January 17, 2013

နွေအိုခို မိုးအစ၊ အစိုးမရတာ တိမ်



ပြော ရရင် တော့ လည်း ဖရက်ဒီ ကြောင့် လို့ပဲ ပြောရ လိမ့်မယ်။ ရန်ကုန် ကို ပြန်ပြီး ခုလို ခပ်ကြာကြာ ကလေး နေမယ် ရယ်လို့ ကိုယ့်မှာ တစ်ခါ ကမျှ စိတ် ကူး မရှိခဲ့ ဖူးဘူး။
ကိုယ်တို့ ပင်စင်စား တွေရှိရာဆီ ဖရက်ဒီ တစ်ယောက် အလည်လာတော့ အားလုံးက ၀မ်းမြောက် ကြတယ်။ သူ ပင်စင်ရ ကတည်းက ရန်ကုန်မှာပဲ ဆက်ပြီးနေတယ်။

ကိုယ်တောင် သူလာ ကာမှ အတော်ကလေး ဂေါက်ပြန်ရိုက် ဖြစ်တယ်။ ကိုယ့်အထင် မှာတော့ သူလည်း တစ်ယောက်တည်း ပျင်းရှာလို့ ဒီဘက်ဆီ လာပြီး ခဏနေ တယ်လို့ ထင်နေတာ။ ညစဉ်လို ဟိုအိမ်၊ ဒီအိမ်မှာ သေမယ်ဆို သေလောက် နေတဲ့ လူတွေစုပြီး အတိတ် အကြောင်း ပြောရင်း ရယ်ကြ၊ မောကြနဲ့။ ကိုယ်တို့ အရွယ်မှာက အတိတ် အကြောင်းကိုပဲ  ဦးတည် ပြောရတော့ တာကိုး။ အတိတ်တုန်းက ရွှေထီး ဆောင်းခဲ့ရ တာကလေးတွေ လွမ်းရတာ။ အနာဂတ် မှာက ရွှေထီးရံ စရာ အကြောင်းကလေး တစ်ခုပဲရှိ တော့တယ်။ ဒါက လည်း ရဟန်းဒကာ၊ ကျောင်း ဒကာလောက် ဖြစ်ဖူးကာမှပဲ။ အနာဂတ် ဆိုတာက ဘယ်သူ ကမျှ သိပ်မမှန်း ရဲတော့တဲ့ အရွယ်။ လွတ်လပ်ရေး ရစ တုန်းက ပြောလေ့ရှိတဲ့ နှစ် လေးဆယ် စီမံကိန်းတို့၊ နှစ် နှစ်ဆယ် စီမံကိန်းတို့ ဆိုတာ ကိုမပြောနဲ့၊ မနက်ဖြန် မနက် အိပ်ရာက နိုးလို့ အိပ်ရာက ထနိုင်၊ မထနိုင် ဆိုတာကို တောင် သိပ်စဉ်းစား ကြည့်လို့ မဖြစ် တော့ဘူး။ သတင်းစာ မှာ နာရေး ကြော်ငြာမှာ ကိုယ့် နာမည်မပါ သေးရင် အသက် ရှင်နေ သေးတယ်။ ပါလာရင် တော့လည်း ကိုယ့်နာမည်ကို ကိုယ့်ဘာသာ ဖတ်နိုင်မှာ မဟုတ် တော့ဘူး။ ပစ္စုပ္ပန်တည့် တည့်မှာ နေရတယ် ဆိုတာက ခုအရွယ်မျိုး ကိုပြောတာပဲ။ ခု အရွယ်က ပစ္စုပ္ပန်မှာ နေနိုင် ရင်နေ။ မနေနိုင်ရင် သေလို့ ပြောဖို့ ကောင်းတဲ့ အရွယ်။

တစ်နေ့တော့ မနက် ဘက် ဂေါက်ရိုက် နေကြတုန်း ဖရက်ဒီက မေးတယ်။ ပြီးရင် ဘာများ လုပ်စရာ ရှိသလဲတဲ့။ မရှိရင် သူနဲ့ ထမင်း လိုက်စား စမ်းပါလို့ ပြောတယ်။ ကိုယ် ကတော့ ခုနက ပြောသလိုပဲ။ မသေနိုင် သေးလို့သာ ဟိုလုပ် ဒီလုပ် လျှောက်လုပ် နေတဲ့လူ။ ဘာမျှ ကြီးကြီးကျယ် လုပ် စရာမရှိဘူး။ ဒီပြင် ချိန်းချက် ထားတာလည်း မရှိဘူး။ ဖိုးစောထွန်းလို အားရင် အင်္ဂလိပ်စာ အလကား သင်ပေး တာမျိုး၊ သင်္ဂြိုဟ် ကိုးပိုင်းကို ရှင်းပြ တာမျိုး၊ သင်တန်းပေး တာမျိုးတွေ မရှိဘူး။ တစ် သက်လုံး အမှုတော် ထမ်းလာ ရတဲ့လူ။ ပြောင်ပြောင်ပြော ရရင်တော့ အမှုထမ်း ဆိုတာ က တခြားလူတွေ အလုပ် လုပ်ပေး နေရတာ။ ဒီတော့ ပင်စင် ယူပြီဟေ့ ဆိုတာနဲ့ ကိုယ့်ဘာသာပဲ နေချင်တယ်။ မင်း ငါ့ကို ထမင်း ကျွေးချင် တာသက်သက်တော့ မဟုတ် ဘူး၊ မဟုတ်လားလို့ မေးတော့ သူက ပြောတယ်။ ကျွန်တော် စကားကလေး ပြောစရာ ရှိလို့ ပါတဲ့။ ဒါနဲ့ပဲ ကိုယ်တို့ နှစ် ယောက်သား ဂေါက်ရိုက်ပြီး တော့ မြို့တောင်ဘက် ထိပ် နားဆီက စားနေကျ တရုတ် ထမင်း ဆိုင်ဆီ သွားစားကြ တယ်။ ကိုယ်လည်း အိမ် ခဏ၀င်ပြီး တပည့် တပန်း တွေ ကန်တော့ ထားတဲ့ ၀ီစကီ ပုလင်း ကလေး ၀င်ဆွဲ လိုက်တယ်။ ကိုယ့်အနေ နဲ့က နေ့လယ် နေ့ခင်း ဘက်သောက် လေ့မရှိပေ တဲ့လည်း ဆုံးသွား တဲ့ ဆရာဝန် ကိုမောင်ကလေး က မှာထားဖူးတယ်။ အဆီ အဆိမ့် စားတဲ့အခါ ၀ီစကီ ကလေးတစ်ခွက် စနှစ်ခွက် စသောက်ပေး ကိုဘမောင်ဆို လို့ပဲ။ ဒီထမင်း ဆိုင်သွားရင် တော့လည်း ကိုယ်က ၀က် သားပေါင်း မှာလေ့ရှိတယ်။ လေငွန်က ၀က်သားပေါင်း လောက် မကောင်းပေ တဲ့လည်း အလွမ်းပြေတယ်။ ၀က်သား ပေါင်းနဲ့ ၀ီစကီကလည်း လိုက် တယ်။ ၀ီစကီက အဆီကြေ သတဲ့။ ဒီတော့ ၀ီစကီ သောက် ချင်လို့ ရှာကြံ ဆင်ခြေပေး တာပဲလို့ အပြစ်တင် ချင်လည်း တင်။ တင်ရင်တော့ ကိုယ် က ကိုရင်မောင်တင့် သား ပြောထား သလို ပြန်ပြောရမှာ ပဲ။ လူဆိုတာ ဆင်ခြေရှိရ တယ်။ ဆင်ခြေ မရှိရင် နွားနဲ့ တူသွား လိမ့်မယ်တဲ့ ကိုင်း။ ကိုယ့်အနေနဲ့ ကတော့ အသက် မရှည်ကာမှ နေကရော။ ရှင် နေတုန်းတော့ လူစင်စစ်က နေ နွားဘ၀ အရောက် မခံနိုင် ဘူး။

ဖရက်ဒီက ကိုယ်တို့ ဖိုးစောထွန်း တို့ထက် ငယ် တယ်။ စကား ပြောရင် သူ့ ကိုယ်သူ ကျွန်တော်လို့ပဲ ပြော လေ့ရှိတယ်။ ငယ်ငယ်ကြီး ကြီး။ သူ့ကိုယ်သူ ကျွန်တော် လို့ပဲ ညွှန်းတယ်။ ဒါကြောင့်မို့ ဖိုးစောထွန်းက ပြောလေ့ရှိ တယ်။ ကြည့်ဘမောင်။ ယဉ် ကျေးတယ်ဆိုတာက အဲသလို မျိုးကွတဲ့။ ဟုတ်လောက် တယ်။ ကိုယ် တို့လို ပတ်ဗ လစ်ဆားဗင့် ဖြစ်လာတာနဲ့ သူနဲ့ယှဉ်ရင် ကွာတယ်။ ကိုယ် တို့ကတော့ တခြားလည်း လုပ်မစား တတ်။ တခြား အလုပ်လည်း မရှာတတ်။ ကိုယ်ပိုင် စီးပွားရေး လုပ်ဖို့ ဆိုတာ ကလည်း မစဉ်းစားရဲ တဲ့လူမျိုး။ ဒီတော့ ပတ်ဗ လစ်ဆားဗင့် ဆိုတာကလွဲလို့ ဘာမျှ မဖြစ်နိုင်တာ။ မြန်မာလို တည့်တည့် ဘာသာပြန် ရရင် တော့ ပြည်သူ့ ကျွန်ပေါ့။ ခေါင်းမရှိတဲ့ နွားတွေရဲ့ ကျွန်ဖြစ်ရတာ ထက်တော့ သာမှာပေါ့။ ဖရက်ဒီ ကျတော့ ကိုယ်တို့လို မဟုတ်ဘူး။ အဖေ ကိုယ်တိုင်က အိုင်စီ အက်(စ)။ ဒီတော့ သားကို ငယ်ကတည်း က အနည်းဆုံး ဘီစီအက်(စ) လောက်ဖြစ်ဖို့ ပျိုးထောင် လာခဲ့တာ။ ကော လိပ်ရောက်ရင် ဘယ်လို ဘာသာတွဲ မျိုး ယူဆိုတာက အစ စီမံပေးတယ်။ ကိုယ်တို့လို ကြုံရာယူပြီး ဘွဲ့ရ လာတာ မဟုတ်ဘူး။ ဒီပြင် ယဉ်ကျေး ခြင်း၊ သိမ်မွေ့ခြင်း၊ တိုင်းကြီး ပြည်ကြီးသား ဆန်ခြင်းဆို တာတွေကို မက်ထရစ် မဖြေ ခင်ကတည်းက သူ့ အဖေက သင်ကြား ပေးထားတာ။ မယ် နာရှိတဲ့လူ။ ဂရူးမင်း ကောင်း တဲ့လူ။ ဒီတော့လည်း ဖရက် ဒီက ကိုယ်တို့လို ပတ်ဗလစ် ဆားဗင့် တွေနဲ့ ကွာတာ အမှန် ပဲ။ ကိုယ်တို့က ဇွန်း၊ ခက် ရင်းကိုင် တာတောင် ရာထူး ကလေးရ လာကာမှ အတော် သင်ယူခဲ့ရ တဲ့လူမျိုး။ ပြောရ ရင်တော့ ကိုယ်တို့က ကြက် ပေါင်ကို ဓားနဲ့ ခက်ရင်းနဲ့ ဖြတ်ရင် အရိုးမှာ အသားက ကျန်သေးတယ်။ သူက ငါး ဖယ်ကို ဓားနဲ့ ခက်ရင်းကိုင် ပြီး အရိုးနွှင် နိုင်တယ်။ ကိုင်း။ ရှင်းပြီလား။ ညားတော့ ဇေရဘာ ဒီအစပ် မခင်လေး ဆိုတာနဲ့ ညားတယ်။ ပပ၀တီ တို့လာတဲ့ ကမလ်ပါရှား အရပ် က အဆက်အနွယ် ပေါ့ဗျာ။ အစပ်မ ကလေး။ ပျဉ်းမနား ဘက်ဆီက သူဌေးသမီး။ ချောရုံလှရုံ မဟုတ်ဘူး။ အင်မ တန် မဟာဆန်တာ။ မန္တလေး သူ အညိုမတွေ ငိုကြရ လောက်အောင် မဟာဆန် တာမျိုး။ ဒါပေတဲ့ ငယ်ငယ်နဲ့ ဆုံးသွား ရှာတယ်။ တတိယ ကလေး မွေးပြီး မီးတွင်းက အထွက်မှာ တင်ပဲ။

ကိုဘမောင်ကို ကျွန်တော် အကူအညီ တောင်းချင်လို့ ဖရက်ဒီက ပြော တယ်။ ကိုယ်လုပ်နိုင်တာ ဆိုရင် ငြင်းစရာ မရှိပါဘူးလို့ ကိုယ်က ဖြေလိုက်တယ်။ ကိုဘမောင် တတ်နိုင်တဲ့ ကိစ္စပါလို့ သူကပြောတော့ ကိုယ်က ဘာမျှ မမေးသေးဘဲ ဆက်ပြီး နားထောင် နေလိုက် မိတယ်။ သူက ပြောတယ်။ အင်းယားမြိုင် ထဲက ကျွန်တော့် အိမ်မှာ နှစ်လ၊ သုံးလ လောက် နေပေး စေချင်တယ် တဲ့။ ဒီတော့လည်း ဘာဖြစ်လို့ တုံးလို့ ကိုယ်က မေးလိုက် မိတယ်။ သူက ဘေးဘီကို တစ်ချက် လှမ်းကြည့် လိုက်ရင်း ကျွန်တော် လန်ဒန်ကို ခဏ သွားမယ်လို့။ မြေးကလေး တွေကို သွားတွေ့ ချင်လို့တဲ့။ အင်း။ ဆိုင် မဆိုင်တော့ မသိ ဘူး။ ဒီအကြောင်း ကလေး တော့ ထည့်ပြော ဦးမှ။ ဒီတုန်း က နိုင်ငံခြားသွား ဖို့ဆိုတာ အတော်ခက်တယ်။ ပတ်စ ပုတ်ရ ဖို့ကို မလွယ်တာ။ နိုင်ငံ ခြားသွားမဲ့ လူတွေ အတွက် အခက်ချည်းပဲ။ ဖရက်ဒီ တို့လို မင်းကြီး ဘ၀ကနေ အတင်း ကို ထွက်ခွင့် တောင်းပြီး ထွက် ထားရတဲ့လူ ဆိုရင် ပိုဆိုးသေး တယ်။ နိုင်ငံခြား သွားမဲ့ လူဆို ရင် တခြားလူ မပြောနဲ့။ မဆီ မဆိုင် ရပ်ကွက် ကောင်စီက တောင် ငွေညှစ်တဲ့ ခေတ်။ နိုင်ငံခြား ခဏသွားရင် သွား တဲ့ လူရဲ့ အခန်းတို့၊ အိမ်တို့ကို မောင် ပိုင်စီး တဲ့ခေတ်။ ငွေ ညှစ်ချင်ရင် အက်(စ)ဘီကို မတော်မတည့် သတင်းပေး ပြီး ငွေညှစ်လို့ ရတဲ့ခေတ်။ ဒီတော့လည်း ဖရက်ဒီက ဘေးဘီကြည့် ပြီးမှပြောတာ က အဲသလိုမျိုး တွေကို ကြောက်ရလို့ပဲ။ မင်းပတ်စ ပုတ်ရ ပြီးပြီလားလို့ မေးကြည့် တော့ ရပြီ။ ဒါတောင် တော်မီကို ပြောပြ လိုက်လို့ သူကိုယ်တိုင် အဘိုးကြီးဆီ သွားတွေ့ပြီး ပြောပေးလို့ရ တာလို့ ပြောပြတယ်။ ဟုတ် တယ်။ အဲဒီတုန်းက ပတ်စ ပုတ် တစ်ခုရ ဖို့ဆိုတာ ကောင်း ကင်အထိ တက်ပြီး တိမ်ညွန့် စားနိုင်တဲ့ လူတွေနဲ့ သိမှ ရတဲ့ ခေတ်။ အယ်။ အဲဒါနဲ့ပဲ တို တိုပြော ရရင် တော့ကိုယ်လည်း ဖရက်ဒီရဲ့ အင်းယားမြိုင်ထဲ က အိမ်မှာသွားပြီး နေဖြစ် တော့တာ။ ကြီးကြီးကျယ် ကျယ် ဘိုလို ပြောရရင်တော့ ဟောက်(စ)စစ်တင်းပေါ့။ ဟန်ကျတာက ဖရက်ဒီရဲ့ လူယုံ မောင်ထွန်းရွှေ ကလည်း နောက်ဖေး တန်းလျားမှာ ရှိနေ တော့ ဟန်ကျသွားတယ်။ သူကပဲ ဂေါက်ကွင်း သွားတဲ့ အခါ ဖရက်ဒီရဲ့ ကားနဲ့မောင်း ပို့တယ်။ နောက်တော့ ဖိုးစော ထွန်းလည်း ရန်ကုန် လာရင်း ဖရက်ဒီ အိမ်မှာပဲ ကိုယ်နဲ့ အတူ နှစ်ပတ်လောက်လာ နေသေးတယ်။

ကိုယ်ကတော့ တစ်ပတ် တစ်ခါလောက် ကိုးမိုင်က ကလပ်မှာ ဂေါက်သွားရိုက် တယ်။ ကိုယ်တို့ အဖွဲ့တွေ လည်း ရှိနေ သေးတာကိုး။ များသော အားဖြင့်တော့ မနက် တိုင်းလိုလို တက္ကသိုလ်လှေ သင်းဘက်ဆီ လမ်းလျှောက် ဖြစ်တယ်။ ကိုယ်တို့တုန်းက တော့ အဲဒီက ဘလေဇာက လေးဝတ်နိုင်ရင် ကျောင်းသူ တွေက အတော် ညွတ်ကြတာ။ ဒါကြောင့် ကိုယ်တို့ အောက် ဘက်တန်းတွေ ဆီက ကျောင်း သားတွေက စာစပ် ကြသေး တယ်။ ဘုတ်ကလပ် မှာနော် အယုတ်အမြတ် မရွေးသမို့ သူဌေးသား မှန်ရင် မင်ဘာပါ တဲ့ခင်ဗျာ့ ဆိုပဲ။ ဟုတ်တုတ် ဟုတ်တုတ် ရယ်ပဲ။ ကိုယ်တို့ ကတော့ အဲဒီစာရင်း ထဲလည်း မ၀င်နိုင်။ အားကစား ဆိုတာ က သွားယားလို့ ပြောရတဲ့ အကြောင်း လောက်ပဲ။ သို့ ပေတဲ့ ခုလို အရွယ်ကလေးရ လာတော့လည်း ကိုယ်လက် လှုပ်ရှား တာကလေး တော့ လုပ်ရသေး တာပေါ့။ အား ကစား အနေနဲ့ မဟုတ်လှဘူး။ မသေခင် ကိုးလိုး ကန့်လန့် ဖြစ်မနေ ရုံတင်ပါ။ ပြောရရင် တော့လည်း ကိုယ်လက်လှုပ် ရှားတယ်ဆိုတာက တကယ့် ကို စကားနောက် တရားပါ ပြောရတာ မျိုးပဲ။ ကိုယ်ရယ်၊ လက်ရယ်ဆိုပေတဲ့ ပြောမယ် ဆို ခြေထောက်ကလေးရယ်၊ လက်ကလေးရယ်ပဲ လှုပ်နိုင် တဲ့ အရွယ် မဟုတ်ဘူးလား။ ကိုယ်တို့၊ ခါးတို့ဆိုတာက ဘယ်မှာ သိပ်လှုပ်နိုင်တော့ လို့လဲ။ တခြားနေရာ မပြောနဲ့။ ဂေါက်ရိုက် ရင်တောင် ခါးကို ညှာရိုက် နေရတာ။ ခါးမ ကောင်း၊ ခရီးမတွင် အသီး တင်ချင်ဦးတော့ အရည်က မရွှမ်းတော့ဘူး ဆိုတဲ့ အရွယ် လို့ တချို့က ပြောတတ်ကြ တာ မဟုတ်ဘူးလား။ အင်း။ လှေသင်း ဘက်ဆီ မနက်တိုင်း လိုလို လျှောက်ပြီး ထိပ်နား ဆီက ထိုင်ခုံ ကလေးမှာ တစ် အောင့် တစ်နား ထိုင်နေတယ်။ အောက်ဘက် ထိတော့ မဆင်း တော့ဘူး။

အဲဒီ အကြောင်း ကလေး ကို ကိုယ်က ပြောချင်တာ။ အဲဒီ ခုံကလေးမှာ ထိုင်ပြီး နား နေရင် သူငယ်မနှစ် ယောက် အမြဲလို အောက်ဘက်ထဲဆီ က တက်လာတာနဲ့ တိုးတယ်။ သူတို့က ထရက်ဆု ကိုယ်စီ ၀တ်လို့။ လှေလှော်ပြီးလို့ဖြစ် ရင်လည်း ဖြစ်မယ်။ ရိုးရိုး ထွက်လမ်းလျှောက် ကြတာ လည်း ဖြစ်ချင် ဖြစ်မယ်။ ကိုယ်တော့ မပြော တတ်ဘူး။ သူတို့လျှောက်တက် လာတဲ့ လမ်းကလေးက မော့တော့ ကလေးမို့ ကိုယ်ထိုင် နေတာနဲ့ မတိုးလို့ မဖြစ်ဘူး။ မျက်နှာ ချင်းဆိုင် တိုးသလို မျိုးဆိုတော့ လည်း စတွေ့တဲ့ နေ့ကတည်း က ကိုယ်က ပြုံးပြ လိုက်မိ တယ်။ သူတို့ ကလည်း ပြုံးပြ ကြရှာတယ်။ ဒါကတော့ သိပ် ဆန်းတဲ့ ကိစ္စမဟုတ်ဘူး။ လူပေါ် လူဇော် လုပ်နည်းထဲ မှာကိုက ရေးထား သမို့လား။ တွေ့လျှင် တွေ့ချင်း မေတ္တာရှိ စေသော နည်းကား ပြုံးပါဆို တာလေ။ မေတ္တာ မရှိတောင် မရိုင်းဘူး ပေါ့ဗျာ။ နောက်နှစ် ရက်လောက်ကြာတော့ သူငယ်မတွေက ကိုယ့်ကို နှုတ်ဆက်တယ်။ ဂွတ်မော နင်း အန်ကယ်တဲ့။ ဒီတော့ လည်း ကိုယ်က ဂွတ်မောနင်း လို့ တုံ့ပြန်ရ တာပေ့။ ဒါမှ လည်း တိုင်းကြီး ပြည်ကြီး သားပီသ မှာပေါ့။ ဒီပြင် မနက် တိုင်းကို လမ်းလျှောက်ထွက် လာတာ လမ်းမှာ တွေ့တဲ့လူ တွေက ဂွတ်မောနင်းရယ်လို့ နှုတ်မဆက် ကြဘူး။ မယုတ် မလွန်၊ ပြုံးပြတာမျိုး။ ခေါင်း ကလေး ညိတ်ပြတာ မျိုးလောက် ပဲရှိတယ်။ ဒီတော့လည်း သန ရုပ္ပဖြစ်တဲ့ သူငယ်မ နှစ်ယောက် က ကိုယ့်ကို ပြုံးပြတာ၊ ဂွတ် မောနင်းရယ်လို့ နှုတ်ဆက် တာဟာ စိတ်ထဲမှာ ကြီးမား တဲ့ကျေနပ်မှု တစ်ခုတော့ ရသွား တာပဲ။ ကြီးကြီးကျယ်ကျယ် တော့မဟုတ်ဘူး။ မိုးအလင်း မှာ အရိုးအရင်း ကိုက်ရင်း ကျေနပ်တတ်တဲ့ ခွေးလေတစ် ကောင် လိုပဲလို့ ပြောချင်ပြော။ ဒီသူငယ်မ နှစ်ယောက်နဲ့ ကိုယ့် ရဲ့မနက်တိုင်း ဆက်ဆံရေးဟာ အပြုံးနဲ့ ဂွတ်မောနင်းပဲ။ ဘာမှ မပါဘူး။ ဘာမျှ မပိုဘူး။ ဒါပေတဲ့ အတော်ကလေး ကြာလာတော့ မနက်တိုင်း အဲဒီအပြုံးနဲ့ အဲဒီဂွတ်မောနင်း ကို ကိုယ်က မျှော်လင့်နေ လာမိတယ်။ တပ်မက်လာ မိသလိုပဲ။ ကိုယ်လည်း မနက် တိုင်း အချိန်မှန်မှန် လမ်းလျှောက် ပြီး အဲဒီ ထိုင်ခုံကလေး ဆီမှာ သွားထိုင်နေ မိလာ တတ်တယ်။

ဖိုးစောထွန်း ရောက်လာ ပြီး မကြာခင် တစ်နေ့တော့ သူကပါ ကိုယ်နဲ့ လမ်းလျှောက် လိုက်မယ်လို့ ဖြစ်ကရော။ ဒီတော့ အိမ်က ခုနစ် နာရီထွက် မယ်။ အသင့် လုပ်ထားလို့ပဲ အသိပေးထား လိုက်မိတယ်။ ဖြစ်ချင်တော့ တော်မီကလည်း လိုက်မယ်လို့ ပြောပြန်တယ်။ သူက အင်းလျားလမ်း စိန်သြ ဂတ်စတိုင်း ကျောင်း နားဆီက စောင့်မယ်တဲ့။ သူက အဲဒီ ဘက်ထဲ ဆီမှာနေတာ။ အဲဒီနေ့ မနက်တော့ ကိုယ်တို့နှစ် ယောက်သား အိမ်ကထွက် မလာခင် အပြင်က ပြန်လာ တဲ့မောင်ထွန်းရွှေ နဲ့ ဂိတ်နား ဆီမှာဆုံတော့ သူက ပြော တယ်။ ဆရာကြီး ထီးလေး ဘာလေး ဆောင်သွား ပါလား။ ကနေ့ တိမ်နည်းနည်း ထူ တယ်တဲ့။ ကိုယ်လည်း မော့ ကြည့်လိုက် မိတယ်။ တိမ် တွေ ထူတာတော့ အမှန်ပဲ။ မိုးရွာလောက် အောင်တော့ မထူဘူးလို့ ထင်ရတာပဲ။ မရွာလောက် ပါဘူးကွာ လို့ သူ့ကို ပြန်ပြော လိုက်တော့ တန်ခူး-ကဆုန်။ နွေအကုန် မိုးအကူးဟာ အပြောရကျပ် တယ်။ တွက်ရ ခက်တယ်လို့ သူက ပြန်ပြောတယ်။ ဒါပေ တဲ့ ကိုယ်တို့ နှစ်ယောက်သား ထီးမယူ တော့ဘဲ ထွက်လာခဲ့ လိုက်ကြတယ်။ အင်းလျား မြိုင်ထဲက နောက်ဖေးလမ်း ကြားကနေ ဖြတ်ပြီး အင်း လျားလမ်းပေါ် တက်။ အင်း လျားလမ်းပေါ် ရောက်တော့ တော်မီနဲ့ တွေ့တယ်။ သူက တော့ ဂေါက်ရိုက်ရင် ဆောင်း တဲ့ထီးနဲ့။ မင်းက ထီးနဲ့ပါ လားလို့ ဖိုးစောထွန်းက သူ့ကို လှမ်းပြော လိုက်တော့ သူက ကောင်းကင်က တိမ် တွေဆီ လက်ညှိုး ထိုးပြရင်း အစိုးမရ ဘူးတဲ့လို့ ပြောတယ်။ ပြီးတော့ ခင်ဗျားတို့ ကျုပ်တို့ လိုပဲ အစိုးမရ တဲ့အရွယ် ရောက်ပြီတဲ့။ ဒီတော့ ကိုယ် လည်း မနေနိုင်ဘူး။ အရင်က တော့ မင်းကိုယ်မင်း အစိုးရ တယ်လို့ ထင်လို့လားလို့ လှမ်းမေး လိုက်တယ်။ ခု လောက်တော့ မဆိုးသေးဘူး ပေါ့ဗျာတဲ့။ ကိုယ်ကတော့ မပြောတတ်ဘူး။ ဟုတ်လေ မလားဘဲ။ ဒါနဲ့ ကိုယ်တို့သုံး ယောက်သား တက္ကသိုလ် လှေသင်းဘက်ဆီ လျှောက်ခဲ့ ကြတယ်။ ရောက်တော့ ကိုယ်ထိုင် နေကျခုံ ကလေးမှာ ပဲ သုံးယောက်သား ထိုင် လိုက်ကြရင်း ရောက်တတ်ရာ ရာ တောင်တောင်အီအီ ပြော နေမိကြတယ်။ ကိုယ်ကတော့ သူငယ်မလေး နှစ်ယောက်ကို မျှော်နေ လိုက်မိတယ်။ ပေါ် လာချိန်တန်ပေတဲ့ ပေါ်မလာ ကြဘူး။ ကိုယ်လည်း လက် ပတ်နာရီကို အမှတ် မထင် ကြည့်မိ လိုက်သေးတယ်။ ၈ နာရီတောင်နီး သွားပြီ။ အဲဒီ တုန်း မိုးဖွဲ ကလေးတွေ စပြီး ကျလာတယ်။

ဒီတော့ ဖိုးစောထွန်းက သွားကြမှ ထင်တယ်လို့ ပြော တယ်။ တော်မီက အလျင်ဆုံး ထိုင်ရာက ထတယ်။ လူသုံး ယောက် ထီးတစ်ချောင်းနဲ့ တော့ မဖြစ်ဘူး ထင်တယ်လို့ ကိုယ် ကောက်ချက် ချလိုက်မိ တယ်။ ကျောင်းဝင်းထဲ ၀င် မိုးခိုကြရ အောင်လို့ ဖိုးစော ထွန်းဆီက အကြံပေး စကား ထွက်လာတော့  တော်မီရော ကိုယ်ပါ သူ့ကို လှမ်းကြည့် လိုက်မိတယ်။ သူ့စိတ်ထဲ မှာတော့ ကိုယ်တို့ ငယ်စဉ်က တက္ကသိုလ်လို ၀င်ချင်ဝင်၊ ထွက်ချင်ထွက် လုပ်လို့ရမယ် ထင်နေပုံ ရတယ်။ ဆရာတင် တို့ရှိစဉ်က ပြောဖူးတဲ့ တက္ကသိုလ်ကျောင်း တိုက်ဆိုတာက ဘုန်းကြီး ကျောင်းတိုက်ကြီး များလိုပဲ။ ပညာ တစ်စုံတစ်ရာ အတွက် ၀င်သူဝင်၊ ထွက်သူ ထွက်နဲ့ အတားအဆီး အပိတ် အပင် မရှိတဲ့ နေရာ။ ခုတော့ ဒီလို မဟုတ်ဘူး။ ကောင်းတဲ့ ဘက်က ရှာကြံ ပြောမယ် ဆို ရင်တော့ ဖိုးကို ပြောဖူး သလို ပြောရမှာပဲ။ တို့တက္ကသိုလ် ကြီးလည်း ခုကာမှ သိက္ခာရှိ လာအောင် သက်ဆိုင်ရာ အာဏာပိုင်တို့က အစောင့် အကြပ် ထားပေးတာ ဟလို့ ပြောရမှာ။ အီကော်နောမစ် အင်စတီကျုနဲ့ ဘွဲ့နှင်း သဘင် နောက်နားဆီမှာက လူဝင် ပေါက်တော့ ရှိတယ်။ ဒါပေ တဲ့ ရဲဘော်လေး တစ်ယောက် သေနတ် ကိုင်ပြီး စောင့်နေ လေရဲ့။ ကျောင်းဝင်းထဲ ရောက်ရင် တော့ဖြင့် ဖိုးစော ထွန်း ပြောသလို မိုးခို စရာက အပုံချည်း ပဲ။ ဒါပေတဲ့ ၀င်ဖို့ ခက်လေ မလားပဲ။ တော်မီ ကလာဗျာ၊ ကျွန်တော် ပြော ကြည့်မယ်။ မဟုတ်ရင် မိုးမိ လို့ အအေးမိပြီး လျှောကုန် မယ်လို့ ပြောတယ်။ ပြော ရဦးမယ်။ ကိုယ်တို့အခေါ် တော့ တော်မီ နာမည်က ဂဲဂဲ။ အဲဒီ နာမည်ကိုတော့ ဖိုးကိုက ပေးထားတာ။ လင်းဝက်ကြီး များဟာ ည ကျပေါ်လာပြီး မိုးလည်း လင်းရာ ပျောက်ကုန် ကြသ တဲ့။ လင်းဝက်ကြီးကို မတွေ့ ရပေတဲ့ သူတို့ အော်သံ ဂဲဂဲ ဆိုတာကိုတော့ ကြားနေရ သေးတယ်တဲ့။ ဟုတ်တော့ လည်း ဟုတ်တယ်။ တော်မီ က ဂဲဂဲလို့ အသံကျယ်ကျယ် လောင်လောင် မြည်နိုင် သေး တယ်။ ခေတ်နဲ့ စနစ်နဲ့ အံသိပ် မ၀င်လှတာနဲ့ တော်မီခမျာ သာသာ နှင်ထုတ်၊ အလုပ် ပြုတ်ဆိုတာမျိုး ဖြစ်ခဲ့ ရတာ။ ထိပ်ပိုင်းက ကြိတ်ဝိုင်နဲ့ ကဖြင့် အဆက် အသွယ်တွေ ရှိနေသေး တယ်။ တော်ရုံ အတားအဆီး အစစ်အ ဆေးရှိရင် “ဟေ့၊ ငါ ပါကွ”လို့ ခေါင်းထောင်ပြလို့ ရနိုင် တဲ့လူ၊ ဒီတော့လည်း သူ့ကို ရှေ့တန်းတင်ရင်း ဘွဲ့ နှင်းသဘင် ခန်းမနောက်က တက္ကသိုလ်ဝင်း ထဲဝင်တဲ့ လူ ၀င်ပေါက်ကလေး ဆီကို ချဉ်း ကပ်ခဲ့ကြရတယ်။ ရဲဘော် ကလေးကို တော်မီက အကျိုး အကြောင်း ပြောပြီး “...ငါ ပါကွ” လုပ်လိုက် ပုံရတယ်။ အဆင်ပြေ သွားတယ်။ အဲဒီ တုန်း ကိုယ့်ခေါင်းထဲ မှာတော့ မနက်တိုင်း လှေသင်းဘက် ဆီက ထွက်လာတဲ့ သူငယ်မ နှစ်ယောက် ကိုများ မင်း သတိ ထားလိုက်မိ လိုက်သလားလို့ တော့ မေးလိုက် ချင်သား။ တစ်မျိုး တစ်မည် ထင်ပြီး အထဲ မ၀င်ရဘူးလို့ ပြောမှာစိုးတာ နဲ့ အသာငြိမ် နေလိုက် ရတယ်။

ဘွဲ့နှင်း သဘင်ဘေး နားဆီက အရိပ်အောက်မှာ ရဲဘော်ကလေး တစ်သိုက်နဲ့ ရပ်စကား ပြောနေတုန်း သူတို့ အရာရှိက အန်ကယ်တို့ အကြမ်းသောက် ချင်ရင် သောက်ကြ ပါလားလို့ဆို တာနဲ့ ကိုယ်တို့လည်း မိုးတိုး မတ်တတ်ရ ပ်ရင်း အကြမ်း သောက်၊ စကားပြော ဖြစ်သွား တယ်။ တော်မီကိုတော့ နည်း နည်း ရှိန်ကြတယ်။ ဖိုးစော ထွန်းကတော့ လေကောင်း အကြောင်း စုံဆိုတဲ့ လူမျိုး၊ ရှေ့ဖြစ်ဟောင်း နှောင်းဖြစ် တွေက သူ့မှာ တစ်ထွေး ချည်း။ ကိုယ်ကတော့ ရော ယိမ်းလိုက် ဘသား ယိမ်း လိုက် တစ်သက်လုံး လုပ် လာတော့။ အတိတ်ပြန်နေ လို့ကဖြင့်  နိဗ္ဗာန်ရောက်မှာ မဟုတ်ဘူးဆိုတဲ့ မူနဲ့အသက် ရှင်နေတာ။ ခုကာမှတော့ ပစ္စုပ္ပန် တည့်တည့်မှာ မြုပ် မသွားရုံ နှာခေါင်း ဖေါ်ပြီး နွားများ ရေကူးသလို ခေါင်း တမော့မော့ လုပ်နေတာ။ ကျောင်းဝင်းကြီးကို လှမ်း ကြည့်လိုက်တော့ ငြိမ်သက် နေတာပဲ။ သွားသူ လာသူ ရှိပေတဲ့ ရှင်းနေ သလိုပဲ။ စော လည်း စောသေး လို့ဖြစ်မယ်။ တို့တုန်းကတော့ ဘယ်သို့ ဘယ်ပုံရယ်လို့ ဖိုးစောထွန်း က သူ့ထုံးစံအတိုင်း အတိတ် တမ်း၊ အလွမ်းပြေ၊ လေပြ ဇာတ်နဲ့ စင်တင်နေတုန်း ဗိုလ် မှူးကလေးက အန်ကယ်တို့ သိကောင်း သိမယ်။ ဟောဟို က ဆရာကြီး ဦးရွှေရောင် ကတော့ ကျောင်းဖွင့်ဖွင့်၊ ပိတ် ပိတ် နေ့စဉ် မနက် ခုနစ်နာရီ ခွဲရင် သူ့ဌာနကို ရောက်နေ တာပဲလို့ ပြောပြီး ၀ိဇ္ဇာခန်း မဘက်ဆီ လက်ညှိုးထိုးပြ တယ်။ ဒီတော့မှ ကိုယ်လည်း သတိရ လိုက်မိတယ်။ ကိုယ့် ကို တစ်ယောက်ယောက်က ပြောပြဖူးတယ်။ ကိုရွှေရောင် ကြီး တစ်ယောက် ပင်စင်စေ့ ကာမှ အဘိုးကြီးက ခိုင်းလို့ တက္ကသိုလ် မှာသွားပြီး ပါ မောက္ခ လုပ်နေရ ပြန်တယ် ဆိုတာ။ ဒီတုန်း ဖိုးစောထွန်း က မေးတယ်။ ဘမောင်၊ ငါတို့ ကိုရွှေရောင်ကြီး မဟုတ်လား။ ဟုမ်းကနေ ရလေ့ဂျယ်(စ)အဖဲကို ပြောင်း သွားတာ လေတဲ့။ ကိုယ်က သာသာပဲ ခေါင်းညိတ်ပြလိုက် မိတယ်။ တော်မီက ၀င်ပြော တယ်။ သူ့ကိုတော့ အဘိုးကြီး အတော်ခင် တာတဲ့။ လာကွာ၊ မိုးခိုဝင်ရင်း တွေ့ကြရအောင် လို့ ဖိုးစောထွန်းက ပြော တယ်။ ကိုယ်တို့လည်း ဗိုလ် မှူးလေးနဲ့ ရဲဘော်လေး တစ် သိုက်ကို ကျေးဇူး တင်ကြောင်း ပြောပြီး ထွက်လာကာ နီးမှာ ဗိုလ်မှူးကလေးက အန်ကယ် တို့ ဒီက ထီးတစ်ချောင်းယူ သွား၊ အဲဒီမှာပဲ ထားလိုက်။ နောက်မှ ကျွန်တော် ယူခိုင်း လိုက်မယ်လို့ ပြောပြီး ထီး တစ်ချောင်း ပေးတယ်။ ကိုယ် ကတော့ မနေနိုင် တော့ဘူး။ တော်မီကိုလည်း နည်းနည်း နှိပ်လိုက် ချင်တာနဲ့ လှမ်း ပြောလိုက်မိတယ်။ တော်မီ တွေ့လား၊ မင်းတို့ ခေတ်က လူတွေနဲ့ မတူ တော့ဘူး။ ခု ခေတ် လူငယ်တွေက လူကြီး ကို လူကြီးမှန်း သိတယ်လို့။ တော်မီကတော့ ခေါင်းခါ တယ်။ မင်း မှတ်ထား ဆိုတဲ့ အကြည့်မျိုးနဲ့ ကြည့်ပြီး ပြုံး တယ်။ ဗိုလ်မှူးကလေးနဲ့ သူ့လူတစ်သိုက် ကတော့ ပြုံး စေ့စေ့လုပ် ရင်း ကျန်ရစ် ခဲ့ကြ တယ်။

မိုးဖွဲဖွဲ အောက်မှာ ၀ိဇ္ဇာ ခန်းမ ဘက်လျှောက်လာကြ ရင်း စိတ်ထဲက သူငယ်မ နှစ် ယောက်ဆီ ရောက်သွားမိတယ်။ ဒီကနေ့ မနက်၊ ပြုံးမပြရသေး တာဟာ အကြွေး တစ်ခုလိုပဲ။ ဂွတ်မောနင်းလို့ မပြောရသေး တာကလည်း လည်ချောင်းထဲ မှာ တစ်ဆို့ဆို့ ဖြစ်နေတယ်။ ခုန်ထွက်ချင်နေပုံ ရတယ်။ ကောင်းကင်မှာတော့ တိမ် တွေ ပါးစပြုလာပြီ။ မကြာ ခင် မိုးရပ်သွား မဲ့ပုံပဲ။ ကိုရွှေ ရောင်ကြီးဌာန ဆီရောက်တော့ အခန့်သင့် ပဲတွေ့ ရတယ်။ ဒီ တော့လည်း ဟိုတုန်းက အကြောင်း၊ ရှေးဟောင်း နှောင်းဖြစ်ကလေးတွေ ပြော ဖြစ်သွားကြရပြန် တယ်။ ၀မ်း သာစရာ တစ်ခု ကတော့ ကိုရွှေ ရောင်ကြီးမှာ အဖြေတွေ အကုန်လုံး ရှိတယ်။ သူကိုယ် တိုင်လည်း ဖလော် ဆော်ဖီတို့၊ ဆိုက်ကော် လော်ဂျီတို့၊ ဘာ သာရေးတို့နဲ့ အားလုံးထွေး လုံးရစ်ပတ်ပြီး နေတဲ့လူ။  ဒီတော့ လည်း တစ်ဖက်က မဟုတ်ရင် တစ်ဖက်က လှည့်ကြည့်လို့ ရနေတယ်။ ပြဿနာ တစ်ရပ်ကို ခေါင်းမြီး ခြုံ၊ စောင်အုပ်ပြီး အစမပေါ် အောင် ခဲနဲ့ဖိထားတာ မျိုးလုပ် တဲ့လူ မဟုတ်ဘူး။ ပြဿနာ ဆိုတာက ဆက်လက် နှီးနှော စရာ။ ဒီတော့ နှီးနှောခြင်း ဟာ အဖြေရဲ့တစ်စိတ်တစ် ပိုင်းပဲ။ ကိုယ်ကတော့ သူနဲ့ စကား ပြောရင် ကျေနပ်မှု တစ်မျိုး ရလာပြန်တယ်။ လည် ချောင်းထဲကနေ ခုန်ထွက်မ သွားရသေးတဲ့ ဂွတ်မောနင်း တစ်လုံးဟာ ဆက်စဉ်းစား စရာပဲ။ ဆက်စဉ်းစားရင် သူငယ်မကလေးတွေရဲ့ မျက် နှာမြင်လာရမှာပဲ။ ဒီတော့ လည်း သူတို့အပြုံး ကလေး တွေ ပေါ်လာပြန်တယ်။ ဒါတွေအကုန်လုံးဟာ တရား သော ဆက်စပ်မှု တွေချည်းပဲ။ ကိုရွှေရောင်ကြီး ပြောတာတွေ အားလုံးကို နားထဲမ၀င်ပေတဲ့ သိပ်သဘောကျ သွားမိတဲ့ စကားတစ်လုံး ကတော့ “အစ်ကိုကြီးတို့ရာ၊ လောက ကြီးဆိုတာက ကိုယ်က ဖန် ဆင်းထားတာမှ မဟုတ်ဘဲ” ဆိုတာပဲ။ ဟုတ်သားက လား။ ကိုယ်က ဖန်ဆင်း ထားတာ မဟုတ်တော့ လည်း လောကကြီးဟာ ကိုယ်မှန်း ထားတဲ့ အတိုင်း အမြဲတမ်း ဖြစ်မနေ နိုင်ဘူး။ ကိုယ်တွေး ကြည့်လို့ မဖြစ်တာတွေဟာ ဆက်တွေးစရာ တွေချည်းပဲ၊ ဆက်မတွေး ဘဲ ရပ်လိုက်ပြီး ဖြစ်သမျှ အကောင်းတွေ ချည်းပဲလို့ တွေးတာက ခပ် ညံ့ညံ့ လူတွေရဲ့ အတွေးမျိုးပဲ ကိုး။

ကိုယ်တို့ တစ်သိုက် လေအပစ် ကောင်းနေလိုက်တာ တစ်နာရီ သာသာလောက်ကြာ သွားတယ်။ တော်မီကပဲ သွားစို့လို့ ပြောတာနဲ့ ကိုယ် တို့လည်း ကိုရွှေရောင်ကြီးကို နှုတ်ဆက်ပြီး သူ့ရုံးခန်းက ထွက်လာတယ်။ အပြင်ဘက် ရောက်တော့ သူ့ စာရေး မောင်ဝင်းအောင် နဲ့တွေ့တယ်။ သူ ဒီမှာလုပ်မှန်း ကိုယ်က မသိဘူး။ မောင်ဝင်းအောင်က ဖရက်ဒီ အိမ်က မောင်ထွန်း ရွှေဆီ လာနေကျ။ ညနေတိုင် ကမာရွတ်ထဲ ဆီမှာ အတူသွား သောက်နေကျ။ ကိုရွှေရောင် အကြောင်း စကား မစပ်မိ ကြဘူးကိုး။ သူက ဆရာကြီး ကားမပါ ဘူးလားတဲ့။ တို့ လမ်းလျှောက် ထွက်လာ တာ။ ဒီမှာ မိုးဝင် ခိုရင်း ကိုရွှေရောင်ကို ၀င်တွေ့တာ ပဲလို့ ကိုယ်က ဖြေလိုက် တယ်။ မောင်ဝင်းအောင်က မိုးကောင်းကင်ကြီးကို လှမ်း ကြည့်လိုက်ရင်း ခုနေတော့ နေကလေး ပြူလာပြီ။ တိမ် တွေကတော့ ရှိသေးတယ် ဆရာကြီးရယ်။ သိပ်စိတ်မချ ရဘူး။ ကျွန်တော်လှမ်းပြီး ထွန်းရွှေကို ဖုန်းဆက်လိုက် ပါ့မယ်။ ဒီကောင်ကို ကားနဲ့ လာကြို ခိုင်းလိုက်မယ်။ ခဏ လောက် စောင့်ပါလို့ ပြော တယ်။ ကောင်းသားပဲလို့ ကိုယ်က ဖြေလိုက်မိတယ်။ သိပ်မကြာ လိုက်ဘူး။ ရုံးခန်း ထဲဆီက မောင်ဝင်းအောင် ပြန်ထွက်လာပြီး ကျွန်တော် ဖုန်းဆက် လိုက်ပြီ။ ထွန်းရွှေ လာပါလိမ့်မယ် ဆရာကြီးလို့ ပြောရင်း ပေါ်တီကို အပြင် ဘက်နားဆီကို သွားပြီး ကောင်းကင်ကြီးကို မော့ ကြည့်နေတယ်။ ပြီးတော့မှ ကိုယ်တို့နား ပြန်လာရင်း ပြော ပြန်တယ်။ နွေက နှောင်းလို့ အိုတဲ့အခါ၊ မိုးက ခုကာမှ အစ၊ နုပျိုစ ဆိုတော့ ဘယ် ဟာကမျှ အသား မကျသေး ဘူး။ ဘာမျှ စိတ်မချရဘူး ဆရာကြီးရယ်။ အုံ့ချင်အုံ့၊ ရွာချင်ရွာ၊ သာချင်သာပဲ။ အို၊ ထိန်းမရ။ ပျို၊ စိမ်းဆတ် ဆတ်ဆိုတာ မျိုးပေါ့ ဆရာကြီး ရာ။ ဟဲဟဲတဲ့။ သူကလည်း အလာ သားကိုးလို့ ကိုယ်က တွေးလိုက် မိပြန်တယ်။ တံငါ နားနီး တံငါဖြစ်နိုင် သေးရင် ဖလော်ဆော်ဖာတွေ အနားနေ တော့ ဖလော်ဆော်ဖာ နားနီး ဖလော်ဆော်ဖာ ဆိုတာမျိုး ဖြစ်ရမှာ ပဲပေါ့။

ကိုရွှေရောင်ကြီး လည်း ထွက်လာပြီး ဖိုးစောထွန်းနဲ့ စကားဆက် နေတယ်။ ဖိုးစော ထွန်းတို့ ကိုရွှေရောင် တို့ဆီမှာ အတိတ် တွေဟာ တစ်ပုံချည်း ပဲ။ ကိုယ်တို့ တော်မီတို့က တော့ အတိတ်တွေကို အထိုက် အလျောက် ဖြုတ်ချ ထားလိုက်ခဲ့ပြီ။ တော်မီမှာက အနာဂတ် ဆိုတာ နည်းနည်း ရှိတယ်။ ကိုယ့်မှာတော့ မရှိ သလောက်ပဲ။ နေ့မြင် ည ပျောက်တွေများ တဲ့အရွယ်က ရောက်နှင့် နေပြီကိုး။ မနက် တိုင် လှေသင်းဆီမှာ တွေ့ရ တဲ့ သူငယ်မ ကလေးတွေလို ပဲ။ ဒီကနေ့ တော့ မတွေ့ရ တော့ဘူး။ မတွေ့ ရပေတဲ့ တွေးနေ ရသေးတယ်။ မနက် ဖြန်ဆီ ကျရင် တွေ့ကောင်း တွေ့လေမလားပဲ။ တွေ့တော့ ကော။ တွေ့ရင် ပြုံးပြ ရမှာပဲ။ အပြုံးက အဲဒီနေရာ၊ အဲဒီဝန်း ကျင်မှာ တည်နေတဲ့ အရာ။ တစ်စုံ တစ်ရာပဲ။ ကိုယ့်ဆီမှာ မရှိသလို သူတို့ဆီ မှာလည်း ရှိမှာ မဟုတ်ဘူး။ မနက်ဖြန် မှာတွေ့လို့ ပြောရမဲ့ ဂွတ်မော နင်းဟာ ဒီကနေ့ မနက်က မွေးဖွားခွင့် မရခဲ့တဲ့ ဂွတ်မော နင်းမျိုး။ အသက်မရှိ ခဲ့တဲ့ ဂွတ်မောနင်းမျိုး။ လည် ချောင်းထဲကနေ ခုန်ထွက် လာခွင့် မရခဲ့တဲ့ ဂွတ်မောနင်း မျိုး မဟုတ်ဘူး။ မနက်ဖြန် အတွက် ဂွတ်မောနင်းက တကယ်တော့ ရောက်မလာ သေးဘူး။ ရှိမနေ နိုင်သေး ဘူး။ ကိုယ်တို့ ငယ်စဉ်က တော့ ပြုံးတယ်ဆိုတာ ကိုယ် က ပြုံးတာလို့ ထင်ခဲ့ ဖူးကြ တယ်။ တကယ်တော့ ပြုံး တာ- ရယ်တာပဲ ဖြစ်ဖြစ်၊ ၀မ်း နည်းတာ- ငိုတာပဲ ဖြစ်ဖြစ်၊ ဒါတွေဟာ ရပ်ဝန်းတစ်ခု တည်းမှာ နေရာ တစ်ခုတည်း မှာပဲ ဖြစ်နေတာ။ အမြဲတမ်း ရှိနေတာတွေ မဟုတ်ဘူး။ အပြုံးဆိုတာ တွေဟာ ဘယ် တုန်း ကမျှ ရပ်တန့် နေတာ မဟုတ်ဘူး။ အငိုတွေဟာ ဘယ်တော့မျှ ပြီးမသွားဘူး။ ခုနေတော့ ကိုယ့်ဆီမှာ ပြုံး စရာ တွေက ရှိနေဦးမှာ။ ဖြစ် လာဖို့က ၀န်းကျင် လိုတယ်။ အငိုတို့၊ အပြုံးတို့ ဆိုတာတွေ က နွေ၊ မိုး၊ ဆောင်းလို။ နိုပျိုခြင်းတို့၊ အိုမင်းခြင်းတို့ လို၊ သီးခြား ရပ်ဝန်းထဲက သီး ခြားအကြောင်း အရာတွေပဲ။ ဖြစ်နေခြင်း ဆိုတာ တွေဟာ တိမ်တွေလိုပဲ။ “သည်”နဲ့“၏” နဲ့ ဆုံးပစ်လိုက်လို့ မရဘူး။ ရွေ့နေမှာပဲ။ မတော် မနက်ဖြန် မနက်မှာများ သူငယ်မ ကလေး တွေနဲ့တွေ့ လိုက်ရရင် ကိုယ့် ဆီမှာ အပြုံးတွေ ဖြစ်လာမှာ။ တားထား လို့ရမှာ မဟုတ် ဘူး။ မနက်ဖြန် မနက်နဲ့ လိုက် လျောညီ ထွေဖြစ်တဲ့ ဂွတ် မောနင်း တစ်ခု ပေါ်လာဦးမှာ။ ကျေနပ်မှု တစ်ခုခု ပါ ဖြစ်လာ ဦးမှာပဲ။ မနက်ဖြန် မနက် အတွက် ကျေနပ်မှုဟာ ခုနေ မရှိနိုင်ဘူး။ ခုနေတော့ ကိုရွှေရောင်ကြီးရဲ့ မဆုံးနိုင် အောင် ချာချာလည် နေတဲ့ သံသရာ ဆိုတာကြီးပဲ ကိုယ် တို့အနားမှာ ရှိနေတယ်။ အဲဒီ သံသရာကြီး အထဲမှာ သူငယ် မကလေးတွေရဲ့ အပြုံးတွေ ဟာ တစ်ချက် တစ်ချက် ပေါ် လာ နေတတ်တယ်။

ခဏကြာ တော့ မောင် ထွန်းရွှေ ရောက်လာတယ်။ ကိုယ်တို့လည်း ကိုရွှေရောင် တို့ ဆရာ တပည့်ကို နှုတ် ဆက်ပြီး ကားပေါ်တက် လိုက်ကြတယ်။ ထုံးစံ အတိုင်း ကိုယ်က ရှေ့ခန်းမှာ ၀င်ထိုင် လိုက်တယ်။ မောင်ထွန်းရွှေ က ကိုယ့်ကိုကြည့်ပြီး တစ်ခု ခုပြောမယ်လို ဟန်ပြင်တယ်။ သူက စကား ပြောရင် “ကျွန်တော် မပြော ဘူးလား” ဆိုတဲ့ စကားအခံ ကလေးနဲ့ စတတ်တယ်။ သူ့ စကားကို “သည်”နဲ့“၏”နဲ့ ဆုံးမပစ် ဘူး။ ဘာကို ဆိုလိုမှန်းတော့ ကိုယ်လည်း သိပ်သဘော မပေါက်လှဘူး။ တစ်ခါတ လေ ဘာမျှလည်း ဆက်မပြော ဘူး။ မောင်ထွန်းရွှေက ပြောမဲ့ ဟန်ပြင် ပေတဲ့ အတော်ကြာ အောင် ဘာမျှမ ပြောသေး ဘူး။ ကိုယ်ကတော့ နားစွင့် နေမိတယ်။ တက္ကသိုလ်ဆေး ရုံဘက်နားဆီအရောက်မှာ မောင်ထွန်းရွှေက ကားမောင်း နေရာက ကိုယ့်ဘက် တစ် ချက်ကလေး လှည့်ကြည့်လိုက် ရင်းပြောတယ်။ ကျွန်တော် မပြောဘူး လားတဲ့။ ဒီနောက် ဘာမျှတော့ ဆက်မပြောဘူး။
 

(ရောရောယောင်ယောင် မောင်ဘမောင်၏ ၀တ္ထုတိုများ မှ)

မြင့်သန်း
(ရွှေအမြုတေ မဂ္ဂဇင်း ဇန်န၀ါရီလ ၂၀၁၃)

January 12, 2013

သေဖို့ မသင့်သေးတဲ့ ခေတ်



ဒေါက်တာ နှောင်းကြီး အရပ်ကို ပြန်ရောက်လာရင် လူတိုင်းလိုလို ပျော်ကြတယ်။  လိုလို လို့ စကားအခံကလေးနဲ့ ပြောရတာက လူတိုင်းမဟုတ်လို့ပဲ။ လူတိုင်းရယ်လို့ ပြောမဖြစ်အောင် ကိုးလို့ကန့်လန့် ခံနေတာက သူ့အစ်ကိုကြီး ဦးသောင်း။ အရပ်ကတော့ ဦးလေးသောင်းရယ်လို့ အခေါ်များကြတယ်။ ဒေါက်တာနှောင်းကြီး အရပ်ကို ပြန်လာသဟေ့ဆိုတာ ကြားရရုံနဲ့ ဦးလေးသောင်းကြီးကတော့ တထိတ်ထိတ်ရယ်ပဲ။ ပြဿနာက ဒေါက်တာနှောင်းမှာ ဘာမှ အကြောက်အလန့်မရှိတဲ့ ကိစ္စ။ အရပ်အပြောနဲ့ ပြောရရင်တော့ ငယ်ထိပ်မြွေပေါက်ခံရတဲ့လူမျိုး။ မြွေဆိပ်ဆိုတာ အထက်ကိုတက်တယ် ဆိုကြတယ်မဟုတ်လား။ ငယ်ထိပ်ကို မြွေပေါက်ခံရရင် တက်စရာမရှိတော့လို့ မသေနိုင်တော့ဘူးတဲ့။ ဒီတော့ ဒေါက်တာနှောင်းကြီးက ဘာအန္တရာယ်မှ မကြောက်လောက်တဲ့ လူမျိုးလို့ ပြောချင်ကြတာ။ တော်ရုံဆို ရွာထဲရပ်ထဲ ပြဿနာပေါ်လာရင်  လူကြီးတွေက စီစဉ်ရတယ်။ လူကြီးတွေ မနိုင်ရင် တိုက်အုပ်ရှိတယ်။ ဘာကြောင့်မှန်းတော့မသိဘူး။ တိုက်အုပ်မှ သြဇာရော အာဏာပါရှိသတဲ့။ အဲဒီလိုပြောရတာက ဟိုဘက်ထဲဆီက အောင်မင်္ဂလာကျောင်းဝင်းထဲဆီနေတဲ့ ကိုဖိုးကော့ကြီးက ပြောတာ။ သူ့အိမ်နဲ့ နီးတဲ့အောင်မင်္ဂလာကျောင်းထဲဆီမှာ ကျောင်းတိုက်က ကိုယ်တော်ကလေးတချို့နဲ့ စကားစမြည်ပြောရင်း ကိုဖိုးကော့ကြီးက ပြောသတဲ့။ ဟိုဘက်ကျောင်းက ဗိုလ်ဥာဏ်တို့မှ သြဇာရောအာဏာပါ ရှိတာတဲ့။ အာဏာဆိုကတော့ အတွင်းမှာရော အပြင်မှာပါ ရှိတယ်ဆိုသလားပဲ။  ဒါနဲ့ပဲ တိုက်အုပ်က နေရင်းထိုင်ရင်း အာဏာရှိသွားတော့တာပဲ။ ဟုတ်တော့လည်း ဟုတ်လောက်တယ်။ သူကြီးကိုယ်တိုင် မကျေလည်တာကလေးများရှိလို့  ကျောင်းတိုက်ကြီးထဲက ဆွမ်းစားကျောင်း အောက်ထပ်မှာ စုပြီး အစည်းအဝေးလုပ်လို့များ တော်ရုံညှိမရကြဘူးရယ်လို့ အကြောင်းပေါ်လာခဲ့ရင် ဘုန်းကြီးလေးသာ သွားလျှောက်ချေ။ သင်းပိုင်အောက်နှုတ်ခမ်းစကို အသာမပြီး ကိုယ်တော်က ကြွလာတော့တာ။ ခုထိ ဒီကိစ္စက မပြီးသေးဘူးလားဗျ လို့သာ ပြောလိုက်။ ကိစ္စက သူ့အလိုလို ပြီးသွားကရော။
          သို့ပေသိ ဒေါက်တာနှောင်းနဲ့တော့ဖြင့် ဒီလိုလုပ်လို့ မရဘူး။ ဒါကြောင့်ပဲ ဦးလေးသောင်းကြီးက သူ့ညီကို လန့်တာ။ သူ့ညီ ငနှောင်းတစ်ယောက် မြို့ရောက်ပြီး ပညာကို တန်းကုန်တက်သွားလို့ ဒေါက်တာနှောင်း ဖြစ်သွားတဲ့အတွက် ဦးလေးသောင်းက ကြောက်တာတော့ မဟုတ်ဘူး။ ငနှောင်းက တိုက်အုပ်နဲ့ ကိုရင်းစီးဖက်။ တိုက်အုပ်ကို ဝေဖန်ရဲတာ၊ တိုက်အုပ်ကို တို့ ကိုယ်တော်နှယ် ခက်ပါ့ ရယ်လို့ စကားခံပြီး ဖြောင့်ဖြောင့်ကြီး ဆန့်ကျင်ရဲတာက ဒီတစ်ကြောမှာတော့ သူ့ညီ ငနှောင်းပဲ။  ခက်နေတာ တစ်ခုက ဆန့်ကျင်တယ်ဆိုတဲ့ စကားလုံးက အဓိကပြဿနာ။ ဟုတ်ဟုတ် မဟုတ်ဟုတ် တစ်နေ့၊ တစ်ရက်၊ တမွန်းတည့်၊ တစ်မိနစ်၊ တစ်စက္ကန့်ကြီးတဲ့ လူကို ပြန်မပြောရဘူး။ ဂုဏဝုဒ္ဓိ ဝယဝုဒ္ဓိဆိုတာကို သတိထားရမယ်ဆိုတဲ့ လူ့အဖွဲ့အစည်းကြီးထဲမှာတော့ ပြောသမျှ ခေါင်းညိတ်မခံရင် ဆန့်ကျင်တယ် လို့ပဲ မြင်ကြတာ။ ဒီတော့လည်း အမှန်သဘောကိုင်ထားပေတဲ့ ပြန်မပြောနိုင်အားလေတော့ ဟန်လောက် ပြုံးပြုံးပြကြရာက ပါးညောင်းတဲ့ လောကထဲ ရောက်ကြရတော့တာပဲ။ ငနှောင်းကြီးကတော့ အလကား ပါးအညောင်းခံတဲ့ လူမျိုး မဟုတ်ဘူး။ မမှန်ဘူးထင်ရင် ဗြောင်ကိုပြောတော့တာ။ ဘုန်းကြီးရော သိပ်ဘုန်းမကြီးလှတဲ့ သူကြီးတွေ၊ ဆယ်အိမ်ခေါင်းတွေ မကဘူး။ ရွာကျက်သရေဆောင် ပညာတတ်ကြီးတွေ ဖြစ်တဲ့ ကျောင်းအုပ်ဆရာကြီးဟောင်းတွေလည်း အလွတ်မပေးဘူး။ မှားလို့ တွယ်လိုက်ရင် အပယ်မကျဘူးလို့တောင် ဆရာနှောင်းကြီးက ပြောတတ်သေး။
          ဦးလေးသောင်းကတော့ သူ့ညီတွယ်စရာ ပုဏ္ဏားတိုင်ပဲ။ ကျောင်းတိုက်ကြီးမှာ လုပ်တဲ့ အစည်းအဝေးတွေမှာ သူရောက်နေတာနဲ့ ကြုံနေရင် တိုက်အုပ်တို့ ဆရာတော်ကြီးတို့က သူ့ကိုပါ ဝင်ပြီး ထိုင်စေချင်တယ်။ အဲဒီလို အခါမျိုးမှာ ဦးလေးသောင်းကြီးပြောတာနဲ့ သူ့အမြင်ထိပ်တိုက်တိုးလို့ ကန့်လန့်ဖြစ်လာရင် ဆရာနှောင်းက ခင်ဗျားကတော့ ပိုသိမှာပေါ့။ ကြီးကာမှ မိန်းမငယ်ငယ်ယူထားတာကိုး ဆိုပြီး စကားချီတော့တာပဲ။ ဒီတော့လည်း ဦးလေးသောင်းကြီး ခမျာ ဘုမသိဘမသိနဲ့ နောက်ဖေးပေါက်ဆီကနေ အသာလက်နက်ချသလို ဖြစ်ရပြန်ရော။ မိုးနှောင်းကာမှ အော်မိတဲ့ ဖားများလို ပြေးစရာပုန်းစရာမရှိတော့လို့ အရိုက်ခံရတာဟာ တရားသော အရိုက်ခံရခြင်းလို့ပဲ ပြောစရာကျန်ရှာတော့တယ်။ တစ်ချီတော့ ဆရာတော်ကြီးကလည်း ရှိနေတယ်။ ဒေါက်တာနှောင်းက အဲလိုလည်း ပြောရော ဆရာတော်ကြီးက ဝင်ပြီး  နေစမ်းပါဦးကွယ့် ငနှောင်းရဲ့။ ဘာကို ဆိုချင်တာတုန်းလို့ ပြောတော့ သူက ပြန်ဖြေတယ်။ တပည့်တော် ပြောချင်တာက နောင်ကြီးသောင်းက မိန်းမငယ်ငယ်ယူထားတယ် ဆိုတာပါပဲတဲ့။ ဒီတော့ ဆရာတော်ကြီးက မကျေမလည် ဖြစ်သွားပုံရတယ်။ ဟုတ်ပါပြီကွဲ့၊ ငသောင်းကြီး မိန်းမငယ်ငယ်ယူထားတာနဲ့ တို့အခုစည်းဝေးနေကြတဲ့ တာဝတိံသာပွဲ လုပ်ဖို့ဟာက ဘယ်လိုများ ဆက်နေတာဆိုတာကလေး ငါ သိချင်တာပါလို့ မိန့်တယ်။ ဒေါက်တာနှောင်းကြီးက ဆရာတော်ကြီးနဲ့ အတူ သူ့နောင်ကြီးနဲ့ သူကြီးတွေကို လှမ်းကြည့်လိုက်ရင်း ဖြေတယ်။ တပည့်တော်က ဆိုင်တယ်ရယ်လို့ မပြောပါဘူး။ သူက မိန်းမငယ်ငယ် ယူထားလေတော့ တပည့်တော်တို့ မသိတာတစ်ခုခု သူက ပိုသိမှာပဲလို့ ဂုဏ်တင်ပေးတာပါဘုရား တဲ့။ ဆရာတော်ကြီးကတော့ ဘာမှ မပြန်မပြောတော့ပဲ အသာခေါင်းညိတ်တယ်။ အစည်းအဝေးလာကြတဲ့ သူကြီးတွေ ဆယ်အိမ်ခေါင်းတွေနဲ့ ကာလသားတွေကတော့ ပြုံးကြတယ်။ အဲဒီကစလို့ နောက်ပိုင်းအစည်းအဝေးတွေမှာ ဦးလေးသောင်းကြီးကို ငြင်းချင်တဲ့ လူတိုင်းက ခင်ဗျားကတော့ မိန်းမငယ်ငယ်ယူထားတာကိုး ဆိုတာနဲ့ စကြတော့တာပဲ။ သဘာဝယုတ္တိ အာဂမ ယုတ္တိ ဆင်ရာမှာ အစဦးနိဒါန်းအဆိုက အရေးကြီးတယ်လို့ ပညာရှိ မင်းများပြောသလိုပဲ ဆိုရလိမ့်မယ် ထင်တယ်။
`        ဒီတစ်ပတ် ဒေါက်တာနှောင်းကြီး အရပ်ပြန်လာချိန်မှာက တိုင်းရေးပြည်ရေးကလေးတွေ အပြောင်းအလဲကလေးတွေ ဖြစ်နေတဲ့ အချိန်။ ဒီတော့လည်း သူ့ဆီက သတင်းတိုရှည်လေးတွေ နားထောင်ချင်နေကြတယ်။ ဘယ်သွားသွား ဆရာကြီး၊ ဟိုဟာက ဟိုလိုမဟုတ်ဘူးလား၊ ဒီဟာကရော ဟိုလိုမဟုတ်ဘူးလားဆိုပြီး တောမေး တောင်မေး မေးတတ်ကြတာ်။ ဒီတော့လည်း ဒေါက်တာနှောင်းကြီးခမျာ ဖြေရရှာတယ်။ ရှင်းပြရရှာတယ်။ သူကိုယ်တိုင်ကလည်း လေကကောင်းသကိုး။ ကျုပ်တို့ အညာဆီက ရှမ်းဆရာကြီးပြောတဲ့  အမြဲတမ်းတိုက်နေတဲ့ လေမျိုး၊ မုတ်သုန်လေလို မြောက်ပြန်လေလို ရာသီလေမျိုးမဟုတ်ဘူး။ ဒေါက်တာနှောင်းကြီးပြောလိုက်ရင် ကျလည်း ကျကြတယ်။ ကျဆို သူက ဒီအရပ်သားဆိုပေသိ မြို့မှာနေတာ။ မြို့ကြီးသား။ မြို့သားဆိုတာက တောသားထက်တောာ့ ပိုသိတာပဲ။ တောသားမှာ ပြောကြားစရာ နတ္ထိ ဆိုတဲ့ စကားအတိုင်းပဲ။ ဘာပြောစရာရှိလို့တုန်း။ လယ်ကိစ္စ ချောင်းကိစ္စ ရှိတဲ့အခါ လုပ်လိုက်ကြ။ မရှိတော့လည်း သစ်မြစ်ပေါ် ခေါင်းအုံးပြီး ကောင်းကင်ယံထဲ မော့ကြည့်နေကြတာ။ မော့မကြည့်လည်း ကြည့်စရာ သိပ်ရှိတာမဟုတ်ဘူး။ မြို့ပေါ်မှာလို စံပြမယ်တို့ ဟန်ပြမယ်တို့ လှန်ပြမယ်တို့ မရှိဘူး။ မြို့ပေါ်ကလူတွေကသာ နှစ်ရက်နဲ့ တစ်မွန်းတည့်လောက် တောကိုလာ။ ရှာကြံပြီး တောသားရဲ့ အရည်အချင်းကို ဂုဏ်တင်ပြလေ့ရှိတာ။ တကယ်တော့ တောသားမှာ ဂုဏ်ယူစရာ သူ့ဖွားဖက်တော်က လွဲလို့ ဘာမှ ရှိတာမဟုတ်ဘူး။ ဒီတော့ ပြောစရာဘာမှမရှိတဲ့ တောသားအတွက်တော့ ပြောစရာ အများကြီးရှိတဲ့ မြို့ကြီးသားဆီ မှတ်စရာသားစရာကို မှတ်ရသားရတော့တာ။ ဒါမှလည်း တောသားချင်းတူရင် ကိုယ့်ထက်ညံ့တဲ့ ခပ်ညံ့ညံ့တောသားနဲ့ တိုးတဲ့အခါ ကိုယ့်မှာ ဖိန်းစရာလေးတွေ ရှိမှာကိုး။
          တိုင်းရေး ပြည်ရေးကလေးတွေဆိုတာကလည်း ဒီလို။ ကိုလိုနီလက်အောက်ကလွတ်ပြီး ကိုးနှစ်ဆယ်နှစ် ကြာသွားတယ်ဆိုပေတဲ့ တောဘက်မှာက ဒုံရင်းကို ပုံသွင်းထားလေတော့ မြို့မှာလို ပြောင်းတယ် လဲတယ်ရယ်လို့ မရှိလှဘူး။ မရှိဘူးပဲ ဆိုရစေတော့ရဲ့။ ကိုလိုနီ သခင်ကြီးများ သူ့အရပ် ပြန်ကြွသွားချည်ရဲ့ ဆိုပေတဲ့ နောက်လာတဲ့ မောင်ပုလဲက ကိုလိုနီနဲ့ သိပ်မှ မကွာလှပဲ။ ကိုလိုနီက ကိုယ့်ပြည်က ပစ္စည်းယူပြီး သူ့ပြည်သူ့ရွာကို သယ်တယ်။ ဟော… မောင်ပုလဲတို့ကျတော့ ကိုယ့်ပစ္စည်းကို သူ့အိမ်ထဲ အသာ မ သွားတော့တာ။ ဟိုတုန်းကတော့ ဂျပန်က ပါးရိုက်တယ်။ အင်္ဂလိပ်က ညို့သကျည်းကို မျဉ်းလုံးနဲ့ လှိမ့်တယ်။ တိုင်းပြည်ကြီး လွတ်လပ်ရေး ရသွားကာမှ ကိုယ့်အချင်းချင်း နားရင်းရိုက်ကြရတော့တာကိုး။ ဒီတော့ကာမှ ရဲဘော်ဖြူ၊ ရဲဘော်နီ၊ ရဲဘော်အပြာနုနု၊ ရဲဘော်မီးခိုးရောင်၊ အရောင်ကို စုံနေတာ။ လွတ်လပ်ရေးရတယ်ဆိုကာမှ ကိုယ့်အချင်းချင်းကြောက်ကြရပြီး ယူနီဖောင်းဝတ်ဆိုရင် မီးရထားနောက်တွဲထဲက အလံပြတဲ့ ဂတ်ဗိုလ်ဆိုတာကိုတောင် ကြောက်လာကြရတော့တယ်။ လွတ်လပ်ရေးရပြီး ဆယ်နှစ်ကျော်လာတော့ နိုင်ငံရေးက တောလိုလိုတောင်လိုလို။ ရွာထိပ်မှာ ကဝေမကတောင် မီးကစားပြလာတယ် ဆိုသလားပဲ။ ဒါလေးကိုက အဆန်းလို ဖြစ်လာတာ.။ ဒီတော့ ဆရာနှောင်းကြီး အရပ်ရောက်တဲ့ အချိန်မှာ ဖြေစရာတွေ အပုံချည်း။ ပြောပြစရာတွေက အပုံချည်း။ ဘယ်သွားသွား ပြောစရာ စကားက အများသား။
          ကနေ့ ညနေစောင်းဆီကတော့ ဒေါက်တာနှောင်းကြီးတို့ ညီနောင် နှစ်ပါး ကျောင်းတိုက်ကြီးထဲဆီ သွားကြတယ်။ ဦးလေးသောင်းကြီးမှာ ဘာအကြောင်းရှိမှန်းတော့ မသိဘူး။ ဒေါက်တာနှောင်းကတော့ အကြံကလေးရှိထားတယ်။ ဆွမ်းချက်တဲ့ ဦးကြွိက ငါ့ဆီလာ ထမင်းကျန်ဟင်းကျန်လေး  စားလှည့်ဦးလေကွာလို့ သူ့ကို ပြောထားတယ်။ အကြမ်းအိုး တစ်လုံးထဲ မန္တလေး ဗြစ်ချက်စက်ရုံဆီက ချက်တဲ့ အကြမ်းရည်ကလေးထည့်ပြီး ဦးကြွိချက်တဲ့ ဝက်သားဟင်းလေးနဲ့ မြည်းကြဖို့ကိုး။ အဲဒီကိစ္စကလေးကို လက်တွေ အကောင်အထည်ဖော်ဖို့၊ ဒါ ဆရာနှောင်းကြီးရဲ့ အကြံ။ ဒီကိစ္စနဲ့ ပတ်သတ်လို့တောင် ညီအစ်ကိုချင်း အတော်ပြောရသေးတယ်။ ကျောင်းဘက်အလာမှာ  ကျုပ် ဦးကြွိဆီ ထမင်းကျန် ဟင်းကျန်သွားစားဦးမယ်လို့ ဒေါက်တာနှောင်းကြီး ပြောတော့ ဦးလေးသောင်းက ဘုမသိဘမသိနဲ့ ငါ့မိန်းမချက်တာ ဘာဖြစ်လို့တုန်းလို့ မေးတယ်။ ခင်ဗျားမိန်းမက ဘာမှမဖြစ်ဘူး။ ဟင်းချက်ကောင်းတယ်။ သို့ပေသိ ဟင်းစပ်က မတည့်ဘူးလို့ ဒေါက်တာနှောင်းကြီးက ပြန်ပြောတယ်။ မင်းက ကြေးကိုများတယ်လို့ ဦးလေးသောင်းက ပြောတော့ ခင်ဗျား မိန်းမကို ထမင်းဟင်း မချက်တတ်ဘူးရယ်လို့ ကျုပ်မပြောဘူး။ ဟင်းစပ် မတည့်တာကို  ပြောတာလို့ ပြန်ပြောတော့ ဦးလေးသောင်းက အဲဒါ မင်း ကြေးများလို့ ပေါ့ကွလို့ ပြောတယ်။ ဒီတော့မှာ ဒေါက်တာနှောင်းကြီးအတွက် အကွက်က ဝင်လာတော့တာ။ သူက ပြန်ပြောတယ်။ ကျုပ်ကတော့ မိန်းမငယ်ငယ်ယူမထားလေတော့ ကြေးများရသဗျာ။ ခင်ဗျားကတော့ မိန်းမငယ်ငယ်ယူထားလေတော့ ကြေးများနေရင် အမောဖောက်လို့ လိုရင်းကလေး ပျောက်သွားမှာကိုးဗျ တဲ့။ ဒီတော့လည်း ဦးလေးသောင်းကြီးခင်ဗျာ ဘာမှ ဆက်မပြောနိုင်တော့ဘူး။ ပြောစရာလည်း ရှိမှ မရှိတော့ဘဲကိုး။ ပြောမယ်ဆိုရင်တော့လည်း ထထိုးလိုက်တာကမှ ကောင်းဦးမယ်။
          ကျောင်းရောက်တော့ ဆွမ်းစားကျောင်း တန်းသွားပြီး ဦးကြွိနဲ့ ညှိနေတုန်း တိုက်အုပ်ရောက်လာတယ်။ ဦးကြွိက ရိုးရိုးအကြမ်းအိုးနဲ့ ထန်းလျက်ခဲလေး တစ်ပန်းကန် ချပေးပြီး မြောက်ဘက်ထဲဆီ ကျုပ်သွားဦးမယ်ဗျာ။ ငနှောင်းကြီး ကြိုက်တဲ့ ငရုတ်သီးထောင်းကလေး လုပ်ရအောင် မြရင်တို့ အခင်းထဲ သွားဆွတ်ချေဦးမယ်လို့ ပြောပြီး ထွက်သွားတယ်။ သူတို့ ညီအစ်ကိုနှစ်ယောက်နဲ့ တိုက်အုပ်လည်း ကြုံရာ ထွေခင်းလို့ လေညင်းချနေဖြစ်ကြတယ်။ တိုက်အုပ်ကတော့ ကိုထွန်းမောင်ကြီးကားနဲ့ မြုိ့ဆီက အကြုံပေးလိုက်တဲ့ သတင်းစာတွေကို ဖတ်နေကျ။ သတင်းစာတွေက တစ်ပတ် ဆယ်ရက်တန်သည် နောက်ကျနေပေတဲ့ မဖတ်ရသေးတဲ့ သတင်းဆိုတာက အသစ်ပဲကိုး။ ဒီတော့ ဆူးအက်တူးမြောင်းကိစ္စမှာ ဗြိတိန်နိုင်ငံက ဘယ်လိုလုပ်တယ်ဆိုတာကအစ တာဝါဘားကို အမတ်မင်း ဘယ်သူကဖြင့် အပျော်မယ်သုံးယောက်နဲ့ လာသွားတယ် ဆိုတာတွေကိုပါ သိတယ်။ ပြောရရင်တော့ ကမ္ဘာကြီးမှာ တိုင်းပြည်ကြီးမှာ ဘာတွေဖြစ်နေတယ်ဆိုတာကို တပတ်ဆယ်ရက်နောက်ကျပြီး သိတယ်။  နောက်ကျသိတာဟာ မသိသေးတဲ့ လူတွေထက်စာရင်တော့ သာသေးတယ်။ ဒီတော့ တိုက်အုပ်က ဒီတစ်ကြောမှာ အများတကာထက် ပိုသိတယ်လို့ ပြောရမှာပဲ။ သူ ဖတ်ရ သိရတာတွေကိ သူနဲ့ ကိုရင်းစီးဖက် ဒေါက်တာနှောင်းလာတိုင်း ဆွေးနွေးတယ်။ အသိပညာအရာမှာ သူနဲ့ တန်းညှိစရာကလည်း ဆရာနှောင်းကြီးပဲ ရှိတော့တာ။ ဒီလိုမျိုး နှီးနှောကြရင် ဦးလေးသောင်းကတော့ တစ်လုံးထောက် နှစ်လုံးထောက်ဆိုတာလောက်ပဲ ။ သိပ်လည်း ဝင်မပြောရဲဘူး။ မတော် အကြောင်းမသင့်ရင် ဆူးအက်တူးမြောင်းနဲ့ ဗြိတိန်နိုင်ငံအကြားမှာ မိန်းမငယ်ငယ်ယူထားတဲ့ ကိစ္စက ပေါ်လာနိုင်သေးတာကိုး။ ဦးလေးသောင်းကတော့ ကျောင်းတိုင်တစ်လုံးကို မှီရင် ခပ်ငိုက်ငိုက်ရယ်၊ ပန်းနေပုံရတယ်။ ဒါကတော့လည်း မိန်းမငယ်ငယ် ယူထားလိုက်မိတဲ့ ကိစ္စနဲ့ ဆိုင်လောက်တယ်။
          အတော်ကလေးကြာတော့ ဦးကြွိတစ်ယောက် ဆွမ်းစားကျောင်းဘက်ဆီ လျှောက်လာတာ တွေ့လိုက်ရတယ်။ သူနဲ့ အတူ ချမ်းသာအိုးလည်း ပါလာတယ်။ ဦးကြွိကများ လာကွာ ကျောင်းထဲလာ ထမင်းစားချေလို့ ခေါ်လာသေးလားလို့ တွေးကြည့်စရာပဲ။ ဒေါက်တာနှောင်းကြီးက ချမ်းသာအိုးတို့ မောင်မူတို့ မောင်တာတို့နဲ့ စကားပြောရတာကြိုက်တယ်။ သူက မြုိ့သားကြီး ဖြစ်နေပေသိ အရပ်ရောက်ရင် အဲဒီလို လူသိုက်နဲ့ စားစားသောက်သောက်လည်း နေတတ်တယ်။ ချမ်းသာအိုးကတော့ နေတော့ ဇရပ်မှာ၊ သွားတော့ ဖိနပ်မပါ၊ စားတော့ အရပ်တကာဆိုတဲ့ လူမျိုး။ သိပ်ပြီး ကျပ်မပြည့်ဘူးလို့ ပြောချင်ရင်တော့ ပြော။ ချမ်းသာအိုးက စာလေးဘာလေးလည်း တတ်တယ်။ ကြုံရာလည်း ဖတ်တယ်။ ထန်းရည်ကလေးလည်း ကြိုက်တယ်။ သူ့အတွေးနဲ့ သူနေတဲ့ လူမျိုး။ ရွာထဲရပ်ထဲမှာ အသေအပျောက်ရှိရင်တော့ သူ့တာဝန်။ သူ့ကို အသုဘတို့ရဲ့ ရာဇာဖြစ်တဲ့ သုဘရာဇာလို့ ခေါ်မှကြိုက်တယ်။ စဏ္ဍာလလို့ မခေါ်စေရလို့ တိုက်အုပ်တို့ သူကြီးတို့က အာမဝန္တာ ခံထားရတဲ့လူ။ ဒီတော့ တိုက်အုပ်က အစ မောင်မူတို့ မောင်တာတို့ကပါ သဘောကျတယ်။ ဆွမ်းစားကျောင်းအဝနားဆီရောက်တော့ တိုက်အုပ်ကပဲ လှမ်းမေးလိုက်တယ်။  ဟကောင်ကြီး ဘယ်လာတာတုန်းလို့။ ချမ်းသာအိုးက ဘာမှပြန်မဖြေရသေးခင် ဦးကြွိကပဲ ကြားကဝင်ပြီး လျှောက်လိုက်တယ်။ ငသောင်းကြီး အိမ်ဆီ တောင်ဘက်ထဲသွားမယ်လို့တဲ့ ဘုရား။ ငနှောင်းနဲ့ တွေ့ရအောင်။ တပည့်တော်က သင်းတို့ ညီအစ်ကို နှစ်ယောက်စလုံး  ဒီမှာ ရှိတယ်ဆိုတာနဲ့ လိုက်လာတာပဲတဲ့။ တိုက်အုပ်က ဟကောင်ကြီး ဒီလာ ဒီလာလို့ လှမ်းခေါ်လိုက်တယ်။
          ချမ်းသာအိုးက သပ်သပ်ရပ်ရပ်ရယ်ပဲ။ ရေမိုးချိုးထားပုံရတယ်။ စွပ်ကျယ်လက်ပြတ် ဖြူသန့်သန့်ရယ်နဲ့။ ဦးကြွိကတော့ ဆွမ်းစားကျောင်းပေါ် မတတ်တော့ဘဲ နောက်ဘက်ထဲဆီက သူ အိပ်တဲ့ ဆွမ်းချက်ရုံ နံဘေးက တဲဆီ တန်းသွားတယ်။ချမ်းသာအိုးကတော့ အသာလက်အုပ်ချီပြီး ဆွမ်းစားကျောင်းထဲဆီ တက်လာတယ်။ ပြီးတော့ ဘုန်းကြီးလေးနဲ့ မျက်နှာချင်းဆိုင် ခပ်လှမ်းလှမ်းမှာ ထိုင်လိုက်ပြီး ဦးချလိုက်တော့တယ်။ ဦးလေးသောင်းတို့ ညီအစ်ကိုနှစ်ယောက်ကတော့ ပြုံးပြလိုက်ကြရင် အနေမပျက်ကြဘူး။ ချမ်းသာအိုးက ဦးချုလိုက်ရင်း ပါးစပ်ကလည်း ရွတ်လိုက်သေးတယ်။ ဘုရားကိုးကွယ်ပါ၏၊ တရားကိုးကွယ်ပါ၏၊ သံဃာကိုးကွယ်ပါ၏ တဲ့။ တိုက်အုပ်ကတော့ ပြုံးနေတယ်။ စိတ်ထဲမှာတော့ ငါ့တပည့်တွေက မေ့လျော့ခြင်း မရှိကြဘူး ရယ်လို့ တွေးရင်း ကျေနပ်လိုက်မိပုံရတယ်။ ချမ်းသာအိုးက ဘုန်းကြီးလေးကို ဦးတည်ပြီး ဦးချပြီးသွားတော့ ထိုင်နေရာက အထိုင်ပြင်လိုက်ရင်း ဒေါက်တာနှောင်းကြီးဘက်ကို ဦးတည်လိုက်တယ်။ ပြီးတော့မှ ဆရာနှောင်းကြီးကို ကိုးကွယ်ပါ၏ လို့ ပါးစပ်ကရွတ်ပြီး ဦးသုံးကြိမ်ချပြန်တယ်။ ဒေါက်တာနှောင်းကြီးလည်း အငိုက်မိသွားသလိုဖြစ်သွားတယ်။ အူကြောင်ကြောင်ဖြစ်သွားတယ်။ ဒေါက်တာနှောင်းမှ မဟုတ်ဘူး။ တိုက်အုပ်ရော ဦးလေးသောင်းပါ အူကြောင်ကြောင် ဖြစ်သွားကြတယ်။ ဒေါက်တာနှောင်းကြီးကတော့ တိုက်အုပ်နဲ့ ဘေးချင်းတိုက်လောက်က သင်ဖျူးပေါ်မှာ တစ်ခြမ်းစောင်းလှဲရင်း စကားပြောနေတာမို့ ဗြုန်းဆို ငုတ်တုတ်ထထိုင်လိုက်မိတယ်။ ကျောင်းတိုင်မှီရင်း ငိုက်တိုက်တိုက်ဖြစ်နေတဲ့ ဦးလေးသောင်းကတော့ မျက်လုံး ကျယ်သွားတယ်။ စိတ်ထဲမှာတော့ ချမ်းသာအိုး ကိုးကွယ်လောက်တဲ့ စာရင်းထဲ  ငါ မပါပါ ကလားရယ်လို့တောင် တွေးလိုက်မိပုံရတယ်။ မိန်းမငယ်ငယ် ယူလိုက်မိလို့တော့ ဖြစ်မယ် မထင်ဘူးလို့ သူ့ဘာသာ စိတ်ထဲမှာ ပြေရာပြေကြောင်း ပြောပြီး ဖြေလိုက်ရတယ်။
          ဒေါက်တာနှောင်းကြီး ခမျာ သူ့ဘာသာ အတော့်ကို မလုံမလဲဖြစ်သွားတယ်။ တိုက်အုပ်ကို လှည့်ကြည့်လိုက်ရင်း ကျုပ်ဘာများ မတော်မတည့်လုပ်လိုက်မိပြန်ပြီလဲလို့ မေးသလိုလိုနဲ့ ပြောတော့ တိုက်အုပ်က အသာပဲ ပြုံးနေတယ်။ ချမ်းသာအိုးက ဦးချပြီးသွားတော့ သက်တောင့် သက်သာဖြစ်အောင် အထိုင်ပြင်လိုက်တယ်။ အားလုံး ငြိမ်နေတယ်။ ဒီတော့လည်း တိုက်အုပ်က သိပ်ငြိမ်မနေနိုင်တော့ဘူး။ ဘယ်လိုကြောင့် ငနှောင်းကြီးက ကိုးကွယ်စရာ စာရင်းဝင်ဖြစ်သွားတယ် ဆိုတာကလေးကလည်း သိချင်သေးတာကိုး။ ချမ်းသာအိုး မင်းကို ဆရာနှောင်းကြီးက ဘာတွေများ ဆုံးမလိုက်လို့တုန်းလို့ တည့်တည့်ချည်း မေးလိုက်တယ်။ ချမ်းသာအိုးက တိုက်အုပ်ကို ကြည့်နေရင်း ဆရာနှောင်းကြီးကို တစ်ချက် လှမ်းကြည့်လိုက်ရင်း လက်အုပ်ကလေး အသာချီပြပြီးကာမှ ဆရာနှောင်းကြီးက ကျုပ်အသက်သခင်ပါဗျ၊ ဘုန်းကြီးရ လို့ ဖြေတယ်။ တိုက်အုပ်ခမျာ အူကြောင်ကြောင် ဖြစ်သွားရုံတင်မကဘူး၊ စတုမဓူလေးများ မမှီဝဲရတာကြာလို့ အထက်ကို လေဆန်သလိုမျိုးဖြစ်ပြီး ပါးစပ်ထဲက ဟ လို့ လေသံခပ်ကျယ်ကျယ် ထွက်သွားတယ်။ ဦးလေးသောင်းကြီးကတော့ ဘာမှကို မပြောသာတော့ဘူး။ သင်းက အသက်သခင်တောင် ဖြစ်သွားပါပကောရယ်လို့ပဲ အတွေးပေါ်လာတယ်။ ဆရာနှောင်းကြီးကတော့ လူကြီးတို့ သိက္ခာ ပြိတ္တာလို ခပ်အိအိနေရတယ် ဆိုတာမျိုးနဲ့ရယ်။ အရယ်မပေါက်လောက်သေးတဲ့ အပြုံးကလေးနဲ့ရယ်။ ချမ်းသာအိုးက ဘုန်းကြီးလေးကို လှမ်းကြည့်ပြီး စကားဆက်တယ်။ ဟိုတလောဆီက ကျုပ်က လောကကြီးကို ကြည့်ပြီး အတော်စိတ်ပျက်နေတာ။ လူတွေ အသေအပျောက်နည်းလာတော့ ကျုပ်ရဲ့ လောကကြီးက ငြီးငွေ့စရာကောင်းလာတယ်။ ဒီတော့ ကျုပ်လည်း နေ့စဉ်လို ဇရပ်ပေါ် အသာလှဲနေရင်း သင်္ချိုင်းကုန်းကို ကြည့်ပြီး ငါလည်း တစ်နေ့တော့ သေမှာပဲ။ တစ်နေ့ သေမယ့်အတူတူ အခုနေ နေကောင်းထိုင်သာရှိတုန်း သေလိုက်ရရင် ကောင်းမယ်လို့ စိတ်ကူးရတာနဲ့ သင်္ချိုင်း အရှေ့ဘက်ထဲဆီမှာ ကျုပ်ကို မြှုပ်ဖို့ ကျင်းတစ်ကျင်းတောင် တူးထားလိုက်သေးတယ်။ ရာသီဥတုကလေး နည်းနည်းများအေးလာခဲ့ရင် အဲဒီထဲ သွားလှဲနေပြီး ကိုယ့်ကိုယ်ကို မြေဖို့ပစ်မယ်လို့ ကြံထားတယ်။ ခုနေတော့ကာ အတော်ကလေး ပူနေသေးတော့ သေမှာမှဖြင့် ပူလောင်လောင်နဲ့တော့လည်း ကျုပ်မသေချင်သေးဘူး။
          ဟ လို့ ဘာရယ်အဓိပ္ပါယ်မပေါ်တဲ့အသံ ဘုန်းကြီးလေးဆီက ထွက်လာပြန်တယ်။ ချမ်းသာအိုးက အပြောရပ်သွားတယ်။ ဦးလေးသောင်းတို့ ညီနောင်ကတော့ ငြိမ်နေတယ်။ စိတ်ဝင်တစားဖြစ်နေပုံရတယ်။ ခဏကြာတော့ ချမ်းသာအိုးက သူ့စကားကို ပြန်ဆက်တယ်။ တစ်မြန်နေ့ဆီက သောင်းရင်တို့တဲဆီကို နောင်ကြီးမူတို့ နောင်ကြီးတာတို့နဲ့ ဆရာနှောင်းရောက်လာတော့ သူတို့ပြောဆိုနေတာတွေကို ကျုပ်နားထောင်လိုက်မိတယ်။ နောင်ကြီးတာတို့ကတော့ ရာသီဥတုတွေ ပြောင်းလာတာ မီးသွေးဖုတ်ဖို့ သစ်ပင်တွေ ခုတ်လို့ တောပြုန်းလာတာတွေ ပြောကြလေရဲ့။ ကျုပ်က အဲဒါတွေ စိတ်မပါဘူး။ မပါဆို အဲဒါတွေက ပုဂံခေတ်ကတည်းကလို့ ကျောင်းဆရာကြီးတွေက ပြောဖူးတယ်။ ကျုပ်က ဆရာနှောင်းကြီး ပြောတဲ့ အထဲက ကျုပ်နားဝင်သွားတာ ရှိတယ်။ အဲဒါက ခုခေတ်က ဂယောင်တွေခေတ်ကွ ဆိုတာပဲ။ ဟုတ်သမို့လားဆရာကြီး လို့ ပြောပြီး ချမ်းသာအိုးက ဆရာနှောင်းကြီးကို လှမ်းကြည့်ရင်း မေးလိုက်တယ်။ ဆရာနှောင်းလည်း ပြေးမလွတ်တော့ဘူး။ သူ့စကားနဲ့ သူ မိနေပုံရတယ်။ မသိမသာ ခေါင်းညိတ်ပြလိုက်တယ်။ ဆရာနှောင်းကြီးက ပြောသဗျဆိုပြီး ချမ်းသာအိုးက စကားဆက်ပြန်တယ်။ ဟုတ်၏ မဟုတ်၏တော့ မသိဘူး။ အဲဒီ ဂယောင်တွေ မှန်သမျှက လူစွမ်းကောင်းတွေချည်း ဖြစ်လာကြတော့တာကိုး တဲ့။ အင်္ဂလိပ်ခေတ်မှာ ထိပ်တုံးခတ်ခံရတဲ့ ကောင်မှန်သမျှ လွတ်လပ်ရေးရတော့ လွတ်လပ်ရေးအတွက် တိုက်လာတဲ့မျိုးချစ်တွေ ဖြစ်ကုန်ရော။ ဂတ်မှာများ အချုပ်ကျခဲ့ဖူးရင် ပိုတောင် နေရာရသေး။ ထမီရုတ်လို့ပဲ ကျကျ ဘာကြောင့်ကျကျ၊ ဒီကြားထဲ ဆရာစံမျိုးဆက်ဆိုတာက ပေါ်လာသေး။ ဘာများတုန်းဆိုတော့ ဆရာစံကြိုးမိန့်ကျတဲ့နှစ် မွေးတဲ့ကောင်တွေ။ ဘာမှတော့ ဆရာစံနဲ့ မဆိုင်ဘူး။ ဘာမှလည်း ကြီးကြီးကျယ်ကျယ် လုပ်ခဲ့တာတော့ မဟုတ်ဘူး။ ဟောကြည့်၊ မင်းတို့ဆီ ဆယ်အိမ်ခေါင်းဖြစ်လာတဲ့ ငထွား။ ဆရာစံမျိုးဆက်ဆိုပြီး ကြွေးကြော်ရင် ဆယ်အိမ်ခေါင်းဝင်ဖြစ်တယ်။ နေရာရာတယ်။ သူကြီးမဖြစ်တောင် ဆယ်အိမ်ခေါင်းတော့ ဖြစ်တယ်။ အရပ်ကလည်း ညံ့တော့ ယုံတယ်။ ခုတော့ကာ ဂယောင်တွေ မှန်သမျှ လွတ်လပ်ရေးအတွက် တိုက်လာတဲ့လူချည်း ဖြစ်ကုန်တာပဲတဲ့။ ဒီမှာတင် ကျုပ်လည်း အတွေးပေါက်သွားတာပေါ့ ဘုန်းကြီးရလို့ ချမ်းသာအိုးက သူ့လျှောက်လဲချက်ကို နိဂုံးချုပ်လိုက်တယ်။
          တိုက်အုပ်စိတ်ထဲမှာတော့ ငါ မေးလိုက်မိတာ မှားပေါ့လို့ တွေးကောင်းတွေးနေလိမ့်မယ်။ တကယ်တော့ ခုဟာက ဧဝံမေသုတံပဲ ရှိသေးတာပဲ။ ဧဝံမေသုတံကနေ ရှေ့နားတော့ ဆက်မှ၊  ဇာတ်ရည်လည်မှာကိုး။ မင်းက ဘာတွေများ အတွေးပေါက်ခဲ့တာတုန်း ဟကောင်ရ လို့ ဘုန်းကြီးလေးက လှမ်းမေးလိုက်တယ်။ ချမ်းသာအိုးက ကိစ္စပြီးလို့ ထပြန်တော့မယ် လုပ်နေရာက ဘုန်းကြီးလေးကို ကြည့်ပြီး လက်အုပ်ချီတယ်။ ရယ်ကျဲကျဲနဲ့ ပြန်ဖြေလိုက်တယ်။ ကျုပ်ကိုလည်း သူကြီးဦးနီက သူ့အိမ်နောက်က တင်းကုပ်မှာ တစ်ညချုပ်ထားဖူးတယ်။ အဲဒီတုန်းက ကျုပ်က မူပြီး အဝတ်မပါဘဲ လမ်းမှာလဲနေလို့။ အဲဒီတုန်းက လွတ်လပ်ရေးမရသေးဘူး။ ဒီတော့ ကျုပ်လည်း လူစွမ်းကောင်းစာရင်းထဲ ပါလောက်တယ်မဟုတ်လား ကိုယ်တော်။ အလကားကောင်တွေ နေရာရလာကာမှ ကျုပ်လို အလကားကောင်ကဖြင့် သေဖို့မသင့်သေးဘူးလို့ ကျုပ်တွေးလိုက်မိတယ်လို့ ပြောပြီး ဝတ်ချလိုက်တယ်။ ဘုန်းကြီးလေးကတော့ ဘာမှပြန်မပြောတော့ဘဲ သာသာပဲ ပြုံးနေတယ်။ ချမ်းသာအိုးက ဆရာနှောင်းကြီးဘက် အသာလှည့်ပြီး ဝတ်ချလိုက်ပြန်တယ်။ ဆရာနှောင်ကြီးက ဘာမှမပြောပေတဲ့ ဘာအဓိပ္ပါယ် ရှိမှန်းမသိရတဲ့ အေ အေ လို့တော့ ပါးစပ်က ထွက်လာတယ်။ ချမ်းသာအိုးက ထိုင်ရာက ထလိုက်တုန်း တစ်ခုခု သတိရသွားပုံရတယ်။ ဆရာနှောင်းကို လှမ်းကြည့်လိုက်ရင်း ကျုပ် နာသွားသဗျာလို့ ပြောလိုက်တယ်။ ဆရာနှောင်းက ဘာမှ ပြန်မပြောရသေးခင် ဘုန်းကြီးလေးက ဘာများတုန်းကွလို့ ဝင်ပြောတယ်။ ချမ်းသာအိုးက ပြောတယ်။ အဲဒီလိုမှန်းသိရင် ဂတ်ရှေ့ကအုတ်နံရံကို ကျုပ်သွားပြီး သေးနဲ့ ပန်းပါသော်ကော။ ကျုပ်မှန်းသိအောင် နေ့ခင်းကြောင်တောင် သွားပြီး ပန်းမှာ။ နှစ်ရက်လောက် ချုပ်ထားမှာကတော့ သေချာတယ်။ အကြောင်းများသင့်ခဲ့ရင် ဂေါ်ယာဆာသင်ကြီးက နားရင်းရိုက်တောင် ခံရဦးမှာ။ အဲဒီလိုများ ဖြစ်ခဲ့ရင် ဒဏ်ရာကလေးတပြပြနဲ့ဆို အရပ်ထဲက မိန်းမတွေက အတော်သနားကြဦးမှာတဲ့။ ပြောပြီးတော့ ချမ်းသာအိုးက ထွက်သွားပါလေရော။ တိုက်အုပ်နဲ့ ဆရာနှောင်းလည်း ဘာမှထပ်မပြောတော့ဘူး။ ကျောင်းတိုင်ကို မှီပြီး နားထောင်နေတဲ့ ဦးလေးသောင်းကြီးပဲ လှုပ်လှုပ်ရှားရှားဖြစ်လာတယ်။ လက်နှစ်ဖက် မြှောက်ပြီး အပျင်းကြောဆန့်လိုက်တယ်။ ပြီးမှ မင်းနှယ်ကွာ၊ ငနှောင်းရာ လို့ လှမ်းပြောလိုက်တယ်။ တကယ်တော့ ဦးလေးသောင်းပြောတဲ့ စကားက မပြည့်စုံဘူး။ အနက်လွယ်လွယ်ဖော်လို့ မရနိုင်ဘူး။ ဘယ်အပိုင်းက ဘယ်ဟာကို “ မင်းနှယ်ကွာ” လို့ ပြောတယ်ဆိုတာကို အသေအချာပြောလို့ မရဘူး။ သို့ပေသိ ဆရာနှောင်းကြီးက ကမ္ဘာပေါ်မှာ တန်းကုန်အောင် တတ်ခဲ့လို့ ဒေါက်တာဘွဲ့ဆိုသလားပဲ ရထားတဲ့လူ။ ဒီတော့ နားလည်တယ်။ သဘောပေါက်တယ်။ ချက်ချင်းပဲ သူ့အစ်ကိုကြီး လှည့်ကြည့်လိုက်ပြီး ပြန်ပြောလိုက်တယ်။ ကျုပ်ကတော့ ခင်ဗျားလို မိန်းမငယ်ငယ်ယူထားတာ မဟုတ်လေတော့ ကျုပ်ပြောတာကို အဲသလို နားလည်လိမ့်မယ်လို့ မတွေးမိဘူးဗျ။ အတွေးမှောက်လို့ ဘေးရောက်သွားတာကတော့ ကျုပ်အပြစ်မဟုတ်ဘူးတဲ့။ ဦးလေးသောင်းကြီး စိတ်ထဲမှာတော့ ပြောပြီးကာမှ ငါတော့ မှားပြန်ပါကောလို့ သတိရလိုက်မိလိမ့်မယ်။ နောင်တဆိုတာကလည်း နောင်ကာမှ ရတတ်တာဆိုတာမျိုးကိုး။ ကြိုရနေရင် ကြိုတလို့ ခေါ်ရမှာပဲ။ အဲဒီလို ခေါ်ပြန်ရင်လည်း အဓိပ္ပါယ်တော့ သိပ်ရှိလှမှာ မဟုတ်ဘူး။ အမှားဆိုတာမျိုးက အနာဂတ်မှာမှ မရှိဘဲ။ အတိတ်ဆီမှာ ချည်းပဲ။
          ဘုန်းကြီးလေးကတော့ ဘာမှ ဝင်မပြောတော့ဘူး။ သာသာ ပြုံးနေတယ်။ ပြီးမှ ရှေ့နားဆီက အေးစက်နေတဲ့ အကြမ်းအိုးထဲက ရေနွေးကြမ်းကို အကြမ်းခွက်ထဲ ငှဲ့ထည့်လိုက်ပြီး မော့သောက်လိုက်ရင်း ပလုတ်ကျင်းလိုက်တယ်။ နောက်တော့ မျိုချလိုက်ရော။ လက်တစ်ဖက်နဲ့ ရေနွေးကြမ်းလင်ပန်းကို အသာတွန်းပြီး ဒေါက်တာနှောင်းကြီး ရှေ့နားဆီ တိုးပေးလိုက်တယ်။

မြင့်သန်း
ချင်းတွင်း မဂ္ဂဇင်း
အမှတ် ၇၅၊ ဒီဇင်ဘာ-ဇန်နဝါရီ၊ ၂၀၁၂-၂၀၁၃

Featured Post

ကဗျာအဖြစ် ရေးထားတဲ့ နိုင်ငံရေးနဲ့ နိုင်ငံရေးကဗျာ

လန်းပန်ဘက်ဆီကပြန်တော့ ဖတ်စရာတွေ တွေးစရာတွေ ပါလာတယ်။ အမှန်မှာတော့ အဲဒီမှာ တွေ့ခဲ့တဲ့ ဆရာကြီးရဲ့ကျေးဇူးပဲ။ သူနဲ့က အဲဒီကျမှ တွေ့ရသိရတာ။...