလို့ ကျန်နေတဲ့  အကျရည်နှပ်ထားတဲ့အိုးထဲက အဖန်ရေတွေကို ခဏခဏ တောင်းသောက်ဖူးတယ်။ ဒါပေမယ့် အခန်းဖော်နဲ့ စကားပြောလိုက်၊ အဆောင်ကဆရာ အိပ်ခိုင်းတာနဲ့ အိပ်လိုက်ရတာပဲ များတယ်။ ဒီတုန်းကလည်း မအိပ်ဖြစ်ရင်တောင်  ကျွန်တော့်မှာ ခုလိုမျိုး တွေးမိမှာမဟုတ်ဘူး။ ခု ကျွန်တော် တွေးတယ်ဆိုတာကလည်း  အကျိုးတစုံတရာအတွက် စိတ်ကူးယဉ်စရာ၊ မျှော်လင့်စရာ ရှိမနေဘူး။ ညရဲ့ ဖြစ်နေခြင်းထဲက  အခါကာလကို ကျွန်တော့်နှစ်လိုမှုအတွက် လိုလိုချင်ချင် ထိုင်နေမိတယ်။ အိပ်မနေဘဲ ထိုင်နေတယ်ဆိုကတည်းက စိတ်ကလည်း မငြိမ်ဘူး။ စိတ် မငြိမ်တာကတော့ ချောင်နေလို့ မဟုတ်သေးဘူး။ ရေရေရာရာမဟုတ်တောင် အသက်အရွယ်ကလေး ရလာတော့ ပြောစရာ၊ စဉ်းစားစရာ၊ တွေးတောစရာတွေ များလာတယ်။ ဒါပေမယ့် တစ်ယောက်တည်း တိတ်တိတ်ဆိတ်ဆိတ် ထိုင်နေရတာ ကြာလာတော့လည်း ကျွန်တော့်အဖြစ်ကို ငြီးငွေ့စပြုလာတယ်။  ကျွန်တော့်အတွက် ညထဲကို ဒီလောက်အထိ ဝင်လာခဲ့ပြီးမှတော့ လမ်းခုလတ်မှာတင် ရပ်မပစ်လိုက်ချင်တော့ဘူး။ ခုချိန်ကြီး စကားပြောစရာလည်း လူတစ်ယောက်မှ ရှိမနေဘူး။ ဒီတော့လည်း ကျွန်တော့်အတွက် တောင်တွေးမြောက်တွေး တွေးရင်တွေး၊ စာဖတ်ရင်ဖတ်၊ ရေးရင်ရေး၊ ဒါပဲ ရှိတာကိုး။
         
 ဒီလောက် တိတ်ဆိတ်ငြိမ်သက်လှတဲ့ ညကြီးထဲမှာ  အာရုံဝင်စားလို့ မရနိုင်တဲ့ စာတွေတော့ မဖတ်ချင်ဘူး။ ဘယ်သူကမှ ရိုက်နှက်ဖတ်ခိုင်းခဲ့တာမဟုတ်ပေမယ့်  ခုချိန်မှာ ကျွန်တော် စာအုပ်တွေကို စိတ်ကုန်နေမိတယ်။ ဖတ်ချင်လွန်းလို့ ဝယ်ဖြစ်ခဲ့တဲ့ စာအုပ်တွေလည်း ကုတင်အောက်မှာ ဖုန်တက်နေပြီ။ ကျွန်တော်ကြိုက်တဲ့ အရေးအသားတွေကို ရေးတဲ့ စာရေးဆရာရဲ့ စာအုပ်လည်း မဖတ်နိုင်ဘူး။ ဆောင်းပါးအတိုအထွာလေးဖတ်ဖို့တောင် မနည်းအားထုတ်နေရတယ်။ ဒီတော့လည်း တချိန်တုန်းက စာအုပ်တွေကို သည်းသည်းမည်းမည်း ဖတ်ခဲ့တယ်ဆိုတာတောင် ဟုတ်ခဲ့ရဲ့လား လို့ ကျွန်တော့်ကိုယ် ကျွန်တော် ပြန်မေးရမလိုပဲ။  တကယ်တမ်းလည်း တိတ်ဆိတ်တဲ့ ညထဲမှာ ငြိမ်ငြိမ်သက်သက် ထိုင်နေတာဟာ  ဘာမှမလုပ်ဖို့လားလို့ တွေးမိတယ်။ ဘာမှ မလုပ်ဖို့၊ ဘာအကြောင်းမှ မတွေးမိဖို့ ဆိုတာတော့ တော်တော်မလွယ်တဲ့ ကိစ္စပဲ။ ကျွန်တော့်မှာ ခံစားမှုတစုံတရာက တစ်ခုခုအတွက် စေ့ဆော်နေသလိုပဲ။
          ဘာမှ မလုပ်လို့ကတော့ ဘာမှဖြစ်လာမှာမဟုတ်ဘူး။ ဘာမှမဖြစ်တာကြီးကို ဖက်တွယ်နေလို့ကတော့ဖြင့် အဲဒါကြီးနဲ့သာ နေခဲ့တော့ဆိုပြီး ထားသွားမှာ။ နေခဲ့ရမှာ။  ရေရေရာရာမရှိလှတဲ့ အခြေအနေမျိုးကို ဒရွတ်တိုက်ဆွဲခေါ်ဖို့ အခြားတစ်ဖက်မှာ အားတစ်ခု ရှိမှဖြစ်မှာ။ ဒါကတော့ ကျွန်တော် သေသေချာချာမသိလွန်းလို့ အရှည်အကျယ် မတွေးနိုင်ဘူး။ မဖြစ်သေးတဲ့ ကိစ္စတစ်ခုအတွက် ကြိုတင်အကွက်ကျကျ စဉ်းစားတတ်ဖို့ဆိုတာ ကျွန်တော့်အတွက် မဟုတ်ဘူး။ ဒီအတွက် ခုချိန်မှာ ကျွန်တော် မစဉ်းစားနိုင်ဘူး။ တစ်ယောက်တည်း ရှိနေတဲ့ အချိန်မှာ တွေးမိတဲ့ အကြောင်းအရာတွေဟာ သိပ်တော့လည်း မထူးဆန်းလှဘူး။ 
          လူဆိုတာ တိတ်ဆိတ်ငြိမ်သက်ခြင်းအတွင်းမှာ အချိန်အတော်ကြာ အထီးတည်း မရပ်တည်နိုင်ဘူးထင်တယ်။  အာရုံမပျံ့လွင့်အောင် ကြိုးစားနေနေရင်းနဲ့  ဝိုးတဝါးအတွေးတွေဟာ လက်တွေ့ဘဝဆီ ချဉ်းကပ်လာနေတယ်။ ကျွန်တော့်အတွက်ချည်းပဲလို့ ထင်ခဲ့တဲ့ သန်းခေါင်ယံထဲက တိတ်ဆိတ်ငြိမ်သက်ခြင်းဟာ  အာရုဏ်ဦးဆီကို ရောက်လုနေပြီ။  ကျွန်တော် တိုးဝင်ထွက်ပြေးခဲ့တဲ့  နှစ်လိုဖွယ်ရာ ညဟာ ကျွန်တော့်လက်တွေ့ဘဝဆီကိုပဲ တွန်းပို့ခဲ့တယ်။ ခုချိန် ကျွန်တော့်လက်တွေ့ဘဝဟာ ယုံကြည်ချင်စရာမကောင်းဘူး။ ဘယ်လောက် နှစ်လိုတပ်မက်ဖွယ်ရာ အပြည့်နဲ့ ညဖြစ်ပါစေ၊ ညကို ညအတိုင်းထားခဲ့ရင်  ကျွန်တော်ဟာ အချိန်တိုင်းမှာ ကျေနပ်နေနိုင်မှာပဲ။ သဘာဝတရားဟာ ကျွန်တော့်ဆီက ဘာမှမတောင်းဆိုခဲ့ဘူး။ ပြီးပြည့်စုံနေတဲ့ သဘာဝထဲကို ကျွန်တော့်ကိုယ် ကျွန်တော် ပေါင်းထည့်ဖို့ ကြိုးစားခဲ့မိတာ။ လူတစ်ယောက်ရဲ့ မှားယွင်းမှုဟာ သဘာဝပဲလို့ ပြောဖို့ ကျွန်တော် ဆွံ့အနေမိတယ်။
          အခုတော့ တိတ်ဆိတ်နေတယ်ဆိုတဲ့ ညထဲက အထီးတည်းရှိနေတဲ့ လူတစ်ယောက်အဖြစ်ဟာ ပြီးဆုံးသွားပြီ။ နေ့နေ့ညည ကာလတရားက မရပ်မနား ခရီးဆက်ထွက်နေတယ်။  ဒီအတောအတွင်း အရာအားလုံးဟာ လူတစ်ဦးတစ်ယောက်စီ အတွက်ချည်းပဲ။  ကာလတရားနဲ့ လိုက်ပါနေနိုင်ဖို့တော့  ကိုယ်စီကိုယ်စီ အားထုတ်မှုတွေနဲ့ ဆိုင်မှာ။  လက်တွေ့ကျတဲ့ အသက်ရှင်ရပ်တည်နေနိုင်ခြင်းမျိုးကိုသာ ယုံကြည်သူအဖို့  နေ့ဟာ နေ့၊ ညဟာ ညပဲ။  ဘာမှ စိတ်ကူးယဉ်စရာ မရှိဘူး။ အကောင်အထည်မပေါ်တဲ့ အတွေးမျိုးကို မတွေးဘူး။ မဆွေးဘူး။ မရေးဘူး။ လက်တွေ့ကျတဲ့ လူဆိုတာ စာဖတ်တယ်ဆိုတာ ဆေးညွှန်းတောင် မဖြစ်သာလို့ ဖတ်လိုက်ရတဲ့ လူမျိုး။
          ကျွန်တော့်အတွက်တော့ ခုနေ တွေးမိတာတွေ တခန်းရပ်ကုန်ပြီ။ အထီးတည်း ရှိနေရတဲ့အဖြစ်ကို လက်မခံနိုင်စရာ မရှိဘူး။  ဒီအချိန်မှာ ကျွန်တော့်အခြေအနေဟာ အဖြေပဲထင်တယ်။ ညရဲ့ နှစ်သက်စရာအဖြစ်ကို ဖန်တီးယူခဲ့တဲ့ ကျွန်တော့် တဒင်္ဂစိတ်ကူးတွေက  ဘယ်သူ့ကိုမှ မထိခိုက်စေဘဲ  ကျေနပ်စရာကောင်းခဲ့တယ် ထင်တယ်။  ကျွန်တော်ဟာ လက်တွေ့ကျတဲ့လူ မဟုတ်ပေမယ့် စာမဖတ်နိုင်ခဲ့ဘူး။  ဒါပေမယ့် ပြီးသွားခဲ့တဲ့ ကာလတရားလေးမှာတင် ကျွန်တော်ဟာ အတွေးတချို့(တိတ်ဆိတ်ငြိမ်သက်နေခြင်း)နဲ့ ရှင်သန်ဖြစ်တည်နေခဲ့တယ်။ ကျွန်တော်နဲ့  တစ်ညဉ့်တာ အတူရှိခဲ့တဲ့ နှစ်သက်စရာ ညရဲ့ တိတ်ဆိတ်ငြိမ်သက်နေခြင်းအကြောင်းကို  ကျွန်တော်ဟာ အရိုးသားဆုံး မှတ်တမ်းတင်ထားဖို့ လိုလိမ့်မယ်။  အဲဒီအတွက် ဒီနေရာမှာ ဘယ်သူမှ ဆူညံစေသောအသံများ မပြုလုပ်ကြပါရန်။

တေဇာအောင်
20.03.2012

March 12, 2012

အထီးကျန် အနာတရ


နွေနေ့လည်ခင်းမို့ ပျင်းတယ်။ တကယ်က ပျင်းတယ်ဆိုရာမှာ အကြောင်းအရာမယ်မယ်ရရ မရှိသလိုပဲ။ နွေနေ့လည်မို့၊ မိုးစွတ်စွတ်မို့၊ ဆောင်းတွင်းကြီးမို့ဆိုတာ အကြောင်းရှာတာလို့ ပြောလည်း ဖြစ်မှာပဲ။ လုပ်စရာကိုင်စရာနည်းပါးတဲ့ ဒီလိုနေ့မျိုးဟာ ကျွန်တော့်အတွက် ကျေနပ်စရာနေ့လည်ခင်းမဟုတ်တာတော့ သေချာတယ်။  ခုချိန်ဟာ အခြားသူတွေအတွက် သာတောင့်သာယာ နွေဦးရာသီ ဖြစ်ချင်ဖြစ်နိုင်သေးတယ်။ ကျွန်တော့်ရွာမှာဆိုရင်တော့ ဘုန်းကြီးဦးဝိမလကျောင်းက သစ်ပင်အရိပ်ကောင်းကောင်းအောက်မှာ ယပ်ခတ်ရင်း ဥသြသံလေး နားထောင်၊ ရွာထဲက ခွေးဟောင်သံ၊ ကြက်တွန်သံတွေတောင် ကြားရင် ကြားနေနိုင်သေးတယ်။ နေပူပူမှာ တောင်တောင်မြောက်မြောက် တွေးရင်းငေးရင်း ဆွေးနေနိုင်သေးတယ်။ ဆွေးတယ်ဆိုတာကတော့ ခုချိန်မှာ ကျွန်တော့်အတွက် လွမ်းချင် ဆွေးချင်သလိုဖြစ်နေမိလို့။ လွမ်းတဲ့ဆွေးတဲ့ ခံစားမှုဆိုတာ ဆင်ခြင်တုံတရားအပ ကလို့ ပြောကြတယ်။ ဆင်ခြင်တုံတရားအပ က ဝေဒနာတစ်ခုကို အစိုင်အခဲတစ်ခုလိုဖြစ်စေချင်တဲ့ စိတ်ဟာ တွယ်ရာမဲ့နေတဲ့ လူတစ်ယောက်ရဲ့ သဘောသဘာဝလို့ထင်တယ်။ အထင်ဆိုတာ လူတိုင်းမှာ ရှိစမြဲပဲ မဟုတ်လား။
   
 ပြောမယ့်သာပြောရတာ သူလည်း ကျွန်တော့်လို ဖြစ်ချင်ဖြစ်နေမှာ။ အလွန်ဝေးကွာတဲ့ နေရာဒေသနှစ်ခုက လူနှစ်ယောက်ရဲ့ စိတ်ထဲကအတွေ့အကြုံဟာ ကာလတရားတစ်ခုမှာ တိုက်ဆိုင်ချင် တိုက်ဆိုင်တတ်တယ်မဟုတ်လား။ ဒီလိုတွေးတာ သူ့အတွက်တော့ ရယ်စရာဖြစ်ချင်ဖြစ်မှာ။
   
 ဒီမှာတော့ လျှပ်စစ်မီးမလာဘူး။ လျှပ်စစ်မီးမလာတော့ ကွန်ပျူတာလည်း သုံးမရဘူး။ ဖတ်စရာရှိတဲ့ အီးဘွတ်ခ်တွေ မဖတ်ရဘူး။  သူ နောက်ဆုံးပို့ထားမယ့် အီးမေးလ်ထဲမှာ ဘာအကြောင်းရေးထားမယ်ဆိုတာတောင် မသိရဘူး။ လေအေးပေးစက်လည်း အလုပ်မလုပ်တော့ဘူး။ ဒီတော့လည်း ကျွန်တော်ပါ လုပ်စရာမရှိဖြစ်ရော။ လုပ်စရာမရှိလို့ လမ်းမဘက်ကိုများ ငေးမိရင် နေပူပူမှာ ဖုန်တလူလူနဲ့ ကားတွေ ဆိုင်ကယ်တွေ ပြေးလွှားနေတာပဲ မျက်စိနောက်အောင် မြင်ရမှာ။ ဒီမှာတော့ လျှပ်စစ်မီးမလာလည်း လူတွေကတော့ ပြေးလွှားနေကြရတာပါပဲလားလို့တောင် တွေးမိသေးတယ်။ တချို့လူတွေအတွက်တော့ လျှပ်စစ်မီးမလာရင် မီးစက်မောင်းလို့ရမှာပဲ။ ဒီတော့လည်း မီးပျက်တာ အရေးလုပ်စရာမဟုတ်လောက်ဘူး။  ကျွန်တော့်အတွက်တော့ ကိုယ်တတ်နိုင်တဲ့ကိစ္စမဟုတ်တဲ့အတွက် မြို့နယ်ဓာတ်အားဖြန့်ဖြူးရေးက လျှပ်စစ်မီးကို ထိုင်စောင့်ရုံပဲ။  ဒီတော့လည်း ကျွန်တော့်မှာ လုပ်စရာရယ်လို့ကို မရှိတော့ဘူး။
  
လွမ်းချင်ဆွေးချင်စိတ်ဟာ လုပ်စရာမရှိလို့တော့ရယ်လည်း မဟုတ်ဘူး။ ဒီလိုများပြောမိရင် သူက မျက်ခုံးတွန့်မှာ။ လွမ်းဆွေးချင်တာက သက်သက်၊ လျှပ်စစ်မီးမလာလို့ လုပ်စရာမရှိတော့တာက သက်သက် လို့ ခွဲပြောမှ။ မဟုတ်လို့ ရောပြောမိရင် အဓိပ္ပါယ်တလွဲသက်ရောက်ပြီး ဆိုလိုရင်းမရောက်ဘဲ နေလိမ့်မယ်။ အိုင်တီနည်းပညာတွေကိုခြောက်ခြားနိုင်တယ်ဆိုတဲ့ ဘယ်လောက်ခေတ်မီတဲ့ လူအဖွဲ့အစည်းဖြစ်ဖြစ် လျှပ်စစ်မီးမှ မလာရင် ဒါမှမဟုတ် မရရင် အလကားပဲ။ ဘယ်လောက်စေတနာတွေ အသင်္ချေ အနန္တနဲ့ ဖွံ့ဖြိုးစေချင်ပါတယ်၊ တိုးတက်စေချင်ပါတယ်၊ တခြားလူ့အဖွဲ့အစည်းတွေနဲ့ ရင်ဘောင်တန်းစေချင်ပါတယ် ပြောပြော ခုခေတ်အခြေအနေအရ အခြေခံလိုအပ်မှုတစ်ခုလို့ ပြောလို့ရတဲ့ လျှပ်စစ်မီးမှ ပုံမှန်မပေးနိုင်သေးရင် စကားဟာ စကားပဲ။ အဆန်မပါတဲ့ လေထဲမှာပျောက်သွားမယ့် လေထဲက ဗလာပဲ။ ဘာမှမပါတဲ့ဗလာဆိုမှတော့ ဘယ်မှာလာ အနှစ်သာရရှိလိမ့်မတုံး။ အနှစ်မပါတဲ့စကားဟာ ဆားမပါတဲ့ဟင်းလိုပဲလို့ နှိုင်းရင်တောင် ဆားမပါတဲ့ဟင်းဆိုတာက အပေါ့စားတဲ့သူ ဒါမှမဟုတ် သွေးတိုးသမားအတွက် အရသာရှိနေနိုင်သေးတယ်။ အနှစ်မပါတဲ့၊ လက်တွေ့မပါတဲ့ စကားကတော့ အရပ်တကာကြားကောင်းအောင် လေသံပစ်ပြတာမျိုး။ ရွာက အလှူမှာ ရွာဆော်က ဗျိုးဟစ်တာလောက်တောင် ကြားရတာအရသာ မရှိဘူး။ ဒီလိုစကားမျိုးက ကိုယ်ကျိုးအတွက် ဒါမှမဟုတ် ဝါသနာအလေ့အထုံအရ ပြောတဲ့ဗလာစကားပဲ။ ခွပ်လက်ချတဲ့ ကြက်ဖရဲ့ ဗလာချီပစ်ပြတာမျိုးပဲ။ အရာမဝင်လှသေးဘူး။ ဒီတော့လည်း အနှစ်မဲ့တဲ့စကားကိုပြောတဲ့ လူရဲ့ ပါးစပ်မှာ ရွှေကွပ်ထားတောင် ထွက်လာတဲ့လေဟာ ကျွန်တော့်အတွက် နံကောင်းနံနေနိုင်သေးတယ်။ ထားတော့။ နွေနေ့လည်ခင်းမို့ ပျင်းတယ်ဆိုတဲ့အထဲမှာ လျှပ်စစ်မီးမလာတာပါ ထည့်ချင်ရင်ထည့်လို့ရအောင်လို့ အကြောင်းရှာမိတာ။ လျှပ်စစ်မီးဘာကြောင့် မလာတယ်ဆိုတာ ကျွန်တော်မသိဘူး။ လျှပ်စစ်မီးပျက်သွားလို့ ဖုန်းတချက်ကောက်နှိပ်ပြီး အကြောင်းရင်းမေးရလောက်အောင်လည်း ကျွန်တော့်မှာ အရာမရောက်လှဘူး။ ဒီတော့လည်း မီးပျက်သွားတာ ဘာတတ်နိုင်မှာတုန်း။ ကိုယ်မတတ်နိုင်တဲ့ကိစ္စအတွက်  ထိုင်တွေးရရင် ဘာအဖြေမှထွက်လာလိမ့်မယ် မထင်ဘူး။
 
ဒီချိန် သူကတော့ အင်တာနက်ကနေ ဗီဒီယိုဇာတ်လမ်းတွဲတွေ ကြည့်ရင် ကြည့်နေမှာ။ လေအေးပေးစက်ကို အလောတော်ချိန်ညှိနေမှာ။ ဒါမှမဟုတ် တနေ့ဆီက ကျွန်တော်ပို့လိုက်တဲ့ စာအုပ်တွေ စိမ်ပြေနပြေဖတ်နေနိုင်မှာ။ အပူအပင်၊အကြောင့်အကျ၊ အလွမ်းအဆွေးရှိရင်တောင် သက်တောင့်သက်သာနဲ့ စဉ်းစားနေနိုင်မှာပဲ။ ကျွန်တော့်မှာတော့ သူ့ကို သတိရနေမိတယ်။ မတူညီတဲ့ဒေသနှစ်ခုက မတူညီတဲ့အခြေအနေနှစ်ခုကြားမှာ ကျွန်တော်နဲ့ သူ့ရဲ့ ဝေဒနာများဟာ တူညီနေနိုင်သလား လို့ လျှောက်စဉ်းစားနေမိသေးတယ်။  ဒီအကြောင်း သူ့ကိုများပြောမိရင် သူက နင် စိတ်ရောဂါကုဆရာဝန်နဲ့ ပြသင့်ပြီထင်တယ်လို့ ပြောဦးမလားမသိဘူး။  သူ ဒီစကားပြောတိုင်း ကျွန်တော်က ရူးနေတဲ့ လူတစ်ယောက် ဒါမှမဟုတ်  အသက် နှစ်ဆယ့်ခုနစ်နှစ်အရွယ် လူတစ်ယောက်ရဲ့ ချစ်ခြင်းတရားလို့ဆိုတဲ့ မြတ်နိုးတန်ဖိုးထားခြင်းဟာ စိတ်လှုပ်ရှားတုန်းခဏတာလေး မဟုတ်ပါဘူး။ သေသွားမယ့်အချိန်ထိ ရှိနေမယ့် မြတ်နိုးတန်ဖိုးထားမှု၊ သေရာပါမယ့် စွဲလန်းမှုမျိုးဆိုတာ ယုံကြည်လိုက်ပါလား လို့ ထပ်ပြောရဦးမှာ။ သူကတော့ ယုံတော့ယုံတယ်၊ ဒီစကားတွေက ဝတ္ထုထဲက စကားလုံးတွေလို့ ကျွန်တော့်စကားကို ချေမွပစ်လိုက်မှာ။ ဒီအခါ ကျွန်တော့်မှာ ပြန်ပြောစရာစကားမရှိ နှုတ်ဆိတ်သွားရော။ အနိုင်ရသွားသူ အပြုံးမျိုး ပြုံးနေမယ့် သူ့မျက်နှာကို ငေးမောကြည့်နေရမယ့် ကျွန်တော့်အဖြစ်သာ ကိုယ့်ကိုယ်ကိုကျေနပ်နေတဲ့ အရူးတစ်ယောက်လို။
 
တကယ်က ခုနေမှာ ဒါတွေက စိတ်ကူးကြည့်ရတာ။ ဖြစ်မလာနိုင်တဲ့ ကိစ္စတစ်ခုကို စိတ်ကူးနဲ့မြင်ယောင်ကြည့်ရင်း ကိုယ့်ဘာသာကျေနပ်မှုတစ်ခုကို မှန်းဆကြည့်ရတာ။ စိတ်ကူးစံအခြေခံထားတဲ့ အမှန်တရားဟာ လူတစ်ယောက်ကို  တဒင်္ဂဖြစ်ဖြစ် ကြည်နူးပျော်ရွှင်စေနိုင်တယ်မဟုတ်လား။ လက်တွေ့ဆီကို မရောက်လာနိုင်သေးတဲ့ သူနဲ့ ကျွန်တော့်ကြားမှာ အခြေအနေတွေ ခြားနားနေဆဲဆိုတာတော့ လက်ခံမိတယ်။ စိတ်ကူးဟာ လေထဲကစကားပဲလို့ သူ ယူဆထားရင်တော့  ကျွန်တော့်စိတ်ကူးတွေကို ဘယ်လိုများလုပ်ရပါလိမ့်။
လက်တွေ့မှာ ကျွန်တော်က ခေတ်မီတယ်ဆိုတဲ့ မြို့ကြီးပြကြီးရဲ့ အခန်းကျဉ်းလေးထဲမှာ။ နွေနေပူပူမှာ ဟိုဟိုဒီဒီသွားပြီး ငေးချင်ကြည့်ချင်တာတောင် မလုပ်နိုင်ဘူး။ မလုပ်နိုင်ဘူးဆိုတာက မလုပ်ချင်တာလည်း ပါမယ်။ ရိုးအီလွန်းအားကြီးနေပြီဖြစ်တဲ့ မြို့ပြရဲ့ အဆောင်အယောင်အခမ်းအနားတွေက သူ ဒီမှာ မရှိတော့ကတည်းက ကျွန်တော့်စိတ်ကို ညွတ်နူးစေမှာ မဟုတ်တော့ဘူးလို့ ကျွန်တော်လက်ခံထားမိလို့ပဲ။  မြင်မြင်သမျှဟာ ကျွန်တော့်အတွက် မထူးဆန်းတော့သလိုပဲ။ ဘာပဲပြောပြောပြော ကျွန်တော်လက်ခံထားတာ ကျွန်တော့်အမှန်တရားပဲ။ ဒါပေမယ့် ကျွန်တော့်အမှန်တရားက ကျွန်တော့်ကို နှစ်သိမ့်မှုမပေးနိုင်ဘူး။ ဒီတော့လည်း ကျွန်တော့်မှာ တနေရာရာမှာများ လွဲနေလေရော့သလားလို့ ထင်လိုက်မိတယ်။
 
နှစ်အတန်ကြာက ဇာတိရပ်ရွာကို စွန့်ခွာပြီး မြို့ပြဆီလာရောက်ခိုဝင်နေထိုင်တဲ့ ကျွန်တော့်အတွက်တော့ အိပ်မက်အနည်းငယ်ကလွဲလို့ အရာအားလုံးစွန့်ခွာထားရစ်ခဲ့ရတယ်။ ကျေးလက်မှာ မိသားစုဝင်တွေ၊ ခင်တွယ်တဲ့ ငယ်ပေါင်းသူငယ်ချင်းတွေ ရှိမယ်။ ကျွန်တော် နှစ်သက်ပျော်ရွှင်ခဲ့ဖူးတဲ့ လယ်တောရှိမယ်။ ဒါပေမယ့် ကျွန်တော့်အတွက် သေတပန်သက်တဆုံး ရှိနေကြလိမ့်လို့ ထင်ခဲ့တဲ့ အရာတွေဟာ တကိုယ်ရေဖြစ်တည်မှုတွေအတွက် ရုန်းကန်ရှင်သန်နေကြရတဲ့သူတွေပဲလို့  ထင်မြင်လာတယ်။ တောရွာကလေးက သာမန်လူငယ်တစ်ယောက်ရဲ့ ခပ်ငယ်ငယ်ဘဝထဲက ခမ်းနားတဲ့ အနာဂတ်မျှော်လင့်ခြင်းတွေက အများတကာနည်းတူ ရုန်းကန်နေထိုင်ရတဲ့ မြို့ပြဘဝထဲမှာ  ငယ်ငယ်ကလို မခမ်းနားနိုင်တော့ဘူး။ အရာအားလုံးအတွက် လက်တွေ့ကျကျရင်ဆိုင်တတ်လာတယ်။ လက်တွေ့ကျကျ ရင်ဆိုင် ဖြေရှင်းနေရတာကိုက မြို့ပြလူသားရဲ့ နေ့စဉ်ဘဝလိုမျိုးဖြစ်လာတယ်။ လူတိုင်းရဲ့ နေ့စဉ်ဘဝအတွင်းကြုံဆုံရတဲ့ အတွေ့အသိများကသာ မြေကြီးပေါ်ကို ဆွဲချပေးနိုင်တာ။ စိတ်ကူးနဲ့ နန်းတော်ကြီးမတည်ဆောက်နိုင်တော့ဘူး။ အပေါ်ယံသကာရည်လူးပြီး လီဆယ်ပြောတဲ့လေသံမျိုးကို နားမယောင်ချင်တော့ဘူး။ စာအုပ်ကြီးထဲက စနစ်တွေကို မယုံနိုင်တော့ဘူး။

 မြို့ပြဆီမှာပဲ သူနဲ့ တွေ့ဖြစ်ခဲ့တာ။ အနည်းငယ်သော အိပ်မက်တွေထဲ သူ့ကို ထပ်မက်မိတယ်။ ပျော်ရွှင်စရာကောင်းတဲ့ နေ့ရက်တွေကို သူနဲ့ ကျွန်တော်အတူတူဖြတ်သန်းခဲ့ကြတယ်။  စိတ်ညစ်ညူးစရာအတွေ့အကြုံတွေကို သူက ဖြေရှင်းပေးခဲ့တယ်။ ပြီးခဲ့တဲ့ နေ့ရက်တိုင်းမှာ သူဟာ ကျွန်တော့်အတွက်  အရာရာတိုင်းကို အခက်အခဲမရှိ အားထုတ်နိုင်ဖို့ ကျွန်တော့်ဘေးမှာ ရှိနေပေးခဲ့တယ်။  ဒါပေမယ့် ခုတော့ သူက ဟိုအဝေးကြီးမှာ။ ဒီလိုဝေးလွန်းလှတဲ့ နေရာဒေသနှစ်ခုကို ပေါင်းစည်းဖို့ ကျွန်တော့်မှာ အခြေအနေအများကြီး လိုနေသေးတယ်။
 
ကျွန်တော့်မြို့ပြဘဝရဲ့ ရပ်တည်ရှင်သန်နေလိုခြင်းထဲမှာ စာအုပ်ဝယ်ဖတ်ချင်တယ်၊ တခါတခါပေါ်လာတတ်တဲ့ နေ့စဉ်ဘဝအပေါ်တုံ့ပြန်မိတဲ့ စိတ်အခြေအနေ၊ စိတ်ကူးထဲက အတွေးတချို့ကို ရေးသားထားချင်တယ်။ ပြီးတော့ ဟိုးအဝေးကြီးမှာ ရှိနေတဲ့ သူနဲ့ နေ့စဉ် သိတွေ့နေရတဲ့ အခြေအနေကို ကျေနပ်တယ်။ ဒီတော့ နည်းပါးလှတဲ့မြို့ပြဘဝရဲ့ ရွေးချယ်မှုတွေထဲ ကျွန်တော့်အတွက် အရေးတကြီးအရာတွေကို ရွေးချယ်နေနိုင်တယ်။ နေ့စဉ်နေထိုင်မှုပုံစံကို သူနဲ့ကျွန်တော် ဆုံစည်းနေရခြင်းအတွက်၊ ကျွန်တော့်အတွက် သူရှိနေသေးတယ်ဆိုတဲ့ အသိအတွက် ထိန်းကြောင်းပြုပြင်နေနိုင်တယ်။  မနက်ခင်းဘက်မှာ ဖုန်းနဲ့အဆက်အသွယ်လုပ်နိုင်တယ်။ အင်တာနက်လိုင်းရရင် နှစ်ကိုယ်ကြား စာ၊ ဓာတ်ပုံတွေ ပေးပို့ဆက်သွယ်နိုင်တယ်။ ကွန်ပျူတာ မော်နီတာမျက်နှာပြင်ထက်ကနေ သူ့မျက်နှာကို မြင်နေနိုင်သေးတယ်။  ရိုးသွားခြင်းမရှိဘဲ ထိတွေ့နေရတဲ့ သူနဲ့ ကျွန်တော့်ရဲ့ နေ့စဉ်အခမ်းအနားတွေဟာ ကျွန်တော့်အတွက်တော့ ကျေနပ်နှစ်သက်စရာ ချည်းပဲ။ ဒီတော့လည်း ကျွန်တော့်အတွက် နေ့စဉ်ဘဝဟာ ဆန်းပြားတဲ့ ဘဝရဲ့အခမ်းအနားတွေချည်းပဲ။
 
အခုတော့ ဒီမှာ လျှပ်စစ်မီးမလာဘူး။ လျှပ်စစ်မီးပုံမှန်မလာနိုင်သေးတဲ့ အရပ်ဒေသမှာ ကျွန်တော်ဟာ တစ်ယောက်တည်း ငြီးငွေ့စွာ နေထိုင်နေတယ်။ သူကတော့ ဒီအရပ်ဒေသကို စွန့်ခွာသွားတာ မဟုတ်ဘူး။ အခြေအနေအကြောင်းအရပ်ရပ်ကြောင့် အားလုံးကို ချန်ထားခဲ့ရတာ။ ရေမြေသူစိမ်း၊ လူသူ သူစိမ်းကြားမှာ ကျေကျေနပ်နပ်နဲ့ အားလုံးကို ဖြေသိမ့်နေမှာ။ လူနေထူထပ်တဲ့ မြို့ပြဘဝရဲ့ လှုပ်ရှားမှုတိုင်းဟာ ကျွန်တော့်အတွက် သူစိမ်းတရံစာဆန်လွန်းတယ်။ လူတိုင်းဟာ ထီးထီးကျန် လှုပ်ရှားနေကြရတယ်လို့ပဲ မြင်မိတယ်။ ဒါပေမယ့် ကျွန်တော် မြို့ပြဘဝကို မစွန့်ခွာနိုင်ဘူး။  ဒီလိုနေထိုင်တာကြာလာလေ အထီးကျန်မှုဟာ ထင်ရှားလာလေပဲ။ အထီးတည်း ရပ်တည်နေထိုင်ရတာ ပျင်းလို့ဆိုတာ ဖြစ်နိုင်ပါ့မလား။ တိုးတိုးလာတဲ့ အထီးကျန် ဝေဒနာဟာ ကျွန်တော့်မြို့ပြဘဝကို ပျင်းရိခြောက်သွေ့စေတယ်ထင်တယ်။ ဒီဝေဒနာကသာ သူ့ကို ပိုလို့ လွမ်းတမ်းတစေခဲ့သလား။  ဒါပေမယ့် သူ့ကို လွမ်းဆွတ် သတိရနေမိတယ်လို့ ပြောရင် သူ ရယ်မှာ။ ကျွန်တော်ပြောတဲ့ စကားတွေက လုပ်ကြံလီဆယ်ရေးထားတဲ့ ဝတ္ထုတွေထဲက ဒိုင်ယာလော့တွေလို့ ပြောဦးမှာ။ ကျွန်တော်ပြောတဲ့စကားတိုင်းဟာ အရူးတစ်ယောက်လို တောင်မြောက်ဘယ်မှာ ဖြစ်နေမှာ။ ဒီတော့လည်း ကျွန်တော့်အနေနဲ့ ဒီစကားကို ပြောရမှာ ဆွံ့အနေမိတယ်။
 
မပြောဖြစ်တာတွေ များလာလို့ အချိန်ကြာလာတဲ့တစ်နေ့ ကျွန်တော့်စိတ်တွေ ဆောက်တည်ရာမဲ့ ကစဥ့်ကလျားဖြစ်လာခဲ့ရင် သူ ပြောဖူးသလို စိတ်ရောဂါကုဆရာဝန်နဲ့ ပြဖို့ လိုမှာ။  မပြောဖြစ်တဲ့ စကားလုံးတွေနဲ့ မရေးဖြစ်တဲ့ စာအရေးအသားတွေက  ဘာကို ဖွင့်ဆိုကြမှာတဲ့လဲ။  တကယ်က အထီးကျန်နေတဲ့ အရူးတစ်ယောက်ရဲ့ အနာတရဟာ သေရာပါသွားမယ့် စွဲလန်းမှုမျိုးသာ ဖြစ်မှာ။