Posts

Showing posts from June, 2014

လမလို ည (မြင့်သန်း)

Image
ကျစ်လုံးရယ်၊ ဖြူလေးရယ်၊ သာမောင်ရယ်၊ ဂျိုကြီးရယ်၊ ကျွန်တော်ရယ် လသာတဲ့ညဆို မြစ်စပ်ကို သွားကြတယ်။ မဟုတ်လည်း ဘုန်းကြီးကျောင်းနောက်ဖက်က ချောင်းစပ်ကိုသွားကြတယ်။ ဘာရယ်မဟုတ်ဘူး။ ညဖက်ထမင်းစားပြီးတော့ ဘာမှလည်း လုပ်စရာမရှိဘူး။ တစ်ခါတလေတော့ ကျစ်လုံးနဲ့ ဂျိုကြီးက ငါးမျှားတယ်။ သူတို့ ငါးမျှားနေရင် ကျွန်တော်တို့က ကမ်းစပ်မှာ ပက်လက်လှန်လှဲရင်း စကားပြောကြတယ်။ ပြောတာကတော့ အစုံပဲ။ ကမ္ဘာကြီးက ဘာလို့ လုံးနေရတာလဲ။ လေးထောင့်ဖြစ်ရင်ကော လည်နေဦးမှာလား။ ဦးဘိုးထွန်းကြီးက ဘာလို့ ချမ်းသာရတာတုန်း။ ငယ်ငယ်က မြို့မှာ ကျောင်းသွားတက်ဖူးလို့လား။ စကားပြောတယ်ဆိုတာထက် မေးခွန်းထုတ်နေကြတာများတယ်။ အစားကြိုက်တဲ့ သာမောင်ကတော့ ဘုန်းကြီးပွဲကျကလေးကို စမြုံ့ပြန်တယ်။
တစ်ခါတလေ တိုက်အုပ်က ဟကောင်တွေ လာစားကြချေလို့ ခေါ်ကျွေးတာမျိုးကို ဒီကောင်က မျှော်နေတာ။ အစားကောင်းကောင်း စားရအောင် ငါလည်း ဗိုလ်ဥာဏ်လို တိုက်အုပ်ဖြစ်အောင် လုပ်မှပဲလို့ ပြောလေ့ရှိတယ်။ အဲဒီကျရင် ကျွန်တော်တို့ သူ့ကို ဟားကြရော။ ဖြူလေးက ဟကောင် သာမောင် ဗိုလ်ဥာဏ်က စာတတ်တယ်ဟ။ မင်းလို လေးတန်းမှာ လေးနှစ်နေရတာ မဟုတ်ဘူးလို့ ပြောလေ့ရှိတယ်။ သာမောင်က ဘယ်ခံမလဲ ငါ လေးတန်းမှာ နှစ်နှစ်ပါကွာ။ န…